上course - PHP + 多啦A夢音樂劇
今日好累, 已經食唔到早餐啦, 所以就帶左媽咪買俾我既腸仔包. 上午教埋禽日教剩既mysql, 下午就教php, 佢又係以佢一貫既作風, 講php既long form都講左10分鐘, 仲要o係度解釋埋點解咁樣繹法, 原來php係Personal Home Page咁解... 都係而家先知~
3點幾有個break, 我就伏o係桌度睏著左... 但係一起身就開始頭痛啦, 以為痛一陣會無事, 點知越o黎越痛.. 約左朋友睇Doraety Show多啦A夢音樂劇, 心情都唔係幾好, 越o黎越痛... 朋友都好累呢, 又病病地... 累到睏著左, 其實我都頭痛得差唔多睏著, 如果我專心地培養心情, 應該可以睏到... 不過我覺得個show都係麻麻地, 好似幾求其下, 但個氣氛都ok呢~ 因為真係好多小朋友. 個劇係關於多啦A夢因為俾老鼠咬左對耳仔, 終日o係度喊, 所以就由黃色變左藍色, 但係一開始唔夠10分鐘就已經好輕輕地帶過左... 不過d人既公仔衫就真係幾靚, 尤其係多啦A夢, 大雄, 靜香, 小夫同埋胖虎既傳統服裝呢~ ^_^
夜晚啦啦聲食粒藥, 不過食粒藥之前都忍唔住食左粒金莎呢~ ^_^
聽日仲要返course呀.. 嗚... 後悔中~~
上course - MySQL
禽晚同朋友傾icq傾到好夜, 今朝要早起身呀, 因為要去灣仔上course. 今朝7:30鬧鐘響, 起唔到身呀, 因為好眼睏呀~ 之後再校鬧鐘7:35, 之後再直頭關左佢.. 之後朋友叫我起身啦.. 再睏多5分鐘, 之後再叫, 一定要起啦~~ 唔係就輸三串一啦... =.=" 不過我好快手呢~ 8:00多dd就出得門口啦~ 嘻!!
不過o係火車度好累呢, 又多人~ 去到銅鑼灣搵埋個地方都係9:15, 個course 9:30先開始, 咁我就o係隔離既美心度食早餐~ 好開心呢.. 我都唔知幾耐未食過熱騰騰既早餐啦... 平日o係屋企睏就一定無得食啦, 返工都係食麵包... 但係今日竟然有熱騰騰既番茄腸仔雞蛋米線.... 正呀~~ 呵呵!! 食完9:35, 就上去啦...
坐左去最後最角落既位置, 但係唔記得左帶眼鏡呢... 咩都睇唔到, 佢個lcd projector又暗又矇... 唯有係咁問隔離既老師借o黎睇啦... 個trainer好得悶... 講mysql既history都可以講成朝... 講mysql個字點讀都講左幾分鐘, 佢話d人讀"my" "sit cold"係錯的... 因為"sequel"先係讀"sit cold", "sql"應該只係就咁講sql喎... 俾佢激死... 下午教寫sql... 講create database同table都講左個幾鐘, 不過佢都講得幾深入, 好彩我食早餐時飲左半杯咖啡, 中午無食到野, 淨係o係條街度行來行去, 如果唔係一定睏著... 成日都叫學到d野既~ 佢話聽日教php, 之後第三日朝就教php+mysql... 最意外既竟然係.... 全場連埋個trainer, 只係得我一個女仔.... =.=" 乜電腦女老師真係少得咁交關咩?!!
完左即刻返屋企, o係火車度睏著左, 仲"中"左幾次..... 返到屋企食左朱古力熊仔餅, 好似精神左d, 都係唔睏啦...
豬..
禽晚同朋友icq, 朋友問我買咩情人節禮物俾佢女朋友好... 哈... 傾左好耐, 又約唱k同打bowling呢~~ 好耐未打過啦... 但係就快返學啦... 星期日食lansoc春茗lunch, 之後唔知有無節目玩呢... 第二日就返學啦.... 但係我仲未做晒d野呀...
今日12點起左身, 仍然好想睏呢.. 不過媽咪禽晚話今朝有人o黎拜年, 所以要起身呢... ~_~
起身睇左一陣forum同icq左一陣, 聽到朋友話去海洋公園玩, 希望你地玩得開開心心~ 之後就煮野食, 食完之後就改project...
今日o黎拜年果個人係媽咪既好多年舊朋友... 好嘈呀... 改到我心煩意亂呢~~
我要努力改project, 我仲要出卷呢... 之後三日都要去聽seminar學php+mysql... 今日一定要做多d野先得~
今日send左個得意sms俾人~~ 哈!~ 豬....
