激氣 + "行"街 --> 成功!!
今日好早起身, 都睏唔夠~ 9點幾起左身, 因為要落街買野呢... 晏少少要同朋友去屯門工廠大廈"行街"呢~ 一早起身就俾人罵... 激死我啦, 我一早都已經講左唔得閒架啦, d野book好晒架嘛! 我講左話我要o係屋企做野, 我要出5份mock卷呀! 中七3份, 中五2份! 你地有無體諒過我!! 你估出卷唔使唸架?! 亞哥話唔去就無野, 我唔去就發我脾氣, 有無攪錯!! 成日都覺得亞哥份工辛苦, 我就好似好得閒咁!! 你估我真係唔使做呀?!! 就算我有時間休息, 我都唔係事必要去應付d親戚們姐!! 哼!!
今日"行"左成個下午, 仲俾人趕呢~ 要"行"既野都未"行"晒就要走啦... 開頭仲失敗左添呀... 好彩我醒目, 啦啦聲再"行"過姐... 之後同朋友返我屋企再"行"過~~ 行到7點幾, 終於攪掂啦~ 呵呵!! 好靚呢~~ 都叫唔差咁啦~ 下個星期先post相, 而家唔post得住呀~ 呵呵!! 不過代價就係無得同屋企人去拜年, anyway, 我都要o係屋企出卷呢~ 所以整完晒沖完涼就繼續出卷啦~ 心情輕鬆左好多呢, 總算都叫成功左呢!~ 嘻嘻!!!
下午去左火車站俾野朋友幫我拎去換, 要你特登去!! 唔該晒呢, ^_^"
雖然只係見到短短幾分鐘, 不過都好開心!!夜晚等屋企返o黎就食啦~ 嘻! 佢地話好食呀! 第一次都算係咁啦! 嘻嘻! 好開心呢!! 分好左, 一份係亞哥及女友, 一份係屋企既bb, 一份係同事, 一份係我同朋友! Kee...
做完上年既cert level cit past paper, mc果part 40題做錯左3題.. 應該ok卦~ 不過唔知d學生點呢~
家長日二
今日家長日第二日, 因為禽日已經見左30幾個, 所以今日得唔夠十個見... 有時見到d媽咪為個衰仔喊, 都真係有d感慨母親既偉大, 個衰仔咁唔生性, 我個partner叫個亞媽唔好再俾錢佢使時, 個亞媽都話唔得... 要俾... 唉... 個亞媽出親聲, 個衰仔就好惡咁罵個亞媽... 睇見個亞媽喊到hug hug聲, 做仔既唔通真係無反應咩... 我唸個衰仔都仲有良心的... 佢只係唔知自己應該點做姐...
今日穿左短裙子~ 有好多人讚我呢~ 嘻!! ^_^
見完家長, 去禮堂執返d av器材, 之後就o係office影印定中五下星期一要做既cit 2005 pastpapers, 再執埋d野, 就返屋企啦~ 去左7-11買魚蛋燒賣同埋大腸仔返屋企食, 食完休息左一陣就睏覺啦~ 唸住睏醒就起身落街買野, 點知睏到4點醒左, 賴到5點先起身~ 之後都係唔落街買野啦~ 聽日早d出門口去買啦~ 好彩我都唔係好多野買... 不過都幾擔心失敗呢... 失敗左都唔知點好~ 曬晒d野... ~_~"
夜晚坐o係電腦前乖乖地出卷, 都唔知幾專心~ (少有的)~ 終於出到第二份tas啦~ 仲有一份唔知點出既中七tas, 又仲有一份中五既mock.... 加油呀!!!!
家長日一
今日係第一日家長日, 唔算太忙, 不過就幾眼睏... 因為仍然係睏得唔夠呢~
今日見左廿幾個家長, 幾年o黎見左咁多個家長, 其實都越o黎越明白小朋友既心態同埋daddy mummy既唸法, 平時見到班學生牙刷刷, 今日o係家長同老師三口六面既時候, 多數都係唔多出聲的, 除左乖果d之外, 其他大多數都係低頭, 個樣好似真係有所反省咁, 其實佢地真係唔係壞, 不過就係懶到出晒汁~ 我地班全班第一果個o係全級居然排第59... 可想而知~
夜晚去左同朋友行街買野, 去左間日本野度食, 麻麻地, d魚生飯同壽司都唔得~~ 食完之後就行街睇野, 之後就返屋企lu. 因為聽日都係家長日, 同埋聽日下午要去買野準備我既傑作呢~ 呵呵!!
