打鬥飲水jiji攬攬咩咩腸仔肚腩格甩底穴前後按摩池
今朝去左碧湖游水, 好正呀~ 一d都唔晒! 果然係會所呢~~~
回味返一年之前既暑假去游水, 今次都係咁開心! 雖然游左唔係好多個池, 但係今次玩水多呀!!! o係個池中間我係掂唔到地的, 所以都俾人玩呢..... 嘻!! 同埋入面仲有"打鬥飲水jiji攬攬咩咩腸仔肚腩格甩底穴前後"按摩池呢!! 呵呵!!
之後沖埋涼去食野, 跟住返屋企換衫去cityu registration同check野. 再去深水土步換電話, 好累呢... 之後就啦啦聲返屋企睏交交豬啦!! Zzz...
嫁
禽晚臨睏前打左一陣機, 終於嬴啦..
今朝一早返去, 做中一轉校, 都唔多人o黎, 因為禽日已經好多都o黎晒啦. 所以都係悶, 久唔久就入去禮堂同d老師傾計..
到差唔多4:30, 同事們都等埋我先走呢, 真係好! thankyou! 佢地傾開特區護照, 我好似真係做左48頁呀.. 蠢左.. 仲俾人笑呢~ 不過好彩都有人同我一樣姐!! 哈!
~~~~~~~~~~~"嫁"~~~~~~~~~~~
有同事約聽日游水, 睇下點呢! ^_^ 聽日要去city registration呀, 我唸住聽朝拎埋個電話, reg完之後就去埋深水土步換...
潘主任, 唔捨得你呀!
今日係結業禮, 又係歡送潘主任, 仲係家長教師會聚餐既日子. 朝日參加結業禮既時候, 校長講野既時候, 臨尾竟然同學生講左潘主任要走, 我都有少少意外, 佢宣佈潘主任o係學校服務左34年, d學生拍晒手掌, 拍左好耐都唔停. 好正!! 佢地拍手掌係真心多謝潘主任的, 果刻都幾感動!! 人生有幾多個34年.. 之後校長都同學生講左幾件潘主任既事俾學生聽, 真係覺得潘主任好好!!
小息完左之後就要去派成績表, 之後我要帶一堆學生去打電話, 因為之前果日發生左一件唔好既事, 攪到我打左10幾個電話講左10幾次一樣既說話, 激死我啦! 之後就啦啦聲入去禮堂參加歡送潘主任既聚餐, 校長都有上台講野, 都講得幾感動呢, 校長仲稱潘主任做潘校長添!!! 原來我地有12個教職員係以前心誠既學生呢, 勁呀! 呢12個就可以有機會上台向潘主任顯唱"恩典太美麗", 當然包括我啦. 之後王指揮親自作左首歌送俾潘主任, 首歌真係好好好感動, 一開始係心誠校歌既旋律, 已經好有喊既衝動, 因為校歌對於潘主任o黎講, 真係好有代表性, 好有意義, 之後成首歌既中段同尾段都係"友誼萬歲", 真係好好feel呢, 個心硬住硬住, 都有流左少少眼淚, 一o黎係首歌好岩個感覺, 二o黎係管弦樂團既同學表演得好有感情! 好想再聽一次! 之後有楊sir既分享, 最好笑就係佢話, 好懷念潘主任每日放學後既特別報告, 佢話報左10年每日都仲有特別報告! 哈!
之後就食野啦, 我地都有去潘主任度敬"酒", 同埋黃生(圖書館的, 佢都係退休呢), 之後佢地都有o黎返我地度回"酒"呢!! ^_^ 差唔多食到3點呀! 之後就同校園電視台既同事開會, 真係好激氣, 你同我都係負責老師姐, 點解好似唔關你事咁既?! 得我o係度講野, 我未hold過會架嘛, 都唔幫下手, 等我講到都唔知似咩咁. 之後又唔幫手做野, 豈有此理!! 果時係好唔開心呀, 開頭又話唔好攪到咁大, 咁我咪cut左d野囉, 而家講下講下又話都真係幾大下, 咁你究竟想點姐?!! 又係你地叫cut野, cut完之後又加加加!!! 好大壓力呀! 開到5點, 之後就返room執野, 執返學生d簿. 執左一陣就要落去hall啦, 家長教師會聚餐, 開始時幫miss sung set少少野, 之後就唱歌講野, 之後就食野啦, d野好難食呢.... 食到8:45左右, 攪到我半夜好肚餓呀!! 返到屋企沖涼睇報紙, 之後睇完醫道就睏覺啦, 累死我啦!!
