A Level放榜 + 生日Message
禽晚睏得2個鐘, 3-5am, 仲要係發惡夢嚇醒左, 成晚都好緊張.. 係無意識咁緊張..
今朝返到去, 去拎result既同事仲未返, 8點多先返到. 我啦啦聲落左去睇... 都有d唔開心呢... 校長見到我都有讚我, 話第一次算幾好, 我話我都好驚呢... d同事都知道我唔太開心. 佢地話我特別情況, 同埋第一次, o係備課咁唔充足既情況下, 都算係咁... 唉... 呢d都係安慰既說話o黎的... 唔合格果d同學令我有d意外, 無估到係佢. 唉... 今朝個氣氛就係個個都好緊張好驚... 連無份放榜既同事都緊張呢... 我唸... 會考果野仲緊張呢... 因為科目多d, 多d人牽涉在內, 而d學生又要去搵學校收中六... 呢段經歷, 到而家我都仲記得...
不過知道副校好唔開心.. 因為佢咁俾心機, 班學生都考得咁差, 係勁差... 唉...
成績已經出左. 擔心都無用. 唯有寄望中五會考放榜... 兩科, 又數學又電腦...
禽晚收到幾個朋友既生日Message, 今朝又收到d同事同學生既祝賀, 佢地仲記得呢... 我都記得上年佢地3A成班同我o係課室慶祝既情景, 一個二個哩埋晒o係桌下, 之後全部一齊彈上o黎唱生日歌... 謝謝呢...
朋友... 嘻嘻... 我會越來越成熟架啦!! 呵呵...
提早慶祝
今晚同屋企人去左酒樓食飯, 媽咪話係提早慶祝喎... 食左我最鍾意食既炸軟殼蟹, 入面有羔又有汁, 外層又脆卜卜, 好正, 媽咪仲叫左鮑魚呢... ^_^ 不過我生左飛滋呢, 所以係咁飲啤酒同埋西瓜汁. ^_^ 食完之後坐o係度同老豆媽咪傾計, 講開我之前有兩個同事都係開刀生, 咁老豆同媽咪就講返我同亞哥出世果陣... 我都忍唔住講左句"26年前既今日, 媽咪你辛苦啦..." 我唸住講之前果刻把聲都有dd哽咽, 唸過講唔講好, 不過之後都係講左, 因為咁都係對媽咪同老豆一種真心既感謝方式o黎既... ~^.^~
食完飯同媽咪逛左一陣商場, 一路同媽咪傾計, 之後同媽咪去左買護膚品, 買完返屋企時, o係屋企樓下既椅子度坐左一陣傾計先上返屋企. 知道媽咪既憂慮同埋擔心... 突然間令我有個唸法, 生個女都幾好, 起碼個亞媽可以同個女講淨係女仔先會傾既計, 嘻嘻!! 仔多數大個左都好少會聽亞媽講呢樣講果樣... ^_^
整電腦
禽晚朋友o黎左我屋企幫我整電腦, check到個harddisk應該都係神神地, 而個dvd rom就應該certified係燒左.. 遲d真係要洗錢買過個呢.. 而家叫做暫時止住左, 不過部機好似boot得越來越慢, 遲d有機會既話我都希望可以重新裝過佢..
攪左2個鐘, 朋友曳曳呢.. 給朋友的說話: "繼續努力呀! 要堅持, 要有意志力, 要有信心可以做得到! 你一定做得到的! 我會支持你的!"
送朋友落樓下, 朋友坐o係車度嗌左出o黎.. 開心! 連我企o係對面馬路都聽到呢~ ^3^
之前唔記得講, Account Number: 1314 1314 1314.... ^3^
千里河
今朝開中六聯招會, 開完睇AM730, 見到中間果頁有以下既句子, 都幾有意思... 吸引我睇晒成篇好既故事文章..如果愛情可以像那一道千里河,沒修飾, 沒加工,就是細水長流, 長流而又不息,或許愛起來就會比較快樂...走著走著,偶爾看看他們留下的每雙足印,走著走著,走出自己的路來.今日同同事傾計, 傾開d close既話題. 我都認同一生人只可以係一個... 你話我保守又好點都好. 我始終都覺得理所當然應該係咁. 所以聽到關於另一個同事既野, 有dd感覺唔舒服...
G2000 + 買package + 大熊本 + 怪夢
今晚請左朋友食飯, 去左旺角大熊本, 好味~ 食左至愛 - 炸蠔, ^_^ 今日做左好多樣野, 去打機, 去G2000買西褲, 去左銀行中心買package, 又望左一陣d電話.. d酒店好多都full左, 好彩我地選果間仲有位, 不過d船飛既時間都幾緊下, 有一間要下午4點先有飛, 第二日下午兩點就要走.. 另一間都ok, book左~ 好開心.. o係旅行社出o黎既時候忍唔住笑左出o黎, ^_^ 食飯時傾左大約個行程, 嘻嘻.. 好多野要去呢~ 好期待好期待.. 不過我開始有少少擔心去完旅行要走既時候會有幾唔捨得.. =.=" 會唔會快左少少呢.. ^3^
最後唸住返屋企整電腦的, 不過都唔夠時間, 要遲d先再整過呢.. 係咪真係要買過個harddisk呢.. 仲有dvd writer.. >.<
唔記得講, 今朝發夢.. 夢見網上面有新聞話download "Doramay"既卡通片係犯法的.. 請留意, 係Doramay, 唔係Doraemon... 怪夢一個... 原來發夢真係可以咩都有...
o係巴士度, 發現朋友"寫"錯我電話呢... v_v" 罰你聽日交罰抄啦~ 10次! ^3^
黑女 + 扁豆
禽晚個電腦short左呀!! 首先係個mon no signal, 之後整著左個mon, 就輪到個harddisk detect有問題, 話我個primary slave有問題... 唉... 而家次次boot機都要按F1 resume, 到boot得著入windows, 就輪到個dvd rom detect唔到, 我唸應該係壞左... 嗚嗚... 黑女...
