Our Lives: 8/6/06

再Book台灣旅行

今日下午3點叫男朋友起身, 點知聽到超級外星人話呢, "唔... 唔...", 攪到我之後都唔敢再打電話呢... 嘻嘻... 之後就一齊出去沙田食tea,去左大家樂食, 食完就去book台灣package, 因為之前book果個機位無晒, 所以就要轉呢~ 今日都book成左, 延後左兩日先去, 仲好呢~ 又平左~ 之後去返之前果間度攪refund, 有得即刻退cash呢~ 方便~ 攪掂晒就去左打機機, 又係玩左果幾樣野, 今次好似又係退步左呢~ ^_^ 要鍛鍊多d先得~ 打完機o係d商場度行下, 睇下褲又睇下衫, 最後就買左一條褲同一件背心~ 好平呢~ 抵~~ 買完就去左食飯, 果時已經係10:00啦... 去左紅豆子食...
入到去既時候見到前男朋友既表弟, 以前都幾熟的, 都有一齊玩過, 我仲同佢妹妹用英文補過習, 佢媽咪仲介紹過幾個補習俾我. 見到時差d唔認得, 佢都差d唔認得我呢~ 之後就叫野食, 食左兩樣小食同飲左杯野, 都幾好味呢, 平平地~ 之後... 男朋友餵我食前日o係皇后餅店買既鳥結糖, 果一刻, 我唸唔到點反應... 我... 縮左... 我覺得有d尷尬... 見到男朋友好唔開心, 果時, 好內疚, 我知道你唸緊咩的, 我知道自己唔應該咁介意的, 果刻我無顧慮到你既感受, 我唔應該縮的... 之後我就拎住男朋友隻手要佢餵返我食... 見到你唔開心個樣, 我都好唔開心... 雖然你之後都俾返一個無事既樣俾我睇, 但係我知道的... 呢d唔係叫做小氣... 我明的!
之後就返屋企啦... 因為聽日男朋友要倒塌咁早去游船河... 哈哈, 仲早過平時返工... 聽日唔知又會唔會有超級撒亞人話聽呢... ^3^

Book台灣旅行

禽晚去左沙田食飯, 同埋睇台灣資料, book左啦~ 不過今日confirm無機位呢.. 要refund同埋睇過第二間, 或者轉日期呢...
返到屋企check特區護照, 慘啦... 唔見左... 搵左成晚都搵唔到... 好唔開心...
今朝一醒左再搵... 終於俾我搵到呢... 嘻嘻... 晏d要再去過睇~~ *_*

游水四記

下午睇完得果半個鐘既"天國的階梯", 之後就去游水啦, 今次跑呀跑, 終於趕得切架巴士, 唔使o係度餵蚊等... 游左30個池, 今次游快左, 45分鐘左右就游完, 唸住焗sauna, 點知亞姐無開到. 所以就返屋企啦~ 今日游水時, 都有留意到果兩個救生員, 一個幾靚仔的, 一個就唔靚仔的, 塊面幾肥下, 不過之後見佢除左上衫, 有d意外呢... 有6舊腹肌, 雖然唔係好硬好大舊, 但係同我想像中有肚腩的差好遠~ 嘻嘻! 走既時候佢地都有同我講拜拜呢~ Kee Kee...
返到屋企食左舊西瓜, 又食左一個細細個既番石榴, 忍得住無"均衡飲食"到呢~~ 嘻嘻!!
已經做左運動兩個星期啦... 都無輕到... 身型好似都係咁上下... 男朋友就話個"籮"細左... 都唔知係唔係的... -.-"

做gym六記

今日12點半先起身, 因為禽日已經收晒生, 所以今日唔使返~ 起身後睇左陣新聞, 之後就蒸返熱媽咪留俾我既炒飯, 加左三舊禽晚好好味食剩既蒸雞, 正! 上一陣網就換衫去做gym, 今日做左300 Calories, 焗左15分鐘sauna, 之後就走lu... 上次等車唔夠10分鐘, 俾蚊針左12野o係兩隻腳度, 因為我著左三個骨褲, 今次精左, 著長褲, 等車唔夠5分鐘, 點知就針左4野o係兩隻手度, 仲要腫到好大舊... 嗚... 點解... 個車站有3,4人等緊車, 佢地都完全無反應, 得我一個係咁o係度R... >.< d蚊係好細好細粒的, 人仔細細就咁衰, 正衰蚊!!! 而家攪到我手又痕, 腳又痕...
好累呀... 好痕呀... 好掛掛呀...

突然記得... 嘻嘻!

