Daisypath Anniversary Years Ticker

Saturday, April 01, 2006

"在世界中心呼喚愛" 之 2

"可以請你緊緊的抱住我嗎?"

posted by Mandy @ 10:44 PM 0 comments

"在世界中心呼喚愛"

今日12點幾起身, 懶左一陣床, 只係一陣咋~~ 之後就上網睇報紙, 又按摩左一陣, 同埋做呼拉圈, 做做做, 加油! 之後就睇"在世界中心呼喚愛"既電視版啦... 睇左兩集, 已經喊左一次啦~~ 嗚嗚...

"我比較喜歡這種關係, 不管是髒兮兮的地方, 或是狡猾的個性, 還是無可救藥的缺點, 我希望兩人的關係, 可以連皺紋或髒污都喜歡, 所以你也是保持原樣最美了"
"鼻子下長青春痘也行嗎?"
"可以"
"腳起繭的話呢?"
"香港腳我也ok"

好感動呢~~ 不過睇到最尾果句, 就不禁笑左出o黎呢~~~ 哈哈!!

前日同朋友食飯果度... 又唔記得講... 係同朋友個名一樣架... 嘻嘻!! 真係特別好食... 唔知有無一間野叫Mandy's既呢~~~ 仲有去左試Osim同Oto呀, 幾得意呢~~ 不過Oto個sales唔係好掂, 咩都唔知咁... 我唸如果真係有恆心keep住做, 應該都可以keep到fit d既~ 但係, 都係太貴啦~ 唔抵! ^.^

posted by Mandy @ 6:45 PM 0 comments

Friday, March 31, 2006

監考 + 中三長跑日

今日好累, 全個上午要監考, 第一次做A Level既監考員, 有d緊張呢, 要抄寫佢地既考生編號, 仲要派果d label, 因為而家考評局要scan卷, 所以比起以前就多左要貼label呢, 都幾順利, 仲有早餐(波羅油)食, 不過因為我一早食左麵包, 所以我無食到, 監考真係好悶好悶... 又唔傾得計, 好悶好眼睏...
11點45分監完, 就拎左一個波羅油返上room食, 當lunch, 我真係好耐無食波羅油呢, 雖然好肥, 但係我真係好多年無食過, 所以最後都食左呢~ ^_^
lunch後就同中五對maths mock卷, 對左a(1)同a(2), 又傾左一陣計, 影左幾張相, 之後我就要同3a出去長跑啦... 嗚... 我既求雨計劃唔成功呢... 一定係朋友無跳求雨舞唔夠誠心啦... 嗚嗚... 由於我partner"又"有事做唔o黎得, 所以又係得我一個班主任, 上車果陣, 竟然... 校長坐我果架車... 唉... 真係受寵若驚!! 佢不停o係度同我傾計, 都幾多野傾呢, 咩都講~ 搭緊車既途中, 見到有個年輕媽咪o係度踏單車, 個bb仔就坐o係佢後面既一張凳仔, 伏左o係媽咪既patpat度睏緊, 好溫馨呢~~ 我都唔知仲記唔記得點樣踏啦... 好多年無踏過~~ 不過o係海邊睇見呢個畫面, 真係好sweet呢~~ 去到之後成級人又係o係度做熱身運動, 都幾開心呢, d學生係咁叫我mandy姐呢... 之後就開步跑啦... 好彩我lunch時食左粒止暈止嘔丸, 搭車時又不停同校長傾計, 所以無咩頭痛... 我無跑到, 只同另一個老師行, 點知校長又跟返我地一齊行... 又係o係度傾計, d風景都幾靚呢, o係條堤壩度行, 望住個海, 幾好feel呢~~ 行到一半我地就折返, 行返返去, 返到去就同佢地寫名次, 我地班都唔錯呢~~ 30名內既男仔同女仔, 我地班都佔左7,8名呢~~ 只係d名次多數o係晒20左右之嘛, 唔錯架啦... ^_^ 之後頒返獎就搭車返去呢~ 搭車, 又係同校長一架車, 我好累呢... 不過我一路o係個心同自己講... "校長坐o係隔離呀... 唔好睏呀..." 我有意識既都係講左幾次.... ~_~" 之後就一路o係度中眼睏啦... 不過我feel到校長好似又想傾計呢, 但係我頂唔順啦... 所以都睏左一陣, 好彩船灣淡水湖o係教育學院入d, 唔係好遠, o係大尾督左右, 好靚呢~~ 有機會想同朋友去bbq或者行海邊呢~~ 嘻嘻!! 唸起就開心~~~ yeah~
返到學校, 個頭開始有d痛啦... 坐左一陣先走, 因為同事叫我唔好即刻走, 驚我行到半路暈, 咁我坐左十分鐘就走啦... 等埋同事車我返屋企~ 今日無行樓梯啦... 因為隻腳好痛呢... 應該係前幾日未習慣行樓梯呢~~ 不過我要加油呀! 唔好半途而廢呀~~~ ^_^

