CityU Interview
今日11點左右起左身, 岩岩刷完牙洗完面就有朋友打電話俾我約我食飯, 不過唔好意思, 因為落雨, 同埋要陪媽咪去飲茶, 所以無同到你食飯.. 下次呀! ^_^
飲緊茶既時候, 收到你既電話, 叫我買xx, 我其實都有唸過架, 唔止唸, 我仲真係唸住買架. 因為之前同同我地屋企清潔果個朋友傾開買xx, 佢都贊成呢, 所以我唸我都可以試下呢.. 今日下午返到屋企, 就即刻實行我既計劃啦, 不過都係試下先, 所以我就set一個一定唔成功既價格, 睇下會點既先. ^_^
之後就去cityu interview啦, 係in master in applied maths呀, 呂sir send左份course info俾我睇, 我就o係火車度睇, 睇下睇下d course都幾好呢, 起碼望落去d course名, 我都知係d咩o黎. 唔似cu同hku咁, 睇落去都唔知咩o黎既.. 去到4:50左右, 遲左少少, 同我一齊去到仲有一個亞叔, 佢都有打tie既, 不過件外套都幾求其.. 入左間影印房等左一陣, 就去個prof wu間房啦.. 呢個prof wu真係頂佢唔順.. 聽明佢把聲, 見到佢個樣, 就知佢係d"呢呢fairfair"既人... 講d說話都無乜修飾下. 一路o係度讚cityu既prof有幾勁, 一d都唔比科大同中大既輸蝕, 又問我點解選cityu啦, 問我有無報到其他course. 都係果d行貨野啦.. in左20分鐘左右就走lu... 之後就去左粉嶺百佳買我聽日整salad既生果啦... 買左好多呢, 有紅蘋果, 青蘋果, 火龍果, 奇異果, 薯仔, 菠蘿, 粟米, 西瓜, 雪梨, 仲買左牛奶公司芒果乳酪, 拎到我呀~ 好重呢.. 聽日有排"玩"啦~ 嘻...
買完材料返到屋企, 真係收到hku既信呢.. 佢收我啦~~ 我既同事都收呢... 不過我地仲未決定點揀呀... 但係同事好似想選cityu呢.... 咁我又點算好呢....
夜晚同朋友傾電話, 傾左個幾兩個鐘呢... 學左好多野... 好多terms... 勁~
不過又知道左d唔開心既野, 希望你快d可以渡過難關同埋唔開心既日子啦....
四日既悠長渡假旅程完左lu...
28/3:
同媽咪搭火車地鐵去港澳碼頭, 搭12:15班船, 去到澳門, 過埋關, 都差唔多1:45啦. 見到好耐好耐無見既舅父, 好開心呀.. 佢接左我地之後就揸佢架好型既電單車同我地車少少行李返屋企先lu.. 我同媽咪就搭的士去舅父屋企. 去到又坐一陣, 見到舅母. 之後就落街食飯啦, 果時2:30左右, 食完舅父同舅母就帶左我地去乙水仔大利食豬扒包, 但係.. 好景不常... 豬扒包竟然賣晒.... 我地唯有食豬扒"多"啦... 即係唔同包, 用多士. 都好食呢, 塊豬扒好大塊, 好味~ 行下行下, 又影下相咁, 舅父就話有間食牛什好好食, 咁舅母又去買牛什食.. 果時我已經係仲飽緊.. 不過, 一場o黎到, 梗係要食下先啦.. 咁又食左一堆牛什, 真係飽到上心口.. 果時4:30左右, 我地一齊去鉅記掃貨, 又試食杏仁餅啦, 又試我最愛既豬肉乾牛肉乾啦, 又有即刻整既鳳凰卷啦... 飽下差d連試食都食唔落啦... 不過係無肉心杏仁餅, 因為已經賣晒啦.. 走既時候, 舅父又靜靜雞she左出去, 揸架電單車去晒成個澳門同乙水既鉅記搵肉心杏仁餅, 因為我講過老豆同埋我一個朋友好鍾意食呀.. 後尾終於舅父都o係咀香園搵到最後兩盒呀... 真係勁呀... 夜晚, 媽咪又約左個老朋友食飯, 我已經食唔落啦, 仲有個好滯既感覺, 所以都係食左幾條菜就算啦... 不過有樣野真係好好笑, 我下午行緊街既時候, 見到有件衫既公仔好得意, 之後入左去睇下, 之後我見唔係好貴就買左啦, 但係... 舅父就啦啦聲幫我俾錢.... 真係好開心呀... 好鍾意呢個舅父, 佢好得意呀.. 夜晚食飯時又係, 一坐低, 菜都未叫, 佢就已經坐o係最出既位置, 紮好晒馬咁等定爭俾錢... ^_^, 我亞媽咪話囉, 去澳門, 舅父包食宿仲包洗添呀... 夜晚仲係好飽好飽, 好明顯係食滯左啦.. 返左屋企樓下, o係舅父既型仔電單車度影左張相呀... 嘻... 帶晒頭盔架... 正呀... 食完飯, 媽咪, 媽咪個老朋友, 舅母一齊陪我去金莎賭場度睇, 真係好多人呀, 見到d人拎住d籌碼係咁放o係枱度, 我原本都唸住玩一鋪就走, 但係一注要$300呀.. 想搵d$200既都無, 所以基於我既理財原則同埋陪同者既"壓力"下,..... 都係放棄左... 只係玩左一陣角子老虎機就走lu, 之後就返屋企, 沖涼, 唉... 舅父屋企個熱水爐係電既.. 我沖沖下涼, 竟然... 無熱水... 唉.. 都無計, 凍到甩肺... -.-" 都算啦.. 唸住睏返好覺啦, 因為真係行左好多地方, 由於舅父要返夜, 舅母聽朝就返早, 所以我地就睏左舅父間房, 點知... 舅父舅母間房張床... 超級硬... 唉... 果晚又熱... 成晚都好似醒下醒下咁... 真係陰公...
