行樓梯19 + 氣頂
今日day6, 無早會, 不過就無啦啦o係無準備之下上左一堂中三maths, 話說今朝我睇緊d學生做讀寫計劃, 之後我partner就見到班學生要測maths, 就同我講"miss lai, 你無堂呀呵, 不如你同佢地溫下maths呀, 而家上我既普通話堂, 我又教晒書, 你教下佢地d多數會出既題種啦..." 當時o係我心入面即刻浮起一個唸法... "你之前都有教過中三maths, 而家又係你既堂, 點解你自己唔教, 而要我教呢?!" 咁佢咁問, 我都覺得可以幫到佢地都無所謂... 之後佢就同學生講想唔想我教佢地... d學生唸住溫書, 又可以唔使上普通話堂, 梗係話好啦... 所以我就教左一堂maths啦... 同佢地溫probability同statistics... 不過就因為咁, 我一早就嗌到沙晒啦... 返到去同room既同事傾開, 佢地都話怪, 點解佢自己唔教, 佢又唔係唔識, 而且又係佢堂... 不過算啦, 我都教得開心既, 好耐無上過佢地堂, 前面幾個學生都同我講左句"miss, 你終於都肯教我地啦...." 我覺得佢地好似好慘咁... 不過雖然佢地有部份係幾曳, 但係相處左差唔多一年, 我對佢地都產生左一d感情~ 教你地都係開心既~
之後就發生左件氣頂事啦... 話說聽日下午有function要set hall, 呢個function唔係校內既function, 如果係公關攪既function我都無野的, 因為o係我入公關既時候我已經知道要o係extra既時間返工, 咁呢個function係社區中心問學校借場地做一d分享, 而校長亦都應承左.. 我覺得呢個唔係我必要既duty呢. 咁我就問校務處既負責人咁樣點計, 佢話之前都有先例係lab tech或者學生返o黎set, 然後學校會計返人工俾佢地... 咁我就問我有無... 佢就叫我問返我大佬, 咁我就梗係問一問啦, 得個知字, 點知個大佬就好似事不關己咁, 仲話老師呢d邊有架... 之後就叫我自己問校長, 咁我就自己去問校務處, 叫校務處幫我問校長. 咁個結果都係無, 咁無就算啦, 咁我就唸住叫lab tech同學生返啦, 佢地有得計返呀嘛. 點知大佬又有野講, 又問我點解要叫lab tech又叫埋學生... 語氣上好似唔滿意點解要晒錢叫兩種人返o黎set果少少野咁... 咁我唸住想個lab tech順便train一train果兩個IT Prefect, 咁都無乜問題姐... 佢又o係度話唔好, 咁我已經話左我唔會返, 咁我搵lab tech代我返姐, 有咩問題姐... 仲有, 呢排叫IT Prefect幫手貼課室守則, 佢又話佢地貼得斜, 又話叫佢地check埋d器材, 大佬呀, 可唔可以你唸起咩做就一次過呢... 最憎咁架啦, 好似以前幫人寫program咁, 做好晒d野你先話要加呢樣加果樣... 仲有, 你一係就放手俾我做, 用我既方法, 你唔放手俾我做既, 咁唔該你就唔好好似唔關你事咁, 作為一個大佬咁樣做野係好黑人憎的... room既同事都支持我既講法, 覺得佢成日都瀉膊, 過份... 同同事呻完之後舒服左少少, 不過仍然好氣頂...
前幾日又係咁, o係我忙緊set靈修野既時候, 佢竟然要我幫佢做私人野, 佢自己又唔係唔識做, 又唔係唔知d野o係邊, 最興就係用完用罷d私人野仲要pat o係我臺面要我放返去原位, 過份!!! 使人唔使本... 衰格...