小玩意

今天共處你將光陰停住
還學陳舊文藝戲口吻細聲說 :「做我內子」
想講願意還是不好意思
回贈同類橋段女主角那一句 :「讓你做主」

* 你用無限濃情蜜意來造迷人玩意
環在沒名份手指
感覺多麼似加冕光圈變天使
你用無限濃情蜜意來造迷人玩意
才明白原來在意
一世穿一次小玩意是女人的大志
( 一世穿一次小玩意是我畢生大志 ) *

給生命線最終找到靠依
然後留下長住你心裡最深處是我地址
小小玩意紋著彼此名字
留待明日傳頌你跟我這一節完美情史
Repeat * *

游水三記

夜晚同左朋友去游水, 今次游左14個池, 即係700 m, 游到最尾已經無力啦, 好累呢... 再加上游之前岩岩食得飽... 所以今次游得麻麻地, 仲飲左啖水添... 嗚嗚... 今次游水仲有野睇, 又有對情侶o係池邊度"玩", 兩個人貼埋一舊, 個女仲面對面咁樣隻腳翹住個男既隻腳... 我個friend仲話見到個男既摸個女既下身... 而家d人真係離晒譜, 仲係十幾歲就咁, 真係過份!! 都唔知咩叫做"公眾地方"!!
游完水返到屋企沖涼, 之後就食左一盒四方果o者喱呢... 好味道~ Yummy~~

會考放榜 + 中六聯招

今日會考放榜, 8點3左右返左學校開工, 因為我要負責做中六聯招既電腦果part. 返到去啦啦聲睇自己科既成績, 開頭淨係得個大榜, 即係全校每科既合格率同埋人數. 睇左好耐先明~ 數學%唔係好好, 而電腦... 就... 我覺得滿意呢~ 1個唔合格, 校長都有讚我, 好幾個同事都有恭喜我呢~ ^_^ 之後再睇每個學生既成績, 數返自己果班既數學成績, 都ok呢~ 兩個唔合格... 同我預期中一樣, 不過其中一個就唔同左人... o係校務處見到我數學果班既學生, 個個都喊晒... 尤其係之前俾我批中既一個學生, 會考前仲可以講d咁既野, 咩唔在乎, 努力o黎都無用既說話, 根本自己就唔立定心腸讀好書, 真係俾我批中今日喊到成個豬頭咁... 之後都有去等候室度同d夠14分既同學傾左陣計, 又俾左d意見佢地選科, 同埋恭喜佢地, 佢地都有多謝我呢~ ^3^ 其實係你地自己既努力返o黎既結果... 我一路都只係從旁協助既角色, 要多謝既應該多謝自己.
anyway, 整體上我覺得ok, 美中不足既只係無100%, 下年要再努力呢~~ d同事同校長都話第一年會考拎到咁既合格率叫幾好架啦... 兩科都有90%或以上~ ^_^ Yeah! 放下心頭大石, 成日都精神爽利呢~ confirm左成績之後立即同男朋友報喜~ 嘻嘻!! 佢都有恭喜我呢~ Kee Kee...
收完自己學生之後, 人數都係麻麻地, 好似比以前差左, 中午就同同事去左祥華村金明苑食飯, 食到好飽飽食唔晒都係每人37蚊, 幾平呢~ 之後就去聯招中心即係我樓下既李嘉誠中學度收外校生... 一開始既時候都幾踢腳, 一o黎係未熟個程序應該做咩先, 二o黎係有好多申請表呢~ 三o黎就係要趕時間安排學生幫手入資料, 佢地都好幫得手~ Thank you呢~ ^_^ 2點鐘開始收人, 我地2點8左右就已經收晒lu... 好野! 收工! 聽日唔使返~ 不過就要等最後資料上網打返, 所以最後到3點9先走, 嘻嘻! o係李嘉誠過對面就返到屋企~ 正!! 今日好順利呢~~
返到屋企上網睇forum, 之後就睇包包王, 睇緊包包王時差d睏著, 之後都睏左, 睏到男朋友打o黎既放工電話時"咦咦呀呀"左一陣就差唔多醒啦~ 今晚同朋友去游水, 好野!! ^3^

會考放榜前夕

中五會考放榜, 究竟我果班數學同埋電腦會有幾多個%合格呢... 好驚呀... 千其唔好有新低呀...

