歌曲分享 - 戲中有氣
戲中有氣 歌手：官恩娜
作曲：Jim Ling@Zoo Music 填詞：李峻一 編曲：Jim Ling@Zoo Music
過去我 是你最最寶貴
轉個背 毫無留戀的放低
六年長伴你 如何浪費 你搭上新貴
＊我會笑 受騙仍如常扮笑
再指責與黑臉 你都會說再見
我早放棄了 無奈妒火一發再不止
我勝在最會演戲 這笨透女子處在劣勢
未流露心情 難委屈到涕淚塗地
來贈你一聲恭喜一臉幸福掩蓋我痛悲
恭喜她替代同遊蜜月旅程
一世待你好 快樂至死 然後我淪為憶記
任我多好心地這樣受傷總也會嘆息
多麼好戲未藏住那一腔怨氣
沒有怪你 察覺不到這種心理
其實早交足戲 多不想你走 扮作不緊也不理＊
愛錯了 就算滿肚悲憤
撐過了 仍然能瀟洒轉身
未能懷念你 愁城自困 更有失身份
REPEAT＊
讓我揮洒的獻技飾演分手角色 永別你
好多人結婚呀...
之前有個大學同學結婚... 禽日收到個電話, 有個中學同學結婚.. 仲有最近知道有個ied同學結婚, 不過係無意中睇到的, 仲有兩個同事又係今年結呢, 亞哥上年年尾果時又話可能下年結, 咁即係可能今年呢.. 真係值得恭喜恭喜!! 不過唸起做人情就.... -.-"
結婚都算係一個人生既重要點.. 好似果次小毛話齋, 點樣先會唸係時候結婚呢~~
結婚, o係我心目中, 係一個好神聖既儀式, 好重大既決定, 當然, 作為一個年輕少女, (嘻嘻!), 我都會幻想同埋期待. 記得之前去過朋友同親戚既婚禮, 一個係o係教堂的, 一個o係婚姻註冊處, 教堂果度雖然都有d笑料, 個牧師又唔算好pro, 不過感覺好唔同的, 尤其係新娘kiu住爸爸步入教堂, 然後爸爸將個女隻手交俾新郎果刻, 雖然唔係自己, 我都會覺得好感動的. 不過我唔係話o係婚姻註冊處唔好, 但係就無咁強烈既呢種感覺呢.. 仲有之前同事既婚禮, o係酒樓的, 當新郎新娘kiu住經過晒咁多張桌, 接受d同事們呀, 朋友們既歡呼, 果刻都覺得好感動好有氣氛呢~~ ^_^
不過, 結婚之前, 應該都係拍拖既階段, o係我o黎講, 拍得拖, 就希望會有將來, 唔希望有將來既, 就唔好拍拖. 有d人可能會覺得咁樣會有壓力, 不過我覺得, 適可而止既希望係無問題的..
唔知大家同唔同意呢?!
聽道
終於到星期五六日, 可以休息啦.. 星期五d學生考試, 所以比較得閒少少, 起碼唔使咁早入課室點名. 星期五同個影印商傾個卡片設計, 好彩我仲有時間整姐.. 因為個design又要加野.. 無法, 我地呢d低層既人, 人地話無就係無, 我明明有做到都無得講的.. 算. 好彩有大把證人! 哼!
夜晚約左同事, 同事既教友, 同埋教會既家祥教師傾野, 我都估到傾咩既, 都係傳道果d, 不過佢既回答的而且確係令我明白左一d野, 因為我之前係有d唔明白或者唔清楚的.. 不過當佢例排的問我願唔願意既時候, 我都係答左唔想住. 其實今次既傳道, 我覺得好過我之前既幾次的, 一開始既時候都係傾下計咁, 傾下我既以前等等.. 之後傾左差唔多半個鐘先入正題.. 都算幾自然. 我都係有咩問題就問咩, 好直接的講我對基督教既感覺.. anyway, 我仍然感覺麻麻地, 我知道每個宗教都係導人向善的, 雖然我明白家祥教師所講既係, 人有咁多既罪係唔配上天堂的, 但係我始終唔同意既係, 信就上天堂, 唔信就落地獄呢個講法, 當然聽完佢講之後我明白左dd的. 不過可能我實在係無遇到d咁既evidence去support我去信佢.. 同埋我覺得做呢個決定係重要的, 我覺得我而家唔想花呢d時間去返教會去了解呢類既野住.. 所以我都係say左no! ^_^ 不過o係個傾計既過程當中, 最令我意外既係... 原來家祥教師唔係我所想既咁年輕呢... 個樣真係一d都睇唔出呢.. 個樣係似廿幾歲的.. 但係實際上竟然差咁遠, 好令我意外呢~ 竟然仲大過胡牧師... =.=" 我唸我都係唔係好識從個樣去估人地既年齡呢..