代堂 + 好工<-- 公
今日全日都好累, 不過一早就有唔開心既事發生, 好似俾人合咁... 事緣我今日已經有5堂, 得3堂空堂, 今日有一個教電腦既同事無返, 所以個負責代課既老師就編左我要連續代兩節中六電腦堂. 我心唸, 我今日都唔係少堂架啦, 但係編到代堂都無辦法, 但係都唔使兩堂姐.. 之後我打電話去同佢講, 話我第二節既代堂唔得, 因為我有野做. 之後佢就講, 因為之前既電腦老師講過, 如果電腦老師無返而需要代堂既話, 就自己人食返... 因為要有一d有足夠電腦知識既老師去同學生做revision同埋回答學生既問題喎... 但係之前個老師都唔係咁講的. 代課基本上係唔會教書的, 除左個老師肯或者教緊既野難唔到佢既話. 仲有, 我根本都無中六既教科書, 去到代課鬼知佢地教緊d咩呀.. 之後我已經講左我第二堂唔得, 佢竟然問我, 因為另一個電腦老師有堂, 得我一個電腦老師果個時間係無堂姐. 所以就編晒兩堂俾我. 之後問我竟然唔得, 咁仲有邊個電腦老師可以去代. 我都已經講明除左中一二三之外, 電腦代課係唔會教野的. 佢都仲要問我仲有邊個電腦老師. 大佬呀! 電腦老師有幾多個你唔係唔知呀? 你教左幾多年呀! 更何況, 你識唔識轉下彎架呢? 而家兩個電腦老師都唔得閒去代果堂, 咁你係咪應該要退而求其次搵其他唔係教電腦既都頂住先? 你竟然答我, 咁你代第一堂, 第二堂就有得佢吉左佢啦... 咁都講得出! 之後仲要問我認為仲有邊個老師有咁既電腦知識可以去代果堂又可以回答到學生關於電腦既問題... 都傻既... 我更加唔會咁樣爆人地出o黎囉~ 同埋最重要, 我鬼知點個老師電腦咁叻可以教到中六computer呀.. 仲問我亞呂sir得唔得. 都傻既. 我梗係話唔知啦.. 我覺得同佢講左咁耐佢都好似唔係好明我講咩咁...
今日好累, 做到6點幾先走. 計一計, 我而家差唔多每日都由8:00做到18:00幾... 足足10個鐘多d... 返到屋企累到連半個鐘都要去睏.. 啦啦聲扒飯之後又上返床睏... 半攤o係床度又睏左半個鐘, 之後又要出卷啦...
不過我另一份工(公)呢.... 就真係唔錯啦.... 返工1日24小時, 1年365日. 無得秘勞... "老細~"(注意: 要用不太純正既普通話講的..) 又好人, 對下屬又好. 仲請左11個靚幫手添~ 呢個老細都算唔話得囉~! 所以我決定簽Perm. 條款都係一般果d啦~ 最重要係雙方都同意就得啦!~ 嘻嘻!!!
北海道活壽司 + 打機 + 道歉
禽晚唔開心, 睏得唔好, 今朝起身都仲有d唔開心, 不過好左少少.. 今日上堂同補課時都好勞氣呢... 放學後罵果個學生仲罵到佢喊呢... 好彩佢都知道自己過份...
夜晚朋友約了吃飯, "北海道活壽司", 都幾好味, 不過d壽司都幾細舊, 都算貴的. 不過有幾款真係幾好食, "軟殼蟹手卷", "鮮蝦沙律醬軍艦壽司", "火灸三文魚腩壽司 東味", 仲有"毛解虫"... 嘻嘻!! 食完飯, 去左打機, 玩左夾鎖匙扣, 不過好難呢... 仲有玩左果幾樣一定會玩既野~ 好似玩得幾好咁~ 有進步呢! 不過夜左少少, 最後都無去食到cheese cake, 只係食左甜筒雪糕呢~ 好味! 特濃朱古力~ 正!
...
...
...
...
...
...
