罵人 + 雀聖
上午補完課, 測左paper 2, 罵左佢地呢.. 我罵既定義係嚴肅地同佢講野... 佢地都靜晒~ 太過份啦, 根本就一d都無溫書, 離晒譜, 再唔罵佢地既話, 之後佢地仲會越o黎越過份, 不過我次次罵人既時候, 都會罵到想喊想喊咁, 今次無喊到, 只係想姐... 我一feel到想喊, 就即走啦.. 希望佢地努力啦! 我只可以係一個支持既角色, 做唔做同肯唔肯行係你地既選擇! 加油啦...
同同事食完飯, 就返屋企, 唸緊睏覺好定係睇戲好, 定係改卷好.. 最後都選左睇戲, 今次睇左雀聖2, 都係麻麻地呢... 不過應采兒好似真係幾靚..
亞will新婚快樂 + 溝仔
禽晚去左銅鑼灣食飯, 去左泉章居, 同上次一樣, 有兩碟雞~ 都幾好味, 不過叫得多得滯呢~ 最後都食唔晒.. 其實今次食飯既目的係, 亞will同埋老婆一齊返左o黎呢~~ 恭喜晒呀! 亞will! 祝你新婚快樂! 其實真係幾意外呢~ 無唸到lansoc最快結婚既係你. 我地起初個個都係估亞van的~~ 哈!! 由於亞will老婆唔識聽廣東話, 所以佢都無乜點講野.. 亞will老婆係純亞台灣人呢~ 見到佢地兩個成晚都拖實手, 真係好溫馨呢~ ^_^ 亞will仲俾我地問問題呢~~ 小毛問左句好正經既問題, 其實呢個問題應該都係好多人既問題o黎既~ 就係, "你點知就係呢個呢? 有咩原因驅使你要同呢個人結婚呢?" 點知亞will又一句名句.. 用普通話說的~~ 可能係得登講埋俾老婆聽呢... "愛情需要什麼理由呢?!"... will嫂塊面即刻紅晒呢.... 哈!!!! 仲有, 都要恭喜richard呢~ 你終於都搵到一個可以使錢使得快d既方法啦... 哈.. 幾秒鐘就幾千蚊~~ 勁呀!~ 原來以前果d換電話呀, pda呀, dc呀, dv呀... 全部都唔算係使錢的呢.... 食飽之後就坐o係度同van傾計, 同小毛傾計... 小毛, 你講野真係好咸濕呢... 雖然我都慣左~~ 哈!! 同你玩不嬲都可以玩到好癲呢~~
仲有一樣野, 就係... 我無唸到今日見到你呢... 見到你都幾意外, anyway, 我無之前咁擔心~ 祝你以後都開開心心... ^_^
食完飯成10點幾lu.. 佢地仲去直落.. 我都想去呢~ 咁開心~ 不過夜啦, 返到屋企都要差唔多12點, 所以無去到啦.. 嘻.. 溝仔唔成功呢~~ ^3^
補課 + 食飯 + "v仔特工隊"
今朝要早起身, 因為要同中五學生補課測驗. 一起身既時候就好眼睏呢~ 測緊驗既時候都幾凍, 因為我唔想關門, 因為一關門可能會比較焗, 我唔想佢地做做下合眼睏呢~ 所以坐o係度既時候都縮下縮下~ 一邊睇佢地測驗, 一邊改中五cit既project... 做得真係唔係幾好... 都幾求其~ 測完驗收到兩個同事既電話, 一個就約一齊食飯~ 一個就約我聽日夜晚做"訪問", 好似係教會傾野分享果d, 朋友一場, 幫得就幫啦... 同同事一齊去食飯, o係佢屋企樓下既餐廳, 好耐未食過呢~ 都幾好味~ 都傾左幾多計, 傾得幾開心.. 傾完之後, 我話想睇vcd, 佢就帶我去睇, 睇左好耐呢, 一路行一路傾一路笑~ ^_^ 睇左差唔多半個鐘, 之後我就買左譚詠麟歌者戀歌濃情三十年演唱會vcd, (因為dvd太貴), 而同事就買左5盒電影既dvd同埋譚詠麟演唱會既dvd, 我仲借左佢隻"v仔特工隊"添呢~ 唔該晒~ 之後就返屋企睇戲... 點知... "v仔特工隊"都幾悶下... 我原本full screen咁睇, 睇睇下, 越睇越眼睏, 就唔full screen咁睇, 又同朋友icq~ ^_^ 真係唔係好掂~
