過份 + 歌曲分享
今朝8點幾醒左一次, 10點3左右就起左身, 上網睇報紙, 而家d"小朋友"認真唔掂, 曳仲唔止, 仲去打劫, 小朋友11,12歲都唔算好細個架啦喎, 去打人劫仲話只係因為玩下, 玩到話自己係黑社會, 玩到要拳打腳踢, 玩到要撞人地個頭埋牆, 俾一堆人圍住果陣都仲要話"報警呀, 最多咪入男童院, 出返o黎見鑊打鑊", 呢d所謂既"小朋友", 我真係覺得佢地d家長應該拎去罰埋一份, 最衰係果三個小朋友當中, 有兩個既家長都話"佢地玩下姐, 好小事咋喎, 佢平時最多都係駁下咀姐. 佢唔係真係黑社會o黎既, 佢都係睇得戲多先會咁樣學返o黎講架姐" 呢d家長我就最憎!! 最好就學外國咁, 個小朋友做錯野, 個家長真係要一齊罰埋先得. 我覺得呢d家長好唔負責任, 講得出呢d說話既家長自己都唔方係一個好盡責既家長. 自己個仔打劫人地, 打傷人地, 一句道歉都無, 仲要話佢個仔係玩下, 好小事. 一d都唔覺得自己好有問題. 如果你個仔睇d黑社會戲既時候, 你同佢講多兩句, 教下佢, 同佢傾下呀, 都已經好好多啦, 起碼個小朋友都唔會咁直接地一字一句學晒套戲入面既野啦. 個家長講到一d都唔關自己事咁. 好似完全係d戲既責任咁. 真係離譜! 雖然我覺得而家d戲的確有d意識上唔係幾好. 但係家長既責任一定大過晒其他人既責任囉...
哼! 過份!! 睇見篇咁樣既新聞, 真係唔打感想都唔得!!有隻雀仔 作曲：阿Bert
填詞：黃偉文
編曲：B.Chan
監製：崔炎德
下雨天 下了七晚成洪水 城內各人也沖去
倦了迫降叢林也被漩渦捲去
大勢趨 洪流下
童年做過的夢已無力再追稚幼貪高騖遠要出去 看天底最大鳥居
若我應暢游雲堆 何事置身污水裡?
原來實情不像所盼又能怪誰
地闊天高任鳥飛 掉進水中怎去飛
但老天 就愛跟我玩遊戲
沒有空間任我飛
都不等於小鳥就要停下來浸沒狂潮裡 漂浮百萬里
夢會醒 被冷水照頭淋醒強在我們會適應
頑強地隨生活低潮另行革命地闊天高任鳥飛 掉進水中怎去飛
但老天 就愛跟我玩遊戲
沒有空間任我飛 都不等於小鳥就要停下來
世事難完美 只能靠自己爭一口氣 不可能滕飛 都展開雙臂
掉進水用我的翅膀游水誰話我們會身葬這裡?天梯塌下仍會活
掉進水用我的翅膀游水誰話我們會身葬這裡?天梯塌下仍會活過去
有隻雀仔跌落水跌落水跌落水有隻雀仔跌落水游水歸去
監考physics + 歌曲分享
今日唔使上堂, 不過要監考hall既physics. o係hall監考無咁悶呢~ 今朝同事約我今日放學之後陪佢去toyota check車同埋去沙田食飯, 我都係話可能去呢, 因為其實唔係好想成日都o係附近食, 因為食到厭厭地.. 監完之後又同影印公司傾卡片既野. 都傾到11點幾. 之後返上去個room度繼續改簿, 改到咁上下就同同事傾計, 傾傾下我覺得好眼睏, 所以就攤o係桌上面合下合下, 合到同事返o黎, 不過我實在係太眼睏太累, 所以無陪到同事去沙田呢. 我仲叫埋另一個同事一齊食飯呢. 所以最後都係o係返平時食開果度食飯, 傾下計, 之後同事就車我返屋企lu.
