Six Sigma
今日原本去聽seminar的, 關於six sigma. 我都問過d同事, 佢大約話左我知six sigma係關於d咩, 我唸我都係知道個大概就足夠架啦.. 個主辦單位唔係好掂, 轉左地點, 又send email, 又打電話, 又send 13個sms... 有無攪錯呀!~ 真係過份..
3a既事, 希望可以好快就明朗化!~ 3a學生們, 我都想你地好的~
今日學到一句: "Never Say Never", 雖然之前已經知道有呢句既存在, 不過而家先真正的明白呢句說話既意思~
心誠有心的老師, 我們一起加油!
心誠校園電視台啟播啦...
心誠校園電視台啟播啦... 今日lunch既1:00-1:45pm... 勁呀~ 雖然都幾亂下, 雖然都做得幾激氣下, 但係始終都叫做無咩大問題發生... 都叫做順順利利啦~
今日又7堂, lunch又做校園電視台啟播節目..... 攪到.....今朝11:30先食我既早餐包, 4:00先食我既lunch面... 令我意外既係, 我碗放左3個幾4個鐘既面都仲有湯o係度~~ 勁~
今朝真係好興... 心情好差... 做到死死下, 停都無得停下, 坐都無得坐低既時候, 朋友又俾我一個"提點".... 我知你係為我好, 提醒我要做得好... 老細要咩就做左老細認為重要既野先..... 大佬呀!~ 我識分身咩!!!!
黎明Crazy Classic演唱會 + 游水 1100m
今個星期真係好累.. 係精神上既累~ 識我既朋友都知我係好需要好需要睏覺既人... 但係今個星期都睏得唔夠, 需要係一撻落床就睏著左, 但係真係好唔夠呢... 朝朝起身既時候又有返想打電話請假既念頭呢~
3a真係好多問題, 個新老師既問題有排攪... 禽日家教會, 有個我班既同學既家長o黎同我傾左成大半個鐘, 之後仲搵埋校長講... 希望個問題可以盡快解決, 我聽完之後都覺得有d心up, 不過就算你地幾曳, 我從來都無放棄過你地的!!
禽晚去左睇黎明演唱會... 好正正正呀~~~ 嘻~ 4年先見一次, 黎明仲係好靚仔好靚仔... 佢把聲仲唱得好好... 真係好好聽~~ 差唔多全部都係舊歌.... 好懷念呢... 因為禽晚係尾場, 所以個氣氛都好好呀... 好多螢光棒呀~~ 我都有呀!~~ 又o係度狂叫呢. 哈.. 嘉賓有杜汶澤, janice衛蘭, 應昌佑同埋光良呀~~~ 光良好正呀~ 邊彈鋼琴, 邊唱"童話" 仲同黎明合唱呢... 好正好正呀~~~ wuuuuuu~~~
不過無encore呢, 同埋黎明真係唔識講野... 好多次都係佢想講野既時候, 我地就o係度狂叫.. 叫到佢都唔知講咩好... 之後阿澤就話:"你地繼續嗌啦, 佢唸多過5秒既都唔使等佢講架啦..." 之後全場o係度笑呢... 又真係喎... 有幾次都係咁呢~~ 哈... 不過我都有好唔捨得呀, 4年先見一次, 之後黎明話:"你地唔捨得我... 我都會唔捨得你地架嘛".... tum到d fans好開心呢~~
總括成晚都好開心, 又有驚喜呢, 因為請到光良o黎唱歌~~
http://hk.geocities.com/mandylai/2005LeonLive.jpghttp://hk.geocities.com/mandylai/2005LeonLive1.jpghttp://hk.geocities.com/mandylai/2005LeonLive2.jpghttp://hk.geocities.com/mandylai/2005LeonLive3.jpghttp://hk.geocities.com/mandylai/2005LeonLive4.jpg今日下午o係屋企備課, 備到4點就同朋友出去游水... 今日游左22個池呢~~ 有進步呀~~
