甜蜜四天台北之旅 - 行程篇
18/8聽日就去台灣旅行啦... 睏唔著呢... 好期待好期待... ^_^
19/8朝早6:40起身, 啦啦聲刷牙洗面, 之後就換衫, 再檢查一次d行李同埋passport, 就同媽咪say byebye啦... Yeah!! Taiwan!! Coming!!
約左男朋友7:30 o係上水火車站既巴士站等, 我o係屋企樓下上左7:15班車, 不過班車遲左少少, 20分先到.. 好彩男朋友排第二呢, 如果唔係可能會無位坐, 個上水站好多人~ ^_^ 我地兩個都
矇豬眼呢... 不過都難掩住興奮既心情~ Kee Kee... o係車度傾下計, 合下眼, 又望下車外既風景, 就差唔多到機場啦, 一落車個位就係對住我地個checkin counter, 我地就周圍搵個導遊拎機票, 搵導遊都搵左一陣間呢, 搵既過程當中, 嘻嘻, 見到
馬德鐘呀!!!! 雖然佢帶住墨鏡, 但係都好靚仔, 同埋佢真係好高!! 好sharp!! 仲見到幾個好似係無線既人, 佢地著住"晨曦"既外套的, 哈哈... 男朋友話佢仲靚仔喎!! 嘻嘻!! :P
攪完checkin, 再寄埋行李, 就入閘啦, "do"左手指模, 好快就入左啦, 開頭唸住食burger king, 但係我實在好想食大家樂既
糯米雞, 所以就去左食大家樂lu~ 男朋友去排隊叫野食, 我就去搵位, 周圍望左好耐, 點知好意外俾我見到一個人, 首先係見到一個男人, 好眼熟, 之後望下旁邊就
見到Miss Tang, 好surprise呢, 我行左埋去傾計, 佢仲話見到我好耐, 不過見我行來行去咁耐都見佢唔到, 之後佢恭喜我, 話我個合格率幾好.. 佢果班就唔好啦.. 之後傾左兩句, 佢話我知楊sir聽日都去呢.. 之後我就繼續同男朋友搵位, 之後坐低食野lu, 糯米雞好好味呢~
你一啖我一啖... Kee Kee..
食完早餐, 就去登機啦, o係候機室等左一陣, 之後我地就等d人差唔多入晒閘就入啦~ ^_^ 我地仲認錯左架機個樣添呢~ 上到機, 我地既座位係
51A, 51C, 點知51俾人坐左, 見到52空左兩個位, 咁我地就坐左埋去, 之後原來係前面果兩個人睇漏左, 不過都無所謂呢, 我地坐埋一齊o係窗邊就無問題啦~ ^_^ 坐左一陣, 又望左一陣, 就起飛啦~ 嘻嘻!!
第一次一齊搭A43, 第一次一齊去機場, 第一次一齊搭飛機~ 呵呵!!
o係飛機上睇左一陣雲, 又合左一陣眼睏, 好快就食野啦, 不過我地仲好飽, 都食左少少, 有唔好味既燒賣, 又有個包仔咁, 仲有d其他野, 橙汁, cookies食左一包, 留返一包今晚返酒店食..
"yawn bu yawn ka fei ar" 哈哈!! 之後休息左一陣, 就差唔多到啦, 真係好快, 一個半鐘左右就到!! 嘻嘻!!