傾完之後就同同事去食飯, 去左粉嶺中心食日本野果間, 我食左咖哩吉列雞扒飯, 食左少少串燒, 不過d咖哩就麻麻, d串燒都ok, 不過凍左無咁好食囉... 之後就返屋企啦~
返到屋企都九點幾, 啦啦聲沖涼呢, 因為凍左好多呢~ 之後就同朋友傾計, 其實有d野我係明白的, 不過奈何自己仲未做得到, 我知道有d野根本唔o係我既控制範圍之內, 但係我仍然好care的. 不過如果呢d野去到一個好影響我情緒既地步時, 我應該點做? 只要曾經努力過盡力過就足夠? 不過我明白你既意思的, anyway, 我會努力的, 加油! ^_^
P.S. 今日收到個好"暖"既sms, thank you! ^_^
一個月快樂
今日得一堂, 好開心, 不過因為有個同事遲到, 所以要代一堂, 上左頭兩堂之後就等放學lu, 當然都有野做啦, 整左一陣卡片, 但係有麻煩野呢.. 之前明明post左張紙出o黎問邊個同事要加學歷既就寫上去, 結果無人要加, 而家到我design好晒個layout, 打晒咁多個人既卡片之後, 你地先話要加學歷, 仲話之前真係無post到話問學歷... 真係過份!! 又要再整過.. 好麻煩呢.. 攪到又未可以拎出去俾人印.. 聽日仲要整呢..
聽日學生開始考試, 但係只係中一至四同埋六, 中五同七都要繼續上堂, 所以我仲有成十幾堂呢.. 考試既時候係放12點工的.. 但係如果下午有五或者七既堂就要上到3:10呢.. :( 聽日仲約左同事食飯, 要同牧師同埋同事既教友傾計.. 都有dd緊張呢, 因為唔知佢地想問d咩, 我又唔知要答d咩.. 不過我都係當幫人呢~ 原本係唔食飯的, 不過同事見d時間可能會阻住我返屋企食飯, 所以就約埋我食飯呢~
今晚約左人出街食飯, 因為要去pccw拎netcash換既ua戲票, 之後就陪朋友買野~ 個夾夾都幾靚呀! 買完夾夾就去食"水道橋", d朱古力, 三文魚都好好味呢, 之後去左行街, ^_^ 一定要讚讚你的.. 估唔到你講價咁叻的, 10秒唔使就俾你嗌到你既目標價, 一句"咁貴, 走人"就掂左... 哈!! 我都要學下先... 嘻嘻!!
不過我無鬼用呢, 之前應承左朋友做既野, 真係唔記得左... 唔好意思呀, 我下次一定要記得呀..
朋友, 一個月快樂!
第二日返工
今日第二日返學, 朝早仲係好眼睏, 好唔願起身呢.. 今日好多堂, 好堂, 講到喉嚨痛痛地.. 我記得以前同事教我學下用氣講大聲, 唔好用喉嚨講大聲, 但係我都係未掌握到呢. 所以開學兩日個喉嚨就開始痕同埋痛痛地.. 聽日記得既話去買返d喉嚨糖先..
仲有一日正式上課天, d學生就要考試啦~ 我聽日得一堂咋, 嘻嘻!! 不過中五同中七仲要上堂呢.. 即係我仲有十幾堂呀.. 以前學生考試好開心的, 淨係監考, 今年就唔係啦, 監考連埋上堂... 不過我唸應該都得閒dd卦.. 但係我唸應該要差唔多出卷啦, 中七mock exam.. 我知道我差一堆野未交的, 不過無奈都係未有mood做, 好彩d野唔太趕姐~~ ^_^
返工
今日返工, 一早起身好累呢, 都未睏醒, 因為禽晚夜睏, 前晚更夜睏呢.. 改project改到好夜, 都算改晒啦..
今日有5堂, 都無咩mood上堂, 都仲有d holiday mood, 因為未放夠呢.. ^_^ 講左書成日, 開始喉嚨痛痛地呢..
今日5點走, 都遲左呢.. 原本今日想早走的, 因為好眼睏, 但係因為要同中五computer既同學講project既問題, 所以遲左呢.. 返到屋企食左5枝朱古力手指就睏啦.. 睏到食飯, 都未睏夠呢.. 今晚要改卷啦.. 但係好唔想改呢.. :(
沙律 + 勾手指
今日下午真係去左美食展呢, 原來仲有婚紗展同購物展, 不過美食展真係太吸引, 所以都係去左美食度呢..
拎左禽日整既沙律俾朋友食, ^_^. 去到美食展, 同朋友一路行一路試食, 勁呀! 食左好多好多野. 都飽晒! 又買左好多野.. 仲買左"四眼雞丁"cookies, 多謝! 個盒好靚呢... 我地係咁依都行左3個幾4個鐘呢.. 嘻! 行完食完就搭巴士返屋企lu, o係巴士喊左呢 ..~.~.. 我只係唔想o係你面前忍住我既情緒, 因為我想你知道我既唸法. 希望朋友唔好怪我喊. 朋友仲同我勾手指尾呢...