瞞天過海~
今晚o係屋企煮野食, 煮左忌廉湯脆皮腸蟹柳意粉, 煎蒜茸雞翼呢~ ^_^ 嘻~! 原來好快就煮好啦~ 半個鐘左右~ 哈!! 好味喎..! 不過我都會有妒忌呢... 女仔聽到呢d野有妒忌都好正常姐... 嗚嗚~~ 妒妒妒妒呀~~~ 哇~~~~~~
食完之後就聽下歌上下網, 睇下叮噹咁啦.... kee.... kee....
之後就o係屋企改中五project, 好勤力地做野呢!~ 嘻嘻!! 讚我啦讚我啦~~~~ ^.~
煮"飯"仔...
今日1:45先起身, 個人好似幾累下咁~ 睏極都仲想睏, 醒左兩次都仲再睏得著~ 起身上左一陣網, 之後就睇禽日睇緊既大丈夫, 都幾好笑呢... 曾志偉同杜汶澤真係做得唔錯... 尤其係d表情~~ 幾好笑...
睇完之後, 等屋企人沖涼, 我又沖涼, 之後就落街買"餸", 嘻!! 自己開爐煮野食~~ 好開心!!! 不過唔知煮唔煮得切呢.. 有d擔心煮得唔好食... >.<
龜龜 + 星星
今日朋友o黎左我屋企拜年, 我又去左朋友家度拜年, 食左一陣飯, 睇左一陣戲, 玉xxx... 嘻嘻!
龜龜, 星星, 你地終於可以出o黎見下個世面啦!!! 好野!!!
春田花花同學會
今晚出左去陪朋友食飯, 又去左睇戲, 開頭都幾好笑的~ 但係後面好似求其左少少~
最鍾意既角色: 校長 + 中醫師
臨走一刻, 好唔xx.... v_v
新年, yeah!
年初一, 新年快樂, 祝各位狗年開開心心!
禽晚o係屋企食蘿蔔糕, 都幾好味呢~ 夜晚就同朋友去維園行花市~ ^_^ 9:30先出門口, 嘻嘻! 我地首先去左深水土步泊車, 之後見到有機鋪, 忍唔住入去玩左一陣呢~~ 手指手指, 篤篤篤~~ 不過我好咋呢... 次次都拎得好少分... 真係要多多練習先得~ 玩完之後都11:45啦... 就搭地鐵去天后啦~ 我地o係地鐵入面祝大家新年快樂呢!! 嘻!! 去到天后, 食左湯圓糖水~~ 團團圓圓呀!! 好意頭~~
之後就去行花市啦, 不過d雨好毛(老豆話的...), 所以都要拎傘呢~ ^_^ 入去行既時候0:45, 哈!! 買左好多野呢... 有好大個公仔龜龜, 有暗暗地既燈燈, 有噹噹, 有波波花, 有財神錢箱公仔, 嘻~~ 迫呀迫, 迫呀迫~~ 好開心呢!! 迫到個身都扁晒呢~~ 哈... 一路行一路見到d情侶們都變晒做一舊舊咁... 哈!! 都幾得意~ 又見到d檔主寫既說話, 雖然d字幾樣衰, 不過都覺得佢地好叻~ "我們啞了, 自己睇啦..." 都幾得!~ 迫迫迫, 好開心呢... 好似奉旨可以一舊舊咁~~ 哈!!
行完之後都差唔多4:00啦.. 媽咪打電話俾我問我做咩咁夜仲未返屋企~ 我唸佢係擔心我呢~ 不過我都真係好少好少咁夜都未返屋企, 以前去到點夜都唔會咁夜, 一係就係唱通宵k果d, 一係就係趕得切搭火車返屋企, 最後我5:00先返到屋企呢... 不過朋友仲夜呀, 唔好意思呀, 我知你好累了! 不過見到一大堆戰利品, 好開心呢!~! 返到屋企換衫洗面就上床等啦... 嘻嘻!!
今朝, 好早就起身啦, 11:15左右, 一起身就逗左屋企封利是呢~~ 呵呵!! 之後中午食齋~ 好好味~ 食完齋就一齊去亞女麻度拜年, 拜完年就去左食糖水, 之後就返屋企啦~~
不過食緊糖水既時候, 有個女人打電話o黎, 一開始就o係度恭喜發財心想事成, 咁我禮貌上都同佢恭賀一番既, 我覺得佢把聲都有少少熟, 不過唔知係邊個, 所以我就問佢係邊位... 點知佢話係janet... 我心唸, 我都唔識一個人叫janet, 我咪話"小姐你打錯喎".. 之後佢話"我打錯? 你打俾我架喎..." 之後佢仲話"你打俾我我先打返俾你咋喎, 我知你電話係9xxxxxxx添, 係咪呀..." 我再話"小姐, 我唔係呢個電話號碼喎.. 你真係打錯喎, 不過都祝你心想事成啦, 拜拜.." 之後個小姐都講返新年快樂就啦啦聲收線啦... ^_^