禽晚出左去食飯, 唔記得講... 嘻嘻... 好開心... 朋友... 話我................................... 瘦左呀!!!! 呵呵!!!!

posted by Mandy @ 8:18 PM 0 comments

Thursday, March 30, 2006

小強

夜晚去左佐敦食飯, 果間野既情調都唔錯, 不過"小強"就有d大煞風景... 仲要好大隻下... 都幾嚇人...
唔知點解, 而家好似越o黎越食得少野, 好似好容易飽咁, 同埋有個感覺, 食左一陣就已經好似食左好多野咁, 奇怪... 唸起以前既我, 都幾食得~ :P
原先唸住食甜品的, 不過最後都無食到, 好飽呢~ 下次一定要食到~~ 不過時間過得好快... 要走lu... 搭巴士返屋企, 撞到朋友, 打左個招呼, 之後就休息左一陣~~ 去左公園坐坐呢~~ 心情... 有d忐忑...

聽日要o係學校監考AS Level中國語文及文化科, lunch後要招呼班中五呢... 因為佢地考完mock啦~

posted by Mandy @ 11:59 PM 0 comments

行樓梯3

今日無食lunch, 因為唔餓, 放學有中三既選科講座, 要set hall, lunch既時候副校突然同我講話一陣間既講座要我上台講野, 講下會考電腦既課程... 有d緊張, 即刻去考評局既網print份syllabus出o黎睇, 又寫低左少少野... 上台講野都有d驚呢~
4點幾返屋企, 今日又行樓梯, 好累呢.. 行到7樓已經覺得好累... 又覺有d餓... 辛苦~~ 心唸仲有2/3未行, 有半秒既時間猶豫過, 不過最後都係意志嬴左~ ^_^ 返到屋企就沖涼, 一陣出街食飯呢~~ 嘻!!
聽日中五返o黎對卷啦~ 唉... 佢地考得咁差, 我唸復活節都係要返o黎補課架啦... 一唸到呢度, 就唔開心啦... 嗚嗚...

posted by Mandy @ 4:47 PM 0 comments

Wednesday, March 29, 2006

激氣 + 結婚禮物

今日有d頭痛, 好似有d作感冒, lunch有老師交流會, 今次做sharing果個"老師"一d都唔掂, 好無交帶, 要用電腦又唔早出聲, 仲要係佢o係臨開始先同個主持人講, 然後係個主持再同我講, 好唔掂囉... 仲要係果個人完全無直接同我講過一句要用電腦既說話, 最後用完晒之後, 竟然仲要係個主持人同埋校長唔該我, 佢一句說話都無出過... 真係不愧為名副其實既"唔禮貌" + "唔掂當"!
夜晚約左朋友去沙田食飯, 去左食咖哩呢~ 都幾好味, 不過就好飽... 傾左都幾多計~ ^_^ 開心~~ 仲有, 買左禮物俾之前結婚既中學同學, 聽日可以打電話約佢食飯呢~~ 買左swarovski既水晶, 係bb車的... 好得意呢~~ ^_^ 起初都唸住買水晶, 不過驚好細粒唔好睇, 所以就唸有無d電器禮卷果d買, 不過最後見架bb車都幾可愛, 所以就買左呢~~ 祝中學同學新婚快樂! ^_~

