病 + 拜山 + 3D長跑亞軍
呢個幾禮拜, 多數都係o係屋企, 因為唔舒服, 喉嚨發炎, 醫生話腫得好犀利下, 仲有感冒, 最後都係請左一個下午同埋一個上午病假, o係屋企休息. 開頭唸住o牛下o牛下可以好返, 不過最後都係要晒錢去睇醫生... $_$...上個星期日, 同d同事一齊入元朗圍村拜山, 拜已故左一年半既老師. 去到同埋老師既屋企人一齊行上山, 望見一個側挨o係山邊既碑, 雖然無相o係度, 但係都唸起好多野, 當然亦都少不了同你講講我既近況. 一路唸, 一路想搵其他野望, 因為我知道自己如果只係望住個碑, 我會忍唔住喊... 企左一段時間, 又食左d生果, 就走啦...
其實我前一日晚上先喊完o黎, 就係因為唸起以前同老師既相處. anyway, 我曾向你承諾過, 我會做好我既本份, 我會教好我既學生. 唔會令你失望...
呢個星期, o係學校都係好忙, 做極都好似好多野未做好咁. 中三tsa又考得唔好.
幸好, 佢地跑長跑真係有聽到我講, 盡力咁去跑, 最後都拎到個亞軍... 我聽到果刻都覺得好開心. 雖然我無在場, 但係我都唸到當時, 你地一定好興奮呢!!! ^_^
希望你地做每一件事都好似呢次咁努力就好啦. 咁我就放心啦...
posted by Mandy @ 11:44 PM
0 comments