夜晚約左大學同學食飯~ 去銅鑼灣呢~ 好遠呀~~
唔開心
禽晚唔開心... 唔開心自己咁無用, 唔開心自己好似咩都幫唔上忙咁, 我講過我想你好的, 請原諒我直接d講句, 我唔想第時得返我一個, 我想我地有好同埋長遠既將來. 我唔知係咪講得過份或者嚴重得滯, 但係呢個係我真心既唸法. 老實講, 我唔知我應該點樣去對待呢個問題, (或者你覺得呢個根本唔係問題, 但係我覺得係, 我覺得呢樣野係唔好的, 會影響好多人或者事情, 同埋會衍生好多問題), 我好想我地可以一齊去解決任何問題. 我好開心你對我坦白, 真的! 我亦都好希望你會繼續對我坦白, 因為我唔鍾意隱瞞, 我自己都係, 我唔鍾意向任何人隱瞞d咩野, 因為我會覺得好辛苦同埋無必要! 不過如果你唔想講的, 我係唔會迫你的. 當然, 如果你選擇同我講, 我係真的開心. 多謝你對我的坦白! 同時亦都多謝你對我既好! 我會支持你的! 任何事, 包括完成那件事. 我真的非常希望你可以完成那件事. 真的! 此外, 我想跟你說聲對不起, 如果昨天我給了你壓力的話. 記得你說過你有好轉, 不好意思, 我真的不知道, 因為我不可能每天都問著你某個問題. 我怕給你添加壓力. 我不想這樣子. 如果可以的話, 我會prefer你自己想講既時候同我講. 不過我最唔鍾意一樣野, 就係"我唔想你唔開心, 所以無同到你講." 希望朋友明白.
我這只是表達我的想法. 這也正正是我寫日記的原因.
筆記
一首好聽的歌, 一段好有意思的歌詞... 送給自己的!
筆記 周筆暢我看見天空很藍 就像你在我身邊的溫暖生命有太多遺憾 人越成長越覺得孤單我很想飛 多遠都不會累才明白愛得越深心就會越痛我只想飛 在我的天空飛我知道你會在我的身邊回憶的畫面 記錄的語言愛始終是你手中長長的線載著我的想念 飛過了地平線你溫暖的笑臉還一如從前回憶的畫面 記錄的語言你說要忘了學著勇敢一點偶爾哭紅了雙眼 你一定會了解眼淚是我心中另一種 完美
mahjong + 傾計
今日起左身, 又係唔想做野住, 睇左陣報紙, 又睇左新聞, 玩左成千下呼拉圈, 勁! 之後同朋友玩yahoo mahjong, 輸左好多呢, 一路玩一路傾計, 好開心呢! 我地真係咩都可以傾!!
聽日要返工啦... 今日都係做返d野先... 唔係好似好懶咁..
King Kong + 紅磡碼頭 + 計劃未來 + 多謝"朋友" + 樓下
今日出左街, 去左九龍灣睇戲同埋食飯... 原本唸住打埋機的, 唔好意思呀, 下次再陪你去呀~ 去睇左king kong, 好好睇呢... 雖然係3個鐘, 但係時間真係唔覺唔覺就過左去, 我第一次睇錶既時候已經係過左兩個鐘啦... 水準真係幾高, 演員我都覺得ok~ 而家已經越o黎越少可以令到我感動到喊既戲, 呢套我喊左三次... 真係好感動, 同埋好唔忍心隻king kong受苦同埋俾人蝦呢... :(
睇戲既過程中, 食左一大盒爆谷, 好好味, 又食左我特登帶既香橙味朱古力手指同埋kisses朱古力~ 好開心! 好滿足!
