Our Lives: 1/7/07

Saturday, January 13, 2007

危險駕駛者

前一個星期左右, 亞哥撞車... 撞到要賠好多錢...
我記得之前同同事傾開計, 佢都係一個頗心急既人, 我好記得佢同我講過: "開咁快趕得果幾多分鐘, 快果幾分鐘, 好可能會快到連命都無埋..." 我都同意, 快得果10分鐘, 但係要嚴重地冒住生命既危險, 真係一d都唔值得!!
好彩今次只係車, 如果係人, 呢個責任, 點揹得起?!
請各位小心駕駛!!!

Thursday, January 11, 2007

環球嘉年華

禽日12:00一放學, 就去左中環, 因為男朋友都係放半晝, 嘻嘻... 好耐未試過咁早見... 一開始我地就去左298睇printer, 睇左兩款都ok, 不過唔知size岩唔岩, 好似都幾平下, $620 all in one, 唸得過~ 睇完之後我地去左搵下午茶食, 一路行緊既時候, 我仲問左男朋友一個問題... 我明白需要時間... 不過因為我好想知個進度, 所以忍唔住問左... =.="
去到果間茶餐廳, 我個同事打電話俾我, 話我知cityu出左grade, 佢幫我check埋... 好緊張呢... 我同同事個grade都一樣, 一科A-, 一科B-, 之前話exam完全唔識果科就A-, 識少少果科就B-, 真係奇怪... anyway, 都幾開心呀~~ 坐低叫左野食, d野認真唔掂, 乾炒牛河既河粉係硬的, 出前一丁既麵都係硬的. =.=" 咁就$44... 食完野, 就傾下printer既事, 有人打電話返屋企問printer櫃既尺寸... 點知... 打左去我屋企... 哈!!! 我知道既原因係因為我咁岩同緊媽咪講電話... 哈哈!!! 差d我就忍唔住同左媽咪講架啦... 哈哈!!! 不過都岩既... 打電話返"屋企"呀嘛~~ 呵呵!!!
問完尺寸發覺好似唔夠... 所以都係之後再度過先算... 咁我地就慢慢行去添馬艦, 行到一大半, 我先醒起環球嘉年華係分日夜場, 日場5點就完, 果時已經3點幾啦... 我地一路行一路唸... 點知去到見到個門口好多人好似排隊咁, 咁我地就買左夜場飛, 之後去門口睇下, 點知d人原來唔係排緊隊, 係睇明星... 原來郭羨妮同郭晉安o係度拍緊劇呢... 郭羨妮果日既打扮... 好似男人... 一d都唔靚, 而郭晉安就真係唔錯呢... 40幾歲仲好靚仔... 不過都係某人靚仔d... 呵呵!!!

我地都影左一陣相, 之後就走啦, 搭叮叮去銅鑼灣打機~ 去到間大機鋪, 真係無煙味呢~~ 有好多機呢... 有d仲係我地未玩過架... 唸住唱錢... 點知... 搵左好耐都搵唔到o係邊... 原來真係o係出面果度... 仲要係要用token的, 唔似其他機鋪咁用$1就得... 唱左$40... 最後都玩晒... 我地玩左mario kart... 今日真係唔好彩... 又抽唔中"彭彭", 又掟唔中人, 好啦, 掟中左個計時炸彈啦, 點知原來撞左埋去會俾返自己的... 即係炸左自己... 嗚嗚... 玩左3次都係咁... 激死~~ 之後又玩左一個用腳o黎玩既拍拍機... 好刺激好好玩~ 不過... 跳繩果個真係好難... 好難... 唔知點解人地跳到我跳唔到... 仲有第一關, 我踏紅綠, 你踏藍... 我... 係咁... dum dum dum... 都dum唔到... 俾人話我心急得滯... 俾人係咁笑... 嗚嗚... 仲有果個上樓梯... 好快就game over... 之後又玩左手指機... 其實呢... 自然題呢... 都真係幾難下架... 仲有... 煎牛扒同埋煎蛋... 都好考工夫架... 你都唔明既~~ -_-"
玩到5點半, 就搭的士再去添馬艦啦... 好期待, 入去既時候仲見到陳自瑤喎... 我都唔認得...
由於係岩岩開始夜場既關係, 所以都唔係好多人... 不過... 一入去就俾人呃左5個token... o係佢手上選一個紙袋... 入面有4個數字, 有單數既就有獎... 無既... 就淨係得果個紙袋... 哼!!! 呃錢的~~ $25買個紙袋... 之後我地係咁玩機動遊戲~ 玩左都有5,6種, 其中一個係濕身既水花船, 嘻, 有人o係我前面擋住晒d水花, 我淨係d頭髮濕左, 同埋個pat濕左, 因為我唸住坐後d可以挨住個背, 如果唔挨住好似個人好想衝出架船咁, 但係點知我一挨後少少, 個pat就濕晒啦... 原來後面有成塘水o係度... =.=" 當然, 最後都唔及人地咁濕啦... 呵呵!!! 謝謝呢~~
玩左好多機動遊戲, 最好玩都係呢個:

不過好彩我坐最入果個, 所以唔算好好好驚... 我地仲玩左呢個, 都唔濕的...

