返CityU
今日下午返左city搵Dr. Li傾o黎緊呢個sem我地take d咩course, 唸就唸左take 3個course, 上幾堂之後唔掂就drop一科... 上年我星期六take果科唔使考試的, 而家佢話要呀... 佢話費時俾教統局懷疑佢個認受性喎... 嗚嗚... o黎緊呢個sem應該返星期一二六, d科同上年果d都唔同左呢... 嗚... 開始擔心啦... 同Dr. Li傾計, 傾到中途又問我地o係邊間學校教, 我同同事都有d擔心呢... 擔心佢又好似一年前咁同我地傾呢個話題傾左1個鐘... 哈... 好彩之後轉左話題傾我既台灣之旅, 所以今次半個鐘就攪掂左啦~~ 嘻嘻... 之後行經又一城時, 同事問我有無瘦到呢... 傾傾下... 佢話"咁你繼續做啦, 瘦d著婚紗靚d既..." 激死... 忍唔住踢左佢一腳... 不過踢唔中... =.=" 嘻嘻... 之後就搭車返屋企啦~
夜晚唸住都係執野, 同埋要早d睏呢, 聽日好早起身去機場啦~~ 嘻嘻... 返o黎時記得要買紫晶酥俾朋友呢! Wahahahahaha~~~
Ready!!
前幾日上網買旅遊保險, 唔記得講返... 今日突然又唸返起一個名詞... 嘻嘻....................... 配偶!!! Kee Kee...
今日中午同左媽咪去飲茶, 之後就去大百佳買左d旅行要用既日用品, 之後就返屋企啦, 都係打下機咁~ 夜晚就o係度執去旅行要著既衫褲鞋襪同埋日用品, 唔係好多呢~ 個行程應該都七七八八, 想去既都寫低晒, 係擔心唔知識唔識去姐, 不過都預左要用我"純正"既普通話去問人架啦~~ 嘻嘻!! ^_^ 台北之旅, 我o黎啦!!!!
倒數一日!!! ^3^
Doraemon車車..
o係forum度睇到... 都幾靚喎~
傾行程
今晚男朋友放工就o黎左我屋企食飯, 食老豆之前包既水餃, 我都有份包的~ 媽咪整左手撕雞, ^_^ 食到好飽呢~ 食完之後就唸台灣既行程, 又食下車厘子咁, 之後又對打左兩鋪winning, 0:2 同 2:1呢~ 你打得好叻呢~ 扭來扭去... 打完之後繼續傾行程, 傾到11點半左右就走lu... 之後我就用excel打晒d行程呀, 地址呀咁, 方便之後唔識路時可以睇返或者問人呢~
好期待呀!!
計劃 + 大雄靜香結婚公仔
禽晚臨睏前傾左一陣電話, 嘻嘻!!! 要慢慢計劃下點樣安排呢~~ 嘻嘻!!! 興奮~~
今日睇forum見到... $188蚊一對呢... 25 cm長... 好靚好cute好可愛呀~~~ ^3^
個size好適合做放o係車上面既公仔呢... 哈哈...
編行程 + WE9
今日無得去做gym游水, 所以就留o係屋企唸台灣之旅既行程, 唸左一堆想去既地方, 打左落個excel度, 唔算好多, 但係未唸到應該點樣編排, 因為d地方都幾散下, 我又唔想好似之前咁趕咁樣去旅行, 我想d時間鬆動d, 可以慢慢行, 有渡假feel d...
媽咪今日又鵝我... ~_~ 鵝到我都無乜心情... 點解要咁呢?! 我咁大個人識得自己唸架啦, 唔使次次去旅行都好似要俾佢話一輪咁下嘛... 激死我啦!!! 我明解媽咪對女既擔心, 但係唔使次次都講卦... 仲要好似我得罪佢唔聽佢講咁.
夜晚食飯同媽咪都無咩野lu... 我就係咁打winning, 3粒星好難打... 羸已經好好彩~~ *_*
食齋
今朝一早起身同屋企人去雲泉仙館度食齋, 叫左3味, 食左一碗粥, 我覺得麻麻地呢, 因為成日都驚住好多蚊咁, 雖然出門口時都塗左驅蚊膏, 但係都驚呢, 食完返屋企, 唸住去游水, 點知搭完車去到佢先話呢兩日都有工程, 最快要後日先攪掂... 連gym房都係, 去到熱辣辣, 咩都無得做, 嗚嗚... 搭返車返屋企, 今日真係好熱呢...
龜龜的名
今日男朋友去左游船河晒甩皮黑寶~ Kee Kee... 佢仲話朝早時唔見左圈圈添... 好彩夜晚返到屋企o係床上面搵到咋... 嘻嘻!!
前幾日上網終於知道左龜龜個名... 原來叫... Kuma Kuma... 嘻嘻!! 個名都幾可愛呢~ 佢既出生地係日本呀!!! 不過有人唔記得左狗狗既出生地呢... Hint 1: 信用咭...
倒數六日! ^3^
做gym七記
今日兩點先起身, 記得禽晚發夢, 自己生左一對龍鳳胎, 一男一女, 我就抱住個仔, 點知唔夠兩分鐘, 我件衫就俾佢賴濕晒呢~ :P
起身後食左兩塊檸檬夾心餅, 之後就出門口同朋友去做gym, 今日一路傾計一路做, 時間都過得幾快, 做左270 Calories, 之後陪朋友去睇樓, 陪埋佢見佢媽咪, 佢媽咪仲問我做咩瘦左咁多呢... 嘻嘻... 我自己就唔係好覺, 只係塊面好似瘦左dd, 體重真係無輕到... 睇樓既過程都無咩野, 不過之後同我地o係度計數果個女人就好唔掂, 態度極差, 我地一早就表明話只係睇下架啦, 話晒我地都係客, 講說話又無禮貌, 計條數既時候又話"你計俾我睇呢度幾多啦..." 你都傻既, 不過我做埋你果份呀!! 之後就走, 行返屋企途中, 朋友妹妹見到我, 之後打電話俾朋友問點解我瘦左成個圈... 嘻嘻... 都不枉我努力左兩個星期呢~~ ^3^ 不過要繼續努力呢, 仲有好多部位我係想無左的... Kee Kee... 不過今日又俾蚊針左兩舊呢...
返到屋企食左兩舊乳鴿, 俾媽咪罵我點解去旅行唔book旅行團, 要自悠行, 咁危險, 又話我大膽~ 我覺得無問題呢, 而家自悠行都好普遍, 而且台灣之前又去過, 我就唔係好擔心, 不過媽咪係咁話我... 攪到我都唔開心呢! 雖然我理解媽咪有媽咪擔心女既心態, 但係我真係唔覺得係件咩咁大件事囉! 老豆都話台灣好d, 台灣就唔係好怕既咁... 我覺得都係囉, 我都話我係因為唔怕語言不通所以先覺得自悠行無乜大問題. 如果係泰國果d, 溝通唔到的, 我都唔敢自悠行啦... 真係激死我啦!!!