落機後, 去左攪台證, 之後就入境, o係中正機場行左幾個圈, o係度搵有無d coupon呀, 地圖呀咁, 不過淨係得地圖咋, 個工作人員話已經無左個coupon架啦.. 之後我地就走去搵飛狗搭去酒店,
台北凱撒大酒店. 等緊飛狗果陣, 我地o係度試點樣打電話俾對方, 點知都試唔到, 見到隔離有兩個香港女人o係度傾計, 咁我就問佢點打, 之後佢教左我地就得啦.. 原來就咁按個+號架咋.. 之後一上飛狗, 睇左一陣風景就睏著左啦, 仲好好睏添, 因為架車好舒服呢, 又可以挨低一d張凳睏o係度咁, 正! 過左天成, 就到酒店站啦, 落車後行少少就到, 間酒店個樣都ok呢~, 我地入去放低d行李, 因為3點先check得in, 我地2點9就到左, 所以就出左去搵下地方睇下有無可以食早餐既地方同埋買左兩樽野飲, 好抵呢~ 睇左一陣, 買左一個朱古力烤餅食, 熱辣辣的, 好味道, 之後就行左入d內街, 有一間有好幾個人o係度排隊, 我地都排左, 就係"蔬菜大蛋餅", 之後就拎返酒店食啦, 過左3點啦, 可以拎房, 1615號房, 上到去間房好舒服呢~ 好整齊好乾淨, 個view都ok, 有一邊可以望到台灣個景~ 我地放低晒d行李, 執左少少野, 又食左個大蛋餅, 比我想像中好味呢!! 之後又休息左一陣睇左少少電視, 嘻嘻, 就出去我地第一個節目啦, 就係"捷運", 哈哈.. 應該係"鼎泰豐", 我地搭捷運, 之後行左3,4個字, 終於都搵到啦, 好多人等呢~ 所以我地去左行街, 行行下又忍唔住買左出名既"蔥抓餅"食, 都ok好味.. 之後我地又去左一間鋪頭門口度扭蛋, 係叮噹的, 扭左兩個, 因為男朋友個袋俾我唔小心拉爛左個拉鍊, 所以就扭左兩個叮噹扣落去呢~ 我地等左差唔多9個字, 就有得入去食小籠包啦, 我地叫左兩籠小籠包, 都幾好味呢~ 不過蟹粉果個麻麻地, 食完之後就搭的士去台北101, 影左少少相, 入左去逛左一個圈, 之後行埋紐約紐約, o係入面商場買左兩件衫, 都幾平的, 之後去埋新光三越, 買左無印既喉糖, 又去埋華納影城, o係地下度有d人o係度表演, 有人表演噴火, 滑板, 又有d人o係度扮大公仔, 仲有嚇小孩子事件呢.. 哈哈! 之後o係個空地度有d攤位遊戲, 我地去左玩"
推推樂遊戲區", 即係有張長桌子, 然後有3個杯裝滿水, 之後就要用手推到指定既區域度, 唔准踏界的, 咁就會有禮物, 就係一條長頸鍊呢~ 都幾靚呀! 我第一個就大力得滯, 推左落地下, 第二個就細力得滯, 第三個
中左呢~~ 幾開心呀!! 男朋友推既時候, 嘻嘻... 一個都唔中呢~~ 我地兩個都玩到成手濕晒呀!! 好開心呢!
玩完之後我地就去返搭捷運, 去華西街夜市呢~ 食左好多野! 都幾好味呢~ 又玩左手指機, 料理大師同埋photohunt呢~ 其實同香港既無咩分別, 不過我就覺得個screen好似好按左咁~ 嘻嘻!! 之後我地行左去西門町樓上既台式飲品店食左宵夜, 一件cake, 一杯多啦A夢, 一杯蘋果綠茶, 仲玩左個放o係桌上面既
占卜玩具, 嘻嘻! 一人keep一張!! 食完之後, 落左去捷運, 原來無車啦, 唔怪得之岩岩見到d人要跑落去啦.. 所以我地就去左搭的士返酒店啦~
返到酒店我沖涼先, 之後執野, 又plan埋聽日點行法, 要搭咩車o係邊度落咁, 之後又休息左一陣, 就睏覺啦... 但係可能我o係華西街夜市度食左好多野, 所以好似有d胃氣呢.. 成晚都頂住晒, 睏唔到呢~~ 之後半夜打斜個身睏都唔得, 之後坐左起身, 再谷下咁, d氣就出到o黎啦... 果時已經係半夜5點啦.. 之後再睏返就睏得好左dd, 第二朝都睏多左兩個鐘先起身呢~~ 所以成個plan都延後左兩個鐘~ 謝謝男朋友既細心!!
Koo~~ Bu~~ 震~~ 哈哈!! 好得意~~ ^3^
今日我地一人選左最值得打粒星既event, 我就選左一開始既
"蔬菜大蛋餅", 而男朋友就選左
"粒粒肉腸仔", 嘻嘻!!
