你今晚約左佢呢...
我之前既預感果然無錯.. 你今日約左佢呢. cool煲?
要交功課啦.. 但係成日都好眼睏.. 無咩心機做.. 星期六要交啦.. 仲要交兩份.. individual同group..
今日上堂, 有學生讚我今日靚左呢.. 仲有老師都有留意到我. 可能今日我著左件鮮色少少既衫啦. 不過都幾開心. 我都知我好少著鮮色既衫架啦.. 我會試多d架啦. ^_^
今日真係好累, 唔知點解, 個人成日都好眼睏咁. 不過放學之後都睏唔著, 因為屋企成日都好嘈.. 唉.. 再加上今日情緒都唔係幾穩定, 今晚都係早d睏... 早抖...
陸運會第一日
今日陸運會第一日, 做到無停手, 女甲乙標槍, 女丙壘球, 下午就男甲乙標槍, 男丙壘球. 聽日就男甲乙丙女甲乙丙鐵餅.. 不過就要一朝做晒.. 聽日就會好趕架啦..
今日我班有個同學, 佢因為上年跑100米欄既時候, 臨衝線一刻就仆低左.. 所以今日上午點名既時候, 佢已經喊晒.. 好驚今次又會跌親.. 其實從呢件事, 我都好開心心誠既學生可以由以前既band 5變成而家咁樣.. 而家見我d學生咁樣, 令到我唸返好多以前既野. 呢d真係每個人都會經歷既階段. 不過從中你就學到好多野, 起碼學到點樣去克服d心理障礙..
你地畢業lu, 咁又兩年啦..
今日去左同lansoc影畢業相. 我地有5個lansoc人員master畢業, 分別係亞華, 亞jeff, 亞富, 亞基同亞明. 其實我已經有好耐時間去過科大.. 都兩年啦應該. 搭車既途中, 我都喊左幾滴眼淚. 因為唸起以前既野, 始終都係科大過左3年, 有d懷念以前讀u既日子, 有d懷念同你一起既日子. 我好努力咁抑壓住自己既情緒, 唔俾自己咁失禮, 雖然的確有好多野o係科大度發生, 但係我而家所可以做既就係努力, 我一定要努力.
睇見自己既舊同學好朋友畢業, 有d感慨, 自己都已經畢業左兩年, 好似都無學到d咩咁. 不過都好, 我讀埋今年我都畢業lu, 唔係master, 係cert edu. 之後x'mas我仲報左學急救. 我想學急救好耐架啦. 不過之前都搵唔到人陪我. 今次終於下定決心去報呢..
Anyway, 恭喜晒你地, master畢業都唔簡單架!! 我都要加油!
之後去左南北小廚食飯. 都有傾下計, 不過我心情始終都唔係幾好. 都係同亞van同亞wing傾下計咁, 食下飯咁. 之後就同佢地一齊搭91m走, 再同raymond, 亞頂同richard搭277x返粉嶺lu.
仲有, 今日知道左一個消息, 都幾意外, 原來lansoc有人拍拖呢. 恭喜晒你地! 不過我所知既, 今年都係比較多人分手.