今日晏左d放工, 同埋同事一齊走, 我陪佢一齊行去火車站, 一路行一路傾, 傾開佢結婚既事... 真係家家有本難唸的經, 不過佢有意搵我做姊妹呢... 傾到好開心, 所以好精神, 就去行左樓梯, 一路行一路唸野... 所以都唔算好累, 不過返到屋企就覺得個膝頭哥仔好累... 聽日仲要一早去聽seminar... 無得睏晏 ~_~"
睏唔著...
今日頭痛痛, 無乜心機, 上完堂就整左一陣d IT野, lunch又set hall, 不過個英文負責老師竟然唔記得左, 我搵佢問佢先記得... 咁都得... 今日d大佬出晒去開會, 所以放學坐左半個鐘就走人, 唸住返屋企睏下休息下, 點知睏唔著, 又有同事打電話俾我傾公事... 完全睏唔到, 量體溫都比平時高, 但係就睏極都睏唔到, 好唔舒服...
朋友禽晚話想同我去旅行呢... ^_^ 有d開心~~
來自海洋的呼喚-海洋生物占卜法
來自海洋的呼喚-海洋生物占卜法1980 年 06 月 30 日出生的人是"雀鯛"
基本習性→具有雀鯛特質的人擁有一顆赤子之心，他們純潔天真，充滿好奇心，因此容易獲得周遭大部分人的喜愛，所以有動不動就依賴別人的傾向。但是他們對於不熟識或初見面的人，會存有強烈的警戒心，直到熟識之後才會開始產生信賴，是屬於自然而不做作的人。
優缺點→優點是不論對方的年齡、性別，都能與他人愉快和平的相處；懂得如何指導別人也是其長處，他們表現得像隻活潑的雀鯛的樣子，就能使人際關係更加圓滿。缺點是無法一個人獨自行動，總是輕易地就想依賴別人。
愛情觀→他們天生就有一種令人憐愛，激發別人母性的天份，作為他們的另一半，必須要具有為人父親或母親的特質。雀鯛特質的人依賴心非常重，喜歡每天都和愛人膩在一塊，這一點也表現出他們幼稚的一面。速配職業→適合從事能夠接觸大自然的工作，若能選擇有關環境保護等與自然共存的工作，較能幫助他們實現自我。雀鯛特質的人還擅長培植植物，當然，對於培育人才也很拿手，因此很適合從事當小學或幼稚園老師。
適用釣餌→「我是擔心你才會這樣說的…」、「我有考慮到你的情形…」，雀鯛特質的人往往會對這樣的話有良好的反應。另外，有事情交代給他們時，如果能常常關心地問：「事情進行得還順利嗎? 」、「有什麼問題需要幫忙嗎? 」，他們就會感覺到被關懷而繼續努力。
被哪個愛最幸福?
Kee... Kee...
★ NO.1 巨蟹座
男－不但賺到錢，更會煮飯做家務，照顧家庭，是好男人的典範。
女－對情人細心體貼，無微不至的照顧對方，對方話點就點。★ NO.2 雙魚座
男－永遠將妳放在第一位，事事遷就妳，令妳覺得自己像公主一樣。
女－會為對方無條件的付出，千依百順，絕對能滿足所有大男人心態。
★ NO.3 獅子座
男－他會給妳最好的物質享受和照顧，不會讓妳憂柴憂米。
女－雖然她有點霸道，但她為你安排的一切，一定是最好的。
★ NO.4 天蠍座
男－愛妳就愛得專一轟烈，並會盡他一切所能保護妳免受傷害。
女－一旦愛上你就堅貞不移，為你作甚麼犧牲也可以。
★ NO.5 金牛座
男－懂得賺錢又懂得花錢，他會帶給妳不少生活情趣。
女－不但不易變心，而且又很懂得照顧你，常令你感到窩心。
★ NO.6 山羊座
男－雖然有點木獨，但勝在有責任心，他會讓你感到很有安全感。
