真正愛你的男生
唔知大家覺得有幾多句係講得岩既呢?
21句中, 我只認同12句~
1.真正愛你的男生，一下子說不出真正愛你的理由，只知道自己顧不上注意別人。
2.真正愛你的男生，其實總惹你生氣，你卻發覺不了他到底做錯了什麼。
3.真正愛你的男生，很少當面讚美你，可是心裏肯定你是他最棒的。
4.真正愛你的男生，會在你忘記回復他短信時狠狠地說你一頓。
5.真正愛你的男生，只可能在你一個人的面前流眼淚，當你觸摸到他時，也觸摸到了那顆只為你跳動的心。
6.真正愛你的男生，會默默地記住你不經意說過的話，在某時某刻重複它們。
7.真正愛你的男生，不會輕易做出承諾，因為他想讓自己成為你心中說話最算話的男子漢，只想給你最可靠最安全的幸福。
8.真正愛你的男生，總告訴你不要胡思亂想，因為其實他在為你們謀劃著最美麗真實的未來。同時讓你無憂無慮地等待他要給你的驚喜。
9.真正愛你的男生，可能不像你一樣清楚地記得某些紀念日，他覺得愛你是每時每刻的，並不是靠這幾天簡單的日子。
10.真正愛你的男生，不會輕易對你當面說“我愛你”，因為他為你做過的每件事都已經這麼說了。除非在非常時刻，為了不讓你無端地誤解他。
11.真正愛你的男生，總覺得有些話只說一遍就夠了，因為你已經瞭解他的心。說得多了，他會覺得不珍貴。
12.真正愛你的男生，如果他去機場接你，不會像你期望的那樣捧著玫瑰大聲叫“親愛的”，只是自然地提過你的行李，然後想用眼睛抱緊你似的心疼地說，怎麼瘦得像豆芽菜了？
13.真正愛你的男生，當你發脾氣時，只會不做聲地聽你把火發完，然後慢慢地說，你明天有課嗎？早點睡吧。
14.真正愛你的男生，不懂當你生氣掛掉電話後應該立即打來，過了若干小時後會發條短信問你消氣了沒有？如果你質問他為何這麼久才打來，他會理直氣壯的說，你生氣時我的解釋一定沒有用，等你的火消了，我的解釋才有效果。
15.真正愛你的男生，總是叫你小姑娘，可是每次他做什麼重大的決定，卻總想先聽聽你的建議。
16.真正愛你的男生，不喜歡玩具小毛熊，卻一直把你送他的小熊放在床頭。
17.真正愛你的男生，當和你發生爭執時，總是控制不了地先妥協，先承認“我錯了”，過後發來短信以“神經病”開頭，以“寶貝”結尾。事實上你也清楚，這次是你有點無理取鬧。
18.真正愛你的男生，很想很想你時，也會買玫瑰送你，傻傻地等著你，卻不知道自己捧的是月季。沒關係，他的心裏送的是玫瑰。
19.真正愛你的男生，嘴巴都不甜，但是他的吻能傳遞他所有的熱情。
20.真正愛你的男生，當聽到你對他講很“酸”的話時，他反而會裝得很正經，其實心裏很甜很甜。
21.真正愛你的男生，如果不能經常見到你，他會讓自己忙碌起來，為了不去想你，因為他知道一想你將會一發不可收拾。
奇怪
今日堂比較少, 所以都做左幾多野, 改晒中七份database既tas, 考得都算ok, 唔太差啦~ 之後d同事o係度傾計, 我就o係度聽~ 幾好笑呢~ 真係咩人都有.. 不過我唔係好鍾意佢地咁樣講人是非... 同埋都幾嘈下, 有時想靜靜地做下野都幾難...
o係週會時仲要俾我捉到有個人o係度send sms, 真係過份!! 明目張膽!! 今日唔可以準時走, 因為放學後有中五既uniform test, 監考既時候我已經合下合下架啦... 差dd就中眼睏架啦... 點知考考下聽到廣播, 楊sir叫我即刻聯絡校務處, 因為有家長搵我... 真係即刻成個醒晒... 啦啦聲落去, 原來係家長既電話, 仲以為有咩事... 原來係果個send sms既學生個家長打o黎問咩事... 激死~
之後5:15唸住走, 點知俾我o係校務處門口有個女仔講電話講到喊得好淒涼... 個學生我以前教過的, 所以就同佢傾左好耐... 傾到5點9先走呢~
返到屋企開電腦, 見到同事send左個message俾我~~ 真係恭喜晒啦!!! 又多一個朋友結婚啦!! 今年真係雙春兼閏月~ 已經有4個同事今年結婚lu~~ 勁呀! 我都未試過一年內有咁多識得既人結婚架...
不過奇怪~~~ 呢幾日同"結婚"呢個詞語好似特別有緣咁..... 真係奇怪~~~
叻女
呢兩日個同事同我講, 話佢前日發夢既時候, 夢見我結婚, 仲講左好多details既內容俾我聽, 話我知個過程係點點點... 問我幾時呀... 我都唔知好嬲定好笑~ 佢已經問左我兩日啦... 今日都有問, 不過我成功地迴避左佢既問題呢~~ 叻女!