20/8今日我地11點幾12點左右先起身, 賴左兩個鐘床, 無左"點心樓", 因為禽晚睏得唔好呢~ 落左樓下食早餐, 食左水餃鍋貼黑豆漿白豆漿, d豆漿都唔好味既, 勁淡~ -.-" 之後我地就搭捷運再轉的士去
袖珍博物館, 入面都好多野睇呢, 我地影左好多相, 不過成日關左機之後都唔記得關返個閃光燈, 都睇左2個鐘呀~
睇完之後就搭的士返去搭捷運, o係車站度既麵包店買左個"麻麻地芝士包", 認真係麻麻地好食.. 無乜味.. 食完之後我地就搭捷運去新北投
浸溫泉啦, 男朋友都好累呢, o係車度睏左一陣, 之後o係新北投車站, 左望右望左好耐, 都唔見有車, 應該有shuttle bus上去的, 再等左一陣, 又打左電話問, 就決定搭的士上去
春天酒店啦~ 都幾高下, 入到去見到有10多個溫泉仔, 俾左錢, 再去更衣室換衫就去浸啦~ 都幾多人, 有幾個都好熱的, 不過都受到呀~ 有一個係凍的, 有
玫瑰花瓣的, 我地一致認為呢個最舒服, 最relax, 最好就連個頭都浸埋, 咁就好正啦!! 浸左差唔多兩個鐘左右, 就要走啦, 因為時間差唔多, 沖完涼就搭返春天既shuttle bus落去北投站, 之後我地就去淡水啦~
因為之前朋友話睇日落好正, 不過我地都趕唔切呢, 所以就索性唔趕啦, 去到
淡水就搵野食, 因為好餓呢~ 食左好多好多野, 最多係今晚啦~ 嘻嘻!! 男朋友話烤雞腿好正, 我都覺得呢, d汁好味, 又烤得好滑~ 不過好多人呢~ 我地一路行, 一路要避果d電單車, 我地又忍唔住買左黑糖麻薯, 雪凍左真係好好味呢~
"yawn bu yawn dai zi ar" 嘻嘻!! 金桔檸檬都好解渴, 之後玩左1次
飛標, "9"個中左.. 哈哈... 羸左一個棒棒氣球, 又玩左一次飛圈圈, 飛飛下ps2, 就變左飛可樂.. 哈哈!! 行行下仲見到有人放煙花呢~~ 好靚好大個飛上天空果d~~ ^_^ 之後就去左買鐵蛋, 但係搵唔到阿婆鐵蛋呀! 之後就去左買飛上船去漁人碼頭既
情人橋啦~ 影左好多相呢~ 嘻嘻!! sweet sweet~~ 都好多人下, 又有一堆攤檔係幫手畫畫的, 不過就無影相的~ 所以我地都係自己影~ 行左一陣, 之後就去搵巴士搭返捷運站啦, 我地見到有人玩"九宮格"呢~ 好似筋肉擂台果d~ 勁呀! 獎品係好大架既遙控車~ 勁呀! d人都中到5,6個, 真係犀利! 上左巴士後就搭捷運返去啦, 不過買左既吹泡泡都唔記得吹~ 都係掛住食野累事啦~~ 不過我地返到酒店o係間房度有吹返呀~~ 哈... 成地都係... 嘻嘻!! 返到酒店附近又買左薯片宵夜呢~
返到酒店都係沖涼, 洗左兩洗個浴缸, 浸左一陣水呢~ 我地晚晚沖完涼之後都攪到個浴缸好多頭髮呢... 哈哈... 之後執野同傾聽日行程, 又睇下電視, 嘻嘻!! 睏既時候都差唔多2點半啦~~ ^_^
今日我地又選左最值得打粒星既event, 我就選左
"柯仔煎", 而男朋友就選左
"阿給", 兩樣都好好味呢~ 嘻嘻!!
