無上course + 無去5B-E畢業晚宴 + 煩
今日最後一日, 下星期考試, 不過唔知點解, 我完全唔覺得有輕鬆既感覺, 個人好似好stress咁, 放鬆唔到, 好想做一d野令到自己可以放鬆d... 有咩好提議呢? 上完中四cit, 之後就做d放低左好耐既濕碎野, 都未停過手的.. 前幾日有個學生既家長用DHL送左10箱好似酒既果汁o黎學校, 俾12個老師, 我都有份.. 每人6樽, 今日分左一樽俾d同事飲, 都幾好味, 都有dd似酒, 我唸住俾d朋友同埋屋企人飲呢~ 不過因為6大枝野好重, 所以唸住等開同事車我返屋企時先拎返屋企.
中午, 出左去同同事食飯, 呢日係我半年o黎第一次出去食lunch.. 今日食左意粉.. 好滿足.. 因為好耐未食過lunch啦... ^_^
今晚原本要去上course, 係關於用Microsoft Virtual PC o黎model一個network, 可以俾學生去試下o係一個電腦度set一個network的.. 仲有, 今晚係5B-E既畢業晚宴, 不過我太累了.. 所以無去到..
5點左右返到屋企, 屋企人話我知個寬頻電視又睇唔到.. 真係好煩呢.. 好唔鍾意理呢d野, 又要試, 又要打電話去寬頻電視既公司度嘈, 好厭.. 最後都打左, 跟個職員做完一堆步驟之後, 試果時就無事, 之後就收左線, 點知睇唔夠兩分鐘, 又唔得.. 好鬼煩.. 又打過去問.. 忍唔住粗聲粗聲問, 之後就同佢講最快師父幾時得閒o黎整, 咁就約左聽日下午2點至4點. 希望快d攪掂唔使煩啦. 我仲講低埋叫佢如果換部新機o黎, 最好拎返部有埋DVD功能既o黎.. 因為我而家已經有兩部佢既機啦.. 再拎過部o黎, 我屋企真係變左電訊盈科既貨倉架啦.. \_/
攪完個寬頻電視, 屋企個有線電話又有怪聲出現... 哇!!!!!!!!!!!! 我想大嗌呀!!!!!!!!!!! 唯有叫媽咪聽日買過條電話線試啦.. 唔想唸野..
心情頗差..
今晚阿根廷, 阿根廷加油, 勁呀!! 6-0... BULUBULUBIBI~~ Yeah Yeah...
罵人 + 7B畢業晚宴
今日中午點名時, 忍唔住罵左人, 平時分已經出左, 全班40人有22人係唔合格的, 呢個只係平時分, 即係平時d小測驗, 功課同埋上堂表現, 有d甚至0分都有.. 真係離晒譜! 咁多科甲埋個平時分既平均分, 全班最低竟然係17.7分, 即係可以話差唔多咁耐以o黎都無做過功課咁.. 稍為有做都唔會得咁低. 原本唸住好聲好氣同佢地傾, 勸佢地, 點知有d人仲要o係度嘈, 有d人隻手就做緊自己野.. 真係火都o黎埋!! 罵到連下一堂既老師o黎左好耐我都唔知呢... 哼!!
今晚去7B既畢業晚宴, o係新世界萬麗酒店, 聽日係5B-E, 又係o係新世界萬麗酒店攪, 不過我之前報左個course又係聽日, 所以可能去唔到.. 雖然個course係好有用, 係講點樣set up一個virtual pc network, 可以o係教networking既時候俾學生玩, 不過咁夜.. 18:45-21:45, 攪到我去既意欲都下降左~~
禽晚d波波唔聽話.. 突尼西亞竟然輸左.. 之後最尾先追到2-2, 哼!! 衰人..
夜晚11點9返到屋企, 去完7B既畢業晚宴, 本場刊都整得幾有心機呢.. 入面講d野都幾深刻, d野食都ok, 生蠔都ok, 不過好似?左d.. d雞翼好好食, 我食左5隻, d意粉都ok, 食野之前果個入兩個門口既熱身運動真係幾有意義, 你地唸到真係好叻~ ^_^ 食左一輪野之後, 俾d學生屈唱歌... 唱左首"這分鐘更愛你", 唱左兩句, 同事話我入錯行呢... 其他同事都讚我呢... 嘻嘻... 不過開頭真係幾驚, o係學生面前講書就成日都係, 不過唱歌都真係第一次... ^_^ 之後又玩左兩個game, 個大電視game我都估中左幾個架! 哈哈.. 之後有個video睇, 又有兩個同學致辭, 我聽到都有d感動, 有dd眼濕濕呢.. 尤其係聽到我關於我自己果段同埋我好尊敬既老師果段, 我相信佢今日一定都聽到你地呢番說話的!