返到屋企, 把握時間睏覺, 睏到6點幾... 舒服晒... ^_^
食完飯都唔想做野, 可能因為今日星期五啦, 聽日後日都放假, 不過要備定課同改卷呢, 因為聽日後日可能會出街行下, 所以都係做定d野, 改少少卷先...
同朋友icq左一陣, 佢岩岩同完女朋友去台灣旅行呢, 真係開心呀~ 佢仲send左d相俾我睇添, 有一張我都好鍾意的, 係o係"十分"果度影的, 條橋真係好靚~ ^_^ 遲d約你出o黎食飯或者打bowling呀! 不過你問准左女朋友先啦! 哈哈!
白色戀人
作曲：方樹樑 傅珮嘉
作詞：黃偉文
編曲：JAMES TING 方樹樑
監製：崔炎德/JAMES TING
為了愛你個性一早全面的洗去 能忍耐到
隨便你營造我圓或四方的身軀 做你的順眼的仁慈的愛侶
我似你杯中的暖水 照你意思改變下去
只要共你間中仍然可一對
柔情必須似水 才能夠隱藏眼淚
才能容納承受你刺下來的錐
痛在心底裡仍然能平靜似水
覆蓋在面上的顧慮
長期供給榨取 仍含笑包容恕罪
刀鋒一過毫無痕跡惹負累
要是能令你晚些回去做不到
但我都統統吞進去
就當女性賦有堅忍原諒的天性 由天做證
其實你瞞住我陪著那位的溫馨 二百位撞過的途人可作證
就恨自己不長眼睛 有對耳都不太願聽
枉費汗血搏取情人的心領
柔情必須似水 才能夠隱藏眼淚
才能容納承受你刺下來的錐
痛在心底裡仍然能平靜似水
覆蓋在面上的顧慮
長期供給榨取 仍含笑包容恕罪
刀鋒一過毫無痕跡惹負累
要是能令你晚些回去做不到 但我都統統吞進去
一跤栽進水裡 一生和你一對
我有時也恐懼 這掙扎總會累
其實我知這感情已死去
無聊是我仍然想聽到屍體講句
再不應愛下去 為寄望沖一桶冷水
柔情必須似水 才能夠隱藏眼淚
才能容納承受你刺下來的錐
痛在心底裡仍然能平靜似水
覆蓋在面上的顧慮
長期供給榨取 仍含笑包容恕罪
刀鋒一過毫無痕跡惹負累
最後船渡若已經離去任得我 就這麼安躺於這裡
tea + 阿拉麵館 + 打機 + 乖乖
今日要上6堂, 好忙呢, 連唯一果兩堂空堂都去左傾卡片既野, 果個人唔係好掂, 佢一定係改過我d野, 同埋佢word既version應該唔同我地呢, 攪到d野shift晒位, d字型又唔同晒, 仲要佢肯定做過d copy and paste既野, 攪到有幾張卡片既資料錯晒, 傾左足足兩堂再加埋個小息, 仲要我burn過張cd俾佢.. 唉~
今日lunch無人陪我出街食飯呢, 同事唔記得搵我, 自己出左去買飯食, 電話又唔記得帶, 無法啦, 唉~ 之後其他同事見我咁"慘", 就特登陪我去休息室煮左個米粉食, 之後又再上堂啦~ 上完堂o係個room度改左一陣簿, 同事又撩我去食tea啦, 應該係陪返我呢~ 不過我話唔去, 因為好眼睏, 但係幾個同事都叫我走, 所以最後都係走左去同事屋企樓下食tea, 我仲問左同事借左張bowling會員卡呢~ 因為今晚約左朋友打bowling. 同同事都傾得幾開心! 我地咩都講的! ^_^ 又傾bowling, 又傾工作, 又傾朋友~
夜晚朋友約左朋友食飯, 我又約左朋友食飯, 原本唸住去打bowling的, 不過因為朋友肚餓, 所以都係食左飯先, 去左"阿拉麵館", d野ok啦, 個湯包同粉皮都ok, 食完差唔多9點, 所以都係唔去打bowling啦, 去左打機~ 我覺得最好玩都係果個射擊game呢~ 不過驚驚地, 因為都幾多人圍觀呢, 我地又打得唔好呢, 好快就死左啦~ 哈哈! 之後仲玩左幾樣野, mariokart都有玩, 我拎第一呢~~ 嘻嘻!! 打到10點左右, 就返屋企lu..