21/8今日我地都算最準時起身既一日, 起身後就搭捷運去搵去六福村既車搭, 沿途食左早餐蘿蔔糕, 鮮肉包同"九"菜包, 搵到六福客棧, 登記左搭shuttle bus, 點知原來係14:40先上車, 所以我地就放棄左搭客棧提供既車, 我地去左麥當奴度打電話俾可以去六福村既台聯客運, 之後我地就搭的士去忠孝敦化站8號9號既出口中間搵台聯客運搭, 搵左好耐, 原來o係路中心, 好彩岩岩有車趕得切呢~ ^_^ 架車又係好好睏, 睏到著晒~ Zzz... 中途男朋友落左車去買車票同埋入場票, 都幾貴呢~
買完上o黎發覺唔記得拎小冊子, 就落返去拎, 岩岩上o黎叫我地落去買票果個男人行到我身邊, 佢指住我隔離個位問呢個人去左邊, 我用我僅有既普通話同佢講佢去左拎"小冊子", 之後個男人問我為什麼要拎"小冊", 我就再講多次係拎"小冊子", 之後佢先哦.. 岩岩我男朋友返o黎, 佢同我男朋友講
"你老婆很可愛呀!!" 之後就再問我男朋友"老婆還是女朋友呀?" 之後我男朋友答"女朋友", 之後個男人又笑, 再傾左兩句, 嘻嘻!!! 好開心呢!!!
架車首先停左小人國, 而我地就o係
六福村先落, 我地玩左好多遊戲呀!! 又o係間精品店見到d馬騮仔幾得意... 我地玩左8個遊戲+1個動物園呢!! 包括:
魔鬼礦坑(好似3D影院果d咁),
大峽谷急流泛舟(坐o係個好大個既車胎度, o係個急流度飄, 不過我地坐果邊比較輕, 次次都係我地兩個濕晒呢~ 不過都係我男朋友濕d, 仲有就係個"瀑布", 完全濕晒~~ 哈!! 個胎一跌一跌, 個人就要起一起身, 如果唔係個pat就會濕晒呢... 好好笑呀!! 好開心呀!!),
西部瘋狂列車(都驚驚地呢~ 衝落o黎果下都幾驚, 不過... 整親隻手呢~~ 果刻真係好痛, 瘀左呢... >.< 跟住一路玩既時候, 有人個身掉轉果陣, 一路噹噹聲, 我仲以為男朋友跌錢添, 點知原來係另外一個男仔, 轉左3,4次, 3,4次都有噹噹聲, d人o係度一路笑, 笑...),
大海"笑"(就o係坐o係架船度o係個急流度行, 我地選左坐後面, 我男朋友o係前, 我o係後, 所以我無咩點濕到呢, 衝落o黎果下個pat會離開左個座位的, 果下最驚, 不過我硬係要睜大眼看, 所以仲驚d.. 嘻嘻!!),
大怒神(即係跳樓機, 原本我唸住我都玩過幾次跳樓機, 應該都會無咩大感覺啦, 點知, 真係好驚的.. 由於佢一次過只係開左4個座位, 所以都等左幾耐, 開頭都唔驚的, 坐到上去先識驚, 開頭半秒一跌都唔太驚, 之後果兩秒真係驚到七彩.. 嗌左1秒就無氣嗌啦, 但係個feel唔得呀, 因為宣洩唔到出o黎呀!! 驚既時候嗌唔到真係唔好的!! 男朋友覺得驚呢, 佢話覺得個腎好似想飛出o黎咁... 哈哈!!),
風火輪(360轉既車, 即係好似掉轉頭吊左o係半空咁, 個pat係完全的離開張凳, 咁岩我地坐果邊又係比較多正面衝的, 所以都有dd驚, 嗌就一定有架啦.. 不過佢唔算好快, 所以麻麻地驚.. 我地等緊玩既途中, 有同到六福村既吉祥物馬騮握手呀, 因為佢地收工時咁岩經過呢~ 嘻嘻!! ),
沙漠風暴(都係有架車坐, 然後衝衝衝咁),
行動物園(不過由於都夜啦, 所以影d相都暗暗地, 不過d粉紅色鵝好靚呀!!),
猴子行大運(就係自己踏空中單車, 一路踏可以一路同猴子影相, 我地仲見到兩對猴子o係度卿卿我我添... :P)
o係入面玩到累既時候, 我地買左爆谷食, 所食左厚吐司同埋飲情人果沙冰, 玩完之後就去搭返shuttle bus, 差唔多7點半先走呢~ ^_^ 之後我地搭捷運去
士林夜市啦, 好多野食呀~~ 原來阿宗麵線有分店o係士林呢, 不過行行下落左一場過雲雨, 我地食完麵線出o黎就停左雨lu~ 一開始食果個炸彈燒真係好好味! 行左差唔多2個幾鐘, 就搭捷運返酒店啦, o係劍潭站等緊車果陣, 有"吵架情侶事件"呢~~ 哈哈!! 咁都俾你估中!! 勁!! 返到酒店樓下又o係附近買左零食宵夜呢~~ ^_^ 返到去沖返個舒服涼, 之後又執好晒d野, d手信同所有野都入晒行李, 開始有唔捨得既感覺啦.. 聽日就要走啦.. 好唔捨得呢~ 男朋友o係度睇體育新聞!!!