返到屋企啦啦聲沖涼, 因為我要繼續努力呢.. 今晚又唔知幾多點睏啦, 聽日開學啦, 最衰就係唔係一放完假就考試啦, 仲要返多3日學先開始考.. 不過今年既考試我都唔係好似以前咁得閒lu.. 因為我都要照時間表上堂, 只係唔使上中四, 而中五maths, 中五cit同中七ca都要上呢.. 所以都仲有十幾堂要上... 希望唔好咁多監考就真...
悶
改report改到好悶~~ 聽日返工我一定忍唔住會罵佢地呢.. 雖然聽日無堂, 但係聽日放學應該可以留佢地o係度呢.. 哼! 如果佢地呢份report直接交上去考評局, 一定死梗!! F梗!!!
聽左成朝歌, 做左成朝野, 好掛住張床呢.. 聽日返工一定有"時差"... -.-"
一陣"應該"會去會展既冬日美食節, 不過唔知仲去唔去到呢...
改report
禽晚開工, 改中五cit report, 改到好累, 佢地d formating同organization好差, 好明顯係左抄一d右抄一d, 然後就堆晒上去, 30幾頁又有咩用, grammar又錯到七彩.. 禽晚開始改到三點都未改完呢, 不過要睏啦, 個膊頭既肌肉好痛, 頸都好痛, 可能好耐未試過坐左咁耐唔郁做野啦..
今朝10點起左身再改, 我仲有一份中五maths paper 1未改呢.. 要加油啦.. 聽日開學啦.. 嗚~ 我都未放夠假...
家庭日
今日家庭日, 同屋企人一齊, 中午同屋企人同埋亞哥女朋友飲茶, 好耐未咁齊人飲過茶呢~ ^_^ 之後就陪媽咪去百佳買野, 買左d生果, 之後買買下, 心血來潮就決定買野整沙律啦~ ^_^ 嘻! 整左一個鐘左右就整完啦! 好開心! 聽日可以拎俾朋友食, 又拎左一盒俾亞哥, 剩返唔係好多咋~ 嘻! 我試過味都ok呢~ 希望朋友鍾意食啦! 呵呵!!
夜晚同屋企人去新明苑食飯, 食得好飽呢.. 全部都好好味, 最好味係軟殼蟹同埋炸生蠔, 炸生蠔有成廿隻呀.. 好好味!! 好開心!! 嘻!!
今日o係屋企改中五既project, 因為... 就快要開工啦... 嗚....
屋企 + 除夕 + 倒數
Everybody, Happy New Year!!!
禽日去左朋友屋企玩, 驚驚"地"呢... -.-" 朋友無介紹我呢... 我硬係覺得唔係幾好咁... 朋友唔俾我買野去... 原本唸住睇碟的, 都無睇到呢..
夜晚首先o係尖沙咀, 去到尖沙咀, 我地跑呀跑呀.. 趕到去海濱公園呢, 睇"幻彩詠香江", 其實我之前睇過一次, 不過唔清楚的, 今次睇感覺唔同左呢~ ^_^ 睇完就坐船去左中環, 我地都覺得怪怪地, 點解上船果陣咁多記者o係度影相呢... 我估係最後一班呢.. 點知真係估中左, 原來愉景灣尖沙咀同中環既船因為乖客量少所以唔做啦, 我地仲幾次俾人影左相, 唔知有無被登到呢... 去到中環, 食左好"軟林林"既軟雪糕... 嘻!! 朋友帶我去佢公司放低d野, d電梯係自動的, 仲睇到d chips.. 有好多好多resistors同埋cap... 勁! ^_^ 我好鍾意呢d野呢~ 放完野之後就再返船返尖沙咀, 我地去左屈臣氐買"野"呢~~ 哈... 有人唔靚仔... 呵呵!! 之後就去mcdonald's食野, 我真係好耐都無食過mcdonald's啦.. 食得平平地都可以好開心的! 不過我覺得好易記呢~~ 嘻... 好耐之後, 一定記得今日食過mcdonald's.. yeah! 食完野就排隊去toilet, 朋友就去"扮"靚啦... 呵呵! 攪來攪去都係"咁"架啦!! Kee.. 之後我地就去行左一陣, 去影左相, ^_^ 好野! 之後去打左陣機... 手指機~ 不過我好咋呢, 俾人笑我... 之後就去count down啦, 都唔算太多人, 10, 9, 8, ..., 5, 4, 3, 2, 1, Happy New Year! 可能因為周圍都封晒路, 同埋又有好多地方都有倒數活動, 所以都唔算太多人! 我真係有個感覺, 2006年應該係一個新開始!! 加油! 努力! 之後就返屋企啦~
12月31日, 第三個紀念日!P.S. 夠數去買六合彩啦!!! 好野!!!
