Daisypath Anniversary Years Ticker

Saturday, May 06, 2006

五個月快樂!

今日o係屋企無咩點做過野, 好似特別眼睏咁, 只係睏覺上網同睇電視. 夜晚睇左電影台既黎明演唱會, cut到得返1個鐘, 不過都同媽咪睇得好開心呢~ 一路睇一路玩呼拉圈~ 嘻嘻!
開心既時間過得好快, 不過呢幾日既時間就過得好慢呢...
朋友, 五個月快樂!

posted by Mandy @ 11:59 PM 0 comments

Friday, May 05, 2006

西田掃貨 + 行到腳弊

今日睏到12點幾先起身, 因為媽咪下午o係屋企打牌, 所以唔可以再睏啦...
下午兩點約左朋友去西田行街, 因為西田特價呢... 都知道多人架啦, 但係無唸到多到咁犀利. 去左睇泳衣, 試左兩套Bikini, 個試身室好熱, 又焗, 所以試緊果陣已經開始頭痛, 試完之後覺得唔掂, 肚腩呀肚腩呀, 點解你咁鬼大個架... 唉... 點算... 最後都無買到, 雖然特價好吸引, 但係我覺得我一定要減肥成功先著得, 咁到時先再買啦... 如果到時真係有機會著到, 都唔差在果d錢... ^_^ 加油!! 朋友就買左兩件頭泳衣, 有d似我而家著緊果隻咁, 都係可以遮晒d肉的... ^_^ 唔知自己有無機會可以著到Bikini又著得ok架呢~
之後又買左d私人野, 幾靚的, 同埋又去左西田超級市場買左茶包, 蘋果汁同埋Yogurt, 全部都係特價的, 不過就排隊排餐飽, 真係好累呢... 排左起碼45分鐘, 俾錢果刻就得兩分鐘... ~_~" 隻腳都軟晒, 口都乾晒啦... 不過我今日都算執到幾樣平貨呢~~ 但就俾人叫我做X師奶呢...^3^ 都唔知應該開心定唔開心呢~~ *_* 唸住行返去火車站搭火車, 點知沿途經過沙田帝都酒店, 見到佢有半價Cheese Cake買, 又同朋友每人買左一個呢... 都幾抵呀... 50幾蚊一個酒店Cheese Cake, ^_^ 嘻嘻!! 真係精明...
搭火車途中, 個頭又痛, 腳又痛... 返到屋企都7點啦, 即刻開飯, 不過無胃口, 就淨係食左兩舊肉, 同食左兩粒Panadol, 之後就上床攤啦... 睇左一陣高朋滿座, 之後睏唔著, 攤左一陣就睇火舞黃沙, 再睇埋向世界出發, 就沖涼啦...

posted by Mandy @ 10:49 PM 0 comments

Thursday, May 04, 2006

結婚風...

今日無堂, 不過下午要代堂呢, 有同事無返..
lunch前同同事o係度睇紗相, 影得幾好呢... 都唔算好貴~ 不過同事話多數影相果d cameraman都會要求新郎同新娘e起d牙笑的... 我同事都唔慣咁樣的, 佢話覺得唔係幾自然咁, 我話我都唔慣e起d牙笑的... 之後佢地叫我練定呢... 傻左... =.=" 禽日朋友send佢個friend影既婚紗相俾我睇, o係台灣影, 真係好靚呢...
禽日睇左另一個同事既日記, 知道佢終於都去左台灣影婚紗相, 仲有一個感動既求婚場面同埋圍觀既觀眾拍手祝福呢~~ 戥佢開心呢~~ ^_^
今年成年都好似吹緊一陣陣強烈既季候結婚風咁... 哈哈...

posted by Mandy @ 12:01 PM 0 comments

Wednesday, May 03, 2006

壽司 + 睇圈圈 + 嘻嘻車 + 禽日行樓梯

今日週會同班學生設計母親節咭, 佢都大部份都幾俾心機整呢~ 佢地仲叫我做媽媽, 又問我幾時請佢地飲呢... ^.^
放學返左屋企沖涼, 夜晚約左朋友食飯... 驚喜呢! 好野! 食左好好味壽司同埋Magnum紫色橙色, 又打左機, 打左好多鋪手指機, 好玩呢~ 又玩左足球機~ ^_^ 西班牙真係好勁呢~~ 嘻嘻... 不過有人不經意地犯左第二條規則呢~ 就係中柱呀~~ 嘻嘻... 朋友話今日去買圈圈呀... 好野!! 不過d鋪頭收得七七八八, 其中一間果d我覺得都ok的~ 不過朋友話想睇d特別d的... 所以下次去旺角再睇過... 嘻嘻... 之後返屋企lu, 唔知點解, 突然間對紅燈產生好感呢... 竟然想沿途多d紅燈呢... 嘻嘻... ^3^
返到屋企樓下, 原來除左我地之外, 仲見到第二架嘻嘻車呢... 哈哈!! 果然識貨, 識揀地方呢... 不過... 我... 俾人睇到呀... 唔制呀... >.<

