一哥火鍋 + 芝味火鍋
今日男朋友好早起身o黎接我放工呢~ 好高興!!! ^3^
今朝晨早返學校做中一自行收生面試, 由9:00開工開到13:00, 一共飲左兩枝熱維他奶同埋一個吞拿魚包, 最後仲食左蘿蔔糕, 好味道!
我地去左福井食日本野, 又係好好味!!! 之後返左屋企"整"左一陣電腦, 又打左一陣機.. 有人.. 整濕左一張tissue.. ~_~"
4點多我地就出發去沙田啦.. 首先係打機, 之後就去3度罵人, 不過見個員工態度幾好, 都無真係點罵到呢~ 但係佢要我之後再打返電話去罵睇下拎唔拎到refund... 唉... 我覺得都係凶多吉少... 好在我一路問一路拎佢d mouse pad姐, (學校computer lab唔見左幾個, 等我拎返d返去用先...) 罵完人之後我地就去食大家樂既"一哥火鍋"同埋"芝味火鍋", 都ok呀! 好飽下!!! 個芝味既天使麵同埋法包包最好味, 仲有d會令你唔捨得食既肥牛... 哈哈!
食完好飽, 就去左citysuper度行, 唸住買d去大陸餅乾, 用左d coupon, 之後都忍唔住食左一個"金莎朱古力"雪糕球一個... 好味呢~
總括今日, 食左好多好野, 同埋好似好多立雜野..
再頭痛
禽晚成晚都好頭痛, 睏唔到, 4點幾終於頂唔順, 要起身食panadol, 食左兩粒之後再睏, 都唔係太好, 只係feel到好似無咁痛, 之後到鬧鐘響時, 睜大左眼都仲唔係好痛, 一起身就好痛...
今日成日都係咁樣頭痛法, 我知道係緊張, 就係因為最近學校既所謂跨學科學習課程, 真係多得佢唔小. 聽日仲有中六, 同事勸我只係應下節就可以了, 唔好做project啦.. 我唸.. 都唯有係咁啦.. -_-
3點返屋企睏覺, 睏到6點半, 好左好多, 不過仲有d隱隱作痛呢.. 唉.. 連約左人食飯都食唔到啦.. 嗚嗚..
頭痛
之前唔記得講, 星期二已經要正式上堂, 仲要係要做"跨學科學習課程", 題目係食物.. 即係科科都要將教既野牽涉到食物.. 好大壓力, 個人好緊張, d偏頭痛又o黎料.. 一o黎係因為好耐未上過堂, 二o黎要備過晒d課唸有咩活動同佢地做.. 好麻煩..
你話bio呀果d科就易啦.. maths同電腦.. 真係唸到都要唸得清清楚楚點樣同學生做.. 真係晒時間!!! \_/
屋企人呢兩日好似唔係好舒服.. 腸胃有d問題, 令我唸起之前一個同事既"幽門螺旋菌".. 都幾恐怖~
激氣
今日夜晚返學..
呢個sem take既兩科, 個lecturer都教得唔好的, 星期一果個就教埋d好易好易既野, 星期二果個就教得比較慢.. 其實我不嬲都知道自己唔係果d自己睇書就會明既學生, 我一定要聽過個lecturer教, 就算係唔明, 至低限度都起碼知發生咩事呀.. 我一定要花一段長時間去溫去睇, 然後有個人俾我問野, 咁樣我先會易d做到..
今日個同學係咁催我叫我早走, 因為佢上左堂2小時, 起碼睏左一半去, 但係佢自己睇書都睇得快過佢教.. 而我就聽極都唔係好明佢講咩.. 同埋o架仔d英文要好專心先至聽得明.. 咁同學就明晒, 所以就不斷叫我一齊走, 仲話保證教識我為止.. 仲話我stubborn, 講真, 我唔覺得我咁樣就叫做stubborn囉!!! 唉.. 勁唔開心~
我走, 我覺得過唔到自己, 我唔走, 就好似阻住佢咁.. 因為不嬲都係佢車我返大學火車站走的.. 我覺得如果我繼續上堂既話好似唔好意思咁.. 攪到我都唔知點咁.. 我好唔鍾意咁囉..
雖然最後果一個鐘, 佢情願走出個課室度睇書, 都等到我上完堂先一齊走, 但係.. 我真係覺得好唔好意思.. 真係好似阻住佢返屋企休息咁..
點解我返學要返成咁?!!
心誠校友會籌備會議
今日下午返左母校開校友會籌備會議, 比預期中既10幾人為多, 總共應該有50-60人, 多數都係老一輩的, 我地呢d係叫做最後生的... 嘻~ 真好!!
返到去俾人叫左去set咪, 之前又話唔使, 仲要幫手影相... =.="
聽左大約半個鐘既野之後, 就搵人提名做籌備委員會會員, Amanda俾何小提名.. 我又被Amanda提名~ -.-" 最後何小同李小都被人提名... 哈哈!!!
聽完晒之後就出左校門影大合照~ 之後我就同Amanda遊校園一周, 一路行一路傾計, 好不寫意呢~ 雖然我而家日日都o係學校, 但係我好日都唔會去球場一躺, 今日行過, 回憶起以前同埋d同學一齊打籃球既時光... 真係好開心~ 果次應該係我最打得多籃球同埋唯一打咁多次籃球既時間, 好懷念呢~
記得以前我地兩個都係o係呢個校園入面行來行去咁傾呢樣傾果樣的... ^_^ 估唔到咁多年後仲有咁樣既情景 ~^.^~