今日返工精神少少, ^_^ 同d同事傾計, 又同左同事傾左今年校園電視台既野, 之後又執左一陣桌子, 面前果幢書矮左好多, 不過都仲未執完, 聽日再執~
今日知道左除左我之外, 仲有兩個同事都係簽perm, 恭喜晒呢! ^_^ 我等左4年先簽, 另一個就等2年就簽, 剩低果個做左1年就簽... ~_~" 只好怪自己當年無perm位呢~ 今年有1個老師走~ 最近呢一兩年好似好多人事變動咁...
今日遲左返屋企, 等埋同事一齊行, 我要幫媽咪去藥材鋪買"扁豆"煲湯, 一路行一路都唸緊究竟d扁豆係點既呢... 如果唔知既話, 咁個人俾錯左咁點算呀... 不過唸唸下, 都係算啦... 扁豆之嘛, 未見過好奇咩... 依我估計, 20多歲既女孩們唔知扁豆係咩樣應該都唔少人卦下話... 嘻嘻!!
簽約
禽晚英格蘭繼續失望, 淨係得Beckham一球罰球, 雖然球罰球射得唔錯, 但係以英格蘭以往既水準同埋佢d球員, 有乜理由只係入得一球罰球... 睇怕英格蘭遲早都出局...
今日返工好眼睏, 而家越o黎越唔捱得夜, 以前同朋友玩, 幾夜唔太覺累, 唸起中五中七考會考, 溫書溫到5點幾, 之後上床合一陣, 7點幾起身再返學都無乜大問題... 而家真係唔得...
今朝入禮堂咪房執野, 執左成兩個幾鐘, 將所有唔同類型既咪線分類, 全部用繩綁好晒, d AV線又綁好, d remote又放得整齊晒, d咪放返好, 又執執d垃圾, 一路執一路睇新聞, 咁岩出面有同事監緊考, 佢又走入o黎睇我好似麻甩佬咁o係度繞線, 又傾左一陣計... 繞到11點幾就整齊晒啦... 都係自己親力親為做得比較滿意...
返到上room無幾耐, 俾校務處叫落去見校長... 校長又係例排讚我一輪, 之後就同我簽perm呢~ 其實我都係預早知道的, 所以無咩驚喜, 都係講d行野, 不過個心都安心左少少, 等左4年, 第5年係perm, probation一年, 以後都唔使再一年一年咁簽lu... ^_^ 我簽完上返room時, d同事笑我呢, "知你架啦, 快d打電話啦..." ^_^ 不過我呢個咁體貼^3^既女朋友梗係唔會阻住朋友做野啦... 嘻... 忍到朋友放工先講... ^_^ yeah!
休息~
今日全日都o係屋企休息, 剪片(完成左啦... 不過好似剪得幾馬虎...), 睇亂馬, 玩cakemania, 玩winning9, 睇newsgroup, 睇報紙... 唯一係無睏到晏覺~ ^_^
原本唸住今日去整游水證的, 但係亞哥又出左街, 所以無整到lu... o係屋企好熱好熱... 完全唔想郁... ~_~"
碧海藍天 + 貓貓
今晚去左朋友既朋友屋企, o係荔枝角的, 間格都幾好呢. 好溫馨... 好sweet...
兩隻貓貓好得意呀... 沙律同熊貓... 即係"咖啡", 哈哈... 攪到我都亂晒... 兩隻貓貓都唔驚人, 好可愛呢... 同貓貓玩左一陣, 好好玩呢~ 左右左右... 跳~ 勁~
朋友既朋友們o係飯廳打牌, 我就睇漫畫, 好多漫畫書呢... ^_^ 睇左少少相聚一刻, 之後打左一陣機, 個電視用o黎打機真係好正, 第時我部電視機都要連接電腦至得, 好方便~ ^_^ 朋友話好羨慕呢... 我都有d羨慕呀~ 兩小口子一齊住, 真係好開心... 期待... 期待... 期待...
之後到9點多, 落左去酒樓食飯, 食完再上返朋友既屋企同朋友既朋友慶祝生日, 27號呢~ ^_^ 我仲同貓貓影左相添呀~~ 嘻嘻... 第一次敢抱d貓貓狗狗... 貓貓都係比起狗狗純d, 乖d, 定d... 而狗狗就好似活潑d, 好動d... 就好似男仔女仔咁... 貓貓係女仔, 狗狗係男仔咁... ^3^
朋友買左電腦手掣俾我, ^_^ 好野! 有得用手掣o係電腦玩winning9~~
