Polar Express 北極快車
今日睇左Polar Express北極快車, 都幾好睇呀, d動畫好靚呀~ 都唔錯. o係沙田UA睇, 都唔係好多人..
今朝返學, 個lecturer真係超級悶呀, 我都差dd睏著左. 我唔想架~~~~~ :P
今日大眾sale呀.. 我買左3本書, 都係50幾蚊咋, 上次買一本都已經70幾啦.... 抵~~~
今晚打左一鋪機呀, 都幾開心呀, 不過有d累呀..
曖昧的一天 - 聽talk
今日同事又笑我呢.... 仲笑兩樣野.... 唉.... 你估我唔想扮靚扮young咩! 都要得先得架!!! 仲有, miss cheung話我地去街..... 唉....
今日我唔使監考, o係room度改晒3班既physics卷呀~~~ 係咪好勁呢?? 仲入晒5班既平時分添呀!!! 嘻~~ 不過仲有兩set最"kun"既maths....
今日下午去左灣仔教統局聽talk, 關於通識, 個講者都講得幾好, 仲有個activity. 不過原來我地唔係今日去聽呢.. 應該係下個星期, 不過好彩佢都俾我地入去姐.. 張cert就遲d先寄返俾我地~ 之後就啦啦聲搭車返屋企食飯lu..
今日都有d曖昧事發生, 係關於Airwave香口膠, lift同埋火車頭等的. 不過唔講你知! :P
我記得上年既今日, 我暈左o係火車~~ 係同事接我的 ^_^ 而家唸起都幾好笑..
思覺失調
今日監考一節. 之後就改卷. 繼續改中三maths, physics唸住拎返屋企改, 因為薄d呀..
聽日下午要去聽talk呢... 關於通識, 唔知係咪聽完就咩都識呢~!
今晚睇返叱吒頒獎典禮, 真係幾好睇. 呢首歌都幾好聽, d歌詞又係好好, 好似寫緊我咁! 我都希望可以睇得開.
思覺失調
填詞/作曲：Keith Ling 編曲/監製：Billy Chan
仍好嗎 重會每天失眠到 天光嗎
大頭蝦 沒帶門匙也許很 勞氣吧
仍關心妳願每天問 最後也明白角色時已不相襯
還由他去代我為妳緊
＊問太多根本不會講 束縛不來如人馬座
亦因愛妳令妳不安 才離開不再講
願明天 能不再為妳痴纏
明白改不變 妳亦離開很遠
就算花光心機守每一個諾言 最後誰又會可憐＊
極危險 連思覺像也失調 無辦法接受現實
自製假想能延續故事 妳的聲線還仍言猶在耳 已分不清楚我位置
REPEAT＊
極危險 連思覺像也失調 還是我太犯賤
或是我太介意太過膚淺 百篇短訊留言徒然又試 始終得不到妳在意
留低即使很多的透支 如今已做錯 記下了只有缺點
太心痛是我的一手包辦令妳心變酸 彌補如何還是太遲
若然妳 如果有日說婚期 我這生福氣
也用來祝福妳 仍收起曾同渡每一齣戲飛 而這票尾 還應否捨棄
唔開心+累+hurt+睏唔到
呢幾日都好累, 無一日係睏得舒舒服服, 星期一去飲, 星期二考急救, 12點幾先返屋企, 今日又要返學. 禽日同前日都睏唔著, 雖然好眼睏, 但係我真係好唔開心, 睏唔到..
禽日考急救, 筆試mc應該無咩問題, 但係cpr就應該衰架啦... 都好似吹唔脤個bb... 睇o黎都係兇多吉少架啦.. 包紮都ok既.. 不過個亞禪examiner真係好唔掂, 一d專業都無, 成場o係度串, 好似個個都要俾佢鬧一鬧先安樂. 我同partner之前果對都俾佢罵過... 考完之後條氣仲頂住o係度...
之後我地搭船去尖沙咀, (好耐未搭過船lu, 之前一次好似係唔知新年定聖誕), 去左"麻布茶房"食飯.. 都幾好食呀.. 不過叫得多得滯, 好飽...
禽日有一份中三maths, 今日有一份中四maths加三份中三physics... 點改呀!!!!!... 幾點先睏得呀!!!
我唔想再俾藉口自己. 我好累. 好hurt. 好唔開心.. 但係又要成日做到面帶歡喜, 好難受.
我好想簡簡單單咁去生活, 突然一個感覺又浮上o黎, ... 好想唔再唸呢方面既所有野! 好想離開呢個地方!
犯賤
今日一朝就好唔開心. 因為見到一d野好突然. 有個同事明白我, 想安慰我, 令我忍唔住喊..但係我又要監考, 所以只好忍住, 不過後尾都係忍唔到. 我唔想多講呢件事, 但係我知道呢件事又再一次咁傷害左我, 朋友講得岩既, 係我自己唔肯放過自己, 即係一句: 犯賤!!
雖然今日親戚結婚, 要去觀禮同埋飲, 但係我一d都唔係好覺得開心. 個場面仲令我幻想到好多唔開心既野, 例如場地一樣, 但人物轉左做第二pair. 一路同親戚鄧腳, 一邊覺得個心真係痛. 結果, 咁樣打牌法, 最後都係輸左成200蚊呀.... 真係破財~~
溫書
今日好早起左身溫書, 差唔多睇完本書啦. 下午就同左媽咪去買左件冷外套, 都幾靚的.. 不過我要減肥呢.. 聽日要去飲, 所以成日都不外乎o係度唸聽日著咩衫, 開頭我唸住朝早著埋套靚衫返學架, 不過唸唸下都係唔好啦, 費事整污左就唔好啦.. 所以都係聽日中午既時候返屋企換衫, 橫豎我聽日都請左下午假, 因為要去尖沙咀文化中心觀禮同埋影相, 之後就直接去酒樓lu.. 希望聽日可以早d返屋企啦.. 因為我星期二要考急救啦... 無時間練習啦~~~~
