黑雨
今日黑雨, 好興奮~ 可以早放... 連續兩個long weekend, 嘻嘻... ^_^ 不過校長話EMB個宣佈有蠱惑, 話全日制學校繼續上課至放學為止, 但係其實放學既定義係咩呢... 有d學校lunch都叫做係放學的... 不過我地個CEO話之前我地出左通告就繼續放啦, 如果唔係下年應該可能都要繼續返的... 我好多朋友都無得走呢... 個個都要繼續做野... 好慘... 唔似8號風球咁可以即走...
想走時, 同事俾左個case我, 不過都係少事, 罵完之後再解釋返俾佢聽就ok啦~ d學生仲有5個上課天就考試啦~ ^_^
下午返到屋企睇報紙, 又睇左一陣"都市閒情", 見到佢介紹養兔仔既須知, 好得意呀... 好想第時養返隻兔仔o係屋企呀... 佢仲講埋話d兔女如果係勁既話, 一次過可以生12個呢~~ 真好呢, 一次過攪掂晒~ ^_^
今日夜晚媽咪抱左個隔離屋既BB女過o黎, 好得意呢... 喊喊呀... 乖...
累
今日好累好累, 雖然禽晚叫做早左d睏, 但係都好眼睏...放學後同同事去深水土步剪頭髮同埋焗油, 沿途一路傾, 都傾得幾開心呢... 我覺得同佢相處, 如果唔太涉及工作, 似乎會好d... 剪頭髮之前陪左佢去觀塘交卷, 之後先去剪, 剪完就去食麵, 我食左酸辣?菜餃麵, 飲左鮮椰汁, 個麵好鬼辣, 而個椰汁就幾好飲呢~ 食完野, 點知岩岩過左個泊車時間, 所以就去行左一陣黃金, 陪同事買game, 之後就行左一陣玩具店, 就去停車場lu... 返屋企途中都幾大雨, 都算傾得幾開心呢~
8點幾返到屋企, 好眼睏... 隻眼好夾... Zzz... 11點就上左床睏...
唔開心...
禽晚check左日記既紀錄, 其實我估到, 我無唔開心你俾我既野你既朋友, 因為我寫得出o黎就預左咩人都會睇, 我都唔介意任何人睇我既日記, 但係我介意你唔坦白, 我真係好介意"唔坦白", 就算係小事, 就算果件事你認為可能會令我唔開心... 因為咁樣我會越o黎越唔知你幾時講既野係真, 幾時係假. 我對你坦白, 我亦都好希望你對我亦都係一樣. 安全感, 對我o黎講係好重要既野, 我記得o係5年前左右, 我亦都同過我朋友講過, 安全感係兩個人感情上互相倚賴既來源, 即係: 如果無左安全感, 就好似對方唔可以被倚靠一樣... anyway, ...... 唔知你明唔明白我講咩呢...
事情亦都已經告一段落, 今日係半一日... ^_^
"希望每一日都可以開開心心咁過, 唔會再唔開心..." ^3^
半週年紀念日
2006年6月6日禽晚12點, 我地一齊o係電話中為對方祝福, 一句"xx節快樂"同埋一句"半..快樂", 對於我o黎講, 有住好深既意義. 好期望我地有好多好多個半半... 唔知朋友係咪咁唸呢?
***
今朝起身返工, 一唸起今日666, 就好期待夜晚既來臨... 今日無堂, 不過就o係room度做左好多野, 計左中四cit既平時分, 改左小半疊讀寫計劃, 睇左幾個forum, 同朋友icq左一陣~ ^_^ 放學後有computer會, 聽到副校既報告, 佢話都同校長傾過, 下年... 副校會繼續act個panel位, 而我同另一個老師就做副panel... 再另一個老師就專係負責電腦學會. o係我無心理準備之下聽到呢個安排, 有一點點不知所躁, 唔係好識做反應, 只係靜靜地咁聽副校講野, 我唸... 校長呢個決定都係好的, 起碼暫時唔會令到是但一邊有d咩不滿, 或者都可以避免左其他人有d不必要既討論. 副校話我負責管中四至七, 而另一個就負責中一至三, 再下年就可能掉轉咁, 所以可能呢個安排唔止係維持下一年咁簡單呢~ anyway, 都應該係一個好安排... 開完會已經5點... 啦啦聲衝返屋企, 因為今晚有好重要既事呢~ 返到屋企就洗頭沖涼, 吹頭換衫... 已經好快手架啦... 不過都要5點10有多先出到門口... 今日帶左月亮頸鍊呢... 嘻嘻...
