Our Lives: 7/3/05

Saturday, July 09, 2005

腰酸背痛

今日o係屋企, 不過都成1點先起身, 因為有d腰酸背痛呀, 可能禽日搬野好累呢, 禽晚連機都無打到呀~~ 哎呀!

今日下午睇左兩套之前買既dvd: "九品芝麻官之白面包青天" 同埋 "至尊計狀元才", 都ok既, 不過無我想像中咁好笑, 都有d笑料既~

我覺得, 就算o係屋企, 都係搵d野做下好d, 起碼我唔會成日都o係度唸野...

Friday, July 08, 2005

做餐飽.... 買到啦!!

今日由朝忙到晏.... 一早返到學校就要set野, 因為有班band仔o黎做show.... 我o係control room都差d聾, 真係難為d學生同老師, 我都盡左力架啦~~ 不過做完show之後d band仔唔係幾開心, 因為反應唔好, 學生無乜反應, 同埋唱得唔好~ 無法啦, 緊張嘛~ 不過老實講, 你地play咁耐, 我都好想快d完~

做完個show, 又要執一大堆野, 得我一個人, 有成8支咪, 8支mic stand, mon, 搬餐飽, 之後又要啦啦聲set miss sung要既野, 要實物投影機, 點知亞吳先生話要個實物投影機放o係地下... 咁就叫左amani幫我由個台上面搬落o黎地下... 我都話左唔夠力... 佢係咪話得架啦得架啦... 最後都係衰左啦... 成部實物投影機跌左落地, 我隻手紅左呢... 仲累到朱sir同蕭sir飛撲出o黎, 不過唔好意思朱sir, 你早得滯跣落地, 如果唔係都有望的... :P 哈... 之後要做工作坊, 到break, 11點9, 我先得閒啦啦聲上返去room度食我早餐個包..

之後一路上工作坊上到12點半, 之後就去左飲茶, 之後返到去又係工作坊, 去到5:00pm, 不過d遊戲都算係咁, 不過我都對自己清楚左少少野, 就係我既觀察力真係唔錯呢!! ^_^ 嘻! 最後個活動係搵左楊sir同李sir出去做一d溝通同表達能力既測試, 真係幾掂, 佢兩個都幾夾, 楊sir既表達能力又好掂, 李sir既都幾好! 不過最好笑都係"豬耳".... 哈!!

完左工作坊, 又要收野, 收完就同同事返屋企呢~ 返到屋企, check左個status, 得左啦!!! yeah!! 我買到啦! yeah!! 不過唔知有咩手續架呢? 嘻!!

Thursday, July 07, 2005

取消了的水運會

今日水運會, 不過"天公造美", 竟然落大雨, 前一日都仲係超級陽光普照... 哈~ 勁~ 今日d學生留o係課室睇馬戲團表演, 不過都幾悶. 今日又係負責set禮堂既野.

lunch後就等d band人o黎set野, 聽日既輔導組活動, 又遲到, 仲要set到5:00pm都未肯走.. 真係~ 之後同左佢地去大埔明將食tea, 好好味呢, 炸帶子蟹子沙律, 順便拎我之前o係2%買左既衫. 之後就返屋企lu. 之前睇左一陣電視就打機, 打完再睇多一陣就睏覺lu~~

聽日a level放榜lu, 唔知d學生考成點呢... 都有d緊張架~ 聽日佢要晨咁早出去拎卷, 呂sir又去左camp, 得返我一個負責set hall既野, 仲要set兩場呢... 有d擔心~~

Wednesday, July 06, 2005

牽動思緒的一課

今日唔開心呢, 聽到miss tang講我都係九成九無可能的... 唉... 我有時都可以唸到: 算吧啦, 無架啦, 唔好唸咁多, 但係有時就唔得, 好痛苦...

今日係對分日, 同埋中文科活動. 我要set禮堂既野呢, 因為呂sir唔會再負責, 要忙訓導野, 所以由我頂上... 今日下午仲有人o黎睇hall, 睇下hall既設備做唔做到佢地想要既效果, 同埋話左俾我地知佢要set d咩野, 不過, 其實我對hall果堆野都唔係好熟悉, 所以都唔係好幫到...

