KFC + 探龜龜 + 睡寶貝 + 買衫褲 + 極之好 + 親愛的"彭彭"
禽日放工後去左上水食KFC, 順便換左多啦A夢既鬧鐘, 嘻嘻!!! 識行的~~ 不過未試到~ 食完KFC之後就去左百老匯睇LCDTV, 40吋最少都要20000蚊左右呢. 都幾貴呀... 不過d畫質又真係幾靚呢...行左一陣上水, 就搭270A去旺角啦... o係車度又合下合下, 都唔係好睏得著...
我地既目的有10個, 所以就啦啦聲啦~ 第一件事我地去左潮流特區探龜龜, 最大果隻龜女仲識打電話叫人帶佢返屋企添... 哈哈!!! 睇左一陣, 就順便行下呢個商場, 見到有好多圈圈鋪頭, 又有好多錶鋪, 我都幾想買隻錶呢, 不過實在太貴啦... 睇下袋, 又睇下衫, 之後就去左第二個地方, 兆萬中心... 多啦A夢"睡寶貝"等左我地好耐lu... 嘻嘻!!! 間鋪頭仲o係度呀!!! 仲有好多生意做添呀! 好開心呢!!! 間鋪頭放左好多聖誕叮噹出o黎... 好可愛呢!!! 叮噹個咀係咁架 --> ^3^... 哈哈... 我地一人一隻睡寶貝, 成個爛睏樣... 似晒你呀!!! 真係好得意!!! 遲d post返d相出o黎先!!! 呵呵!!! 個老闆仲誤會左我地以為我地要兩隻叮鈴. 哈哈!!! 都係你醒!!! Kee Kee... (合唔埋個咀... ^o^)
買完之後就o係條街度行, 買左好多衫衫呢!!! 好野!!! 你有排都可以唔使買褲lu... 哈哈!!! 不過.... 買到過晒時間... 最重要既野都未做呢... 就係去銀行中心呀... 旅行社呀... 唯有下次先啦... ^_^
買左好耐衫衫, 之後就去食極之好, 不過胃口仲係麻麻, 所以食唔到好多~ 但係d伙計都真係幾醒... 哈哈... "飲緊野就唔好git佢啦..." 哈哈!!! 勁好笑... 食完之後就去打機機啦...
而家我唔憎"彭彭"啦... 我好鍾意呢... 哈哈... 雖然都俾人掟中左兩下, 不過我都掟中左人地呀!!! 仲係有得用"彭彭"掟添呀!!! 仲有蛋糕呀!!! 整到人地成面都係!!! 哈哈~~~~~~ 第時屋企要有好多"彭彭"呀!!! Yeah Yeah!!! ^3^
玩完之後, 都夜啦, 要走啦... 我一樣野都無拎到返屋企, 有人驚俾人打劫呢... 嘻嘻!!! 一袋二袋...
今日完成左5件事呀!!! 雖然無做到最緊要果樣, 不過都好開心呢!!! 哇哈哈~~~
posted by Mandy @ 5:21 PM
0 comments