睇完戲就去左附近既日本料理, d野都幾好食, 不過d sushi就麻麻呢... 甲起既時候就散晒... 哈!! 仲有軟殼蟹好味~~ 食完飯行左一陣就去左紅磡碼頭睇風景, 都幾靚呢... 我印象中好似未乜點試過夜晚靜靜地咁睇香港既夜景~ 我真係好鍾意夜媽媽望住個天空的.... o係紅磡既天空, d building既霓虹燈好靚, 仲有d閃下閃下既聖誕燈飾呢~ 好浪漫啊!! ^_^
之後就返屋企lu.. 返屋企既途中, 同朋友傾計, 傾左都幾多野, 其實我一直都唔介意講自己d野, 只係唔知點樣講起.. 當然我都唔會無啦啦係又講唔係又講既... 不過, 如果朋友介意聽或者介意講既, 都無所謂既.. 呢d始終都係過去, 過左去既野只係回憶, 我都係當呢d只係我回憶既一部份.. 每個人都有佢開心同唔開心既記憶, 重要既係眼前! 我會珍惜我而家眼前既野, 為身邊人同埋自己既將來而努力! "朋友", 老實講, 我未聽過有人好"實際"咁樣同我計劃未來點點點, 以後既野等等... 今次係我既第一次! 多謝你! 互相了解, 讓我們更懂得令對方開心!!
傾完計之後, 就返到屋企樓下, 嘻!!!!! 嘻!!!!! ^3^
執野
今朝12點先起身, 因為禽晚2點先睏. 起身後無食過野, 因為都唔餓, 玩左一陣呼拉圈, 之後就開始執野, 執左書桌同埋電腦桌, 擺好d野, 抹左d塵, 而家好乾淨! 好開心!
執完自己野, 就執屋企, 執左茶几同埋食飯桌, 仲有電視櫃, 又餵左魚魚, "魚魚, 開飯啦..." ^_^
不過如果要執既話, 仲有好多野要執的, 就係書櫃, 入面有d書應該要掉同埋排靚d整齊d, 仲有應該有d舊notes要掉的... 搵日再執過~
下午出街呢~ ^_^ 食左兩塊餅乾就出門口lu~ 好野!!
做野 + 房
夜晚食完飯更加唔想做野.. 不過唔得呀, 實在太懶啦, 所以就拎起左份pastpaper既paper1睇, 攤左成個鐘先睇得兩題... 其他時間都係同人icq同埋睇forum... 效率好低呢... 唔得, 我要加油!! 聽朝早d起身做野先...
唔知點解, 我真係好希望有自己既房, 由細到大都好希望擁有自己既小天地, 入面全部都係我喜愛既野, 又可以自己去decorate間房既裝飾同埋擺設, 真係好想... ~_~
"童夢奇緣" 感想
原本唸住開工的, 不過都係無做到呢... 選左睇"童夢奇緣", 真係好好睇... 個故事真係幾好, 會令人反省的... 套戲都幾意外, 係意外地好... 黃日華同劉德華都做得好好... 應采兒都唔錯... 大雄既爸爸既情況都好令人感慨, 無咩悶場~ 最後10分鐘真係好感動, 有眼淚的... 整體我會俾85分... ^_^
唔講咁多劇情, 因為有朋友未睇呢... ^_^
食物櫃 +「煙煙勒勒」黑胡椒牛排
今朝起身, 執返禽日買左既食物, 放晒落櫃度, 加埋之前o係教協買果d, 攪到成個櫃滿晒, ^_^
睇左陣報紙, 又睇左陣forum, 見到以下又係關於食既野...
「煙煙勒勒」黑胡椒牛排好似好好味咁...
今日應該o係屋企... 雖然個心唔係好想做野住, 因為仲係holiday mood, 但係都係要做呢... :(
煎爙三寶 + 工展會
今日去左食tea, d煎爙三寶好好味, 我最鍾意食青椒, 魚蛋同埋豆腐.... 食完之後就搭車去工展會, 之前亞哥話好多野食, 原來真係架....