影左大合照, 又同幾個同學影左一陣相, 10點9, 就走啦, 返屋企睇波波.. 皇室嘻嘻士多啤梨倒掛金勾, Yeah!!
公仔紙...
禽晚唔記得講... 今朝返工唸住整理旅行既資料, 見到禽晚一齊畫既公仔紙... 不其然咁陰陰咀笑... ^_^ 差d俾同事見到... 我唔捨得掉左張公仔紙呢... 嘻嘻...
農曆生日快樂
今日係我農曆生日, 零晨12點多d, 朋友祝我生日快樂... 仲要加d形容詞, 咩二十過左一半再多一... =.=" 最唔想提既野...
今日一早去左九龍塘同同事代表學校去拎感謝狀, 係關於之前校園電視台既訪問"http://gp.emb.hkedcity.net/modules/news/article.php?storyid=288"的... 11點左右完左, 佢o係度sell野既時候我已經中下中下啦... 佢講到好眼睏... 之後就要去睇人家既showcase, 我地無睇到就走左lu. 去左又一城行街, 好耐行過街未買過衫, 不過d鋪頭都未開, 所以就去左logon度睇野, 有d精品好靚好得意呢~ 我仲睇中左個好大好大個公仔, 大大隻放o係地下度當大咕臣挨住睏o係度睇電視果隻, 真係好得意呢... 如果我第時個屋企都有一大隻o係度阻訂就好啦... 哈哈... 之後去左ISSUE同b+ab, o係ISSUE sale shop度睇中左條裙, 猶豫左好耐, 最後都買左, 不過無得試身呢... (返到屋企試, 好鬆... -.-"), 之後就o係b+ab度買左兩件衫... 最後一共用左好多錢... 500+... :( 出血... 不過今日自己生日, 當豪一次啦... ^_^
夜晚去左旺角睇旅行資料, 關於澳門的. 其實都算幾貴, 比起台灣o黎講, 台灣真係抵玩d, 澳門既酒店可以上網睇下d網頁先, 所以應該下星期先book到! 好野! 睇完旅行野之後, 就去左朗豪坊搵野食, 去左euro gogo, 樣樣野都好味道~ 食完野我地去左打機機, 打完就去左食haagen daz食雪糕影相.. 嘻嘻... 為食樣... 應該唔係我卦?! 我地好叻呢, o係個雪糕球上面都可以吹蠟燭, 勁呀~~ 食完雪糕就去搭火車lu.. 搭火車之前, 去左磅重機度玩... =.=" o係屋企空肚既時候係一零幾架... 點知食飽之後就一一幾... 嗚嗚... keke... 四十年後唔知張紙會變成點呢... 卡卡...
風波 + 買波
呢兩日有個風波, 唔知算係小定係大呢.. 我亦都對自己作左一個承諾, 我覺得自己有必要唔可以咁貪心. 所以有個咁既決定. 今日全日都好唔開心, 不過總算過左~ 希望我對你既信心同你對我既坦白可以慢慢build up啦. 因為各種原因, 我實在好需要...
今日同事話我知一個佢既好消息, 就係佢拍拖啦~ 我地仲約埋一齊唱k, 叫晒大家既男朋友出o黎見面~ 都幾得意...
呢幾日睇左波, 都有買到d, 開頭都有嬴少少, 不過日本果場就真係打得少... 等我抵制一下日本先... 哼~ 驕傲~ 川口能活, 對你好失望... 衰人...
睇埋捷克 vs 美國, 我都係幫捷克, 因為我不嬲對於美國都係麻麻~ 更何況朋友話捷克好多勁人~ ^_^
睇波
夜晚食飯時, 覺得興興地, 探熱後有d發燒, 應該無咩大礙既, 我都好少發燒的.睇左塞黑 vs 荷蘭, 荷蘭真係打得比相象中差, 好彩都有1-0, 絕對只係好彩..睇埋墨西哥 vs 伊朗, 相當年, 印象中墨西哥好似都有幾個靚仔的, 不過今年好似一個都無咁...
禽晚唔記得講
夜晚返到屋企仲睇左人地朋友既日記... 都無咩特別感覺既... ...
