偏頭痛
今日請左病假, 禽晚好頭痛, 打電話話俾男朋友聽時, 忍唔住喊喊地, 因為真係好痛... 夜晚無食到飯, 飲左半碗湯, 食左兩條菜, 之後全部嘔晒出o黎... 夜晚食左特快panadol都無用, 貼左退熱貼又無用... 個人完全唔想郁, 無力... 連睜大眼都唔想... 屋企既燈光令我覺得好"殘"眼... 電視既聲音令我覺得好煩擾... 有d擔心會好唔返... ~_~
今朝鬧鐘6:30響, 唸住早d起身沖涼, 因為禽晚無沖到... 點知醒時又係好頭痛... 唸緊請唔請假, 因為聽日開始有3日長假, 又唔想d學生咁得閒無野做, 但係心唸如果請4堂假或者半天假, 返到去又係好頭痛咁點算, 咪又係要返屋企... 所以最後都決定左請全日, 一早醒時打左4個電話, 交帶返今日要做既野俾d同事聽, 再加埋打電話俾副校長請假...
呢兩個星期已經請左兩日假啦... 我印象中上年又係10月11月12月時病左好耐的... 唔通我真係身體差左?! 得閒時要的起心肝去做body check先得...
頭痛
呢幾日都好頭痛... 個喉嚨又好似損左咁... 應該係因為之前連續嗌左6堂書... 睏又睏得唔好... 都唔知點解~
今日返學, 同同事傾左一陣計, 佢話加油呀mandy, 仲有3日捱咋, 就有3日既假期啦... 原來係因為佢o黎緊果三日會同老婆同埋個仔去長隆玩... 三日兩夜... 真係羨慕死我啦... 可以去旅行... ^_^
無聊...
唔記得講, 禽晚返屋企途中, 聽903森美... 佢講左好耐 "你咬我食呀?!", "我jap硬你呀!"... 開頭都幾好笑... 笑得兩笑就覺得好無聊... =.=" 果然係森美!!!
Sweet
今日下午時, 老豆同媽咪特登留左張報紙俾我睇... 我原以為係d咩大新聞要我留意下咁, 點知... 原來係黑人牙膏買兩支有得送一套四隻既烘焦麵包碗, 當我見到張報紙果刻, 真係好意外... 媽咪問我鍾意邊隻... 之後我就答... 4隻都換晒得唔得呀... 媽咪話我貪心, 如果要換晒4隻, 就要買差唔多10支牙膏先得... 佢話唔肯呢... 一係就要我自己俾錢... =.="
下午去左食tea, 好耐未食過呢... 正!!! 之後睇左日式麵包王3集, 同埋食左好多薯片, 又食左冰皮燕窩月餅, 仲有果汁... 好豐富呢!!! 之後唸住睏覺的, 但係唔知點解睏唔著... o係床度郁左好耐都睏唔著... ~_~" 唯有起身打左兩鋪機... 好難打呢...
今晚... 好sweet... 有人發夢聽到謝霆鋒打電話o黎問電腦野!!!!!! 哇哈哈!!!!!!