不過我真係食唔到好多野, 好飽呢~ 我地行左好耐, 成個下午同夜晚呢~ 都算幾多人呀~ 睇左好多轉野食, (^_^), 又買左好多野食.. 差唔多全部都係食的~~ 勁呀~~ 行左一轉食既就再行一轉唔係食的... 行完一轉唔係食的又行返去食果度~~ 哈~~ 好多野試食, 不過唔係試左好多咋~ 都無試晒... 不過d茶真係幾好飲, 同埋d果醋都好好味, 不過最衰係玻璃樽的, 好易打爛呢~ 一路行一路蓋印, 之後去抽獎... 點知得個"祝你好運"... 朋友就得到支"保心安油"... 哈!! 唔緊要啦~ 最緊要開心!! 可能個威馬電器或者枕頭係我既呢~~ 呵呵!! 我地一路行, 一路搵果d大公仔人影相, 佢地好得意呢~ ^_^ 行完之後就去美食廣場啦~~ 真係好多野食, 好好味, 不過我地食左唔算好多種野, 食左炸大腸(不過整污漕左d野呢...), 蟹粉小籠包, 灌湯小籠包, 蟹黃翅, 魷魚, 蘿蔔糕, 龍鬚糖, 最後仲食左雪糕, 好好好飽呀~~ 之後就搭車返屋企lu~~
其實朋友送我返屋企我當然開心啦, 因為可以見耐d呀嘛, 不過如果真係太夜既話, 我真係唔介意的! 係真的!
忌廉磨菇粟米湯 + 約定
今朝10點幾起左身, 自己煮左野食, 好好味既忌廉磨菇粟米湯, 食魚蛋, 牛丸, 獅子狗魚蛋同埋蟹柳.. 好好味~ 之後就睇報紙, 聽下歌, 光良既約定好好聽呀~~ 我覺得d歌詞好似係童話故事既延續咁... 好感人..
約定曲︰光良 詞︰光良
說好的 三年不見面
用我們的愛把時間留住
你笑著說這是
我們的考驗我們的約定*就這樣 三年又過了
我還是回到這個地方
閉上眼 等你的出現空氣中吻你的臉
#我還記得
我們的約定一輩子幸福的約定為你寫的那首歌
它也
偷偷的掉淚了我還記得
我們的約定我比以前還更愛你了連那
風都笑我了我想它會告訴你的
我更愛你了Repeat *#
你會記得
我們的約定一輩子幸福的約定為你寫的那首歌
它也
偷偷的掉淚了你會記得
我們的約定我比以前還
更愛你了
迎著風我也笑了
它一定會
告訴你的
我更愛你了
聖誕大餐 + "四眼小雞" + b仔
今日約左朋友食聖誕大餐, 去左佐敦食, 又好味又飽, 最鍾意都係果隻蝦, 之後係個湯~ ^_^ 朋友個羊架都好食, 不過好難切呢... 你已經好叻架啦!! 食緊野既時候叫個waiter幫我地影左幅相.. 嘻~ 好野!
食完野去左行公園, 又影左一堆相呢~~ 嘻.... 睇左一陣燈飾, 之後就去元朗睇戲, o係商場又影左幅相, 哈, 不過有人無memory呢... 今次睇既係"四眼小雞", 嘻!!! 好開心, 好得意, 一路睇一路笑, 仲聽到好多小朋友笑, 個感覺好得意, 好warm, 我幾推介呢套卡通, 可能始終係disney作品, 有返咁上下水準, 不過係驚悶親朋友呢...
睇完戲去左食b仔, 我最愛既腸粉同魚蛋......~~~ ^3^ yeah!!
之後就返屋企lu... 今日好開心好開心..... 我俾10個開心!! 唔知朋友俾幾多個呢?!
P.S. 對不起.... 貓貓, 我會為你祈禱的!!!
多謝今日send過sms俾我, 親口同我講或者打過電話俾我祝我聖誕快樂既人, Lawrence, 亞哥, 舅公, Suki, Richard, Kenny, Thank you very much!! Merry X'mas and all the Best Wishes!!
