無feel
今日補中四.. 點知有成5個無返.. 放假返o黎你就知死~~~ 仲要有成7,8個遲到.. 仲要有個理直氣壯咁話"都放假啦.. 唔好咁緊張.." 真係豈有此理... 老實講, 我真係無咩放假feel. 前排忙到天昏地暗, 係好恨放假. 但係今年真係無放假feel... 雖然今日應該已經正式放假, 但係我完全無放假既心情, 除左唔使備課之外, o係屋企我完全唔覺得輕鬆... 個心情仲係好緊繃住...
好耐無打過機. 禽日自己打左鋪aoe.. 已經唔記得晒點玩啦... 所以最後都係輸左.... 再夜少少打warcraft.. 都ok.. 不過真係好耐未打過啦....
男人, 係咪覺得做"住家男人"係一樣好唔平凡既事呢?!
禽晚睇天涯俠醫, 我又搵到句說話啦..
"愛情只係得3個月, 之後就變感情, 再之後就變成習慣"
我開始覺得人生都幾灰暗....
40周年校慶感恩崇拜....
之前黎sir借俾我睇果本書"中國人的愛情觀", 今日睇到二百六十幾頁, 睇到呢幾句:
"愛情的嬴家知道自己的愛情在於分享感情的成長; 在適當的時候, 懂得放棄可能不適合的對象; 他們並不能免除感情的挫敗, 卻能從挫敗中更清楚自己對感情的把握應當是什麼."
"愛情嬴家對自己第一次戀愛的失敗, 固然也曷痛苦不堪, 但是, 很快地用清明的領悟, 使自己重新站起來."
"愛情嬴家之所以能重整信心, 乃是他們知道自己真正要的是某種更好的感情品質."
"愛情嬴家往往主動地要求分手, 他們知道錯了一步, 不再錯第二步, 決定不在愛情泥沼中拖拖拉拉."
"愛情嬴家很早就知道, 成長的意義就是放棄, 因此, 他們忍痛失去, 卻希望在以後的人生嬴回更多."
你是一個愛情的嬴家嗎?
我都唸左一陣, 我覺得自己唔係. 不過我都同意有d野真係要學的. 我唔係好清楚而家自己想點樣做. 但係我而家比較有信心知道, 如果你俾多d時間我, 我應該會唸到一個結論. 好過之前, 就算有幾多時間, 我都睇唔到自己既未來係點既樣.....
---
今日校慶感恩崇拜, 咁就40周年啦... 今日睇果段短片, 真係幾感動呢.. 講真, 我真係有dddd眼濕濕, 一o黎睇見d學生真係一年比一年識唸, 起碼而家整體上都可以算乖.. 仲有, 短片入面d相令我唸返好多之前o係度讀書既回憶, 有d感觸呢.... 不過, 今日都幾開心呢... 因為有好多人讚我靚呀.... ^_^ 多謝!! 仲有, 就係學多左一個字, 原來感恩崇拜既英文係"Thanksgiving service"....
聽日要補課. 補中四maths三個鐘... 應該唔使三個鐘都可以完到既.. 都係差1-2 section就教晒... 不過我都想你地拎好d既成績, 所以想同你地做多少少數~~
