Goodbye
一早7點幾醒左, 之後再睏, 11點幾先起身, 睏得好舒服! ^_^
聽下歌, 唱下歌, 好自在呢~~ 想分享一首舊歌. JANICE唱得幾好聽~
GoodbyeI can see the pain living in your eyes
And I know how hard you try
You deserve to have so much more
I can feel your heart and I sympathize
And I'll never criticize
All you've ever meant to my life
＊
I don't want to let you down I don't want to lead you on I don't want to hold you back From where you might belong You would never ask me why
My heart is so disguised
I just can't live a lie anymore I would rather hurt myself Than to ever make you cry
There's nothing left to say but good-bye＊
You deserve the chance at the kind of love
I'm not sure I'm worthy of
Losing you is painful to me
REPEAT＊
You would never ask me why
My heart is so disguised
I just can't live a lie anymore
I would rather hurt myself
Than to ever make you cry
There's nothing left to tryThough it's gonna hurt us bothThere's no other way than to say good-bye
海嘨一周年
聖誕節雖然係一個開心既節日, 但係仍然令我唸起一d唔開心既事...
記得上年既聖誕節, o係東南亞發生左一件好悲哀既事, 我記得你同我講過, 你係親眼經歷呢件事既人, 你同一家大細都逃過左呢個劫難... 我記得o係呢個劫難之後, 我所能做既就只係為你去祈禱, 為所有劫難中既人去祈禱, 同埋去捐款幫人...
今日, 我睇到報紙, 見到報紙寫著"一個都不能少", 我想起你... 但係... 你已經不在了...
幾日前有個學生送左張x'mas card俾我, 我想起你...
今日, 我也想起你. 很想跟你說句: Merry X'mas!
心願咭 + 送聖誕禮物 + 食飯 + 生日快樂
今日去左中環, 影左好多相, 仲寫左心願咭, 掛埋上去d聖誕樹度呢... 唔知個心願會唔會實現呢?! 希望會啦~ 送左聖誕禮物俾朋友, 希望朋友鍾意啦, ^_^ 純白色的, 我唸白色應該會幾靚, 所以選左白色~ 都幾襯你呀~
之後去左尖沙咀約左朋友食飯. 同兩位介紹人食飯, 仲有兩位新既被介紹人, 一位係男介紹人既朋友, 一位係女介紹人既朋友, 兩位都ok呢~ 但係兩個都唔係好講野, 好靜呢... 有dd尷尬... 唔知之前我係咪都係咁既呢... 不過餐飯都幾好食, 食得好飽... d野都好好食, 最鍾意個龍蝦天使麵, 好好味~ 不過最後食唔晒呢... 好彩女介紹人最後打包, 先無咁晒咋... 最後走既時候, 個男仔問個女仔拎電話, 但係個女仔唔俾呢... 係咪代表某d野呢?! 真係唔知...
食完之後同左朋友逛左一陣, 之後就返屋企啦~ ^_^ 今日都係好開心~
聽日平安夜呀, 唔知會有咩事發生呢?! 好期待呀!!~ 平安夜快樂!
p.s. 今日有朋友生日, 今日下午send左個sms祝佢生日快樂同埋聖誕快樂, 希望佢都過得開心啦!
綵排 + 聖誕歌 + 好多零食 + 聖誕禮物
今日last day, 心情好興奮! 上完3堂之後就完全係holiday mood啦~ 上5a既時候送左d金莎朱古力俾佢地~ 佢地都好開心呢..
臨尾兩堂要落hall set野, 自己一手一腳搬搬抬抬, ^_^ 不過我仍然覺得幾好玩呢~ 放學要綵排唱歌, 唱兩首聖誕歌, "請聽天使高聲唱"同埋"joy to the world", 好耐未唱過歌啦~ ^_^ 攪到5點多, 之後啦啦聲上去入平時分, 終於都入晒啦~ 5點半走人, 約左人食飯呢~
首先去左旺角既教協, 因為我要買禮物俾學生, 咁岩撞到個同事o係教協門口呢... 之後入到去搭lift, 又撞到另一個同事, 呢個就係我既介紹人啦~~ (多謝你呀..) 佢仲借左張教協證俾我添~ 入到教協, 選左好多我喜歡既零食, 好好味的... 我都係忍唔到手呀~ 行左4,5次個零食區, 都仲未選到野俾學生, 就選左一大堆俾自己~ 之後就選左12份小禮物俾學生, 之後就走啦, 去左食飯.. d石燒飯都幾好食呀, 仲有朋友既"豉油飯"都好好食呀~ 食完飯就搭車返屋企lu~
今日收左我呢個christmas既第一份禮物, 仲係好大份呢... 多謝朋友! 不過我唔好意思呀... 要你花錢~~ 我真係開心的, 真係鍾意的! 謝謝你~~ ^3^ 不過我都無準備到禮物俾你... 下次一定要補返呢~
15分鐘
五點幾六點鐘落樓俾返d野朋友, 只係15分鐘. 雖然唔足夠, 但係可以一齊食左三粒金莎, 已經好開心! 謝謝你!
眼睏 + 韓農
今日1點先起身, 因為好眼睏, 又凍, 所以唔想起身做野~ 睇左一陣電視, 又食左藥, 就上網啦, 同朋友傾下icq同msn, 又睇左一陣報紙, 都唔想做野住, 就o係屋企玩呼拉圈啦~ ^_^ 一次過轉到二百幾下呀~ 之後就拎左本mc出o黎做, 做左一陣, 又好眼睏, 適逢朋友岩岩睏醒打電話俾我, 令我再一次投入溫暖既被當中, 唔想"捐"出去... 想Zzz...
呢幾日無論係報紙定係電視, 都報導緊韓農示威既場面, 我都幾同情韓農既景況, 佢地的而且確係好慘, 生計都成問題. 但係我絕對唔贊同佢地用d咁既方法o黎示威, 你要表示你既訴求同意見係無錯, 你為左你地既幸福去爭取都無錯, 但係用d咁破壞性既方法去表示就似乎唔係好岩囉... 一方面口口聲聲話香港警察係無辜, 另一方面就拎起d竹呀棍呀o黎打... 遊行示威都可以好和平, 唔應該去對其他人或者東西去作出破壞... 仲有果d支持韓農既香港人, 送水果送水, 真係好好... 但係另一批既香港人, 你地支持韓農示威, 你地加入佢地既隊伍去遊行, 掟野, 咒罵, 就應該預左要對你地所做出既不當行為負上責任. 警察對暴民射水, 放胡椒噴霧, 放摧淚彈, 都係想維持香港既秩序同埋治安姐, 你地身為香港人竟然咁樣去咒罵果d保護你地既人, 我覺得呢堆市民真係枉為"香港市民"... 我睇報紙果陣, 睇到一個警察有一句說話, "我地咁辛苦俾人打緊既時候, 你地o係度做緊乜?!" 香港警察o係呢件事上面為香港既治安捱左幾多拳幾多棍?! 果堆"香港市民"究竟o係度做緊乜?! 水柱無眼, 摧淚彈無眼, 但係香港人, 你地係有眼的!!
都係果句, 支持別人有好多種表示方法, 問題既係, 你用左邊種方法?!
仲有, 我贊同禽日警方封鎖灣仔區, 但係d人又o係度埋怨警方過度緊張, 真係唔知點解d香港人會咁自私, 如果唔封路, 到時有一個半個韓農人或者暴民嬲起上o黎, 捉住個途人要脅, 我睇到時仲有無人講警方過度緊張呢!!!
