中大interview + 愛慕一個人的方式
今日去中大interview個master, 好唔掂, d野又深又難, 科科都係符號o黎既, 仲要個professor勁串, 佢話俾我一個半月時間我睇書, 考下我既睇書能力, 要我睇real analysis既50頁, 之後個半月再向佢報告我識左d咩, 我明幾多咁... 都痴線架, 我都未知你收唔收我, 仲要我睇50頁書, 再同你報告?! 傻架, 如果我睇完50頁, 報告完你唔收我, 咁我咪晒晒d時間? 從佢咁既講野語氣, 我就估到佢根本一d都唔會體諒part time既同學. 所以我今日in完之後就已經好快可以決定到揀cityu讀. 講真, 如果有得俾我選, 我選hku都唔會選cu. 因為真係覺得cu好唔得, 係d人好唔得, 一d基本禮貌都無, 身為professor都無禮貌, 真係有d離譜!
今晚睇左兩個鐘既大長今, 學到一樣野, 就係愛慕一個人既方式. 我唸我都要轉變一下我愛一個人既方式, 唔應該再好似以前咁樣.
飲管樓閣設計大賽
今日放學之後係我期待左好耐既飲管樓閣設計大賽, 都幾開心呀, 我班3a嬴左冠軍同季軍, 3e就嬴左亞軍, ^_^ 嘻, 兩班我都開心, 3e係我教的呀~~
今日同你多左幾句, 我都唔知呢d係咪叫好既進展, 不過都唔輪到我擔心.. 有時d野要雙方面的, 我都知.
我對於我地既關係感到好失望.
連續幾日都好唔開心. 其實我都好想解釋, 但係我擔心會變左你眼中既掩飾, 所以我無出到聲.
事緣前三日左右, 上午既時候, 我班既一個同學, 佢不斷咁向我同另一位班主任講大話, 做左好多欺騙既行為, 包括講大話, 係大話"琴"大話果隻, 仲要一路以o黎既通告, 測驗卷等等都係佢冒家長既簽名的, 以往既家長信(解釋佢果d假既頭暈唔舒服)全部都係佢自己作出o黎, 然後又係佢自己簽返的.. 由於我要同另一位班主任同另一位英文科老師商量, 又要一早搵潘主任同盧sir"捉人", 又要聯絡家長, 今日仲見左呢個家長足足差唔多兩個鐘, 所以我忘記左我要搵我班的學生幫手做飲管樓閣個board. 我想去補救, 但係已經無機會. 我唔知我係咪俾左一個"唔想做野"既感覺別人, 但係我真係無咁既意思, 我好唔開心, 唔開心自己竟然咁易唔記得野, 但係都同時唔開心別人既一句說話, "親力親為"呢句說話, 我覺得好難受. 我個個都唔幫, 都唔會唔幫你, 由始至終, 我都唔係一個咁既人. 我以為你會好明白你o係我心目中既地位, 我真係好痛心你說出一句咁既說話俾我聽. 我對我既無心之失好內疚, 但係我並無唸過唔去做呢樣野, 就算我唔係你既朋友, 我都唔會唔做, 因為最起碼, 我知道自己既位置, 我係物理科既成員之一, 呢個係我既責任. 更何況係你?!
我唔知道我咁樣唸係咪唔岩, 係咪唔合理, 但係我承認我好失望, 對於我地之間既關係好失望! 對於我地之間既友誼好失望, 我o係你心目中竟然係一個咁樣既人. 我個心好唔舒服.
好想好想
今日放學, 因為experience同age既關係, 好有以前既feel... 好想好想...
你會唔會做人地既後備甜心?
12點幾起左身, 又唔想做野住, o係度睇網頁, 睇到有一句: 「你會唔會做人地既後備甜心?」我都唔識答... 心入面梗係唔想啦, 我唸如果有得揀既話, 有邊個會鍾意做後備呢, 有邊個會唔鍾意做正選呢? 呢d就係"理智"話俾我知既野!!