去到尖沙咀地鐵站, 都係遲過朋友少少... ~_~" 由於我地book左8點半, 所以我地就去左打機先啦~ 嘻嘻... 我玩完到朋友玩, ^3^ 好刺激呢... 朋友打果陣, 我印象中個口好似無乜合埋過呀... 因為好緊張呢... 個心不斷咁打氣呢~ "加油加油... 射呀... 哎呀..." 玩左大半個鐘, 又去左電器鋪睇左一陣電話, 之後就去我地既目的地啦~ 呢個目的地, 對於我地o黎講, 係有重大意義的... 呢個係我地相識既地方 - 北京道一號 - 火間土... 雖然我同上次一樣... 都係唔識去... 但係我都認得個lift口架... 唔知點解... 上緊去果陣, 突然間有返果陣第一次見面既時候果種緊張既感覺... 好似同果日一樣咁... 好特別~ 去到坐左一陣就入去啦... 我地坐到一個窗口既座位, 對住個維港夜景, 好靚呢~ 暗暗地, 好有情調呢~~
睇見個menu, 都只係記得幾款當日所點既食物, 個感覺真係幾得意~ 我地點左好多野食... 每一樣都同上次唔一樣的, 我地兩個都好肚餓, 咕咕咕... 每一款食物我地都影左相... 最後果款食物就... 只係得返我果半舊... 原因好簡單... 嘻嘻... 就係因為"我"為食得滯... 嘻... 係"我", 唔係"朋友"... 唔係"朋友"~~~ d野食好好味呢... 我覺得最好味就係第一個食既"甜蝦炸餅"... 好濃好好味~ 其次就係所有既壽司, 真係正呢~~ 我地一路食, 一路影左好多相相... 好有紀念價值既相相... 印證著我地一齊既點點滴滴... 好sweet sweet~~
食完野就叫埋個侍應幫我地影左一張合照, 之後就走啦... 唸住去食甜品, 搵到重開既Haagen Dazs, 不過過左10點, 關左門啦... 所以就去左諾士佛台既Da Dolce Gelato Italiano食雪糕, 食左菠蘿味同埋開心果味... 菠蘿味酸酸地咁, 好好味, 開心果味就好開心, 都係好好味~ 嘻嘻... 你一小口, 我一大口... 最後... 你一大大口... ^_^ 食完雪糕就行去搭巴士返屋企啦... 沿途好熱呢... 出晒汗, 我地互相地為對方吹風... 唸住可以為對方解解熱氣... 點知... 越吹越熱... Kee Kee...
o係車上, 我地挨住一齊睏著左... 架車開得幾快, 好快就要落車lu... 最後都不忘一句, "半週年快樂" + 一個^3^
Plan Plan Plan...
今日睏到1點起身, 睇forum, 睇左日式麵包王6,7,8, 仲有好多集先追到電視而家做緊果度, 呢套卡通睇落都幾好睇呢~
今朝睇左一個關於深圳sauna既forum, 越睇越擔心... d人講到間間都唔止dup骨咁簡單... 唉... 唯有說服自己, 應該唔會咁誇卦...
睇左幾套卡通, 又上左床睏, 睏到食飯, 夜晚同左屋企人去德興食飯, 又同媽咪去左買野, 又洗左一筆呢... 買親呢d野都覺得好重皮的... 之後就返屋企睇電視啦~ 睇完電視傾左陣電話... 開始plan定去邊啦~~ 好期待~~ 有個節日又就到啦~~ Yeah Yeah!!
聽日返工... 倒數10日~~ ^_^
聽seminar + 接接 + 1日
今朝一早9點要去九龍塘聽sharing session, 係關於中一至中三電腦既課程的~ 都幾好的~ 3個小時都無睏過~ 朋友仲帶住一雙紅紅的眼睛o黎接我呢~ 好叻呀~
我地第一時間去左旺角, 去左一間茶餐廳食撈出前一丁面, 同埋酥皮蛋撻呢, 之後就去左打機~ 正呀~ 玩拍拍機玩得好刺激呢, 仲有手指機~ 之後就去左上次食焗飯既地方食tea, 麻麻地啦~
之後就去左圈圈商場隔離拎荷蘭銀行既禮物啦... 我選左$400百佳禮卷呢~ ^_^ 正呀~ 可以俾媽咪買野~ 係咪好孝順呢? 係咪好正呢? 嘻嘻...
之後就返左朋友屋企食飯, 去左附近商場食呢~ d菜好好味呀. 我由細到大都好鍾意食菜的~ ^_^ 不過最後都食唔晒... 之後就返左屋企睇電視, 睇左百法百中呢~ 之後又睇左日式麵包王幾集呢~ 呵呵...
返到屋企已經過左12點啦... 咁樣唔算兩日架... 知唔知呀... 唔可以咁計架... 嘻嘻...