做gym五記 + 睇台灣資料

今日下午去左做gym, 原本唸住游水的, 落到樓下見到有雷暴警告, 所以走返上樓拎衫轉左去做gym. 做gym途中有個女人o黎做, 佢做左好耐部運轉機, 所以我無做到呢, 今日只係消耗左250 Calories, 就返屋企了... 搭巴士途中, 聽到坐隔離既小妹妹講野, 個女仔應該都有中二咁大架啦... 後面坐住個亞媽既物體, 個女o係度講, "你同我收聲呀, 要買梳化又要買電磁爐, 唔可以二選一呀.." 之後個亞媽就話, "唔可以呀, 只係買一樣." 個女又話, "唔可以呀, 邊論到你話事呀, 如果你要二選一既話, 你就要每個月俾錢我去學琴, 補習, 同埋學畫畫, 加加埋埋一個月要成5000蚊呀.. 而家你買埋個電磁爐都係幾百蚊咋, 你有賺架啦, 你唸下話, 一個月要5000蚊, 一年即係.... (唸左好耐...) 即係.... 成100000蚊呀..." 我心唸... 而家d靚妹真係都幾離譜, 果句"幾時論到你話事"真係好笑, 講野又無大無細, d聲氣又差, 最緊要係, 咁既數都唔識計... 唉...

返到屋企有d累, 就上床休息一陣, 都睏唔著, 不過就唔想郁, 賴左床呢.. 之後就起身沖涼出街食飯, 去到沙田遲左.. 仲點錯左路... -.-" 我地去左旅行社拎去台灣旅行既資料, 之後就去Pokka Cafe食飯啦.. ^_^ 有紀念性既地方~ 不過無得坐返之前坐過既位呢~ 我地仲記得係邊張檯呢~ 嘻嘻.. 一路睇資料一路食飯, 個牛扒麻麻地, 好少, 唔抵食呢~ 個焗飯ok幾好味~ 之後發生既事, ..., 我會記o係心入面... 感謝你同我分享, 感謝你在今天2006年8月8日對我的承諾, 我會支持你的! 我會用你所講既方法去支持你的! 就係... 用全部心機去~~... 我會等! 等那一天(登登登登...[音樂聲])的來臨~ ^3^

游水二記

今日原本同事約左我食晏, 話12點. 等我校左alarm10點半, 最後11點半先起身, 起身後就開電腦download, 點知等呀等, 等到12點幾都無電話, 唔對路, 再等, 1點... 真係忍無可忍... 自己煮野食, 等我仲特登同左媽咪講唔o係屋企食晏, 正衰人o黎的... 一個電話都無, 無o黎答圾... 最憎呢d人!! 好彩我無換定衫等佢姐... 夜晚先打返電話o黎講唔好意思... 有鬼用咩... 哼! 我咪話囉, 我今朝o係度等你呀... 之後佢先講返話因為好趕, 我又唔信好趕趕到一個電話都打唔到囉!!! 以前係咁, 而家都係咁, 正一超級衰人!!!!
下午去左游水, 游左30個, 即係正常既15個左右, 都ok呢~ 唔算好累, 游游下又有小朋友o黎玩膠竹蜻蜓, =.=" 游完之後焗左10分鐘sauna, 炸炸~~ 之後就趕住返屋企睇叮噹啦~~
夜晚又玩左一陣bomberman, 又做左一陣呼拉圈~ ^_^

Mini Magnum + 朋友

今日下午去左同朋友食tea, 之後去左朋友屋企食飯, 又同朋友塗左潤膚膏, 黑寶甩晒皮呢... 打左一陣舊game, 又玩左bomberman呢... 白寶俾黑寶炸傷左呀... 嗚嗚... 好彩有得唔使錢返生姐... ^3^ 食完飯有mini magnum食... 仲係紅色的... 正呀!! 食完飯就繼續打機~ 又睇左一陣美女廚房同埋女王的教室, 又幾好睇喎, 等我download返之前果d o黎睇先... ^_^
今天, 我要多謝你, 多謝你細心的安排...
突然想, 想在八個月的今天, 在這裏, 對你說: "我要在這裏稱呼你為男朋友!!!"

雪糕雪糕大雪糕 + Bomberman

今日無去到做運動lu... 休息左一個下午.
夜晚出去果陣, 讓左位俾個亞婆坐呢... 但係佢又唔好意思, o係度推來推去... =.=" 最後佢都肯坐呢... 之後同朋友去食Haagen Dazs雪糕, 好大碟呢... 打機打左好耐, 玩左好多關Bomberman呢, 勁呀! Bomb!!! Bomb!!! 後面果對情侶仲俾我吸引左都要玩Bomberman呢... 仲有食左咖哩牛腩湯通粉同豬扒包... 雪糕係我地既正餐, 食飯係我地既宵夜呢~ ^_^ 好飽... 隨時一個星期既努力前功盡費呢... 哈哈... 希望唔會啦... 之後又去左royal sporting house度睇下d褲同泳衣... 都無乜款式的... 朋友仲話... 如果我著一件頭泳衣, 就唔好同佢去游水, 唔好話識得佢喎... 嗚嗚... 好!!! 我就威俾你睇!!! 怕你呀!!! 哼~~~~~

原來我地有成10日無見啦... 甩皮黑寶~~ 哈哈... ^oo^
6號6號... 嘻嘻...