聽talk ~ 病假
今日係聽talk日, o係救恩聽, d同事話我知今日講既野我之前都聽過, 都係講通識果d啦, 有d人o黎分享下經驗咁.. 不過今日都係我既病假, 所以o係屋企睏到11點幾先起身.. 今日感覺好d啦, 不過半夜都有d頭痛, 唔知係咪因為我禽晚無食止頭痛餅呢.. 唔會咁見效卦..
起身無幾耐就做野lu, 改中四卷, 佢地都測得唔係幾好呢. 可能時間唔夠啦, 不過佢地溫得唔熟係事實~ 又要唸下辦法tum下佢地讀書啦.
改到兩點幾, 手痕痕打左一陣機, 同事又打電話俾我呢.. ^_^ 都係問候下我咁啦, 睇下我好d未呀, 睇下我起左身未呀咁啦.. 打左一陣就無打lu, 一o黎因為打唔羸, 二o黎佢都有d眼睏~ 唔知今晚有無機會再打過呢~
o係屋企聽返twins既concert, 真係幾有氣氛, 好聽就唔好聽架啦, 不過d歌唔錯既..
夜晚又有d唔舒服.. 唔係係肚痛定胃痛... 又係有d想嘔... 不過我都係無理佢, 應該無咩野卦.... 打左陣機, 輸左呢... 嘻... 原來icq既用途就係睇下人地o係唔o係度...~~ 哦~~~
今晚係甜酸爺爺大結局, 唔知你地贊唔贊同一句說話呢, 拍拖最開心既事就係為對方全心全意咁付出, 我都幾同意既.. 就算唔係拍拖, 鍾意一個人都係, 當你鍾意既人需要你既時候, 你可以為對方付出一分時間, 我都覺得係值得既, 雖然有時會有唔好既感覺 - 例如: 利用...
真心真意咁付出, 唔好太過顧慮一d外在既野, 俾你鍾意既人光明正大見人係好重要既!! 如果兩個人要好顧忌呢野果野, 又驚俾邊個邊個睇到, 又怕俾邊個邊個撞正, 咁兩個人都會好辛苦, 尤其係鍾意對方多d果個人, 而呢個人通常都好似會係女仔...
P.S. 突然醒起, 原來仲有人記得游水呢回事.. ^_^
中毒? No..
禽日朝早返學已經又頭痛啦, 仲係好痛果隻, 一路捱完晒7堂, 先得閒同d同事講我發生左咩事, 佢地都話我懷疑中毒呢.. 又要留院觀察三日, 又要拎包暖包去化驗等等, 不過佢地o係度係咁笑呢.. 我果時仲好頭痛, 之後佢地叫我去急症室, 好彩有黎sir陪我, 去到北區醫院好多人, 所以無睇到, 之後去左何永強醫生度, 果時3:30, 佢4點先開診, 個姑娘都話唔可以俾我睇先, 不過我果時好頭痛, 同埋想嘔, 就唯有挨o係牆度抖, 果時個頭痛到好利害, 痛到想喊... 不過都忍住..
到我睇果時, 何醫生既態度都唔係幾好... 有d輕佻, 佢話包野應該唔會係d咩劇毒, 點會毒死人呀... 佢o係度搵左個電話, 話如果我得閒無野做又睏唔著既就打去問下喎, 係中大既drug poisoning既, 咁即係咩意思姐.. 係劇毒既就死左啦, .... \ . / 之後佢同我check左陣, 佢話我喉嚨發炎, 淋巴腫脹, 腸胃唔係幾好, 開左一大堆藥俾我, 仲俾左3日假俾我添... 叫我休息下..
出到去, 黎sir好緊張問我點, 其實我都唔係幾好意思, 要黎sir陪我去睇醫生... 唔好意思呀...
返到屋企, 啦啦聲嘔晒d野出o黎, 食晏果d野嘔晒出o黎... 之後就食藥, 果時5:30左右, 之後就睏啦, 睏呀睏, 睏到食飯, 都係老豆買飯盒俾我食, 食完之後再睏過... 連大長今都無睇到呀.. 其實我醒過好多次的, 不過都係無意欲起身... 之後睏到11點幾, 有同事打電話o黎問候我, 之後傾左一陣, 見個人好似醒晒咁, 就起身打左一陣機, 打到1點多d, 就又睏過啦, 睏到今朝10點半到... 而家無咩頭痛啦, 多謝各位同事關心... 黎sir, 李sir, 呂sir, miss tang, miss cheung, miss fok...
唔該晒呂sir同李sir幫我請左3日假... 唔該晒...
同事話我原來我係咁唔識照顧自己.... 唸落唸落, 都有d係.... -___-""""
同事話今日可以幫我o係學校拎d書俾我, 點知佢唔記得左.... 唉..............
暖包包的液體
今日7堂呀, 都好累呀...
禽晚老豆俾左兩個暖包包我, 可以再用的, 所以今日返學既時候就試下啦, 個包包凍左啦, 咁佢教我要放o係熱水度叮30秒, 咁我咪拎自己隻杯放d熱水, 然後放個暖包包入去叮啦, 點知個包包穿左呀, 嗚... 好彩另一個無咩事姐... 但係之後, 我唔記得左, 竟然飲左d水呀.... 真係大鑊呀....
放學後我就留o係個room度改簿, 但係個頭就開始好痛好痛, 之後無幾耐就肚有d痛, 但係個頭就越o黎越痛, 無幾耐, 就有d想嘔啦.... 果陣時就醒起唔知會唔會係因為我飲左暖包包入面d chemical... 個暖包包既原理係咁既, 液體入面有一塊鐵片, click一click個鐵片, d液體就會即係變做晶體, 而且仲發熱添... 我開始有dd驚... 唔知o係我胃入面既"液體", 會唔會都結成晶體, 令到我頭痛肚痛又作嘔呢....
好衰唔衰, 又落毛毛雨, 唯有自己"中"下"中"下咁返屋企, 返到屋企攤落床個頭仲痛... 好辛苦呀.... 同事仲打俾我, 總知等多一陣坐佢車返屋企啦... 而家唸起, 如果當時有d咩"e肉", 我就暈o係街度架啦....
夜晚同個friend傾計, 我唸我可能係中毒呢.... 好恐怖呀.... 夜晚打機呢... 呵...
灣仔之旅
今日星期一正式上堂, 不過係特別上課時間, 即係短dd既, 今日中三computer唔係我教, 所以今日唔使乜上堂咁滯, 第一堂又轉左去聽日既最後一堂, 因為今日day 6嘛.. 但係聽日同後日就慘啦, 兩日都係7堂呀, day 2仲有4堂中四, 3堂中三添, 唔知教咩好呢.... -__-
今日一放學就差唔多即走lu, 因為天氣實在非常寒冷, 再留耐d我驚會變雪條呀... 走左之後同同事去左灣仔轉左個圈, 哇, 我真係好耐無呼吸過灣仔既空氣呢, 可以講得係完全唔識路架... ^_^ 哈, 開心灣仔之旅... 返到o黎屋企食左個tea, 因為我餓呢... 之後就返屋企睏大覺lu... 哈!!!
西灣河
今日去姨媽度拜年, 表哥話我瘦左又靚左呢... 呵呵...
今日又係坐亞哥車去姨媽度, 媽咪話完佢之後, 佢就收歛左好多啦, 無再開得咁快, 但係脾氣仍然唔好, 佢仲好得意咁話上次起碼開到有140... 真係無聲出...
今晚去左筲"機"灣, 越華會食飯, 都幾好食呀.. 不過就好累啦...
聽日又返學啦, 不過梗係都要打返鋪機先啦...