復活節就到啦... 朋友book左去旅行呢... 我真係要plan定做咩好先... 嘻嘻!!

posted by Mandy @ 11:47 PM 0 comments

Tuesday, March 28, 2006

飲管羅馬炮架比賽 + 行樓梯2

今日做大"H"監考, 竟然有人想出貓, 真係大擔, 好彩個miss同我攪掂左~ 今日lunch無食飯, 淨係食左幾塊餅乾, 因為個胃仲係唔係幾舒服, 又唔餓喎... 同朋友icq左一陣, 傾開d野, 有d奇怪既感覺... 唉...
放學攪物理科既"飲管羅馬炮架比賽", 開始前同同事去set場, 好熱呢~~ 之後就o係果三個課室度睇下d學生整成點, 都幾俾心機呢~ 好開心見到呢d情況, ^_^ 之後比賽果陣, 佢地都好努力, 不過見到我班既同學好俾心機整, 但係個result唔係幾滿意, 見到佢地有d沮喪, 但係又唸唔到點樣安慰佢地... anyway, 佢地都要係時候學下從挫敗中學習呢~~
做完晒都4點半, 執埋野差唔多5點, 同事車我返屋企呢, 我見我狀態都ok, 所以.... 都係去左行樓梯... 又係好喘氣... 返到屋企即刻沖涼... 舒服晒~
媽咪煲左消滯茶俾我.... 救命呀.... 好苦呀.... ~_~"

夜晚食完飯, 睇左一陣中六computer concepts既書... 其實有大部份都係中四五cit既時候教過的.. 不過d野都幾難呢~ 要慢慢睇~
今晚終於睇完之前朋友送俾我既漫畫書, 令我唸返起以前... 心情怪怪的... 突然間好想被人緊緊的擁抱住...

posted by Mandy @ 11:25 PM 0 comments

Monday, March 27, 2006

"奉子成婚"

奉子成婚睇晒啦... 一共十一集... 喊左六次... 好感動呢... 嗚嗚~~~

posted by Mandy @ 11:49 PM 0 comments

唔舒服 + 行樓梯

今日唔舒服, 個胃好似脹住咁, 又有d胃氣, lunch前伏o係書桌度休息左一陣, 一起身就好似積左一堆胃氣咁, 好唔舒服... 應該唔係食滯, 唔知點解...
今朝監考, 聽日又監考, 聽日仲要係大"H", 即係要講野果d... 今日下午同中四既cit同學測驗, 測得差呢.. 得一半人合格... 放學後有專題研習, 班中一小朋友又係要罵的... 罵左一陣, 又罰左佢地, 之後落去睇左我果班同學整飲管, 之後就走lu...
聽日放學有show hold, 就係校內既飲管羅馬炮架比賽, 應該會攪好耐, 希望順順利利啦~
今日lunch時同同事傾開計, 佢話佢瘦左好多呢... 我都要的起心幹... 努力~~ 所以今日放學返到屋企樓下, 由0樓行樓梯行到上22樓... 黑漆漆的... 有d恐怖... 又行到索晒氣... 好~累~ 等我由今日開始, 上午返工出門口同埋放工返屋企時都行樓梯先, 22層樓梯.... 我o黎啦.... ^.^
返到屋企, 無左半條人命, 即刻沖涼... 今日帶左本中六CA既教科書返屋企, 休息左咁多日, 要開始努力備定下年既課呢... 加油!!

posted by Mandy @ 5:27 PM 0 comments

Sunday, March 26, 2006

"奉子成婚"

睇左六集"奉子成婚"lu.. 都幾好睇呢~ 仲有六集~
聽日又要返工啦... 嗚嗚... 我仲未抖夠呀...
...~_~...

posted by Mandy @ 11:22 PM 0 comments

Auto insurance
Braves tickets Orioles tickets