累到睏著左..
禽日o係學校開會, 個會都幾悶, 差d睏著.. 開會前交低左d同學o係physics lab做maths board同做飲管比賽既準備.. 一開完會就即刻跑上去睇佢地.. 一係有d火滾, 個學生仲要話我唔理佢. 真係豈有此理, 我咪話佢囉, 佢都知我嬲. 所以都講返sorry. 唉.. 不過我已經學識左少少對呢d野唔好咁上心, 所以今次都無咁激氣. 但係都同佢地留到7點先走... 好鬼累...
有朋友o黎我學校接我放學, 唔該晒你, 不過下次唔好o黎啦, 又遠又唔就腳, anyway, 多謝你既鏡盒, 返到屋企就食老豆整既水餃, 好好味呀~~~ ^_^ 食完之後等睇大長今, 不過果時只係8點.. 我又好累, 所以就上左床, 點知.... 睏著左.... 好彩老豆叫左我起身睇大長今, 不過睇左兩段又睏著左, 再起身既時候已經係11點2啦... -_-" 所以就直頭上床睏... 睏睏下有朋友打電話o黎, 傾左一陣計, 我又未睏得著, 因為岩岩先睏醒~~ 所以就起身打左一陣機, 打到兩點呢...
今朝12點幾先起身, 今晚同姨媽果邊同屋企人食飯, 因為預祝老豆生日快樂呀~ 以前係唔會搵埋d親戚o黎架, 不過今年係特別d.... 因為.... 老豆大個仔啦... ^_^
男女
今日食飯既時候同d男同事同埋女同事傾到結婚同埋男女既問題......
究竟男人其實係咪好唔鍾意結婚既呢? 覺得結婚係一個束縛, 一個負擔, 一個要俾錢(禮金), 又要俾女人黏住既包袱. 我覺得都有d恐怖. 仲有, 講到女人既吸引力所在, 男人真係鍾意d識嗲既女人, ... 不過講真果句, 我都比較鍾意行街既時候, 係kiu住男人既手臂, 多過拖手的... 因為我覺得kiu住男人既手臂都幾舒服, 舒服過拖手呢... 而兩個人又可以親近d喎... 尤其係一齊坐車既時候, kiu住佢手臂然後伏o係佢個膊頭度睏覺... 真係幾舒服~~ ^_^
對男人多左d了解, 但係都有dd意外, 原來男人係咁樣睇呢d事...
慘
禽晚都係睏得唔好, 雖然未至於失眠, 但係睏得一d都唔lam, 又係好似無睏過咁...
今日同miss tang傾左幾句, 都係好唔開心, 唔通你手上面既野真係做俾我睇? 如果真係, 我好心up. 喊左一陣, miss tang話覺得我好慘.. :(
失眠
禽晚睏得好差. 成晚都失眠, 今朝早alarm響之前我隻眼都仲係開的... 好似無睏過咁, 真係慘... 可能因為自己太過擔心掛心某d野... 又可能因為禽晚同媽咪傾計傾到喊既原因...
所以今朝都無咩精神, 今日上4堂physics, 放學仲要補數, 真係好累, 補完之後都做野改簿改到6點3先走人.. 今朝成日都已經不斷check cityu master application既status架啦, 之後仲打電話去催佢, 不過佢都答唔到我... 因為我要做決定啦, 如果cityu今日之內仲未俾到答覆我, 我就要應承hku讀架啦, 當然我個心係幾想讀hku, 因為我鍾意佢個名. 但係hku實在太遠, 我都驚太過辛苦自己兼顧唔o黎. 但係cityu d course的確好似係易少少, 同埋應用一d, 所以到補完課我再上網check多一次個status.. 點知... 嘻, 佢收左我啦, 唔知同我打電話去催佢有無關係呢~ d同事話"呢個人咁煩, 俾佢讀啦"... ^_^ 我唸我決定都係讀cityu架啦. 至於hku.. 等我完成左cityu之後, 如果仲有"心力"既話, 先至再讀啦~~ 嘻, 不過都無乜可能架啦~~
忍唔住
今日同amanda行街, 不過行左唔係好耐, 陪佢買佢男朋友既生日禮物, 都幾靚呀. 之後去左langham place買衫, 都買唔到d咩衫, 因為時間上太趕啦, 我要6點返到屋企呀, 因為今晚去亞哥既教會既聚餐, o係上水既星輝酒家. 見到好耐無見既亞哥朋友 - 燒雞, 我都唔認得佢呢~
之後就返屋企啦... 聽到老豆做野果度唔開心, 亞哥同我都想同佢出返口氣.. 唉..
夜晚同媽咪講左我最近唔開心既事, 忍唔住喊... 夜晚同朋友傾左一陣電話, 好想用心幫朋友, 但係我唔知點先可以幫到你... 唯有祈禱!