女－她不懂甜言蜜語，但會務實地幫你打點一切，讓你的生活變得妥妥當當。
★ NO.7 處女座
男－對將來很有計劃，跟他一起，妳絕對不用為未來擔憂。
女－她總是懂得你的心意，她為你做的一定合你心水。
★ NO.8 天秤座
男－他的浪漫雖然會叫妳心甜，但他的花心倒叫妳很沒安全感。
女－有時未免太斤斤計較，計算下的愛情又怎會幸福？
★ NO.9 白羊座
男－凡事都以自己為先，不太懂得顧及情人的感受。
女－通常都要求對方付出的比自己多，心態也很自私。
★ NO.10 人馬座
男－粗心大意兼不解溫柔，和他做兄弟比做情人還好。
女－太著重自己的自由，很多時候不理會對方，自己跑了去玩。
★ NO.11 雙子座
男－跟他一起樂趣的確多，不過有事的話他就會掉下妳一走了之。
女－她一時一樣，很難捉到她的心意，常常要猜度也很疲累。
★ NO.12 水瓶座
男－不懂顧及對方感受之餘，有時更會很無情，令妳覺得毫無幸福感。
女－非常自我中心，最好各顧各，想她照顧你，為你設想也很難。
分堂 + 行樓梯18
今日無堂, 上午就去左set禮堂靈修, d人真係好興臨時臨急要呢樣要果樣... 好彩都無事姐... 之後就整IT既野, 今日lunch知道副校長編左我下年既堂有一班physics呀... 有d唔開心呀... 因為我唔想兼physics呢... physics panel知道左都幫我同左副校講... 唔知佢有無唔開心呢... 不過我真係唔想兼physics呢... 但係唔知computer佢俾幾多我呢... 唔知仲有無maths呢... 如果無左maths, 咁我下年開始既maths master點算呢... 今日放學佢地開教務組panel會議應該會知結果架啦... 唉... 開始煩呢d野呢~ 睇唔見自己既將來去向係最無安全感的... 各方面都係...
今日同事問我做咩呢排突然間咁積極減肥呢... 話我一定係有原因先會突然間咁積極呢... 佢話我不嬲都唔算肥架啦... 不過我話咁我都唔係瘦嘛, 我想一試瘦既滋味呢... 哈... 其實我不嬲都好想減肥的, 只不過唔成功之嘛... 我既目標係... 100磅... 不過如果可以有10x字頭我都已經好開心呢~~ ^_^
今日遲左放工, 返到屋企唸住行樓梯, 點知見到有一班4,5個既20幾30歲既男人去左行樓梯, 所以我唔敢行呢... 行返去搭lift, 不過我按左13樓落, 之後就行左9層, 因為同我同lift果個人o係10樓落, 所以我就按13樓落呢~~ ^_^
行樓梯17
今日做足全日, 不過都有同同事傾下計講下笑, 我地o係度研究生仔啦, 研究點先叫"大羅有"啦, 又研究之前同事既結婚相啦... 都幾好笑~~ 有d期待呢幾日既紅雨或者黑雨, 4點幾返屋企, 唸住睇電視呢~ 行左樓梯, 又睇左"日式面包王", 好耐未睇過電視既卡通片啦, 又幾好睇喎...
返到屋企開電腦, 點知個mon唔著... 有d驚驚地... 按實d個插蘇都唔著... 開始更驚... 拔左個插蘇出o黎再插o係第二個位度, 著返... =.=" 好彩... 再插返去原位... 都著... 真係好好彩... 你知啦, 部電腦一有d咩事我就好驚的... 因為我咩野都o係晒部電腦入面... 好重要的...
