好down...
好down. 究竟我有無做錯?!
我個心好唔舒服, 對於你所講既說話, 我亦好感動. 但係同時, 我個心好up, 好似時間作弄緊你同我咁, 如果一切都平平靜靜, 可能而家會好唔同...
你一邊講對唔住, 一邊嗚咽著, 我都忍唔到呀... 究竟我有無做錯決定? 我好清楚呢次係關係到我同你一生既幸福. 我都好confused. 我唔知點樣先為之搵岩人... 我唔知.... 從前我都以為自己搵岩人, 但係最後又好似唔係... 又好似係...
對唔住呀! 或者, 我地做返朋友先呀? 因為而家我地既關係, 我實在唔敢同你講d咩野, 或者係朋友既話, 我地會溝通得好d? 我地先可以了解下?
生日快樂!!!!
禽日生日呢... 都幾開心呢~ 搭正12點就收到william既sms, 多謝你呀, 好意外呀~~ 搭正收到生日快樂既msg真係好開心~~
朝早返到去, o係門口就見到楊sir, 楊sir就同我講生日快樂啦.. 嘻~~ 之後上到去d同事一個個咁同我講生日快樂, 多謝晒呢~ 開心到連要開數學會都唔記得左~ ^^ 之後啦啦聲去開中一至中三數學會, 開完之後就去食物部, 4A既同學同我慶祝生日, 仲畫左生日卡俾我, 又買左蛋糕俾我呢~~ ^_^ 多謝晒你地呀, 有慧慧, KATIE, 冰冰, VIVIAN, 茵茵, SUKI, BEATA等等.. 仲有今日好多學生同我講生日快樂呢~~ THANKYOU呀!! 我好開心呢~ ^^
啦啦聲食完蛋糕又要去開中四至中五數學會, 不過都係想返去ROOM放低張生日卡先, 上到去, 見到朋友o係度, 佢都同我講左生日快樂呢.. 多謝! 之後真係要去開會啦... 開完之後, 又啦啦聲衝去3A課室, 佢地成班都等緊我呢~~ 好開心呀~! 佢地坐晒o係自己位度, 我一入o黎, 佢地就狂嗌呢~... 之後一齊講MISS LAI生日快樂, 許願同埋吹蠟燭, ^_^ 你地真係好大聲呢~~ 哈.. 又有一個蛋糕食, 多謝妍弦親手畫既生日卡同埋所有同學既簽名呀!! 仲有就係MISS YAP既禮物"香蕉花", 多謝晒呢, 之後又影大合照, 又一個個咁逐個影相, 影左十幾廿張呢... 有d覺得我好似佈景版呢~~ ^_^ 之後就切蛋糕, 食薯條薯片啦~~ 食完之後, 都已經12點半啦.. 上返去ROOM度同同事去食飯呢~~ 去左桃源島食呢.. 楊sir話請我食呀~~ 不過唔好意思呢, 所以話星期一唱k先啦.... ^^ 連sir同簡sir都祝我生日快樂呀.. 連sir仲俾左飛吻我呢~~ 哈~ 多謝呀!!