星聲相惜耀心誠
今日星聲相惜耀心誠, 一早就要帶3a去場地, 但係根本我唔使咁早去都得, 因為都有老師帶啦, 仲有將3a拆散晒塞入兩架車度~ 都算啦, miss sung又o係度發脾氣.. 唉~ 之後去到場地, 我都唔知做咩好, partner係果個表演既負責老師都唔理, d學生咩都唔知咁, 唔知頭唔知路, 真係激死, 我又唔知個劇係點既, 要準備d咩我又唔知, 竟然叫我幫手, 幫手唔係問題, 你都要話我知我可以幫你做d咩先得架... 又無喎, 你話激唔激氣, d學生有問題你又唔知, 佢地o黎問我, 我又答唔到佢d咩, 佢地又亂七八糟, 唉.... 之後我都唔鬼理, 去左同朋友食早餐, 食完早餐就漫無目的咁行左一陣街, 陪朋友去人民入境事務處拎特區護照既表格同埋車牌既續牌表格, 又買左本書, 關於深圳旅遊既, 之後就自己一個人行返去場地啦, 咪又係得個等字, 我第一個mission竟然係幫partner送外賣, 不過之後又話唔使~ 唉~ 之後我上左去化妝間睇佢地, 點知俾我聽到d唔開心既野, 佢地竟然成班人o係房入面玩, 玩到癲晒, 仲講埋一d唔應該講既說話. 真係離晒譜!! 激死我啦! 你地過唔過份d? 果度係人地既地方, 就算o係街o係學校都唔可以講啦, 仲要俾人地聽到! 我經過既俾我聽到既就一句, 我聽唔到果d都唔知幾多啦!! 真係過份! 唔罵都唔得啦!!
開始既時候, 段片都幾好睇呀~ 又好笑, 3a表演既時候, 都幾亂呢, 佢地搬野果幾個平平彭彭, 都幾攪笑.. 直至5點, 就返學校啦, 返到學校又要捉果堆人o黎罵! 真麻煩!! 臨尾果日原本可以開開心心都要攪d咁既野要我罵!! 哼!! 聽日仲要處理佢地!
搖呀搖!!
今日都ok開心呢. 今日開班主任會, 臨尾o係度傾d無聊野.
開完會就同朋友去深水土步, 食好好味車仔面, 食緊車仔面既時候, 由於實在係非常之熱, 我食到濕晒, 朋友仲幫我用手拿住我d頭髮呢... 嘻... (其實我都有d意外), 之後去剪頭髮, ^_^ 我染左同埋修左少少, 都幾開心呀! 嘻.. 之後行左一陣, 睇左少少學校野, o係間鋪頭入面臨出去既時候, 朋友又從後面cool住我條頸呢~~ 仲o係度搖呀!!! (仲意外!!) 哈~~ 好舒服!!! 之後我去左買屋企無線電話同埋earphone, 唸住打機時唔侯拎住個電話傾啦.. 點知.. 返到屋企先知, 原來個新電話係無得插earphone的, 仲有, 個menu都無教點樣可以call waiting, 即係有電話入既時候應該按咩掣, 激死我啦~~~ 唉, 都怪我太過心急啦, 而家個舊電話既功能仲多過新果部, 所以最後我都無掉到... 嗚.... 激死我!!!!
不過, 今日又意外, 又開心呢!!
飽到上心口
禽晚食老豆包既水餃, 真係飽到上心口呀...
今朝10點起左身, 之後同媽咪落街食野, 去左新開果間"流連忘返", 又係食到飽到上心口..
下午o係屋企打機, 玩netvigator既games, 之後就同朋友去沙田食元綠, 又係飽到上心口.... -.-"
之後去左大眾書局買左兩本書, 同埋朋友借左兩本有用既書俾我~ 有排睇lu...
