Daisypath Anniversary Years Ticker

Saturday, March 11, 2006

芝士火鍋 / 朱古力火鍋

The Swiss Chalet
上網睇forum睇到d網友話呢間野d火鍋好pro... 好想去試試呢~~ 不過幾貴呀...
去試一次都應該ok既~ 用AMRO-ABN信用咭~~ Yeah!

posted by Mandy @ 8:19 PM 0 comments

講大話係唔岩的!!

我很喜歡一起身就接到電話既感覺! 不過...
無論係邊個都好, 無論係因為咩特別理由都好, 無論係大事小事都好, 重要既事唔可以講大話, 小事更加唔需要講大話去隱瞞. V_V.....
你.....你有講大話嗎?

分享兩首舊歌:

一疋布 小苦妹
主唱：陳奕迅 /小苦妹 作曲：陳輝陽 作詞：黃仲凱 編曲：Adrian Chan

陳奕迅：當天首度約會靈驗 工展會見
小苦妹：這一天班上戲劇排練 春天來臨
陳奕迅：每次聽粵曲看舊片 突然 回到舊宮殿
小苦妹：每次見外公眼在閃 物語 又說一遍

陳奕迅：話當年 談改變 老花花鏡里浮現
一疋布長長懷緬 老掉牙嘆數十年
小苦妹：第幾年 才改變 我的將來未望見
不懂牽掛的臉 心中只有甜品店 難道很百厭

陳奕迅：今天耍著太極回望 公公善忘
小苦妹：天蒙光拖著你在游蕩 乖孫在旁
陳奕迅：褲腳 放著古老藥方 著涼 才要望一望
小苦妹：背脊 攝著手帕亂闖 熱氣讓我釋放
陳奕迅：話當年 談改變 老花花鏡里浮現 一疋布長長懷緬 老掉牙嘆數十年
小苦妹 / 陳奕迅： 第幾年 才改變 (第幾年 才改變) 我的將來未望見 (你的將來未望見)
不懂牽掛的臉 (不必牽掛的臉) 心中只有甜品店 (即管找那甜品店) 難道很百厭 (你應該百厭)

講故事 小苦妹
主唱：小苦妹 作曲：金培達 作詞：林若寧 編曲：金培達

一張紙 寫滿我的故事 Ah Ah
紙飛機 裝載很多小意義 飛過時 誰又藐視這是一張紙
小手指 演奏 "我的故事"Ah Ah
高低音 磨擦你的高興事 低怨時 動聽的節奏都倚靠一雙小手指

*床前公主每夜說故事 個個亦美麗每人一篇聖詩
人人總可化身天使 你也會拍翼不要先知 (可以) 明月照耀地堂 (可以)

飛蚊子 多渺小的影子 飛Ah 小影子 總有半天好故事
高個兒 像只小螞蟻捉不到小小飛蚊子
人人總可快樂說故事 個個亦偉大擦亮小小意思
人人總可化身天使 你也會拍翼不要先知 (可以) 明月再會地堂 (可以) Repeat *

流淚滲入蜜糖 (可以) 疲倦邂逅睡床 (可以)

posted by Mandy @ 3:19 PM 0 comments

大熊本

今個星期第三日無食lunch啦~~ 只係食左幾粒朱古力醫肚~ ^_^ 因為lunch時候要同中五cit既同學做premock呢... 做左三個鐘, o牛到我好o牛呢...
夜晚約左朋友食飯, 大熊本日本小食既水準真係唔錯~~ 好好味呢~ 壽司既味道都唔錯, 不過係散左少少~~ 今日最好味係:....................................... 軟殼"解虫"反卷~~ 嘻嘻!! 之後打左一陣機, 拍拍機好似有新遊戲呢, 好似好得意咁, 見到人地係咁玩, 玩到10幾20關, 好勁呢~ 下次一定要挑戰下至得~~ 去買左mousse chocolate食, 之後就搭巴士返屋企lu~~ ^_^ o係巴士.... 差d.... 叫左出o黎呢.... 衰人~~~~~~ ^3^
復活節就快到啦~ 去邊度玩玩好呢? 呵呵!!

