打牌打機~
禽晚同朋友打機~ 都係輸的... 朋友就快要去旅行... 祝你一路順風啦~ 玩得開心d~~ 記得買手信俾我~
今日約左lansoc下午去文浩舊屋企打牌打機.. 都玩得幾開心呢~ 不過真係玩得好緊張~ 我嬴左好多呢... 不過我都真係未試過打牌打到驚食糊的... 因為真係唔好意思... 鋪鋪都混一色對對... 好彩臨尾果鋪candy食左咋... 如果唔係, 我就會食清一色對對11番的.... 我第一次打牌打到叫糊既時候, 個心一路叫人地唔好打出o黎, 唔好打出o黎的...... -_-"
不過有人, 牌品真係要改改呢... 我唸, 打牌有羸有輸, 你羸既時候人地就輸, 你輸既時候人地就羸.. 你讀咁多書應該好明白呢個道理姐~! 無理由要你羸晒先叫好架嘛! 大家都係玩下姐.. 何況你都唔算輸得多呀~! 講得唔好聽, 一餐食好d既都食左去啦... 或者出去玩一個下午一個晚上都要啦... 使唔使咁根根計較呢... 大家都係朋友姐~ 想搵個活動出o黎玩下輕鬆下聚下姐.... 唉~
不過今日我先知道"全蟲"唔理係唔係清一色, 十二張都要包自摸的... 我真係唔知喎.. 咁樣包左自摸, 真係唔掂呢~~ 不過唔緊要啦, 當交學費啦~
直接d好無?!
禽晚打機, 起初都係輸的, 之後都係出"茅"招之下嬴的.
今日返左學校做野, 執野, 同同事食飯. 聽到朋友有電話, 細細聲的, 之後就話"你放工打俾我啦.." 仲唔係?! 不如你直接d話我知呀!~ 唉~
今日終於打晒果d it/av公司既資料啦~ 不過又多左幾樣野做啦~ 要整過hall果張俾人填既form, 要整過損壞物件同遺失物件聲明既form, 同埋自己校園電視台既form!~~~
聽日都係唸下返唔返好~
蠔......... 餅
禽晚約左朋友食飯, 去元朗食大大件壽司, 之後去左買ps2 game, 我就買左"太鼓", 幫amanda買左"牧場物語", 朋友就買左"winning9", 之後唸住去流浮山食蠔, 不過搭到車去原來全部都已經關門了... 所以無得食lu... 朋友提議可以補數食蠔, 之後去返元朗食蠔餅同炒蜆, 都幾好食呢~ 飲左少少啤酒, 不過好苦呢~ 食完就返屋企啦~
夜晚返到屋企沖涼, 同朋友打左一陣機, 但係都輸呢... 之後要出"茅"招先嬴呢~~ ^_^
今日中五會考放榜, 我都有d緊張, 因為下年就到我啦~~ 同事打左電話話我知, 今年5a同5b既maths都係100%合格呢.... 唉..... 壓力~.... 不過好似整體都唔算太好~ 唉... 我都戥你地擔心呢~~
深圳之旅
前日同禽日去左深圳玩...
8月6日我地約左9:30 o係上水火車站等, 之後一齊過關, 第一站我地去左深圳書城, d書真係幾平, 十幾廿蚊有一本, 我都買左一本, 商道都係38蚊咋, 都幾想買, 不過我怕個袋好重, 所以無買到.. 睇書睇到咁上下, 我地去左萬象城食飯, 去左foodcourt食, 果度食野要買美食卡的, 我食左拉面, 都係普通, 不過都算平既, 15蚊~ 食完野就o係個商場度行左一陣, 之後就去酒店checkin啦, 我地住既酒店係富臨大酒店, checkin既時候, 原來要俾500蚊訂金呢... 之後就去睇下個游泳池, 都幾蚊形, 唸住第二日會去游呢..
上到房, 都算係咁啦, 最開心就係張床好舒服! 個電視就唔係好掂, 有沙沙聲的.. 廁所都係普通, 度門好似花花地咁~ 不過算啦, 我地坐左一陣就出發去世界之窗啦, 因為酒店有車車我地去, 我地以為係果d酒店既旅遊車, 點知原來係私家七/八人車.. 勁呀~ o係車上面, 我地四個都o係度合眼睏~ zzz... 到達之後, 其實都無野玩, 都係得個睇字, 得個行字, 同埋得個汗字.... 熱死呀~~ 件衫好快就已經濕晒啦...
行到6點左右, 由於我無帶本書出去, 所以都係返返酒店先, 同埋我好頭痛, 可能晒親, 所以食左粒panadol, 但係原來中森名菜無晒位, 所以我地之後去左萬象城食墨西哥野.. 都幾好食, 原定既行程應該仲有溜冰同酒吧區的, 但係大家已經非常疲累, 所以都係返酒店睏覺覺豬啦...
