新年快樂... 新婚快樂~~
今日2005年啦... 新年快樂~~
今日好乖o係屋企睇電視, 因為無線做籌款活動... "滔滔千里心"好正... d歌詞好感人..
夜晚要去飲, 所以扮靚靚... ^_^... 約左人一齊去, 不過遲左少少... 好彩仲有得影相呢... 新娘有條粉紅色晚禮服好靚呀, 個背脊係空架.... 新娘好瘦...好靚呀...~~ 去到影左幾幅相就坐低啦.. 朗庭d野幾好食呀... 唔錯.. 食到一半就睇video.. 之後再食一陣, 之後就有個環節係新郎企o係後面唱歌, 係張國榮既"追".... 唱緊既時候, 在場差唔多有廿幾三十個男士拎住一枝粉紅玫瑰上台送俾新娘, 之後最後就新郎拎住一束送俾新娘.. 呢段真係最正呀... 一定超級感動呢... 個新娘好似喊呢.... 如果我第時都有一段咁感動既... 咁就好啦....
之後食到咁上下, 同人影相, 玩電話相機..... 同同事傾下計笑下咁...
差唔多11點就走lu... 好彩仲趕得切聽叱吒最後三個大獎... 返到屋企就12點lu.. 啦啦聲開電視睇埋果少少叱吒.. 古巨基果段都幾感動呀.. 攪到我都有dd想喊...
今日下午既時候聽左劉浩龍既一首歌.. 我好鍾意d歌詞.. 佢都唱得幾好聽呀. 個歌名係"緋聞男友"..
緋聞男友 劉浩龍
作曲：徐偉賢
填詞：黃偉文
監製：James Ting
誰都猜到我喜歡你吧 時常發現我熱心開車送你歸家
你背後有人在說 我沒回家 可惜我沒留下 未曾垂下你窗紗
人家怎講 我不管也罷 而我在意似假的可以變真嗎
到處亦有人撞過 我在和你交往 很多緋聞可惜和你意願略有偏差
＊傳聞在說你正跟我 秘密拍拖 然而預知了後果
手也未夠膽拖 要是你心可以容納我 何必一拖幾季還是再拖
傳聞又說你會給我 點唱愛歌 來回地聽了十遍
都不似送給我 當有人說你 極其襯我 在那一刻先最難過
毋須祝福 我早知結局 傳我共你被講多幾次也心足
暗裡若有人問我 會認和你一對 這種虛榮 即使無法兌現 未算委曲
Repeat ＊
傳聞在說你正跟我 秘密拍拖 然而預知了後果
手也未夠膽拖 要是你心可以容納我 何必一波幾折還沒結果
傳聞又說你會給我 點唱愛歌來回地聽了十遍
都不似送給我當有人說你 極其襯我面帶歡喜心裡難過
問我該怎麼慶賀
急救班最後一堂
今日係最後一堂急救... 點知有人遲到... 個亞sir就講左d貼士俾我地聽, 叫我地要注意... 之後就各自各練CPR同埋包紮, 我練左兩次成人同BB既CPR, 人地仲未返o黎, 咁我就坐左o係側邊睇書, 睇左廿幾頁, 順便抖一陣, 因為做成人既CPR既時候, 跪到個膝頭哥好痛, 又瘀....
之後就練包紮.. 之後食飯, 返到去又係包紮同CPR, 到4:00PM就做多一次mock筆試.. 點知錯左好多呢... 返到屋企都係要睇下書先得.... 到5:00左右就走lu....
今日去左商務買左本書, "愛, 錯在哪裏", 不過都未得閒睇, 我而家仲未睇晒"你在天堂裏遇見的5個人", 仲有急救書未睇... 本書66蚊... 好貴....
o黎緊既係新既一年... 唔知點解我都係覺得無咩氣氛, 無咩特別興奮既心情... 不過不變既係, 我都希望下一年會好d既~~ 仲有, 就係唔好再有天災人禍.... 我今日都捐左少少錢架... 希望可以幫助到一個受難既災民吃到一口溫暖既飯都好........ 我都會為佢地祈禱!!
急救班第三堂
今日第三堂啦... 今日好眼睏呢... 今朝睇左個video, 係4級的... 都幾恐怖, 不過由於我只係睇得3分1 個電視, 所以我都唔係好feel到好恐怖, 不過我知都好血淋淋.. 因為係醫生同人做手術既片o黎既... 不過睇緊片既時候, 我差d睏著呢...
朝早個亞sir講, 話我第一堂個測驗合格呀.. 係第一日上急救堂之前做既, 我30題錯9題呀... 不過都係好彩咋~ 之後佢就o係度啦啦聲教包紮, 教晒手呀腳呀.. 流血呀, 骨折呀咁. 亂到七彩... 佢都好求其下.... 都唔安排下個次序教, 醒起包咩就教咩.... 攪到我地都亂晒... 衰就衰在, 有d同學係咁o係度問野, 個亞sir講緊佢就o係度傾計, 個亞sir岩岩講完佢就問... 我已經夠亂架啦... 點知俾佢攪一攪就仲亂.... 唉..... ?.?..... 仲要個亞sir開始示範既時候, 我原本係企o係個高miss前面, 之後佢企下企下, 迫下迫下之後, 佢就已經企左o係我既前面, 之後仲要過埋我隔離果個既前面... 真係俾佢激死....