posted by Mandy @ 12:32 AM 0 comments

Thursday, March 09, 2006

好眼睏

今日好眼睏~ 好眼睏~ 終於食左lunch, 不過個飽飽既感覺麻麻地呢... 下午教班中四cit同學整個好簡單既網頁, 用HTML, 都整左成大半個鐘~ 唉... 我都唔係好明點解! 佢地既自學能力真係麻麻, 唔識自己去debug, 一有問題就要問人點解, 都唔自己嘗試去唸耐d個答案... 不過好彩都有幾個幾積極, 而有幾個就唔聽書... 我教果陣又唔聽... 之後就唔識做, 連佢隔離果個都罵佢... "你究竟有無聽書架..." 真係勞氣~
夜晚返到屋企做左一陣maths, 因為竟然有學生追問我之前俾既三大疊功課既答案... 果d功課我唸住俾完就算架啦嘛, 唔改架嘛~ 到佢地走既時候就一併"送走"埋架嘛... 點知今日佢地問我會唔會改返俾佢地, 我話唔會架啦... 之後佢話咁咪唔知自己做得岩唔岩囉... 咁我就問佢地係咪有需要, 如果係既話我就搵個solution印俾佢地... 點知我問過, 果堆mock paper係無solution的... 咁... 我見佢地咁勤力... 就應承左佢地我會做個full solution俾佢地... 所以一返到屋企就開始做啦... 一份兩個鐘, 三份都要6個鐘呢... 仲要全中喎~...
食完飯又好眼睏.. 所以繼續睏, 雖然係睏唔著, 但係都要睏睏睏... 睏到11點, 就起身沖涼啦... 之後就繼續做做做~~~ 好努力咁做多幾分鐘... 就.... 又睏過啦.... 嘻嘻!! ^_^

posted by Mandy @ 11:54 PM 0 comments

Tuesday, March 07, 2006

好多野要講

今日第二日無食晏啦~~ 其實捱過左lunch time果一關, 之後就好易過呢~ 因為lunch time好多引誘呢, 見到人地食野... 同埋樓下又有魚蛋牛丸果d... 唔知我可以捱到幾耐呢~~
今日少堂, 出左份中五cit既pre mock paper 1, 仲有份paper 2未出呀~ 星期五就係啦~ 要加油啦!!
個喉嚨仲痛呢, 食左幾粒枇杷糖, 好dd~
聽日要上台講野呢! 慘啦.. 對住全校!!! 係IT Prefect既頒獎典禮呢... 好驚呀!!! 唔知點算~~ 今晚仲要度稿呀... 未試過對住全校講野的... ~_~
聽日係中七last day~ yeah!!
前幾日聽到同事講, 今年考評局既中七放榜暫定左o係六月三十日... 仲有, 5A既畢業晚宴好似都係呢日... 唉... 過都過得唔安樂呢... 玩都玩得唔盡興呢...

posted by Mandy @ 6:25 PM 0 comments

Monday, March 06, 2006

喉嚨痛...

今日連續嗌左5堂書... 喉嚨好痛, 仲要上中四堂前飲茶果陣"族"親, 好辛苦...
今日無食lunch, 因為唔餓呢~ 同同事傾左陣計, 同事話我知佢岩岩果個星期六又去左迪士尼玩, 又係去住左晚, 佢有個學生而家o係迪士尼做, 個學生仲幫佢由第二等房upgrade左去最貴果種房... 成6800蚊一晚... 真係勁... 佢話因為佢個女話要去, 所以佢老公就去book喎, 不過我唸我應該唔會去咁多次, 因為我估應該唔會太多野玩... 之後臨點名打鐘又合左一陣眼睏, 真係好眼睏呢... 雖然睏唔著, 不過我feel到自己覺得凍同埋d手手腳腳想跳呢... (即係睏得唔好, 精神緊張果d) 今日partner無返, lunch點名又多野派, 又要罵人, d遲到, 警告信同缺點多到離晒譜... 過份!
之後同中七對mock, 對database tas同埋integration tas... 今日係我最後一堂對佢地lu, 雖然唔知之後會唔會叫佢地返o黎補課, 但係正式既堂已經上晒, 佢地星期三係last day... 下星期中五考mock, 所以下星期開始, 我就發啦... 可以少左好多堂... ^_^

6點幾睏左一陣, 之後食飯... 試玩左rainbow6, 好難玩呢... 不過好茅既, 岩岩先死左一個人, 轉過第二個人既時候, 都未o黎得切轉個頭, 又俾人射.... 攪錯.... =.="

posted by Mandy @ 10:30 PM 0 comments

玩玩玩...

而家係三月六日, 零晨... 嘻嘻!!
今日去左玩, 玩左全日... 要走啦, 好唔捨得~ 好耐未試過可以玩晒全日啦...
玩完既後果, 就係第二日要返工, 要備課, 同埋睇見d野就唔想做... ~_~
如果可以全日睏o係床度就好啦...

迪迪尼, 海海公園, 漁漁碼頭, 仲有好多好多... 唔知幾時可以到你地出場呢~~ 期待中~~

posted by Mandy @ 12:32 AM 0 comments

Sunday, March 05, 2006

din床...

今日睏到1點先起身, 不過其實都醒過幾次~ "只係o係床度din姐..." 嘻嘻!!!!
禽晚臨睏前玩rainbow6, 下次都係唔好啦... 攪到我成晚都裝來裝去, 尤其係企o係d牆邊既時候呢... ~_~ 好累呀...
今日去玩呢... 哈哈...

posted by Mandy @ 2:18 PM 0 comments

Auto insurance
Braves tickets Orioles tickets