黑仔~
今日下午o係屋企整左沙律, 好大盤~ 好似好好味咁~
夜晚同屋企人食外賣車仔面, 朋友食完飯就o黎我屋企幫我裝新買既dvd writer, 因為我原本既dvdrom唔work... 整左兩個鐘, 試左好多個combination, 又用埋我部舊機試, 都係唔得, 結論應該係新既dvd writer有問題, 舊既應該都有問題, 因為就咁駁電都唔著... 嗚... 要拎返去換, 真係黑仔... 阻左朋友成晚... ~_~
食煙
前幾日去打機, 隔離果個女仔係咁o係度煲煙, 仲係咁吹d煙過o黎我度. 打機打得好辛苦..
令我唸起食煙呢個話題, 由始至終, 我對食煙都非常抗拒, 可以話從來都無唸過要接受食煙係好的, 或者亦都無唸過自己要食煙, 或者會食. 對於身邊人, 細個既時候有亞麻同老豆食煙, (亞麻而家戒左, 一支都無食, 因為住安老院), 大個左之後都見過有朋友食煙. 由細到大, 我都會叫老豆唔好食的. 至到而家, 我都唔知有幾多次因為食煙而"罵"老豆. 所謂罵, 唔係xyz果d, 只係好唔開心點解明知呢樣野咁影響健康, 印象, 都仲係要去食. 而家都有好多報導或科學根據證實左食煙係會影響人健康架啦. 點解d人仲要係咁食呢? 我試過平心靜氣問過老豆, 佢都答唔到我. 我亦試過問朋友, 朋友只係話可以減壓. 其實眾所周知, 減壓都唔係淨係得食煙呢個方法姐, 正如想做好一件事情, 都有好多方法架, 你可以唸幾個方法, 然後比較一下邊個方法最好, 就用果個方法o黎解決. 而家想減壓, 都有好多方法姐, 食煙又影響健康, 又影響個人形象, 又影響俾人既印象, 講真, 知道一個人食煙, 會o係心入面扣好多分的. 至少我係.. 既然係咁, 點解仲有咁多人選擇食煙?!
心癮? 發洩情緒? 我唸... 歸根究底, 都係同自我抑制能力有關, 如果真係立心要唔食, 一定可以做得到. 就好似, 想點煙既時候, 轉而食香口膠, 強迫自己唸一d食煙既嚴重後果等等... 只要你習慣左咁樣做, 就算唔可以好快咁戒到煙, 都一定可以食少好多...
立心呢個問題, 我都明白唔係一朝一夕的, 一定要有人支持, 有人協助, 報紙上都有一d方法推介, 都係有多人成功過既例子, 例如:
1. 俾你既朋友同屋企人知道你要戒煙, 等佢地有機會提醒你.
2. 隨身攜帶可以代替煙而放入口既野食, 如香口糖, 硬糖等等.
3. 記著, 如果自己成功戒到煙, 身邊既人會非常的替你高興.
食緊煙既朋友, 積極開始戒, 好無?
計劃 + 做漏野
粉嶺? 元朗? 定係真係學車呢?? ^3^
今日o係屋企睇左日式麵包王, 又睇左一集亂馬, 中午出左去同媽咪飲茶..
但係我今日竟然唔記得做樣好重要既野.. 就係test中六聯招中心同emb既網頁... 嗚嗚... 唔好意思呢... 仲要麻煩到副校長幫我睇份資料, 然後講個步驟俾我聽點做, 點知個account有問題入唔到, 啦啦臨打電話去問... 之後等左個幾鐘先收到email, 睇到份資料, 原來... 係副校長講錯左俾我聽... 應該係"l", 唔係"1"... 都好難怪... 我都係仔細睇先分到兩者既分別... 好彩之後都攪掂左... 鬆一口氣... 不過時間已經係夜晚6點啦... 無睏過晏覺...