禽晚同d學生icq, 有一個同學話我知, 佢地中文作文考試有一題題目叫"牽動思緒的一課", miss hung話俾佢地知, 好多同學不約而同都寫左我果堂數學堂... ^_^ 我都有dd開心呢, 因為佢地考試的的而且確係好左好多, 同埋, 有同學話我知, 我係唯一一個老師佢地係敬重的, 其他的都係"敲詐"佢地分數的~哈.. 佢地都幾誇... 派卷日個個都好緊張咁, 都有d慶幸教著佢地呢班, 起碼都係緊張成績的, 都好有賴佢地既班主任老師呢~~~ :p

聽日水運會呢~ 一定熱死啦, 要塗定防曬呢...

今晚睇醫道, 恭嬪娘娘所講既一句說話:
"痛苦, 都是因為以前過份的眷戀, 拋開貪念, 就會海闊天空"

仲有, 聽左一首歌, 送俾你:
明目張膽何韻詩
曲：張佳添＠宇宙大爆炸詞：黃偉文編：青山大樂隊

等　終於到夜深
才能收集上次你　留在飯店那紙巾
夜更深　不敢送贈的吻
全憑我手中的偷拍照　營造著你那體溫

＊我　如果想一世人　和你過
　平時就要企後幾吋　去幻想　別要摸
　
＃若有　一天公開　明目張膽的愛
　我怕會讓你　太意外
　我的愛　只願　縮到最小　彷彿不存在
　就算　我最愛你　情願好好遮蓋
　化作了密碼　不公開
　我一向　都慣自言自語　沒別人愛我
　難道你發覺我志在　就會肯滿足這期待
　如若我也有權愛　同樣我也有權不必被愛
　
揀　偏僻角落坐
完全袒露就怕我　全部被你看情楚
待你好　只不過是幫我
成為我愛演的一個我　其實未算太坎坷待你好　只不過是幫我
成為我愛演的一個我　其實未算太坎坷
　
Repeat＊＃

暗裡進行更自在　不相戀　誰會受害
但願盡情地種　誰說花　需要開
　
若我　一天公開　明目張膽的愛
我怕會讓你　太意外
我的愛　只願　縮到最小　彷彿不存在
就算　我最愛你　情願好好遮蓋
我怕揭露了　不精彩
拆穿了　總盼望誰在意　蜜月難再
如若你發覺有我在　就結束暗戀的時代
無謂去博你憐愛　明白叫你太煩的　不是愛

如若我也有權愛　同樣我也有權揀　怎樣愛

Monday, July 04, 2005

同事唱k日

今日最後一日考試, 聽日對卷日, 都算係正式上堂啦, 聽日有7堂呀~ 3堂physics同4堂maths~~ 累死呢~

今日返到去, 成個上午都係o係度同d同事傾計, er時間, 之後就坐楊sir車去旺角唱k呢~ 終於聽到佢地既歌聲啦.... 都ok呢~ ^_^ 不過今次neway個蛋糕都唔好食既~ 上次同大學同學果次cheese cake好食好多~

好好戀愛, 思覺失調, 小城大事, 克不容緩~ 情歸於盡, 勁歌金曲, 16號愛人, 相依為命, ^_^

唱完k之後, 我地搭火車返屋企, o係火車度, miss leung問左佢好多問題.... 我都係得個聽字, 有部份我都幾認同, 不過, 我真係好想好想~....................... 好想好想...........................

Sunday, July 03, 2005

游水 1000 m

今日下午去左ied同朋友游水, 我地o係大埔行左一陣同埋食左d野, 之後就去啦, 好勁呀, 我游左1000 m呀, 即係20個池呀~~~ ^_^ 突破!

夜晚睇左一陣電視打左陣機, 聽日返學啦, 最後一日考試啦... 同埋聽日約左同事們下午去唱k... 期待中~

Our Lives