返屋企既途中, 接到朋友既電話, 之後朋友既朋友都同我傾左幾句, 都驚驚地呢... 因為我已經唔記得左佢個樣啦, 都幾好傾呢~ 仲有, o係電話都聽得出你地食飯傾計玩得幾開心! ^_^
聽到朋友乖乖, 又有好野食, 年尾有bonus, 又有人工加, 我都戥你開心呢!! ^_^ 加油加油!!
謝謝你, 好朋友!
聽日終於搵到人陪我啦.. 其實之前都好想約人架啦.. 因為聽日夜晚唔想o係屋企, 因為我驚o係屋企我會亂唸野唔開心, 起初個好朋友都約左其他人唔陪得我的, 不過今晚突然話可以陪我呢, 好開心!! ^_^ 謝謝你呀!
聽日又去唱k好呀, 定係去打bowling好呢~~?
聽talk
今日去左city聽talk, 都幾悶下, 不過無辦法呢, 要進修嘛.. 早上好開心有朋友叫我起身~ 嘻嘻! 但係我都賴左5分鐘床呢, 最後去到都遲左15分鐘~ 由於今朝自己整左早餐 - 火火退芝士三文治, 去到坐低就食啦.. 可能係自己整既關係, 所以硬係覺得好食d呢~ 哈!! 之後放lunch, 去左computer room度玩左一陣icq, 睇左一陣報紙, 又download左學生d report落o黎唸住改, 但係時間都差唔多呢~ 所以都無改到. 下午都繼續聽, 聽到四點鐘, 就提早左半個鐘走, 走既時候去左又一城行左一陣, 行左去馬莎幫媽咪買野, 好衰唔衰, 平日唔請假, 一請就俾人撞到我行街.. o係馬莎行緊既時候見到miss tang同埋佢老公, 佢地買左好多野呢, 一個超級大既it袋, 我問佢係咪sale, 佢話係, 所以我就忍唔住都行左去it行左一陣, 不過都無買到呢~ 因為唔鍾意, 同埋都唔平的, 而且我之前都有買左衫, 所以好快就走啦.. 返屋企上網, 睇左d手提電話既theme, 都有幾個鍾意的, 不過我唔整得呢, 因為我屋企電腦無bluetooth同埋ir, 今日o係city既cutprice度睇, 百幾蚊一個二合一bluetooth同埋ir, 不過呢d又唔係必需品, 所以都唔想晒錢買呢~
新年o黎緊啦, 我想儲錢呢~ ^_^ 儲好多好多錢, 第時一定有用呢~ 呵呵!!
卡片 + 睏覺
今朝唔願起身, 因為未睏夠呀, 所以最後都係遲左起身~ 今日有三堂, 仲有我今日打左電話俾影印公司叫佢o黎拎d卡片稿, 我今日已經去到最後果刻先burn cd架啦.. 點知都係仲有同事要臨急臨忙話要加, 我已經燒左啦嘛, 而佢又咁遲先俾我.. 不過我都係今日第一次re-burn隻碟, 原來得架喎.. 但係我果隻只係cdr o黎咋喎, 我用nero選delete左一個file, 再add返個file, 點知得喎.. 唔知點解呢~ 之後就同影印公司傾, 傾完佢話可以後日俾稿我睇呢~ 真係快~ 仲有, 我俾埋中三既physics notes佢印, 順便呢~ 因為考完試就要用啦..