今日俾朋友既同事讚呢... 嘻嘻~~
後來 + 行樓梯16
朋友話俾我知我前男友日記寫左d野... 我就去左睇... 見到一d以前曾經發生過既事物同埋地點, 仲有一d說話, 而家已經成為左我既回憶, 我想, 衷心的, 祝你找到你的幸福!後來後來 我總算學會了 如何去愛可惜你 早已遠去 消失在人海
後來 終於在眼淚中明白有些人 一旦錯過就不再梔子花 白花瓣 落在我藍色百褶裙上
愛你 你輕聲說我低下頭 聞見一陣芬芳
那個永恆的夜晚 十七歲仲夏
你吻我的那個夜晚讓我往後的時光 每當有感嘆總想起 當天的星光那時候的愛情 為什麼就能那樣簡單而又是為什麼 人年少時
一定要讓深愛的人受傷在這相似的深夜裡 你是否一樣也在靜靜追悔感傷如果當時我們能 不那麼倔強現在也 不那麼遺憾你都如何回憶我 帶著笑或是很沉默
這些年來 有沒有人能讓你不寂寞永遠不會再重來
有一個男孩 愛著那個女孩*****
今日行左樓梯, 好眼睏...
IT Prefect
今日返工不停做, 無停手, 整IT Prefect既野整左全日, 今朝做班務遲左落去, 又有事發生... 點算... 我好想可以交低d野俾你地, 不過似乎都無係時候...
之前有幾組人話參加個網頁比賽, 點知一組二組都做得超求其... 無內容都照交, 有無攪錯... 都唔準備好的... 印象分大減!! 遲交不特止, 無責任感... 點解而家d學生會咁的...
母親節快樂 + 買眼鏡 + 睇樓
今日母親節, 朝早好眼睏, 所以無早到起身同媽咪去飲茶呢... 11點幾起身, 繼續download, 活動左3個鐘左右, 兩點幾又睏過... 睏到5點... 夜晚同媽咪去福井食日本野, 我地一家人6點鐘出門口, 6點10分去到, 點知門口已經排左好多人o係度, 叫到B6, 我地係B40... 要等30幾個, 等緊果陣我地走左去萬寧睇野, 我見到$17.9有40包旺旺燒米餅, 好抵呢... 所以買左, 又見到上次飲痾我既西梅汁, 又買左... 再見到雪完美去痘無印精華素特價, 所以又買埋... ^_^ 返返去等位, 只係叫多左10幾個. total等左一個半鐘, 終於到我地啦... 我地叫左好多野食, 有火焰三文魚壽司, 火焰鰻魚壽司, 三文魚壽司, 加州卷, 芝麻鰻魚反卷, 芝士唔知咩餃子, 泡菜牛仔骨石頭飯, 滑蛋雞肉飯, 羊骨架, 沙津蟹薯餅, 好好味... 最後個滑蛋飯食唔晒, 除左老豆之外, 個個都好飽, 我就打包聽日既lunch食... ^_^ 埋單都係400有找... 抵~
食完之後坐車去左上水廣場A LOOK同媽咪買眼鏡, 睇睇下我又睇中左一款, 都幾靚的.. 不過我猶豫左好耐, 因為我都唔係成日帶眼鏡的... 只係要睇遠野先帶... 但係唸唸下, 副眼鏡都唔係好貴, 因為第二副有7折... 折實都係$257.6... 真係好平... 所以後尾都俾人tum tum下就買左... 入去驗眼... d近視好似輕左呢... 左眼150, 右眼225... 加散光25... 我記得第一次當年會考買果副好似都有275架... 個驗眼師話我可能keep得好... 都唔知係咪真的... 我時帶時唔帶, 應該都唔關事的... 最後我都係俾左$200亞哥... 嘻嘻... 好野!! ^_^ 買完眼鏡就去左亞哥既御皇庭, 因為我想睇下個游泳池係點架呢... 坐緊車果陣, 聽到商業電台第一台播緊"後來"既日文版, 好好聽, 我錄左音呢~~ 之後又訪問范徐麗泰既片段, 我都幾贊同佢講既野... 佢話兩公婆有兩樣野好重要, 第一: 感情既忠誠, 第二: 兩公婆無計的. 