29/3:
9點左右就醒晒啦.. 好似無睏過咁.. 呢日係我最後一日o係澳門啦, 因為下午就會去姨媽o係中山既雅居樂度玩啦, 舅父問我仲有咩地方去, 我話去大三巴牌坊, 咁o係樓下食左早餐之後就坐車去啦... 坐坐下又有dd眼睏, 不過好快就去到啦, o係大三巴又有鉅記, 因為前一晚收到同事既電話, 話脆果隻牛肉乾好食... 所以又買啦.. 哈.. 之後返到屋企, 見到地下已經有三袋大袋既鉅記, 一大袋咀香園, 心知又不妙啦... 原來舅父又一早揸電單車去買肉心杏仁餅, 仲買左4盒... 即係total有6盒.... *_*... 我同媽咪都已經開始有d擔心我地兩個人拎唔到咁多野啦... 不過都係要拎呢... 下午過關去拱北, 約左姨媽o係拱北車站等, 佢帶我地搭雅居樂專車去.. 咁就要同舅父say goodbye啦... 好唔捨得呀... 我禽晚特登用500蚊紙摺左個心心俾舅父, 放左o係佢地間房既隱蔽處, 臨走果陣我話左俾舅父聽, 佢仲話我呀.. "你o係邊度學埋d咁既野架... " 不過我睇得出佢好開心呢~~ ^_^
搭大約40分鐘就到雅居樂啦, 一睇個環境就知係悠閒既生活.. 周圍都係園林既地方, 有池水, 有好多錦鋰... 去到姨媽屋企, 都裝修得好靚, 我最鍾意客廰果盞燈, 我唔係好識形容, 但係好靚, 我第時間屋都要裝果d燈.. ^_^ o係屋企坐一陣, 6點半就出去食飯啦... 雅居樂好得意架, 你出出入入去食飯去買野, 都可以打電話去果間鋪頭, 叫佢開車去雅居樂你幢樓樓下度接你.. 即係你其實係唔使行咁滯.. 真係勁呀... d生意手法真係犀利. 我地呢晚去左食牛扒既餐廳, d扒都好好食, 同埋個鰻魚炒飯真係好好食呀... 正呀.... 夜晚食完飯, 7:30, 就去左雅居樂既會所唱k, 原來姨媽同姨丈一o黎親就晚晚都去唱k... 真係難以置信, 個唱k既地方仲係開放式的, 即係一個k廰咁, 有十幾張枱仔o係度, 要唱歌既就寫歌名o係紙度, 唱既時候就出去出面既台度唱.. 我都未試過唱呢種k, 因為要對住d唔識既人唱, 我開頭都唔敢的, 都要姨媽陪我, 但係姨媽淨係識唱d好舊既歌, 所以我唯有都係拉埋佢唱d舊既歌.. 好似葉倩文既祝福等等.. 唱唱下都敢敢地單獨唱既.. 不過個感覺真係好驚呢~~ 媽咪就更加好笑, 佢唔敢唱, 但係姨媽係咁拉佢出去唱, 陪佢唱鄧麗君既歌.. 哈.. 我都係第一次聽媽咪唱k呢~~ 佢唱歌把聲好得意呀, 完全唔似佢平時罵人把聲.... 哈.. 我同媽咪唱到11點半就走啦, 姨媽同姨丈都繼續唱, 唱到1點幾兩點先返屋企, 我同媽咪就沖涼睏覺先.. o係姨媽屋企住得舒服少少, 不過可能我唔熟悉用電熱水爐, 所以又係沖到一半要沖凍水... 唸起都恐怖~~ 就係咁, 吹完頭就睏啦... 今晚睏得好dd啦, 不過都唔係好好, 因為我唔習慣同媽咪同床睏... 所以好似怪怪地咁... 仲有, 因為雅居樂有一個唔好處, 就係多蚊, 所以要開冷氣睏, 點知我地唔識攪個冷氣, 夜晚越睏越熱... 熱到出汗, 所以o係咁既情況之下, 呢晚都係睏得唔好...