今日下午無堂, 所以可以早返屋企呢, 食完飯同事就車我返屋企啦~ 嘻.. 唔使行~ 返到屋企就睏覺啦... 睏左兩個幾三個鐘, 正呀! 不過好似好懶咁, 咁早放工都唔做下野... 今晚要做既野都好多, 要同兩三個學生改佢地d report, 又係cit果d, 因為佢地話改左d野, 叫我幫佢睇下. 仲有就係備課, 備定後日果d. 因為我聽日請左假去city聽talk, 個talk係關於新高中maths的, 聽全日, 我唸聽日都係一個人食lunch架啦, 不過可以唔食呢~ 我可以o係city既library睏覺或者做下野呢~ (因為我仲有學生證) ^_^ 下星期就去ied聽, 不過就無得去library啦..
今日個同事又再問我一次, 問我仲讀唔讀, 仲話我讀佢讀... 我話我讀, 之後佢話好啦咁讀啦.. 但係我其實feel到佢已經唔想讀的, 佢之前都問過我幾次架啦, 雖然我果時都有d猶豫, 不過我最後都係話讀的.. 所以我今日答多左一句, 如果你唔想讀既話都唔緊要的, 我..都..可..以..自..己..讀..既.. ~_~
呵呵.. 成功!
夜晚去左上水智能身份證中心, 小貓三幾隻, 個亞叔仲好好招呼添~ 差d想問我地幾多位飲咩茶咁...之後去左好多人既地區食飯, 不過食飯果度無咩人呢, 周圍黑媽媽的~ 我成功左偷偷地xxxx呀~ 呵呵!! ^_^ d野好唔好食唔係最重要的~ 最重要係.... 呵呵....
不過可能今日返屋企之後無睏到覺, 所以的確有d累, 唔好意思呢~ 但係我真係好鍾意挨住睏, 我唸我真係睏得著的~ 走既時候同事打電話o黎叫我整卡片, 因為我講到明今日係deadline, 所以佢就臨急臨忙咁打o黎叫我整, 都算啦... 職責所在... 但係我真係唔係好鍾意o係non office hour既時候同事叫我做野囉... non office hour應該係私人時間o黎架嘛...
今次記得拎左蘋果醋俾朋友, yeah! 多謝朋友送既"雞泡魚"公仔~ 我會玩的!
電腦展 + 行街 + 唱k
禽日同朋友去左電腦展, 都唔算太多人, 不過d野就唔係好岩我地睇, 可能係因為我地無咩野想買, 所以行左一陣就行完lu~ 印象中淨係記得一個$168既貼紙數碼相機, 細細個, 幾得意的, 不過都無咩用的.. 仲有見到好多mon, 好多printer, 好多promoter...
去完電腦展之後就去左旺角, 朋友話想知道教協點去, 叫我教佢去.. 朋友真係搵"岩"人問啦... 旺角入面, 我最識去既地方就係教協同埋搭返屋企既巴士270A, ^_^, 不過都搵左一陣方向呢~~ 已經叫好好架啦... 我原本無唸住買野的, 只係唸住帶朋友去, 點知.. 都係忍唔到手, 買左兩包朋友話好食既吉百利朱古力cookies, 舊cookies入面有溶溶地既朱古力... 嘻... 仲有兩包番茄味既甘大滋... 算少呢~
之後就去左旺角中心同埋新之城, 買左兩件衫, 朋友想買耳環, 買完之後就去neway唱k lu, 不過我地既時間未到k buffet, 所以我地只係唱happy hour, 但係可能岩岩去旺角中心選耳環果度好焗, 個頭好痛好痛, 同埋想嘔.. 所以唱得唔盡興呢.. 個頭痛到我要打電話問d waiter有無panadol, 點知無.. 之後就一路痛一路唱, 我都係睏o係度聽朋友唱歌, 嗚... 好耐無唱k, 唱得唔好呢... 好似無咩氣咁... 點先可以好似以前咁唱得好返少少呢... :(
唱完k八點鐘就去搭巴士返屋企lu... 個頭勁痛, o係巴士度睏唔著, 之後一返到屋企就睏啦, 睏到11點, 就起身沖涼, 之後就傾左陣電話, 1點幾再睏...
但係今朝起身都仍然覺得唔夠睏呢... 嘻...