佢話佢同佢老公係一齊入錢落同一個戶口的, 唔夠錢既咪大家一齊唸掂佢, 無私己錢的... 試問有幾多對兩公婆係做得到既呢... 不過我feel到以前佢地兩公婆真係好溫馨同和諧, 應該都係令人羨慕既一對呢~ 去到御皇庭, 個泳池關左門, 所以一入到去就去左會所睇... 會所都幾靚呢... 有地方沖涼, 有風筒有cream, 又有定型gel, 又有小Sauna室, 我開過門睇, 仲熱的~~ 之後就去左健身室睇, 唔係好大, 有10多部器材, 我就部部都上去玩下... 好玩呢~~ 一定要o黎... 之後就上左去亞哥間屋... o係露台望住個泳池... 好正呀... 我要去游水呀... 好鍾意呢... 亞哥同媽咪見我咁鍾意... 就講... 叫朋友上o黎睇下啦... xxx萬就賣啦... =.=" 不過我要快d整左張個人八達通先... 之後就整業主證... 之後... 嘻嘻... 我就可以o黎做gym同埋游水玩sauna啦... 呵呵... 減肥有望啦... Kee... Kee... 傻笑中~~~~
睇完都10點幾啦... 返屋企... 一返到屋企就打電話同朋友分享呢~~ 我地多左兩個節日呢~~ 不過俾朋友搶先一步定左個日期呀~~~ 嗚嗚~~~
轟炸機酒樓 + "早熟" + 中坑
今日11點多起左身, 禽晚發左個好笑夢, 就係o係學校發生的... 有朋友成為左合唱團既一份子, 要o係個禮堂做表演, 咁我就要慣常地做我既setting工作... 點知o係緊急關頭有一個咪無聲, 所以我就衝左入去咪房攪咪... 點知朋友又衝左入o黎... 一齊攪... 好好笑...
下午換好衫等朋友起身, 因為原本唸住同朋友去飲下午茶的, 唔想好似上次咁遲左到, 所以唸住早d準備好~ ^_^ 睇左一陣小忌廉, 仲差一集就睇晒啦, 不過無咩心機睇, 因為隻dvd好窒下, 之後無飲到下午茶, 但係朋友屋企人就食晒原本可能係今晚既炒面... 真係唔好意思... 我o係朋友o黎到接我前, 跑左去7-11買朋友禽日話好想飲既朱古力奶, ^_^, 好味呢~ 雖然係low fat, 但係應該都夠"甜"呢... 嘻嘻... 之後就去朋友屋企啦, 休息左一陣... 估唔到你真係買左果日講果d野... =.=" 有一點點難為情, 因為果時我只係講下... 之後就出左去酒樓食飯, 去左兩間都好多人同埋要食母親節套餐, 最後都係去返朋友屋企附近果間, 不過... 我成餐飯都食得好戰戰兢兢呢... 因為... 有好多直昇機同轟炸機呀... 我不嬲都幾驚識飛既昆蟲的... 因為我唔知佢地幾時會飛o係我身上... 雖然有部份航空客機真係好似唔咬人, 朋友亦都好幫我咁極力支持換位, 但係... 真係驚驚地呢... 我唔係驚佢地炸親我, 而係... 佢地幾十隻o係頭頂同埋桌上面咁飛來飛去... 我覺得食落肚d食物好似全部都俾佢地食過咁... 我亦都唔係驚肚痾, 而係驚果個食飛機落肚果個核突感覺... 唸起就無管洞... 朋友信用咭look唔到~ 我有機會請左朋友屋企人食飯呢... ^_^ 開心! 預早的母親節快樂!
食完飯返左屋企睇"早熟", 睇睇下又忍唔住呢... -.-" 4th... ^3^ 成套戲都叫幾好睇, 我覺得曾志偉同黃秋生d戲真係唔錯... 房祖明就差d, 而薜凱琪都叫過得去~ ^_^ 睇完夜啦, 就返屋企lu... 去到屋企樓下先掉垃圾... 寫左張紙仔呢~ 衷心的! 嘻嘻! 中坑... 遲熟... Kee Kee...
原本約左朋友聽朝去游水, 下午去唱k的, 都取消左... 因為天氣凍左好多呢...
