感慨
今日食父親節飯, 去新明苑食, 食緊既時候, 同左亞哥去金鋪度買左隻金介指俾老豆, 我唔想再俾錢佢, 因為俾親都係去左馬會度. 食完飯同媽咪去買左d野, 之後去左公園度傾左陣計, 知道媽咪的確好唔開心, 我都好唔開心, 好彩我都忍得住無講到果件係咩事, 我一定要保受秘密呢, 我唔可以講出o黎的, 講左出o黎呢個家會無架.. 我一定要忍住!
呢兩日都無聲氣, 唔再有人搵我打機. 聽左媽咪講既野, 我都開始有心淡既感覺. 有d野, 又何必強求呢! 不過, 呢一個月o黎, 我有一個都幾強烈既感覺. 就係.... 好想結婚. 好想有一個老公, 好想被一個我好愛既人呵護, 好想o係屋企煮好晒飯等老公放工返o黎同我食飯, 之後二人世界. 好渴望. 我知點解既. 因為就快到二十有五啦... 仲有, 就係有人就快結婚啦...
同媽咪傾計既過程當中, 見到o係個公園度有一對一對既老公老婆, 男女朋友kiu住手咁行. (我不嬲都鍾意我kiu住佢隻手多過拖手, 不過拖手都好重要) 再唸起自己, 有d傷感; 食父親節飯既時候, 見到哥哥既女朋友mit好晒d蝦餵我哥哥食, 又餵我哥哥食生果, 再唸起自己, 有d感觸...
哭了.
因為禽日唔舒服, 所以今日請左4堂病假, 返11點3, 因為今日要返去同佢地對中四份preexam, 佢地成績好差, 有十幾個唔合格, 去到課室, 同詩霖傾左幾句, 開始忍唔住, 就喊左出o黎啦, 講唔到野, 喊既時候, 由於已經唔係幾舒服, 所以唔係好企得穩, d學生叫我坐陣, 坐左一陣, 喊左一陣就企返起身講野, 同佢地講我點解咁唔開心, 對佢地失望, 因為份卷既long questions四題入面有兩題係之前出過的, 而我又同佢地講解過的. 但係就好多人錯. 之後講講下又喊... 但係我岩岩開始講無耐既時候, 由於個marking有d寫錯左, 所以我都抄錯左o係個黑板度, troy想提我, suki按住佢, 但係佢都提左我, larry已經知道佢講緊d咩, 佢示意佢幫我改, 果時我仲喊緊, 當佢幫我改完既時候, 就被張老師桌既腳"click"到佢, 跌左一跌, 引左我笑... 我又忍唔住, 所以就笑左出o黎, d學生又一齊笑, 可能係笑我又喊又笑卦... -.-"
我知道有d同學我喊既時候佢地都有喊, 我希望你地明白我點解會咁, 因為我唔想你地懶散, 一路退步, 明明你地係做得到的!
今日早左返屋企, 唔好意思, 實在唔係好舒服, 答唔到你地既問題, 有d同學都放學既時候即刻o黎問我拎worksheet, 希望你地真係緊張啦!
嘔嘔..
今日中午係午餐交流會, 潘主任分享, 好唔捨得呢, miss sung講到喊, 我都有d呢~ (當然唔俾人知啦) 因為今日呂sir走左, 所以我負責幫潘主任播歌, 首歌原來係快歌來的, 又係普通話, 我都聽唔切, 所以.. 衰左, play powerpoint既時候跟唔切呢~ -_-"
食緊飯既時候已經覺得今日唔係幾舒服, 之後食完飯就更加唔舒服, 放學時仲有學生激嬲我, 竟然公然o係走廊傾電話, 哼!! 然後就係另一個學生, o係教員室默書都仲要默默下問人, 真係過份!
之後就越o黎越唔舒服, 好頭痛, 好想嘔, 之後去左廁所嘔, 嘔到死死下... 之後伏左一陣, 越o黎越痛... 講野都無氣力, 睜大眼都要好用力... 之後d同事話我好青, 好白, 驚我一個人返屋企會暈, 所以叫我等埋同事車我走~ 之後等左半個鐘左右, 同事都幫我拎袋 (唔該晒) 俾左"止嘔袋"俾我, 驚我行行下嘔多次, 之後就返到屋企啦, 同事打電話俾我, 確保我"成功"返到屋企, 多謝關心.. 睏左o係張床度, 老豆問我咩唔舒服, 我就痛到講唔出, 之後就痛到喊啦... 老豆餵左我食特效panadol, 就睏啦... 都睏得唔好, 醒醒下咁.. 之後食飯, d頭痛好左少少, 但係仲係痛... 夜晚仲要改中四卷, 佢地真係唔掂, 聽日一定要罵罵佢地..
受寵若驚 ^_^
今日原本有5堂, 不過借左兩堂俾陳sir, 所以有3堂, 好開心~~ 不過今日都好累, 改晒d學科測驗, 再改埋中三既preexam, 放學後仲有兩個鐘既中四preexam, 真係悶死我..
不過有人"等"埋我, 真係令我受寵若驚呢~~ 嘻, 仲有人幫我拎埋傘遮我, 仲俾埋把傘我拎返屋企呢~~ ^_^ 好開心....
不過, 仍然好介意你既手.
手
今日見到你手上既野又走返出o黎... 究竟係咩意思呢?! :(
今日day3, 放學後仲要中三maths pre exam, 聽日就中四preexam, 又係夜走呢..
今日走既時候幫人地用車匙開車...... 門.... 條鎖匙個unlock key好得意呢~ 但係另一同事就慘啦, 俾人刑事毀壞, 用鎖匙圍住架靚車畫左一圈呀, 陰公, 同事話要噴返油都起碼要8000呀... 一定要搵到個兇手出o黎丙返一大鑊先可以消到d氣呢~~
游水 750m
今日去左ied游水, 我終於都的起心肝自己一個人去游水啦.. 仲要係去ied呀, 因為粉嶺個公共泳池污糟糟呢... 好開心呀, 游左15個池, 即係750米呀! 勁!! 都係一個鐘左右咋, 都算幾快呢~ 原來自己一個人去游水都幾自在的~ 下次可以再去!
游完水去左7-11買道地玫瑰花茶飲, 幾好味呀, 之後大約5點半左右去到巴七站搭車走人, 但係真係唔好彩, 等緊車既10分鐘, 俾d衰蚊咬左我8野呀!!!! 嗚, 成腳有八舊野呀~~~~ 哇~~ 好痕呀...
聽日返學啦. 仲有5日就考試啦, 倒數中~~
