返學
呢個星期, 三個字, 忙到嘔...星期一, 第一日上堂, 學生同老師心情上都未ready, -.-" 下午同校園電視台既老師開會, 傾左一陣, 但係個technical既老師又走左去social... 唉...放學後仲要去好熱既手球場setup聽日上午既活動... 熱死, 仲俾d蚊針呀~~
星期二, lunch開physics會, 都無咩野講, 都係果d例排野... 上完一堆堂之後, 有d緊張, 因為約左校園電視台既同學綵排, 試咪... 但係負責technical既老師竟然走左... 真係激死我!! 最後都係無試到... 同d學生傾左一陣就完啦... 唉... 聽日都唔知點... 試完後, 今日係第一日返master~ 5點半同呂sir走, 去到九龍塘買左一個砵仔糕食, 之後就去個課室門口既枱果度食... 傾左陣計~ 果日上果科係computational linear algebra... 悶到嘔茄.... algebra係悶我都知架啦, 但係個instructor仲悶過d algebra... 已經聽唔明架啦... 一大堆既matrix... 我都未學過的... 佢又唔解釋... 真係想死~ 不過我都好專心聽~ 最後9點3落堂就啦啦聲走啦...
星期三, 夜晚人地打o黎, 傾左一陣... 都無咩心機~
星期四 lunch, 校園電視台第一個攪既活動就係"敬師歌曲點唱站", 我無叫到飯, 因為唔開心, 12點8落堂, 我成1點先返到去, 之後就啦啦聲衝左落去, 無食野, d人地仲o係度開緊餐... 我真係好唔開心! 人地禽日又話set好野俾我地試, 點知根本就無set到. 今日又話不如o係office門口攪, 等d學生出下面. 我地原先講好左話1點開始的, 點知人地又話"梗係1點3先開始啦, 唔使食野呀真係..." 真係氣頂!!!! 你會又唔開, 而家set野果個係你, 試野你又唔set. 而家時間殺到埋你啦, 要開始啦, 你先話轉地方攪, 有無攪錯呀!! 都算.. 1點1先落o黎set野, 又要搬一大埋av器材, 又要set咪, 我要用notebook, 最後都攪到1點4先開到咪, 開始既時候仲要係立立亂的... 又唔知出面聽到未, 又唔知我地講得野未... 我真係覺得好唔掂囉~~ 好彩過左果段立立亂既時間之後就好左好多.. 仲聽到d老師o係教員室話聽到d點唱好興奮呢... 有時人真係好奇怪, 做到死死下都係想聽到呢d說話姐... 之後執野, 我都有d唔開心, 陳sir都係, 佢都覺得technical果邊唔係好得! 尤其係個人!! 唉... 我都無乜幫你講好說話, 因為我都覺得你做得唔岩! 我只係同陳sir講話算啦, 都算係咁架啦.. 第一次係咁架啦... 唉~ 有苦自己知! 人地又係啦啦聲走... 好事o黎既. 我地無咩聯絡, 對大家都好...
星期五, 夜晚同呂sir去上我地既第二堂, 就係applied partial differential equations, 呢科應該好dd啦卦.. 點知... 個instructor懶係型咁, 用tablet pc教, 佢隻手用筆寫野, 又要吊起隻手.. d字又樣衰, 寫下面既時候又唔scroll up, 睇鬼到咩... 真係激死... 好彩開頭d野我以前都學過, 所以都明明地.. 不過自己做既話都無咩信心做到... 不過俾我見到呢... 呂sir合眼睏呀.... 哈!!!! 我終於見到啦!~~! yeah!! 我無睏到呀!~! 嘻... 仲有, 今日我去搵Dr. Li, 同佢講我想take星期六果科既事... 佢叫我聽日上堂既時候問下個instructor俾唔俾我take呢.. 因為我undergraduate唔係讀cityu的, 所以我無pass到佢既prerequisite. 之後Dr. Li o係度同我傾計, 又問我o係邊度教, 邊間.. 佢話佢以前住粉嶺的..
星期六, 今日11點幾起身, 記起今日要同instructor講我既case. 但係我禽日唔記得左o係學校拎本probability and statistics既書返o黎.. 所以11點幾打電話俾呂sir叫佢幫我拎呢... 唔該晒呂sir.. 之後就返學啦.. 個instructor係已經retire左架啦.. 不過department都搵返佢o黎教.. 佢講野都幾悶下... 不過佢100% coursework, 佢話即係上堂即做既coursework, 不過我覺得有d似quiz.. 希望自己讀得掂啦.. 今日教果d之前我都學過, 不過我只係有印象自己學過呢d野, 但係果d實際上係咩o黎我就唔係好記得啦... 哈!! 上堂前去d computer lab度唸住print張add drop form出o黎俾department簽, 點知按左print之後, 竟然唔知d printout o係邊度出... 唉... 最後因為趕時間就無搵到人幫手啦.. 無拎到printout就走左, 之後就啦啦聲去左上堂... 上堂果度係computer lab來的... 再print多次.. 點知又唔出printout... 唉... 我開始有d懷疑400張既print quota係咪只係印, 但係要自己provide紙架呢... 唉... 又唔成功... 之後break既時候就同Dr. Chan講我既case.. 我講英文的.. 點知佢回我中文.... 咁我梗係啦啦聲轉返channel啦... 哈~ 我帶左三本又厚又重既書, 兩本係a level applied maths既probability and statistics, 一本係ust時既statistics... 又帶左我既transcript... 點知, Dr. Chan咩都唔睇, 聽完我講果大堆keywords之後, 佢就話ok啦... 唉... 早知唔帶啦... 揹到我呀... 之後放學後去搵Dr. Li, 佢唔o係度, 我唯有寫左張紙仔俾佢, 希望佢早d回我啦... 走既時候去左又一城既issue睇左一陣, 好多衫堆.... 因為係i.t. sale, 二折起.. 但係d衫真係唔係好掂.. 我只係買左一件38蚊既吊帶背心.. 之後就返屋企lu~ 買左15蚊剪饟四寶... 返屋企開餐~~ 約左amanda聽日游水~ yeah!!
posted by Mandy @ 9:22 PM
0 comments