30/3:
第三日啦, 9點左右起左身, 睏得都唔好, 因為熱醒左好多次...*_* 出左去庭記食飯, d鴨湯真係好好好好正呀... 好回味呀~ 食完飯, 去左睇vcd, 買左一大堆呀, 差唔多有10隻, 試晒d碟就俾錢走人啦.. 之後我地坐三輪車返屋企, 其實三輪車有兩種, 一種前面係電單車, 一種就係普通單車, 我地坐左普通單車, 見到個亞叔踏得好辛苦, 雖然唔係好多上斜路, 但係有少少斜, 而且坐o係佢後面既係我同埋媽咪, 所以我見到佢真係有d戥佢辛苦... 媽咪仲一路坐一路同佢傾計呢... 去到屋企門口, 都係6蚊咋... 我就突然間有dd情緒低落啦.. 個亞叔踏得咁辛苦都只係賺我地6蚊.. 得6蚊... 我姨媽仲話我知, 佢地d亞叔食飯都係兩三蚊一餐架咋, 唔會好似我地幾十蚊, 甚至百幾蚊咁食... 所以一個月好既都係賺得幾百蚊架咋... 真係覺得佢地好辛苦, 咁辛苦都係賺得果幾蚊雞, 唸起我d學生而家食一餐午飯都話要去食牛扒餐既, 真係有dd心up... 不過, d亞叔都做得好開心架, 我地俾多一蚊佢, 佢都好開心, 唔該前唔該後, 攪到我都覺得唔好意思呀...
返到屋企, 同姨媽媽咪去池塘餵魚呀, 原來餵魚好好玩架... 見到一大堆魚跟住你食你d魚糧, 你未開始餵, 佢地就已經圍晒o係你既旁邊等... 你一晒幾粒魚糧落去, 佢地就會啦啦聲爭食... 我都用我個電話影低左呢d情況呢.. 攪到我都有d開始餵魚啦... 餵完魚, 就返左屋企, 開始覺得有dd悶悶地, 因為一時間都唔習慣o係屋企無野做, 坐o係個沙發睇電視, 果時係做緊哈姆太郎, 我都睇晒呢, 可想而知我果時係幾悶, 之後就坐o係沙發度睏著左... 睏到隻手好累, 就返入房同媽咪睏, 但係我入到房已經睏唔著啦, 好似醒左一大截咁, 真係慘.. 夜晚6:30又出去食飯, 今次係去食手撕雞, 好好味, 食到個個都飽到上心口, 都係75蚊... 真係好平呀... 食完之後又去左唱k, 今次我大膽左d啦, 都敢敢地唱, 不過最開心既就係, 我第一次同姨丈玩合唱呀, 我地成晚唱左好多首合唱歌呀, "相思風雨中", "其實你心裡有沒有我", 唱左5首呀... 姨媽仲話我唱得幾好呢~~ 好開心呀~~ 之後o係k房度睇大長今, 睇完後再唱, 又叫左多春魚食, 好好味~~ 唱到1點左右就走lu~~ 返到屋企又係沖涼睏覺, 今次我醒左啦, 沖快d, 同埋唔用既時候就關左個水龍頭, 所以我可以用熱水沖晒全程呀~~ ^_^ 今晚係最後一晚o係雅居樂啦.. 都有dd開始慣呢度既生活..
31/3:
今日走啦, 10點左右起身, 坐左一陣傾下計, 就去返禽日既手撕雞店食飯啦.. d及第粥都好食呀, 都係5蚊咋, 不過今日多左條魚, 條魚都ok既, 最後我請左食飯, 都係145蚊, 仲要我地外賣左一隻手撕雞呢.. 真係好平呀. 食完後去車站買飛返香港, 不過經上水既直通車full晒, 唯有搭深圳既車啦. o係車睏左陣, 車程兩個鐘左右, 我都睏左一個鐘.. 返到去就叫左老豆o係火車站接我地拎行李, 咁就完左我地呢幾日既行程啦~~
總結呢個旅程都ok既, 好似好悠閒咁, 不過我有dd唔係好慣過咁"懶"既生活~~ ^_^ 夜晚同朋友傾左大半個鐘電話就睏啦.
