SMS
聽日去旅行啦 - 深圳之旅... 唔知點解, 每次去旅行前個心都係怪怪的~ 有dd忐忑不安咁~ 去兩日, 應該都唔會有咩事發生既~ 不過個心都係心掛掛呢~
禽晚個心實在好掛, 所以忍唔住send左sms俾佢. "我真係好掛住你!" 我係衷心希望你既病快d好返的, 我絕對相信一個小小既病對你o黎講簡直就係濕濕碎~ 不過你都要小心身子呢~ 你無覆到我, 我都知道的, 不過我實在好掛好掛, 真係忍唔住所以send左...
我聽日去旅行啦, 你都係一個電話都無~ 梗係有d唔開心. 不過我睇開左d架啦. 而家, 我唔開心都係我自己一個人承受的, 其他人係唔會明的.
各位, 星期日晚見!
book package
呢兩日好返d, 終於睏到啦... 之前果個幾星期晚晚都失眠, 夜晚11點12點幾睏, 6,7點都睏唔著... 朋友話我應該係有壓力, 所以睏唔到... 我都知道自己有亂唸野, 心掛掛, 但係可惜我唔可以講我亂唸d咩. 希望呢段時間快d過啦. 禽晚同朋友打機, 之前已經好耐無打過架啦...
今日下午同媽咪去左上水, 因為我要去中旅社book package. 都幾順利呢~ 唔算太貴~ book完之後同媽咪去元綠食下午茶, 好耐無同媽咪兩個人撐枱腳啦~ 好開心, 同媽咪傾計~ 之後6點就返屋企lu~~
o係網上面見到以下呢句說話, 曾幾何時, 我都有咁唸過:
"我唔能夠阻止其他人鍾意你, 亦唔會妒忌你對別人比對我好, 因為我相信, 鍾意一個人, 絕對唔可以有一絲妒忌同猜疑"
病了..
3日連續既補課終於完左啦.. 鬆左一口氣, 不過病左, 喉嚨痛同有d發燒~ 鬼咩, o係個課室度無咪用既情況之下講3日, d咪電竟然全都無電, 又無人o係度... 激死... 仲有, 同事都病左呢~
3日入面教左一課半, 教左inequalities同埋apgp入面既ap. 今日最後一日仲有特別嘉賓添, 就係堯同埋彤, 呢兩個學生我都幾錫的, 因為真係睇住佢地生性的, 佢地都有得原校升中五, 不過佢地揀左去外國讀書... 都係一個好既出路, 最緊要佢地識得為自己同屋企人打算~ 真係識唸左好多, 佢地講左好多次多謝我同呂sir, 我真係好開心呢~ 你地去到英國同加拿大要努力呀!~ 希望3年半後同5年後見到既你地已經係一個成功既人!! 起碼對得住自己同埋關心你地既人!
呢排plan緊深圳之旅, 都7788, 差book package就可以了~ 聽日要抽時間打電話或者去中旅社問, 好彩唔係好遠, 可以返返下學蛇出去上水都得!
希望今次深圳之旅去得成啦!! 雖然係短, 都好過無啦... 不過今次真係唔該晒朋友幫手寫行程同埋搵資料, 辛苦晒!
今日好開心呀!!!
今日好好好開心呀.. 晨早去左銅鑼灣同華, 毛, hanna唱k, o係green box唱, 都唱得幾開心呀~ 唱完k, 同hanna傾左陣計, 之後就去南華會打保齡呀~~ 正呀! 好開心... 有得打保齡! 南華會俾我想像中平呀~ 都係$30一局, 都ok呀, 亞佛又join埋我地~ 4個人每人打左3局, 都係有目標打得好好多~~ 我地打到300分呀!!! 係咪勁呢?! 不過係4個人加埋的~ 我打到全中同補中啦!!! 非常開心! 我最高打到97分! 而毛同佛都勁呀!~ 毛有112分呀!~~ yeahyeah!! 玩到6點先返屋企~~
今日真係好happy呀, 同毛都傾左陣計, 其實我明既, 同埋我都知道自己有必要咁做, 因為, 我無幾多個8年! hanna同毛都重新提多我一樣野, 就係"值得"... 我知架啦~ 我會努力的!! 因為, 我"大個女"啦~~ 二十有x啦~~~ ^_^"
呢幾日感覺唔錯, 雖然都係有"等電話"既情況發生, 但係的而且確無之前咁嚴重同埋唔開心. 我唸呢個係好既轉變. 不過, 聽日要補課... 人地都要補課~~ 希望無事發生啦~ ^_^
又講返今日唱k同保齡, 好開心終於搵到一班真係鍾意打保齡同埋唱k既朋友~~ 因為呢d野都係要人陪一齊玩的... 仲有, 下次我地可以再約埋游水呢~~ 嘻!! 有機會得閒既話去科大做返張facility card先! 因為係舊生, 所以唔使錢呢~ 可以免費打波同游水呢~~ 好野!!!
多謝朋友!!
