腸仔蟹柳牛扒豉油汁碟頭飯
今日1點起床, 睇到報紙... 真係差d笑左出o黎, 原來而家香港d英文文法去到d咁既地步... 真係慘... 好彩自問d英文都唔算太差姐... :P
今日煮左我印象中咁耐以o黎既一餐飯... 真係飯的... 係碟頭飯, 有腸, 有蟹柳, 有牛扒, 仲有豉油汁, 不過幾咸... 嘻嘻... 人地話有70幾80分呀... yeahyeah... 一大進步呢~~ 我今日先知, 原來我唔係咁適合煮雞翼的... anyway, 我下次都係要向難度挑戰~~ 呵呵~~~
今日有8呀!!!
之前dun親...
今日都幾忙, 忙住改卷, 上堂, 仲有set hall, 仲有開家長教師會...
5點幾6點先走得... 好累...
之前去環球嘉年華dun親個pat, 就係玩呢個遊戲的...
忙...
今日得知有個同事入左醫院, 係胃潰瘍, 仲有唔知咩丘咩咩咩菌... 佢原先應承左剪星期六套片, 而家整唔到, 就由我o黎剪... 好彩只係加少少野, 不過都攪左成日, 仲有d手尾執... 要export to tape, 仲要用dvd錄影機錄落dvd度... 攪左好耐, 因為未用過dvd錄影機... =.="
呢個星期好忙, 又要剪片, 又要做功課, 下星期一就交啦... 6題數... 仲有星期日要返去開校友會籌備會議...
原先約左中學同學gathering, 都去唔到了... ~_~"
打邊爐
今日夜晚去左旺角拎23" LCD TV, 好快就拎到... 不過就好重, 所以我地求其搵左間近巴士站的酒樓打邊爐, 點知又無得睇"爭霸", 因為大果個電視就俾人按左去睇跑馬, 細果個就係無雷公咁遠... 所以... 都係無得睇~~
食得好飽呢... 不過都係好似幾十蚊任食果d抵d咁... 下次都係去返果d~~
分裂? 思覺失調?
今日夜晚要去上堂, 係第二科, 叫做applied partial differential equations, 上年都上過少少呢堂, 不過就唔明... 今次... lecturer係日本仔o黎的... 不過係60多歲的日本仔... d英文超級難聽... 再加上有個騎呢人坐o係我地後面...
話說上個sem已經知道有呢個人既存在, 不過上個sem只係覺得佢講野好大聲, 同埋好樣衰, 點知今次見佢... 直頭係嚴重左好多... 一開始lecturer逐個行埋去點名, 因為佢要問清楚每個人個名既讀音. 用左差不多半個鐘, o係呢半個鐘入面, 後面個肥佬就o係度講電話, 應該係關於add drop科既事, 內容不斷話有人想害死佢, 唔俾佢take某d科咁... 佢既聲浪... 係全個課室都足以聽到的... 而課室可以容納60個人左右... 咁樣都不特止, 之後上堂既3小時, 佢都係不停咁o係度口upup, 應該係一路罵緊人的... 真係好恐怖... 果時, 我都幾驚佢可能會突然間lin住我條頸的...
真係咩人都有... 唔通讀呢個master in maths既course真係會讀到痴痴地?! 唔係卦... 唉...
阿數
今晚下學期第一日返學... 呢堂叫做Case Studies in Mathematical Modelling, 係個鬼婆教的, 另外仲有一個好似係TA既女人, 個鬼婆講野又細聲, 又唔用mic, 用實物投影機投射張notes出o黎, 熄得果少少燈又睇唔到實物投影機既野, 寫野o係white board又睇唔到, 真係火滾... 開頭講d野就o係度拖時間, 淨係逐個咁點名已經用左15分鐘... 最後就啦啦聲係咁飛d notes... 真係最憎呢d咁無準備既堂, 衰在cityu上親堂堂都係咁... 唔知聽日果堂又點樣啦...
上到9:00, 仲話要10分鐘break, 真係激死... 同事好想走... 我就想聽埋落去, 因為唔知佢仲有咩做, 同埋話晒都叫第一堂嘛... 我都叫同事唔好等我, 不過佢又好似唔好意思咁... 唉... 由於今堂係o係lab度上, 開頭我都幾有心機開個word出o黎打notes架... 之後同事係咁話我固執... 佢話佢寫d野notes度都有啦... 唉... 我知既... 不過我唸住有d野做下無咁悶嘛...
第一堂就有功課啦... 6題數, 下星期一交... 有無攪錯呀... 唔使咁快下話... 佢仲話50% coursework分包括7個assignments, 1份case study, 同1份project... 唉... 之後一定會好多野做...
走既時候隻眼好gip... 好在有同事車我去粉嶺~ yeah!!!
男朋友放學後去左同朋友食飯... 原來有個朋友o係間公司做左5年, 都俾人炒左... 真係戥佢慘... ~_~
不過~~~ 嘻嘻!!! 阿數~~~ 個名幾好聽喎~~~ ^3^
hughug聲
唔好意思, 今日要你亞媽特登煮飯俾我地兩個食... 睇左一陣電視... 7點多做果個"星期日檔案", 見到有個長春既小朋友患左病, 睇唔到野, 仲可能就快無命, 而佢既心願就係想去天安門睇一次升旗, 聽到呢樣野, 真係覺得自己d愛國心好似無乜... 雖然之前聽同事講過, 佢地帶隊去北京, 3點幾就要起身集合去天安門睇升旗, 佢話原來日日都有好多人去睇升旗的, 攪到我都曾經有唸過去北京, 不過都係未去過. 估唔到一個小小既患病兒童竟然有個咁樣既願望... 有d感動...
食完飯, 有人想留低我一個人o係度睇電視呢... 正衰人~~~ 攪到我鬼死咁樣衰好似扯住你唔俾你走咁...
之後睇埋一擲千金, 又打左一陣機, 嗚嗚... 電視... 哼!!! 又愛又恨...
聽日開始返學啦... 好似唔係嘆左好耐... 又要開始夜晚返學狂抄notes既日子...
唔鍾意SUDDENLY