我地仲有玩左過山車, 都驚的... 都有嗌的... 仲有鬼屋... 唔算驚, 因為我有一半時間都係半合著眼的... 不過竟然最驚... 唔係果d鬼, 而係果d布, 因為周圍都係黑漆漆的... 而塊布就係出乎意料之外咁樣飄過我地... 哈哈!!!
之後仲有玩左滑梯... 就係坐住塊布既野o係個好高既滑梯度sir落o黎... 唉... 我地行完一堆樓梯, 之後就放低塊布, 踩落塊布上面坐低時... 我已經dun到個pat啦... 個工作人員仲"好心"問我: "有無dun到個羅有開花..."... 激死我啦~~ 之後佢就推我落去啦... sir到一半時都有dd驚, 因為sir得好快呢... 仲有就係... 我又dun到個pat呀... 唔知係咪我個身無睏低到, sir落去時好似係咁大力撞個pat落個滑梯度咁... 嗚嗚... 好痛呢... 痛到今日仲痛緊呀!!!
但係另外一個... 就真係最後悔玩左... 就係呢個:

第一, 排隊排左成半個鐘, 仲要排緊隊時有人打尖, 之後俾d工作人員叫返出o黎排後面... 不過我地排緊隊時, 見到o係正個路軌下面, 有一個白色好大既袋, 好明顯係有人跌左個袋落o黎... 勁!!! 不過點解我話咁後悔呢... 話說我地坐果個係一個大碗咁既野, 個碗一路沿住行既時候係會自轉的... 雖然o係玩之前係睇到佢點樣轉法, 但係... 坐左上去... 係完全唔知自己轉到去咩位... 淨係知道個袋夾住o係腳度真係好想跌落街... 我地好用力咁夾住個袋, 但係都唔容易夾穩, 仲有, 就係知道係咁轉係咁轉... 轉既同時又衝下咁... 完全係得個暈同驚字... 落到o黎, 真係有dd暈既感覺... 之後仲大鑊... 玩完呢個之後既時間, 就係得兩個字: 想嘔... 唸住坐低食d野時, 買左個細pizza, 我一d胃口都無, 見到d魚蛋, 一d都唔想食... 飲水都覺得辛苦... 果個感覺, 就有d似我坐完果d旅遊車頭暈作嘔果個感覺... 咩心情都無晒... 眼都唔想睜大呢... *_*
之後又玩左碰碰車, 兩個人坐埋一齊, 係咁撞人地同俾人撞, 隻腳踩住個掣好累呢... 撞到頭都甩埋咁... 不過幾好玩呢...
食完野, 我地就去玩攤位遊戲, 就係用token既時間啦... 開頭唸住我地有80個token應該好夠玩... 點知... 玩下玩下... 最後都要唱多$100即係20個token呢... 哈哈... 換返o黎既, 係好開心好興奮既心情(雖然帶住d作嘔作悶既感覺...), 仲有就係兩個公仔同埋兩支花公仔... 其中一個公仔係大獎o黎架, 另外果個完全同一隻"外星人"無分別... 不過都好... 似你... 呵呵!!! "女性睡醒比男性外星"果個"外星"... 哈哈!!!