焗飯前菜 + 雪糕正餐
今日早上返工, 下午放假, 早上都無做到d咩. 下午就返左屋企睏覺, 夜晚出左去旺角買dvd writer同埋dvdrw, 同埋同朋友去買shirt. 又去左商務唸住買電腦書, 不過竟然無貨, 如果要訂又要10幾日, 淨係得沙田有, 仲要得返一本... 慘... 都唔知點算好... 之後就去左尖沙咀食好好味既番茄湯意粉同埋焗飯, 仲有"煎雙蛋", 嘻嘻... 好鍾意食蛋, 又好鍾意番茄湯... 呢個只係我地既前菜, 食完之後就去左打兩鋪機, 就正式食我地既正餐啦, 就係haagen dazs雪糕, 嘻嘻~ 呢個主菜唔錯呢... 食完之後好飽好飽... 就搭車返屋企lu~ 朋友話想篤波波, 搵日我地去玩呀... 呵呵!!
聽日開始放假啦~ Yeah!!
工作13小時
今日係對3a既last day, 派成績表, 收通告, 結業禮, 訓勉, 影相, 嘻嘻哈哈. 班女同學仲想搵我同佢地唱k. 因為我班有一個學生會飛紐西蘭讀書, 所以最後我地將果支"整潔比賽第一階段季軍"既錦旗簽晒名送俾果位學生. 最後又影左大合照先走. 我禽晚仲買左份禮物俾男班長, 因為佢全班第一名, 同埋下學期比上學期總平均分進步左10分... 不過估唔到一樣野, 就係最後臨走時, 竟然有個o係開學既時候同我地兩個班主任嗌到水火不相容既同學大聲講"我地全班可唔可以俾一d熱烈d既掌聲俾我地兩位既班主任呀", 之後個個都話好, 之後佢地就拍手... 我同partner就咁接受左佢地既掌聲, 果刻有dd感動, 真係感動... 不過有幾個學生真係黑人憎, 最尾果日仲咁衰格. 聽日註冊佢就知味道!
中午全校老師職員去晒酒樓食飯. d菜又係麻麻地, 食左唔係好多. 胃口麻麻. 同事話我塊面好似又敏感呢.. ~_~ 唔開心.. 都唔知點解咁的. 我細個無d咁既問題架. 唔通又係我新買果d塗面既膏.. 停佢一陣唔用先.. ~_~
食完已經2點幾. 返學校唸住執桌面, 點知之後去左訓導處同同事o係度寫program... 鬥快o係度寫, 佢用delphi, 我用vba... 雖然最後我地都決定唔用個program, 雖然我地放左好多時間落去dup個program出o黎, 但係今次果然令我回憶起好多以前寫vb既function... 發覺其實寫program都幾好玩... given that係有時間同閒情逸緻既話...
攪到5點半, 就差唔多落禮堂set野, 因為今晚係"家長教師會周年晚會", 電腦呀, projector呀果d... d到會既野食麻麻地, 一個二個都已經食左一兩轉野食既時候, 我先岩岩執完d咪呀, 電腦呀, 先開始拎野食... 唉... 胃口麻麻, 心情更加麻麻... 中間有個頒獎, 係家長多謝d老師的, 點知原來搵左每個room既福利官上台代拎... -.-" 完全無唸過要上台... 抽獎環節, 抽左差唔多成90份獎品都無我份.. 嗚嗚.. 我都知自己無抽獎運架啦, 但係唔使咁呀... 我側邊d人都有... 係我無... 心情再麻麻... 不過我發現左樣野, 有某一d人真係好有抽獎運的, 好似次次都有佢份咁.. 真係勁~ ^_^
個function 9點左右完, 又要執野... 個個都已經走晒, 執完之後上返個room, 我好肯定, 全層3樓係得返我一個人o係度, 突然間有種說不出的孤單感, 寂寞感... 突然好想個天落一場大雨...
原本唸住今晚既時間可以開開心心, 不過...... 算啦...
唱k
之前補左兩日課, 可以開始迎接暑假既來臨啦..
禽日同左朋友出去唱k, 好耐未唱過呢, 有好多新歌都唔識唱, 不過總括o黎講好似唱得比之前有進步呀.. ^_^
呢幾日睇左差唔多10集亂馬, 都幾好笑呢~ ^_^ 除左禽日出街之外, 其他時間都係留o係屋企.. 好乖呢~
禽日季軍戰, 德國羸左.. ^_^ 睇到個完場既場面, 都幾感動呢! 今晚意大利加油呀!!