今晚, 我想真心的對你說句對不起! 我知道自己語氣不好, 但是我真的控制不住自己還會因為這件事而感到不開心. 但我不想我的開心與不開心需要向你隱瞞, 所以我選了告訴你. 但是我知道, 我選擇了告訴你後, 我們兩人都會更加不開心. 我開始猶豫究竟我應不應該說出來. 其實, 我比較喜歡直接的說出自己所想, 因為我不想關心我的人要猜測我的感想, 亦不想他們為了擔心我怎麼想而煩惱. 所以我曾經想過跟你討論這個話題, 因為我不知道你對這件事的想法是怎麼樣的. 不過, 我發覺, 我無從入手. 所以我想, 你或許不喜歡跟我談這個話題呢...
這件事, 我知道大家都需要時間. 我不應該這樣子的. 對不起! 對於你所說的安排, 聽到你說我們當天的行程, 我是感到很高興的. 我承認我表達得不好, 潑了你一頭冷水... 真的對不起! 我知道我的表現令你很不開心, 亦感到沮喪, 你會原諒我嗎?
第一日返學
今日第一日返學, 好眼睏, 禽晚都睏得麻麻地, 因為驚起唔到身, 印象中好似睏得幾個鐘... 返到去見返班同學, 都幾開心呢~ 雖然佢地有時係幾曳, 但係始終都係小朋友, 都有可愛既地方呢! ^_^
今日有一堂, 所以一朝就努力地逗利是, 不過不嬲都唔會多的~ 今日得7封~ 聽日應該仲有少少, 就無架啦~
唸住早d走, 返屋企睏覺, 最後都要5點先走呢... 上床睏既時候都6點啦~ 一開始都睏唔著, 最後睏左一個鐘唔夠就起身食飯啦~
今晚要備課同埋做solution, ~_~" Zzz...
lansoc春茗 + 駿景園食飯 + 聽日開學啦...
今日lunch同lansoc去旺角飲茶, 10個人都係食左300+蚊, 都算平, 都係傾下計咁啦, 之後佢地去玩snooker, 我就搭車返屋企出卷啦.. 返到屋企親戚已經o係度打緊麻雀, 好嘈呢... 總算叫做譯晒份卷, 但係一d都未check... 之後媽咪要煮飯, 叫亞哥戥腳, 但係亞哥唔舒服, 咁我就戥左兩鋪... ~_~
朋友打完war game就一齊去食飯, o係駿景園, 間屋個view真係一流~ 落地玻璃係我最鍾意的, 因為我鍾意望夜景呢~ 我好鍾意夜晚周圍黑媽媽既感覺, 覺得好relaxed, 同埋可以俾我靜低落o黎, 靜靜地咁望住個天空亂唸野~~
d野幾好食呢~ 食到好飽好飽... 之後傾左陣計, 打左陣麻雀, 其實我覺得我不嬲打麻雀都係唔得的~ 無人地唸得咁快~ 更何況去到一個陌生既環境, 一個個岩岩先識既人, 我基本上係唔會點出聲的... 只係o係度聽同埋笑... 仲要打埋麻雀, 我就更加唔知點咁呢... 好彩有人都肯幫一幫我... 如果唔係今晚一定唔至二百囉...
玩到11點多就走, 好眼睏呢... 唸起屋企仲有一堆堆未完既工作, d壓力又o黎啦... 唸起聽日就開學啦, d喊露就打得越係盡情, 越係起勁... Zzz... 但係唸起聽日要向同事們逗利是, 心情不禁多返少少興奮...
...
...
...
...
...
...
兩個月快樂!
上course - PHP + MySQL + MiniProject + 出中七ca mock卷
今日遲左少少出門口, 去到遲左3個字, 之後又聽佢講PHP, 睏左一轉, 中午去左樓下美心食飯, 飲左杯咖啡, 下午就開始寫個mini project, 好彩都唔係好難做~ PHP都幾似C, 所以我都仲識寫呢~~ 嘻!! 加埋個Database原來都唔係好難, 識得樣野!
個trainer話有價值300蚊既禮物送返俾我地, 之後拎埋張cert就走人lu~ 返屋企做野呢, 屋企人去晒西環拜年, 我無去到呢, 因為要返屋企出mock卷.. 星期一開學啦... 嗚...
好痛苦呀... 要將人地d卷由中文翻譯成英文... 我都唔記得d terms點寫呀.... 救命呀~~~~
-__-
