病 + shock + 有人走
之前一個星期去左見Dr. Li傾defer個master既事, 都決定左, 就唔好再唸啦. 希望啦啦聲做埋d手續先. 搵左校長寫左封信, 不過有dd唔開心, 就係竟然串錯左個名... 真係唔岩...所以今個星期都無返cityu上堂啦, 因為每一日都好累, 呢幾日都病病地.. 今日放學原本唸住早走, 不過等埋同事所以又係咁晏, 唸住咁晏都係唔睇醫生, 不過同事都係勸我早d睇左佢, 早d好~ 所以最後都係去左睇醫生, 都等左成個鐘呢.. 又有一大堆藥, 同埋醫生開左四日假俾我呢... 星期五六日一... 好似多左dd.. 不過我都係睇下聽日起身既狀態如何先, 真係好唔舒服先請假~ 我同左醫生講我覺得好大壓力, 醫生叫我最好做運動o黎減壓... 仲print左張野俾我教我點減壓... 唔知有無用呢~
星期六約左miss fok既朋友食飯, 而家個人都病病地... 都唔知果日仲去唔去到呢...
呢個星期開始左我既新時間表, 有兩日得一堂, 其他都係一日上5,6,7堂... 最辛苦係day 6, 因為四種堂都有齊晒... 即係我前一晚要備晒4樣唔同既野... 仲要第二日係無得休息咁滯咁上晒d堂.... 唉.... 下星期一就係啦.... :(
夜晚亞哥打電話o黎屋企, 收到一個都幾shock既消息... 唉... 真係只可以嘆係"人生不如意事十常八九", 問題係你遇到未... 一間公司既人事關係真係可以複雜到咁, 不過你千其唔好放棄呀. 你係得架! 當我收到你既cv既時候, 我真係覺得你既cv好grand, 8頁既cv, 對我o黎講真係都算係目不暇給! 記住, 唔好放棄自己! 你背後有好多人撐你架!
唉, 點解呢排咁多事發生咁既, 前幾日又收到消息, 學校又會有人走, 11月就走, 真係快, 因為果個老師唔做lu... 唉... 雖然我唔係好清楚好清楚果個老師走既原因, 但係我唔係好鍾意果個老師而家呢個時間決定走囉, 你可以話我唔理解人既, 不過我覺得, 呢排學校咁多事發生, 點解仲要有人加多d事上去呢, 好似令到個個個心都唔係好安樂咁, 個心好唔安定呢. 今年都算係好差好差既一年...
posted by Mandy @ 10:41 PM
1 comments