下午返到o黎, 個亞sir就幫我地逐個逐個睇CPR, 唉... 衰到貼地... bb果個都好, 成人果個就真係好唔掂.. :( 有d mark左灰色既步驟如果衰左佢會tick一tick, 灰色果d係代表一錯就fail呀.. 我... 佢差唔多tick左我成5個灰色既步驟呀... 唉... 仲有其他扣分果d都有幾個... 慘啦.... 今次我實fail都得啦... 佢話我吹氣吹得唔夠, 又漏氣, 搵位壓心又搵錯, check呼吸又唔好, check circulation又唔好.. 嗚... 唔知點算... 勁down.....
最後自己坐o係度練包紮, 練到5點左右就走lu.... 聽日又係咁呀... 因為佢已經教晒所有野啦.. 聽日會有個新亞sir喎....
今晚同屋企人o係屋企打邊爐, 亞哥都返左o黎... 食到好飽呢.. 之後同亞哥玩"吉野家", amanda借左俾我啦... 唔該晒.... 都幾好玩呀... 我同亞哥都玩得好開心呀! ^_^
急救班第二堂
今日急救班第二堂, 今朝好累呢.. 好唔想起身, 個被窩又暖, 又舒服, 外面好凍.. 不過都係要起身, er到7:59就啦啦聲起身lu... 可憐..
今日成日教左包紮, 包紮6樣野, 不過都唔係好記得清楚呢, (夜晚搵亞媽做experiment, 不過包腳好似包得錯錯地, 又樣樣地衰.... -.-") 朝早包左腳背同腳跟, 又好似講左一陣書, 之後就12:15放食飯lu.. 去左元綠食... 好好味~~
下午就學左包三角巾, 包肩同埋手, 包o係肩果個就好似係手腕前有事, 包手果個就似係手腕後有事. 仲有包頭同埋包拳頭..... 之前又好似間左一陣書... 就係最眼睏果段時間啦... 食飽左個人特別累.. 果度又無咩空氣流通, 又細, 我又要坐地下坐足全日, 隻腳同腰都好累...
包完晒終於到放學啦... 好開心~~ 有得返屋企啦~~
返到屋企坐左一陣又睇左一陣書就食飯啦... 食完飯就唸住坐床睇下書.... 點知, 又係不由自主地睏左o係度... 最後仲sir低左......... 睏埋..........Zzz....
睏呀睏.... 一路睏到9點9啦啦聲起身, 因為唔可以睏得太多, 我由聖誕假起都未做過notes呀... 應該要係時候做下野啦... 個急救亞sir又叫我地要睇書同睇vcd呀.... 我又要睇小說, 又要打notes, 又要睇vcd, 又要睇書.... 又要食飯.... 又要睏覺...... 邊做得咁多野喎~~~~ 嘻.......
最後都係揀左打notes.... :(
急救班第一堂
今日第一日上急救班, 都幾好玩呀.. 真係學到野呀... 有好多野之前都係唔知的..
今日學左4個B: Breathing, Bleeding, Breakage, Burn
今日教左兩個B, 仲有教左成人同埋bb既CPR, CPR既全寫係Cardio-pulmonary Resuscitation, 都係唔知咩o黎??? 唔使緊張, 等我話你知啦... 就係"心肺復甦法"啦.... 勁呢... 有聽書架!!!
d步驟都幾多架... 都驚自己記錯呀... miss左一個就可能fail架啦... practise既時候都驚驚地呀... 驚做錯野呀....
不過總括o黎講都幾好玩..
今日去左又一城pacific cafe睇左一陣書, 同埋玩左scramble呀... 我好耐未玩過scramble啦.. 仲有, 我都未試過o係街既cafe度同人捉琪既... 感覺幾新鮮呀! ^_^
之後去左kfc食野, 之後就同lansoc 3個"俊男"去amc睇"功夫", 都幾好睇幾好笑呀... 真係有d驚喜呀! 唔錯唔錯! 走既時候同richard一齊搭火車, richard仲送我返屋企呢... 唔該晒richard! 唔該晒7爺!! :P
<你在天堂裏遇見的5個人> 金句集
金句1:
沒有一個生命是毫無意義的, 只有當我們覺得孤獨的時候, 我們才是在浪費自己的生命.
金句2:
就是亞當第一次在地球上過夜的時候, 當他躺下睡覺的時候, 他以為一切都結束了, 他不知道什麼是睡覺, 他的眼睛要合攏上, 他以為他要離開這個世界了. 當然他不會離開, 他第二天早晨醒來, 一個嶄新的世界等待著他去開拓, 而且他擁有了另一樣東西, 他擁有了他的昨天.
金句3:
有時候, 當你犧牲了一件寶貴的東西, 你其實並沒有真正地失去他, 你只不過將他傳遞給了另一個人.
Boxing Day!
呢排睇緊本書"你在天堂裏遇見的5個人"..
有句說話:
沒有一個生命是毫無意義的, 只有當我們覺得孤獨的時候, 我們才是在浪費自己的生命."
我問自己, 我真係有感覺過孤獨, 但係我有時真係咩都唔想做, 因為我覺得累.. anyway, 我都要再努力d令我自己活得精彩!
呢個聖誕節, 都過得幾開心, 雖然無前幾年過得咁忙, 但係有時o係屋企靜靜地過, 都未嘗唔係一件壞事既~ 不過我都好多謝你俾左一個不錯既聖誕節我!
但係今年就無咩禮物收呢~ 只係得媽咪送俾我既聖誕鐘金莎朱古力咋... 無其他啦~
今晚同媽咪daddy去左食牛扒... 當係我請屋企人食既聖誕大餐呢~~ 好飽~~~