曼聯曼聯曼聯!!! Man Red!!! 哼!!! 衰人球隊!!! 哼哼哼!!! Kee Kee... 今日我地一致選左
"炸彈燒", 打兩粒星呢~~ *3*
22/8今日又賴左兩個鐘頭床,
"想念的心, 裝滿的都是你..." 關閉!!! 哈哈!!! 醒既時候已經係11:15, 啦啦聲起身刷牙洗面, 睇左一陣多啦A夢電視, 再check下有無執漏野, 之後就checkout啦, o係酒店度放低d行李, 我地就去西門町啦! 呢個event已經俾我地延後左兩次呢~~ 哈哈.. 我地一開始就食鴨肉扁, 都幾好味呢~ 之後見到永和, 就食左男朋友想食好耐既粢飯同豆漿, d豆漿好飲好多~ 原本都行得幾有條理的, 不過之後好似俾我攪到亂晒.. 我都話我唔識路, 認唔到路架啦, 嘻嘻!! 呢幾日都見到有好幾架
Kuma公仔既夾公仔機, 忍唔住夾左.. yeah! 中左呀!! 夾既時候跌左落o黎之後fing左落個出口度呀!! 嘻嘻!! 扣左o係袋袋度呢~~ 女o黎架!! 嘻嘻!! 之後又扭左keroro蛋, 送俾屋企既小朋友, 之後就搵老天祿買左鴨舌同鳳梨酥, 之後去左萬年商業大樓, 我地見到一間有好多多啦A夢既野, 好靚呀, 原來多啦A夢手錶可以好靚好靚架!! 不過我拎起個鎖匙扣, 點知唔小心跌左落地下呀... 咁我梗係啦啦聲放返上去啦, 之後見到個店員走過o黎拎起個鎖匙扣睇, 睇下有無爛到... 哼! 邊有咁容易喎... >.< 之後男朋友都買左一件背心同tshirt呢~ 好野!! 之後要走啦.. 落返去搭捷運, 同左西門町講byebye, 點知落左電梯先見到出名楊桃冰果間野, 所以"來回西門町", 嘻嘻!! 又上返去飲鳳梨冰, 麻麻地好味.. 之後再同西門町講byebye, 仲要臨落去捷運站走既時候, 個天落雨呢~~ 嘻嘻!! 之後就搭捷運去台北車站, 搭既時候見到一對"貪心情侶"呢, 兩個人一齊迫埋出捷運個閘, 點知之後就去食大餐, 真係cheap!! 我地又一次經過果個"東區地下街", 又忍唔住夾左一下公仔熊, 不過唔中呢... 嘻嘻! 一定係呃人的... :P 因為餓餓地, 所以又買左個紅豆烤餅食.. 返酒店拎返d行李, 再執一執, 同凱撒酒店say byebye, 就去搵機場巴士啦~ 不過落雨呢, 都幾大下.. 但係我覺得幾好呢, 最後一日果刻先落雨~ 其他時間都幾舒服, 熱熱地, 不過就好似無香港咁熱, 夜晚氣溫都ok舒服~ 我地搵到搭機場巴士, 岩岩有車, o係車度...