食完飯就同朋友去深水土步行街, 不過好大雨呢.. 好彩我有帶傘咋, 嘻, 不過都濕晒~ 朋友買左19" LCD MONITOR, 好靚呀.. 我都好想要呢~~ 之後睇左d書書, 但係都無咩選擇, 所以都無買到, 之後去左cd鋪睇vcd, 我買左4隻dvd, 但係o係cd鋪度發生左件尷尬事呢... 我今日著左件綁頸帶既衫, 但係我睇緊cd既時候, 突然feel到條帶好似鬆左... 嚇死我呢... 之後就好好笑, 同朋友呢埋一二角, 朋友幫我綁返好, 真係唔好意思呢... 我話唔該晒, 佢話唔使, 仲好樂意添.. 哈.. 之後就話流晒鼻血... 激死... anyway, 唔該晒你呢~ 之後就走啦, 因為約左大學同學去TST NEWAY唱k, 去到得亞VAN同RICHARD咋, 不過其他人都陸續o黎呢.. 我都明既, 你地返工嘛~ ^_^ 又同大學同學影左好多相~~ 一路唱, 一路食k buffet, 食到10點9左右, NEWAY就播生日歌啦, 之後個waiter就拎支香檳同一個cheese cake入o黎啦, 之後就唱生日歌啦~~ 好開心呢~~ 之後許願同吹蠟燭, 吹完蠟燭又大叫一輪呢~~~ 哈~ 多謝晒你地呀~~ 仲有RICHARD呀, 你都生日快樂呀~~ 咁我就象徵式的切蛋糕, RICHARD就開香檳啦.. POP一聲之後又嗌一輪... 哈... 之後就叫個waiter入o黎拎返個蛋糕出去分呢.. 之後到11點就cut晒d歌啦, 因為夠鐘啦, 但係個waiter仲未切完個蛋糕喎, 之後亞van就打電話叫佢拎返個蛋糕入o黎啦, 咁隔一陣個waiter捧住一盤野入o黎, 我地唸住係蛋糕啦, 佢用左個蓋蓋住個plate的, 個waiter放低, 之後... 一開~~~ 哈... 笑死我地呢.... 原來唔係蛋糕來的, 你估係咩呀啦?!!! ............. 原來係一堆紅雞蛋同埋一堆壽包呢~~ 咁我地就懷疑緊個蛋糕係咪假的, 淨係俾我地切一切的... 個waiter話唔係呢, 係切緊... 之後就齊齊食紅雞蛋, 食蛋糕, 又飲香檳呢~~
食完飲完, 佢地仲一齊去飲野, 其實我都幾想飲野的, 不過因為太夜啦, 所以都係無去到, 我同小毛, connie同亞明就走啦~~ 走既時候o係火車度同connie同亞明傾計呢, 原來亞明而家做既野好犀利架~~ 勁呀~!! connie就成日都要港台飛來飛去, 公幹呢~~ 勁呀~~~! 搭緊火車, 朋友打電話俾我問我返到屋企未, 我話未呀, 咁佢就叫我返到屋企打電話俾佢啦~~
返到屋企都成12點3啦, 啦啦聲換衫~~ 多謝朋友今日陪我過生日, 雖然朋友話唔係陪我過生日, 反而佢多謝返我用個生日陪佢去行街買野, 點都好啦, 都多謝你..打左一陣機就睏覺啦~~ ^_^
最後多謝今日同我慶祝生日既學生們, 同埋同我講生日快樂既學生們, 同事們... 仲有o係icq同電話send msg俾我祝我生日快樂既朋友們.. 多謝晒你地~~!! 包括: 3A既同學, 4A既同學, 3C既同學, 仲有隔離房既同事們, ust大學同學們, icq friends, 等等...... 如有遺留, 實屬記性唔好~~
多謝!!
食tea..
今日開心呢.. 今日有三班學生約我聽日食飯同慶祝~ ^_^ 有兩班話要同我切蛋糕.. 好開心呢~~
今日約左d同事下星期一去唱k, 未試過同呢班同事去唱k, 相信會係幾開心的~~ 食完lunch之後返左學校睏覺, 之後做埋評語同操行就走lu, 返到屋企攤左上床, 有d累, 但係又睏唔著...
同事打電話o黎約我食tea, 都傾得好開心呢~~ 傾左都幾耐下, 又睇下d plasma電視機, 都幾貴呀~~ 不過真係幾靚... ^_^
食tea前, 見到伯母呢.. "同同事食tea姐..." "同事?!"
有d期待聽日~ 不過... 我唸我都係會失望多架啦~~..
人事關係
今日返到學校就啦啦聲改卷, 改左成日, 改到下午5點幾, 計埋分, 入埋分, 仲執埋我張枱呢.. 勁..
不過今日我又一次感受到一d人事關係既複雜同埋壞既影響, anyway, 我明白既, 既然同事同同事之間有d唔開心既合作經驗, 我都無謂因為你地咁樣而攪衰左件事, 大家都想做好件事既.. 不過, 都係麻煩架啦~~
過份...
今日返學唔係幾開心, 覺得好似受到不公平對待咁, 我唔係計較, 你俾到我咁多堂, 人地咁少堂, 我都無計, 但係我真係覺得有d過份.
