混亂中尋找自己
突然很想堅持用這句說話來做我今天日記的標題.
當你發覺, 一顆針子, 每隔一陣子的時間都用力的, 定時定候的刺你一下時, 你會怎樣處理這些針孔? 或者, 你會怎麼減少自己的痛楚?
1. 等待不聲不響的時間來治療你針孔所帶來的傷痛? 自我安慰?
2. 靜待一天針子不再刺向你?
3. 當針子再次刺向你時, 你一把的抓住它, 使勁的把它丟掉?
4. 當針子再次刺向你時, 你一五一十的跟針子說明它對你所做成的傷害有多深或你的感覺有多差, 看看針子會不會明白你的想法, 從而作出一些調整, 或得出一個結論? (當然, 說出了的後果一切由自己負責)
你會怎麼選擇?
------------------------------------------------------
今日好忙, 下午1點半先吃早餐既麵包, 心情唔好, 好大壓力..
今日中七考ca既mock同tas, 我都未停過做野, 連同同事講笑既心情都無晒呢~
朋友呢排比較忙, 但係都抽左時間出o黎見面! 食糖水, 德興火鍋, 同埋下午茶, 謝謝朋友接我放工..! ^_^ 我很開心!!
激氣
今日放學有專題研習同埋講座, set完野之後就去課室會見我班中一活潑又可愛既學生~ 佢地今次要傾問卷設計~ 佢地d問題都幾得意的... 不過真係好嘈... 同我partner同一個room果個同事又走鬼左去... 仲要我幫佢看埋佢果兩組~ 過份~
完左之後即刻返屋企, 因為要幫朋友做d野, 不過好大雨呢, 但係都無法, 我都無帶傘, 所以就冒住雨咁衝返屋企~ 成身濕晒~ 返到屋企就幫朋友做野, 之後就改卷, 改到6點幾, 就上床睏覺啦~ 但係都睏唔著, 可能太凍既關係啦, 我只係蓋左一張薄被, 咁我又懶得起身去拎張厚被, 所以就攪到完全睏唔著... 之後等埋亞哥o黎就起身食飯~
夜晚check email, 激到我呀~ 寬頻電視又收我錢, 今次仲要係二百幾蚊.. 又係我老豆按左個remote選收看果d節目... 真係激死我啦~ 上次已經試過一次幾百蚊的, 今次又o黎... 之後打電話去cut, 點知果個小姐話我知唔可以cut的, 申請左就要睇一年, 無得cut的, 佢仲話一年後如果我決定唔睇既就再要打返電話去cut... 之後佢仲話佢地既服務只限一個月, 所以無得而家cut定的... 真係激死我啦... 屋企人仲要話我, 話唔明我做咩咁嬲... 唔通我連嬲既權利都無咩?!... 激死我啦!!!
改卷改到11點幾, 終於改完啦~ 今次份卷淺左d, 有兩個人唔合格.. 不過聽日考果份pre-mock paper 2就唔淺啦.. 唔知會點呢~
呢排改卷改到傻...
改卷 + Rainbow 6
呢兩日都o係屋企改卷, 佢地測得好差呢.. 成績好低, 不過我唸我今次未必會罵佢地, 因為我都覺得份卷唔係好掂... 本來想約朋友去打bowling的, 不過d朋友們都好忙, 所以都係約唔成呢... 唔知下星期得唔得呢... 好耐未打過呢...
今日check email又收到中七tas coordinator叫我交野既message... 唉... 岩岩先煩完一樣, 又o黎過...
睇返個calendar, 原來成個三月都無假放呢... 慘慘... 要等復活節啦~~
前幾日無聊時開左個now既明星三缺一玩, 今日又試左玩rainbow6... 原來真係好驚架~~ 攪到我不斷地o係個mon面前"裝"來"裝"去... 好似我係賊咁~~ 不過真係有意想不到既刺激... 哈!!
