游水 1000 m + 創新科技展 + 睇煙花
呢幾日心情都有d不安.. 一o黎心情仲未平伏晒. 二o黎就係工作壓力. 三o黎就係學生俾我既壓力, 四o黎就係自己俾自己既壓力... 唉...禽晚返cityu搵左Dr. Li傾我同呂sir既問題, 都傾左個幾鐘, 佢真係好長氣, 好似好耐無人同佢傾咁耐計咁... 佢話佢星期一同programme leader傾, 星期二覆我地, 仲叫我地都考慮下如果drop晒其他科, 淨係take一個course負唔負荷得到...
今日一早同amanda去游水, 游左20個池, 好耐無游過呢... ^_^ 下午同amanda出去會展睇"創新科技展"... 都幾好睇呢.. 不過我地去到先知原來個展覽開到六點咋.. 我地去到都成4點半... 我地仲等左差唔多一個鐘既新科技"按摩"... 之後就啦啦聲行埋剩低果d booth, 影左一d相, 就走lu... 最深印象都係果堆lego, 好得意呢... 同埋仲有一個"義肢", 係由一個中七既喇唦書院既學生做的, 用左4個月時間做, 好勁呢.. 好似係用泵來幫助義肢行走的... 個學生仲話係因為之前見到d野, 所以就激發起自己既潛能去做呢d可以幫到人既野... 真係好好呢... 如果而家多d呢d學生就好啦...
夜晚再去左灣仔會展對出近海既地方睇煙花, 呢次係我呢生人第一次現場睇煙花的, 感覺都幾好, 雖然等左好耐, 又好熱, 但係d煙花好大個咁o係你面前"嘭嘭"聲爆... 又真係幾興奮的~~ ^_^ 我地睇之前仲啦啦林走左去就近既超級市場度買左一包熱浪, 一細盒品客薯片, 一盒百力滋, 一盒甘大滋, 一條糖, 仲有一盒壽司... 真係有d似去野餐咁... 哈!! 第一次咁樣坐o係地方開餐食野~~
原本今日去飲呢. 不過無去到, 我唸我去唔係幾方便既... anyway, 恭喜晒, 堅哥! 結婚一生人一次, 上星期去觀禮既時候, 自己都有少少結婚既衝動呢~~ 雖然個牧師講道講得麻麻地, 不過"二合為一"呢個言論都幾感動既~~ 觀禮時都影左幾多相... 朋友既親戚一路拉我一齊影相呢... 都有d尷尬...
今日係國慶, 亦係"一周年紀念"... 我是記得的! 不過, 我仲未有一個好明確既答案, 唔好意思! 不過, 我知道, 最近發生既咁多事, 令我覺得, 我要珍惜眼前人, 包括家人, 朋友等等, 珍惜所有同佢地相處既時間, 仲有眼前既所有野...
posted by Mandy @ 11:30 PM
0 comments
