Daisypath Anniversary Years Ticker

Friday, November 12, 2004

朋友, 生日快樂!

今日有朋友生日. 好開心我係第一個祝佢生日快樂. 其實咁樣已經令到我好滿足. 我唔鍾意複雜既野.

今日有人話我長大左, 都係既, 我真係比較鍾意而家既自己. 我唸有時, 唸咁多野都係無謂既, 我之前的確係太多野唸啦. 好多人都係咁講. 而家, 咩野都唔抱希望, 反而活得自在.

我始終都信: 緣份, 係天注定既..

posted by Mandy @ 10:51 AM 0 comments

Thursday, November 11, 2004

朋友們, 你們明白嗎?!

呢排學校好多野做. 成日都好似好多野要兼顧咁. 可能11月都係忙架啦. 不過好彩下星期有個陸運會撐下場, 如果唔係真係累死.

上個星期去睇左醫生. 醫生話我喉嚨發炎同埋淋巴腺發炎. 之後幾日後睇報紙就話原來淋巴腺發發下炎係會生癌的, 之後會死人的. 我就開始會唸. 究竟我成日淋巴腺發炎, 扁桃腺發炎, 會唔會有一日我都會... 呢? 如果有一日我真係有事既話, 我又會點樣去面對呢. 我真係唔知. 我成日都會唸一個問題, 如果呢一刻俾我知道我仲可以生存得唔係好耐, 咁我呢幾日會做d咩野, 或者會同識得既人講d咩. 唔知其他人有無都好似我咁切切實實咁唸過呢個問題呢? 我唸, 如果呢個係事實既話, 而我又忍到口既話, 我會選擇唔會同任何人講呢件事. 因為我唔想"全世界"陪我一齊去擔心, 去傷心. 而且如果我有得揀既話, 我都唔會選擇o係醫院度過日子, 雖然我未必會呢度去果度去, 但係我都唔會俾自己o係醫院度等人探我. 我唸我可能會o係屋企靜靜地咁樣過日子, 寫好多封信俾每一個識得既人, 唔理係熟唔熟都寫, 同佢講一d我從前係唔敢講既說話. 之後就睏覺, 睏睏下就走...

我唔知呢堆野係咪某程度上其實係反映緊我既人生觀. 但係我知道一定會有人唔同意我呢個既做法. 有人可能會覺得我悲觀, 覺得我唔積極去過我既人生等等. 不過我想其他人知道, 你有權對我呢d睇法有唔同既意見, 我會聽. 但係我都有權有我自己既一套唸法. 我會聽取其他人既意見, 如果我覺得其他人既意見都適合我既話, 我都會接納呢個意見並且改變我起初既唸法. 我唸我就係一個咁樣既人.

posted by Mandy @ 3:02 PM 0 comments

Sunday, November 07, 2004

混亂

推介舊歌精選: 群星 - cafe 35, 尤其係黎明 - 我這樣愛你

我聽呢首歌既時候真係好大感觸. 一o黎係d歌詞令到我覺得感動, 同埋我唸起果個好深刻印象既廣告. 黎明同lee ann o係雪山度等人救. "i need help!" 果個情景, 我唸我呢世都唔會遇到, 唔會碰到.

我好想對我呢排既生活做一個總結, 但係我唸唔到點樣講. 我歸納唔到一個總結. 我只可以講, 我而家對咩都唔會有咩希望. 因為我覺得希望對於我o黎講係奢侈. 人地話人無希望點樣生存. 所以, 我唔知自己為咩而生存. 我唔想為別人而生存, 例如我唔想我只係為左家人,朋友或者關心我既人而生存. 我亦唔想只係為自己而生存, 因為我覺得咁樣係自私既行為.

posted by Mandy @ 12:42 PM 1 comments

Auto insurance
Braves tickets Orioles tickets