同埋禽日俾相connie睇時, connie話"成熟穩重型"喎... 哈哈... 我都忍唔住大笑左出o黎... 真係唔知點解呢呢... 呵呵... connie仲問我幾時結婚... =.="
睇波 + Farewell
禽晚世界杯開鑼, 去左朋友屋企睇, 第一次o係朋友屋企睏, 好開心呢... 不過都有d擔心阻住朋友既屋企人, 希望無啦... 去到岩岩開波, 德國 vs 厄瓜多爾, 我第一次買左波波, 不過因為我唔識買, 就咁買左20蚊德國嬴, 個賠率係1.22, 所以最後我都嬴左4.4蚊呢... 嘻嘻... 一個好開始! Yeah Yeah!! 但係朋友就輸左好多錢, 咋到死... 嘻嘻... 都係我叻d~ 睇緊波果陣, 我都都無食燒米餅同三角形朱古力, 呢幾日都無食到呀.. 但係朋友就食左, 好過份呀~~ 場波睇到半場, 我地就忍唔住o係度玩啦... 哈哈... 一路玩一路睇波... ^_^ 場波都幾好睇, 4 - 2, 都叫好多入球呢~
睇完就睏覺啦... 不過我好耐都睏唔著呢, 我唸我都仲係未習慣呢~ 臨睏前聽左烏蠅飛, 飛左個幾兩個鐘, 仲有d好攪笑既bubu聲, 攪到我差d想拎電話錄音架啦... 哈哈... 好得意... "爸... 媽..." "叫你呀, 快d去餵奶啦... 佢叫你呀..." 嘻嘻...
夜晚醒左好多次, 每次都係睏左一個鐘多d... 又餓醒左... 要學習下習慣至得... 原來我既睏覺技術仲係咁咋呢... 唔開心~~
睏到第二日2點先起身, 又din左床, 之後出左去食下午茶茶, 有律律, 脾脾, 白白糕, 魚魚包同埋薯條條... 好耐未食過, 好味道~ 之後就返去啦, 朋友既屋企人d芒果摘左落o黎啦... 仲俾左好多個我拎返屋企呢... 真係好意外呢... 朋友又俾左世界杯時間表同埋邊個台既紙俾我, 好開心, 返到屋企有芒果食, 又有世界杯杯紙... 嘻嘻... 之後坐左一陣, 就返屋企換衫啦, 因為要出去同大學同學食飯, 慶祝connie生日同埋同richard farewell, richard要去上海做野啦... 朋友車我返屋企沖涼同換衫, o係樓下等左我半個鐘呀, 駕車果陣經過左好多水dump呀, 咋咋聲好興奮呀~~ 之後我返到屋企, 就啦啦臨啦... 好彩佢咁岩見到我落lift, 又有dd聰明, 所以無出到去再入過o黎呢... 原來半個鐘沖涼(唔計洗頭)換衫出門口真係幾有難度的... 去到7點15分... 我就自己行上去啦... 呵呵... 20鐘鐘...
去到pizza hut, 有d意外, 前男朋友都有去, 好快咁飲左一碗酥皮忌廉湯, 又傾左一陣計, 好好笑... 食左半件pizza, 就無食lu... 因為個酥皮湯好飽... 成場係咁質人食野, d人飽到連甜品都要乾左佢先消耗左d... 好笑~ 見到你都o黎左, 感覺唔錯! 不過d朋友就係咁叫我做咩唔帶男朋友o黎, 話佢地唔介意喎... 之後connie叫我俾相佢睇... 我就俾左一張電話相佢睇... 佢又叫我下次記得帶出o黎... 哈哈... 睇下點先啦~ 呵呵...
食完野, 有兩個男既去左搵地方睇波, 因為呢個時間d bar都full晒, 之後我地就去左奧海城既大電視個地下度, 坐o係"第一行", 我地趕到去左陣, 岩岩係幾分鐘, 點知英格蘭就已經入左第一球啦... 勁呀... 點知睇到最後, 呢球只係成場波既唯一一個入球... 激死... 之後好彩都睇到replay姐... 坐o係地下, 昂高個頭, 好鬼累呢... 坐坐下, 我地已經由第一行變做第5行啦... 睇睇下波, 見到好多記者影相... 又影左好多張... 我唸... 我應該都有幾張中左招呢... 慘啦, 好擔心聽日既報紙報導既相...
睇完已經11點左右, o係奧海城同朋友一齊搭小巴去旺角, 搭巴士走lu, 朋友仲送埋我返屋企呢~ 唔該晒~ o係巴士度, 我勁累, 不過都同朋友不斷咁傾計呢... 因為佢要走啦~ 一路順風啦~
朋友好夜返屋企呢... 問我星期六得唔得閒, 去唔去dup骨... 唉... 唔知點...
