又一意外
之前同朋友既"誤會"告一段落, 其實係無解決過的, 只係大家都無提到姐. 夜晚都有打左一陣機呢.
不過今日又一個意外, 就係好耐無留意過朋友, 突然發現, 你手上面既野無左...
今日班3a學生同miss yap慶祝生日. 朝早一早就全班同miss yap講生日快樂, 唱普通話生日歌. lunch佢地仲俾d驚喜miss yap, o係個課室"呢埋"晒, 然後跳出o黎唱生日歌, 而我就負責開門! ^_^一齊食蛋糕, 影相, 傾計, 都幾開心, 呢班學生真係都算係咁... 佢地仲認miss yap做媽咪, 認陳sir做daddy, 仲認埋我做大家姐... ^_^
陳sir同miss yap都幾溫馨, 我地3a同miss yap慶祝, 之後陳sir就o黎埋, 佢地真係好開心, 我覺得miss yap同陳sir都算好恩愛, 好有共識..... 係咪婚姻都係要咁既呢?
意外.
今日上堂都唔係好累, 因為今日有5堂電腦, 不過係另一位老師教的.. 辛就辛苦在放學既補課...
今日lunch聽到朋友同我講一句令我意外既說話, 我無唸到會覺囉, 同埋我無唸過你會咁講... 有d意外. 你同我細聲講既時候, 我都突左一突~...
補完課後, 咩都做唔到咁, 就走啦, 終於有一日係6點前走, 但係其實今日係無改過簿, 鬼咩, 我都未坐低過o係張凳度多過十分鐘.. 嗚..
聽日day1, 七堂, 最憎...
三日假期完啦..
三日既假期咁就無左啦..
我o係呢三日入面做左好多野... 改晒兩份中三physics, 一份中三maths, 做左一份2千字既功課, 出左一課中四既notes... 嘻... 好似好高效率咁.... 不過高效率係有原因既, 亦都有代價既 - 我好幾日無打機啦... 我唸我地都係無架啦... :(
功課＋改卷＋ACCESS＋VB＋大長今
今朝十點幾起左身, 之後同媽咪去食kfc, 之後就返左屋企改卷同做功課, 仲有做左個access, 唔該晒朋友幫我一齊研究研究.. 我唸我都真係幾鍾意寫vb的, 不過我真係要努力d啦, 咩都唔記得晒.. ^_^
做呀做, 做到夜晚12點幾就唔想做啦, 都算係咁啦, 寫左1200字, 聽日努力d寫埋佢, 應該可以攪得掂卦.. 聽日仲要改埋疊中三maths卷.. 仲要備課, 有時間剩仲要出兩課中四maths既notes呀.. 我已經兩課無出啦... 唉~~ 三日假期就快完啦....
夜晚睇左大長今大結局, 個結局都係普通啦, 但係講到中宗駕崩既之後我就已經唔係好有心機睇啦.. 之後講長今同閔政浩可以恢復到身分, 入返宮, 之後又唔做, 好似有dd er時間咁, 不過都ok啦.. 我仍然好記得禽日閔政浩講既果句說話, 愛慕對方既方式, 就係要o係背後默默咁支持佢, 要令佢開心, 要佢有幸福既感覺...