返到酒店, 我沖涼先, o係沖涼房度研究左一陣個花灑點開... 終於都開到啦, 慢慢沖.. 都幾舒服~ 之後就睇明珠台既"愛回家", 雖然之前都睇過, 但係真係好睇~ 一路睇一路同amanda傾計呢~~ ^_^
到11:59, 竟然收到朋友既電話, 有d意外呢~ 你竟然會打俾我! 自從我send左msg俾你之後, 你都無回覆我, 當然, 你打俾我, 我梗係開心啦~ 不過我更想知既係, 你點睇呢~
8月7 日一早起身落去食自助餐早餐, 都幾好食, 原本唸住游水的, 不過o係房入面睇到個蚊形游泳池都有成廿個人o係度... 所以都係無落到, 就攤o係床度傾計啦.. 攤攤下都幾舒服, 又想睏下咁~~ 之後到12:00要checkout啦, check完out就知死啦, 因為我個袋好重呢.. (而家個手臂仲好痛呢~~) 仲要拎住去玩歡樂谷.. 都無法啦.. 之後我地坐地鐵去世界之窗站, 之後就行去歡樂谷~ 行到去已經濕晒.. 呢日仲熱過禽日, 都塗左d防晒架啦.. 不過去到已經無晒啦, 因為都俾我抹汁既時候抹晒去啦... 我地o係入口處傾下有咩想玩, tick低佢, 然後就順住條路行啦... 去到第一個遊戲, 個朋友話入面有200人排緊隊.... -.-" 咁即係唔使玩啦... 咁就去第二個遊戲... 點知又係好長好長既龍. 發覺唔對路, 就不如搵一個最想玩既遊戲, 玩左佢就算啦... 好啦, 唸住去玩過山車啦, 由入口行呀行, 行到最篤篤既地方, 見到有條龍尾, 我地就話排住先, 叫另一個睇下係咪呢條龍, 個朋友去左3,5分鐘先返... 第一句: "龍就無排錯啦.. 不過距離我地前面有個牌寫住: 在此處等候時間約三小時....." 之後已經想死... 唉.. 都係玩唔成.. 朋友又唔想排隊, 同埋因為我地打左電話去book中森名菜7點, 排左過山車玩既話可能會趕唔切食飯, 所以都無計... 朋友提議我地就咁行一個圈睇晒d遊戲就算啦... 但係我同amanda都覺得, 一場o黎到, 唔想得個行字... 所以我地去左水公園玩... 朋友就去左行街.. 我地又行返去個水公園, 行到去其實已經濕晒... 之後入去, 超多人... 都算啦.. 唔使排隊都算係咁架啦... 我地睇左個locker係點既, 同埋睇左更衣室o係邊... 之後就決定換完衫之後去放locker之後就玩啦...
o係個更衣室度, 第一個感覺係: 人間地獄... 得4張長凳同幾個鈎... 因為入面好多女人同小朋友換衫, 窗又無, 燈光又暗, 冷氣就更加唔使至意啦... 個感覺就好似d女人被迫除衫咁... 之後就同amanda搵個位, 就啦啦聲換衫啦... 換衫既過程, 已經濕晒, 好似已經游完咁... 之後拎住一袋二袋三袋就去locker度, 要同個小姐講用貴重物品既locker, 之後放晒落去之後又唔記得拎潛水鏡, 又叫個小姐拎返個袋俾我... 之後終於攪掂啦.. 就同amanda"跳"出去啦... (因為個地下好燙腳呢...)
我地游左一陣水, 雖然d水都比較污漕, 因為好多人, 不過都算係咁, 我地玩左一次小型"sir滑梯"同大水泡滑水.. 之後就時間差唔多啦... 我地o係水池邊食左一隻雞腿呢.. 都幾好食, 我就飲左一杯啤酒, 係金威啤酒既免費試飲, 不過好難飲呢... 之後又去返個locker度拎野, 再去個地獄度換衫沖涼呢.. 由於我地要有人睇住d野, 同埋我地只有一set洗頭水, 所以我同amanda輪流沖, 我沖先之後到佢, 好彩我地拎左酒店既肥皂咋~~ 去到個沖涼地方, 又係無遮無掩的.... 只係一格格間開左, 對面果個條水喉會fair到你度的... -.-""" 啦啦聲沖完之後, 就到amanda啦.. 沖晒之後就走啦, 我地又搭地鐵去萬象城搵佢地, 之後就一齊搭的士去中森名菜啦...
中森名菜果然名不虛傳, 好大間, 都幾靚, 我地要左間房.. 叫左好多野食, 個鰻魚壽司同三文魚刺身都幾好食... 其他的都ok~ 食飽就走人啦.. 去過關啦... 返屋企啦.. 累死啦... 個手臂好痛呀... 應該係因為我個袋重啦...
呢個旅程都係普通呢.. 大陸既5星級酒店同香港既5星級真係差得遠... 同埋下次一定要記住, 夏天同週末, 千其唔好去歡樂谷玩... 如果唔係, 最後都係得個桔~