情人節快樂
禽日返工, 好多人問我夜晚去邊... 我梗係話唔知啦~ 佢地咁八~~
收到好多學生送俾我既情人朱古力, 都幾開心呢~ 而家呢個年代, 送朱古力俾人已經唔係只限於係情人, 朋友都可以送, 不過當中有幾多係想借d倚送俾心上人就唔知啦~~
早左d放工, 返到屋企4點左右, 沖涼換衫, 仲有執一執"野"... 之後出門口都遲左~ 嘻... (但係都做漏左野呢... 等我下一次補返先)~~ 不過落雨呢~ 對於情人們, 唔知係天公造美定唔造美呢~ 但係我去果個地方就俾今次落雨影響左少少呢~ 下次有機會一定要再去, 不過比我想像中唔算多人, 可能都係落雨既關係啦~ 不過坐o係街邊既長椅上拆禮物都幾特別呢~ 仲食左朱古力~ ^_^ 多謝晒!!!
坐車去目的地時, 風景都算ok呢~ 見到d餐廳都唔算好多人, 因為都比較貴呢~ 幾百蚊一個人... 行左一陣街, o係廁所門口影左相 (哈!!) 之後就去第二度搵野食啦~ 眼大肚窄呢... 好飽呀~~ 大家都食唔晒呢~ 之後夜啦, 要返屋企lu.......
第一次見人地咁樣用呢個字:
WEAR ^_^
好累..
今日好累... 一早就set 10支handfree咪做話劇, 聽日都係... 今日6堂, 好累, 尤其係因為禽晚無睏, 睏唔著, ~_~" 今日完全係超時工作, 10小時有多... 累死~ 臨放工前同同事傾左陣計, 佢再次remind我溝通同埋討論呢兩個詞... 令我有dd新既唸法... 6點幾先走, 返到屋企即睏, 睏左一陣就食飯, 食完再睏, 但係好多人打電話俾我, 攪到我都睏唔到呢~ 但係o係我醒之前, 俾我聽到媽咪幫亞哥買左好多野, 有大大塊心形牛扒, 鮑魚, 同埋小籠包... 羨慕死我呢~~
夜晚做結算同埋整電話, 今年既業績比上年少, 不過都算係咁啦, 禽晚俾左張card亞哥簽, 食左$1490呢.... 肉赤死呢~ 最慘係我無份食嘛~ 差唔多同利是錢打個和... "_"
以下係朋友既蛋糕相: 都幾靚架~
朋友屋企bbq + 蛋糕
禽日中午去左同屋企人飲茶, 俾左張card亞哥夜晚幫我找數呢, 有少少唔好意思, 因為親戚一場o黎到我都唔o係度食飯...
之前係約左朋友夜晚去大埔bbq的, 不過臨時就去左朋友屋企bbq, 都唔緊要呢~ 不過去之前都有d驚的...
下午去到朋友度玩左一陣, 嘻嘻!~ 之後就幫手set爐啦, 好方便呢~ 食左好多野, 好飽飽... 全場都無燒燶野呀~ 勁呢!! 雞翼又好味, 芝士腸又正, 牛扒又林, 豬扒又入味, 丸又大粒, 果汁又甜, 最緊要就係...... 個月亮"又圓又大"~~ 嘻!!! 簡直就係100分啦~~~~ 呵呵!!!!
食完野之後就幫朋友做左陣功課, 之後就成屋人齊齊食我親手整既蛋糕, 嘻!! 可以post相啦~~ yeah, 朋友同朋友既屋企人話好食呢~ 嘻嘻!! 不過唔知係咪tum我開心所以先咁講呢.... 食完之後又玩左一陣~ 我終於都有紅色啦... 嘻嘻!!! 嘻完就走啦...
今次去朋友屋企好左好多呢~ 都有傾多左好多計, 我亦都無咁驚啦~~~ ^_^ 好野! 不過我唸.... 朋友既屋企人應該仲未知道我叫咩名呢~~~ 哈哈...
bbq緊既時候, 同事打電話俾我, 提我聽日佢要話劇rehersal, 要幫佢set野... 唸起都覺得煩呢~~
蛋糕相: 如果睇唔到d相, 可以click以下既link.
http://hk.geocities.com/mandylai/IMG_6875.jpghttp://hk.geocities.com/mandylai/IMG_6878.jpghttp://hk.geocities.com/mandylai/IMG_6882.jpghttp://hk.geocities.com/mandylai/IMG_6885.jpghttp://hk.geocities.com/mandylai/IMG_6890.jpg
蛋糕 Top View (中間果粒係橙)
蛋糕 Side View 
屋企工場枱面, 右手邊的是打好的忌廉 
我 + 蛋糕 
我 + 蛋糕 Close Up (岩岩造起.. 所以隻眼已經矇晒)
個蛋糕既名堂係:
皇室士多啤梨奇異果杏仁朱古力嘻嘻蛋糕