今日收到朋友既生日禮物同埋生日卡, 多謝晒! 不過太貴啦, 我唔好意思收呢... anyway, 多謝, 呢份係我第一份既生日禮物! ^_^
無賴..
今日都係好唔開心, 個心仲係好硬住硬住... 覺得都幾可笑. 同朋友傾左一陣icq, 覺得好左少少, 但仍然感覺唔好~
聽到勁歌金曲鄭中基首歌"無賴", 如果有一個"我愛既男人"送呢首歌俾我, 或者親口唱俾我聽, 我唸我都別無他求了...
仲有, 楊千樺既"烈女", 我好想做到歌詞所講既野.
無賴 鄭中基作曲：李竣一 填詞：李竣一 編曲：Ted Lo 監製：Gary Chan
我間中飲醉酒很喜歡自由
常犯錯愛說謊但總會內疚
遇過很多的損友 學到貪新厭舊
亦欠過很多女人
怕結婚只會守三分鐘諾言曾話過要戒煙但講了就算
夢與想丟低很遠 但對返工厭倦
自小不會打算
但是仍唯獨你愛我這廢人
出錯你都肯去忍然而誰亦早知不會合襯
偏偏你願意等為何還喜歡我我這種無賴是話你蠢還是很偉大
在座每位都將我踩 口碑有多壞
但你亦永遠不見怪
何必跟我我這種無賴
活大半生還是很失敗
但是
你死都不變心 跟我笑著捱
就算壞我也不忍心 偷偷作怪
沒有根的野種飄忽的命途
誰像你當我寶甚麼也做到
舊愛手中一匹布 在這刻寫句號
只想跟你終老在地球唯獨你愛我這廢人
出錯你都肯去忍
然而誰亦早知不會合襯
偏偏你願意等
為何還喜歡我我這種無賴是話你蠢還是很偉大在座每位都將我踩 口碑有多壞
但你亦永遠不見怪
何必跟我我這種無賴
沒大半生還是很失敗
但是你死都不變心 跟我笑著捱
就算我也不忍心
還喜歡我我這種無賴
是話你蠢還是很偉大
在座每位都將我踩 口碑有多壞
但你亦永遠不見怪
何必跟我我這種無賴
活大半生還是很失敗
但是你死都不變心 跟我拼命捱
換轉別個也忍心 偷偷作怪
烈女 楊千嬅作曲:雷頌德 填詞:林夕 編曲:雷頌德
很想裝作我沒有靈魂 但你讚我
性感很想偷呃拐騙的勾引 完了事便懷孕
然後便跟你 跟你到家裡去掃地
讓情敵跟我講恭喜 放棄事與非
與魔鬼在一起
烈女不怕死 但憑傲氣
絕沒有必要呵你似歌姬知你好過了便要分離 沒有骨氣只會變奸妃
烈女不怕死 又何懼你 不會失去血性和品味
知你一向以我去攝期迎合你便令名譽掃地 呸呸＊
本應想我變做你類型 讓你與我有景只可惜得到你的尊敬
全因肯當佈景無謂被選美 逼你待我好我寧願傷悲若然排在榜中最多三四 我縱像儲妃違背了我天地
旺安, 新婚快樂!!
而家已經係12點半有多啦, 岩岩飲完旺安果餐, 成9點半先開席, 所以飲到11點半左右食完個糖水就啦啦聲走人啦, 好彩有彭sir同miss kwan車埋我同埋亞輝一齊走, 如果返火車既話, 起碼都要1點先返到屋企呢..
聽到婚姻進行曲果刻, 其實個心係有d怪怪既感覺, 我唔識形容, 但係唔係開心既感覺, 不過見到新郎同新娘既燦爛笑容, 都算幾襯~~
不過d野食好明顯上次亞蕭果度好食好多, 今次d野食都幾唔掂, 不過都係咁上下架啦, 擺廿幾圍都唔少野呢.. 新娘比上次亞蕭見到果次瘦左好多呢.. anyway, 祝新郎哥旺安同新娘子月星幸福快樂, 白頭到老!!