禽日唔記得講, 禽日係行樓梯13呀... ^_^

posted by Mandy @ 10:26 PM 0 comments

傾計 + icq

禽晚好早睏, 因為前日睇左一日火舞黃沙好似麻麻地, 同埋又唔想自己養成追電視劇既習慣, 所以無睇到電視, 又唔想上網, 所以就上床睏...
同朋友傾左電話... *3* 都傾到11點半先睏...
禽晚紅雨, 今朝鬧鐘響既時候即刻睇下有無黑雨, 點知都係得黃雨, 再過多10分鐘, 連個黃雨都無埋.. 嗚.. 要起身返工.. 我仲好眼睏呢..
icq同朋友傾認購新股既野.. 我地兩個大家都唔識.. 好攪笑...
之後又傾到海洋公園... d水母好靚呢... 有d想去睇呢... 嘻嘻... 海洋公園

posted by Mandy @ 12:32 PM 0 comments

Tuesday, May 02, 2006

時差...

禽日睏左午覺, o係屋企休息...
今朝好唔想起身, 因為有d時差呢, 好眼睏... 同埋有d唔舒服呢...
朋友約我去california玩同埋去游水呢... 好似好積極咁... 加油加油... 目標係10磅...
今日食飯前同同事傾計... 好好笑... 好好傾... 同事問我, 做我老公有咩條件, 我答左... 一定唔可以食煙... 要鍚屋企人同埋我, 仲有就係有責任感, 細心就可以了... 我問同事做咩無啦啦咁問, 佢話見到我講電話時好似好開心咁... 所以就想知我點唸... 嘻嘻... 乜真係好開心咩?! 佢地仲笑我係煎釀三寶呢... 因為我有三樣野忙, 第一寶係忙拍拖, 第二寶係忙打機, 第三寶係忙減肥... 俾佢地激死...

posted by Mandy @ 5:57 PM 0 comments

Monday, May 01, 2006

嘔嘔..

今朝11點半... 仲有d想嘔... 所以就起身刷牙, 因為屋企無人, 嘔左... 舒服左少少...
禽晚朋友話遲d陪我去做body check... check下都好既... 不過我都有d擔心...
今日唸住o係屋企休息下...

posted by Mandy @ 12:49 PM 0 comments

Sunday, April 30, 2006

魔法保母麥菲 + 12

今日9點幾起身去探亞麻... 亞麻開頭唔認得我, 之後見到媽咪同老豆就認得呢... 陪佢食左一陣野, 傾左一陣計, 亞麻讚我乖呢... 嘻嘻... 乖孫女...
之後就去左元朗嘻嘻... 我印象中記得, 已經好耐未試過咁早見到朋友... 哈哈... 唔計大陸果次, 對上一次... 應該係尖沙咀茶軒果次... 哈哈... 都好耐之前... Kee...
下午去左青衣城睇戲, 因為之前有個friend話"魔法保母麥菲"幾好笑, 所以就去睇呢... 不過我覺得麻麻, 睇完之後行左一陣, 就返去食飯lu... 不過我有d唔舒服, 想嘔... 死忍爛忍... 唔知點解會咁...
夜晚有豉油汁雞翼呢... 好味... 不過d魚就好多骨, 比著係平時我一定唔會掂的... 不過今次好叻, 掂左不特止仲揀埋肉俾人食呢... 嘻嘻...
食完飯睇左一陣電視同報紙, 就去左幫朋友執野, 原來將d野搬晒出o黎既時候, 又真係幾多野的... 不過我就無咁好心機o係度執呢... 我自己部電腦d線都好亂, 同埋d櫃都未執好呢... 有一堆野應該係可以掉的... 吸塵機吸呀吸, 掃呀掃, 毛巾抹抹... ^_^ 不過我真係唔係幾舒服, 所以都唔係幫左好多呢... ~_~"
執到八八九九, 時間已經係差唔多12點啦... 嘻嘻... 12... 12... 12... Yeah Yeah!!

posted by Mandy @ 11:59 PM 0 comments

Auto insurance
Braves tickets Orioles tickets