Daisypath Anniversary Years Ticker

Saturday, December 16, 2006

考完試啦...

終於考完試啦... 連續考左兩日, 心情好緊張, 放鬆唔到... 就算而家考完, 都唔覺得好自在咁...
我覺得兩科都考得唔好, 第一科d問題反而叫做straight forward d, 第二科果d... 完全唔掂, 一睇到份卷, 第一個感覺就係: 個lecturer好想肥我地... 因為d問題完全係未見過的... o係功課或者o係midterm都未見過... 好驚唔合格... 第二份midterm成績都算幾好, 有89分... 唸住ok啦, 點知個final咁樣... 唉...
考完試, 終於可以打機同埋睇卡通片啦... 不過... 呢幾日天氣凍左, 好似又有d傷風咁呢... 正確o黎講應該係鼻敏感...
仲有4日就放假啦... 好想快d放假, 等我可以差下電...

今日去左旺角教協掃貨... 買左300蚊... 大出血... 又去左銀行中心睇旅行社, 不過... 最後決定左唔報了... 因為實在有d唔係好值... 留返下次先啦... ^3^

posted by Mandy @ 10:18 PM 0 comments

Friday, December 15, 2006

2007年星座運程

金牛座

響07年，雖然外圍環境變化唔係太大，不過你一路煩緊的生活壓力就可以舒緩一下；同人際有關的麻煩一浪接一浪，尤其係家人同情人之間變得水火不容，問題只有你自己一個能夠解決；橫財運相當唔錯呢！
事業方面~未有特別進步，好彩亦唔會有咩災難咁囉，最有發展的時間係農曆新年前；最要留神的日子係7月至9月。
金錢方面~正財收入仍然唔係太過穩定，幸好未算災難；響下半年要謹慎投資，尤其係9月，可免則免啦；反而手氣好，不妨小賭怡情兼賺個小外快。
戀愛方面~拍緊拖的金牛雖然有小爭執，問題唔大，要多d留意11月；至於單身的金牛要好好把握上半年，踏入9月桃花就會直線下滑，甚至乎冇晒！

巨蟹座

去到07年，一直好大壓力的經濟問題終於可以鬆一口氣；全年的工作亦非常之順利，本來對你來講07年應該係個非常唔錯的年頭，不過呢！響3月容易出現因溝通得唔好而引致的誤會；而8月容易發生小意外，要破財擋災呀！
事業方面~雖然未去到話升職加薪，不過07的工作運非常理想，可以有唔同的新嘗試，要好好表現呀！
金錢方面~正財收入尚算穩定，不過對偏財同橫財就唔好有太大期望，響8月有危有機，自己要小心處理財務啦！
戀愛方面~算係不過不失咁啦，拍緊拖的巨蟹同情人關係無風無浪；而單身的巨蟹響10月較容易揀錯人，諗清諗楚。

posted by Mandy @ 2:41 PM 0 comments

Auto insurance
Braves tickets Orioles tickets