大獎

外星公仔
不過有段小插曲, 話說我地差不多玩晒d攤位遊戲既時候, 唸住玩埋淨低果幾個token既時候, 突然聽到有人叫咪... "XXX小姐, XXX小姐, 請立即到失物認領處, XXX小姐, XXX小姐, 請立即到失物認領處"... 個XXX就係我個名... 佢講第一次既時候我都以為自己聽錯, 當佢講第二次時, 我地都好清楚聽到係我個名... 個人即刻好緊張... 即時開個袋搵下自己有無野唔見左啦... 佢又叫得出我個名, 咁應該係一d有我名既野啦... 電話, 銀包, 身份證, 乜證物證... 全部都o係度... 一路行一路搵... 又搵自己d野, 又搵個失物認領處o係邊... 但係當我發現我應該無咩野唔見左時, 就o係度唸... 會唔會有人咁無聊見到我然後又想相認呢... 唸唸下都有d擔心... 終於搵到啦... 入去... 見到個工作人員... 佢話我跌左張ESPIRIT信用咭... 當我仔細睇清楚... 又唸清楚... 我都無ESPIRIT信用咭的... 之後男朋友同我睇清楚張咭, 個工作人員仲話, "我地唔可以即刻俾返張咭你架, 你要俾你既身份證我對清楚你係咪呢個人先得架..." 之後男朋友就發現左... 張咭上面既名真係串岩, 但係就係後面多左個英文名"Cindy"... 唉... 即刻想講有無攪錯... 咁都有... 好心佢叫咪時叫埋個英文名啦... 你知架啦... 好名梗係多人用架啦!!! (嘆氣...)
之後去玩埋果幾個銀, 就去玩埋最後一個遊戲啦...
呢張相係我地玩完晒攤位遊戲之後再玩埋個"幸福摩天輪"影既...

不過好似影得隻熊仔有d孤單咁... 哈哈!!! 呢個大獎係拋token去一d平既玻璃碟果度嬴返o黎的... 男朋友用左兩個token就拋中左最中間果隻, 勁呀!!! 而我中果隻食手外星公仔就係我碌token落一d顏色間條既中間無踏界嬴返o黎的... 嘻嘻!!!
之後我地就走啦, 行出門口既時候, 見到好多旺角小巴o係度, 不過去完廁所之後就唔見晒d小巴啦, d差人趕走晒d小巴... 不過我地都偷雞雞上左, 之後就dove左兩個圈, 最後都上滿左啦, 好快就去到旺角, 之後就陪男朋友食左McDonald's, 我一d都無食到, 因為仲係好驚嘔, 啦啦聲食完之後就搭270A走啦... o係車度大家都睏著左, 不過好夜啦... 我地今次... 嘻嘻... 11呀!!! 呵呵!!! 不過, 今次真係好耐未試過行咁耐... 返到屋企隻腳都累到"拜拜"地呀~~~
總括o黎講, 我地做左7樣笨野, 3樣勁野!!!

笨:
1. 蠢左無醒起我地可以玩日場, 咁樣可能會再少人d... 不過其實夜場d token好似抵d...
2. 一入場就俾人昆左5個token... 換左個紙袋返o黎...
3. 玩果個自轉既衰碗... 轉到自己又頭暈又作嘔, 都唔知為乜...
4. 去左果間超難食既下午茶茶餐廳
5. 打機時玩果個腳踏拍拍機... 係咁踏俾人笑...
6. 玩滑梯dun親個pat
7. 人地打電話返屋企, 點知打左返我屋企... (kee kee...)

勁:
1. 有人玩mario kart掟中左我好多好多次... 連果個好難用既"發發發"棒棒都打中...
2. 中左個大獎公仔
3. cityu第一個sem既成績有A-, B-

不過最值得開心同紀念既... 都係我地一起歡笑既時光~~ 真的!

Tuesday, January 09, 2007

發夢

今朝一起身, 就唸起禽晚發既夢... 好想啦啦聲講俾人地聽~~~ 我o係夢中見到唔係好肥既自己... 著住條... 裙... 影相... 哈哈... 估唔到自己會發個咁樣既夢呢... 我仲好清楚見到附近同身邊既人... Kee Kee... 陶醉中...
興高采烈咁話俾人地聽... 竟然俾個咁既問題我唸返... 哼!!! 天氣咁凍, 一盆冷水照頭淋, 激死... 要罰!!! 就罰你用墨汁塗黑塊面, 七日唔准洗面!!! 嘿嘿~~~

Sunday, January 07, 2007

緣份精華遊 + 鼻敏感

今日去左睇戲, 首先係去左買戲票先, 之後就去B仔食腸粉早餐, 仲有糖水, 好好味, d湯圓好正. 食完之後o係商場行左一陣, 同埋肚痛, 就入左去睇戲啦 - "緣份精華遊", 都ok, 幾好笑, d爆谷幾好食... 當講到果兩個小妹妹講晒個daddy既心底話既時候, 都幾攪笑... 個帳幕好靚~ 最感動既地方竟然係個博士入去個演講廳既時候, 全場拍晒手既情景, 不過間戲院空氣唔係好流通, 攪到我d鼻敏感又發作.. 睇完戲之後去左茶餐廳度食野仲辛苦, 不停流鼻水, 不過我都係而家先知, 原來係咁索返d鼻涕入去係唔好的.. 因為.. 會吞到飽晒.. 哈哈!!! 我都係第一次聽!!!
大傷風好辛苦!!!

Our Lives