好唔捨得呢... 嗚嗚... 男朋友件衫個左邊膊頭濕晒呢... =.=" 去到機場4:00左右, 攪埋手續仲有一個半鐘先登機, 咁我地就去左免稅店買手信, 買左電話繩呢, 一人一條龜龜電話繩, 媽咪又有一條呢, 因為媽咪之前講左好耐想買的, 不過都買唔到.. 又買左朋友叫我買既紫晶酥手信, 之後又買多一包紅蝦, 都幾好味的~ ^_^ 之後我地去左食下午茶, 有一個燒湯包, 即係一個好大個既酥皮包, 入面有湯咁, 都幾好味, 又有一個cookies, 又有一杯咖啡, 都幾抵呢~ ^_^ 食完就登機啦~ 我地既座位係47A, 47B呢, 隔離有個好似日本妹既女人坐o係C位, 佢個樣真係好似日本妹呢... 我地d綿綿情話佢應該聽唔明呢~~ 嘻嘻... 起飛果下, 睇到台灣既夜景, 都幾靚~ 飛機特登熄燈俾我地睇的.. o係飛機度食左個肉燥麵, 都幾好食..
又好唔捨得呢... 嗚嗚... 男朋友件衫個右邊膊頭又濕左... >.< 唔好意思呢... 食完野休息一陣就落機啦, 隔落機前, 其實我想去廁所好耐架啦, 不過唸住返到屋企機場先, 但係之後都忍唔住o係飛機停左既時候去... >.< 同埋我地一起身既時候, 赫然發現... 我地隔離果個"日本妹"又唔使填果d入香港境既紙, 之後我地仲"裝"到佢個passport寫住"中華民國"的... 大鑊... 咁即係岩岩果d說話佢可能聽到呢... 仲有男朋友幫我拎細心毛毯既情景... 同埋毛毯下既拖手仔呢... Kee Kee... 返到香港差唔多8:30, 我地d行李好遲呢, 可能係因為我地早登機, 下次都係遲d先入.. 之後我地o係閘口兌換返d港幣, 蠢左呢.. 蝕左呀... 唔好意思呀~~ 我都話我唔識計數架啦.. 之後就搭A43返屋企啦..
o係巴士度.. 好唔捨得呀.. 其實我唔係鍾意去環遊世界既類型, 我只係好鍾意兩個人出街時唔使成日睇住時間要返屋企既感覺.. 呢幾日好開心呢~ 一齊起身, 一齊出街, 一齊食早餐, 一齊玩, 一齊食午飯晚飯, 之後一齊返屋企, 一齊睇電視, 仲有好多一齊... 好開心... 好鍾意呢個feel... 所以我真係好唔捨得... 嗚嗚... 第三次啦... >.< 我地今次有突破呢!! 85同埋4呀!! 個床頭櫃用o黎放野幾方便呀... 唔似屋企咁無得放鐘或者錶, 睏到半夜都可以睇到時間!!! 仲有塊鏡, 好黑人憎, 唔鍾意, 但係男朋友就話好好用... 好正喎... >.< 嘻嘻... 男朋友話呢個應該都係最後一個數得到既紀錄呢.. 下一個紀錄, 就應該係... 嘻嘻... 好開心!! 雖然我地呢個trip miss左幾樣野: 西門町瘋馬唱k, 桌球, 漫畫店, 點水樓, 大福誠品, 醬太郎, 美麗華百樂園(呢個因為實在太遠, 所以我地都決定唔去呢~), 但係呢個trip真係好開心好sweet.. 打呢篇日記打左成個下午, 一路打一路回憶返個trip, 好開心!!
謝謝你既免費漫遊電話卡... 謝謝朋友全程負責揹袋同拎野... 謝謝你幫我keep住捷運票, 謝謝你全程負責睇地圖, 謝謝你照顧我... 感動中... ~^v^~
我們將
約定於
2008年8月22日!!!
