一周年快樂
★☆★☆★☆★☆★☆★☆★☆★☆★☆★☆★☆★☆★☆★☆★☆★☆今日心情幾靚, 起身後就換好衫, 媽咪都問我做咩今日返工著得咁靚... 不過我笑笑口無答佢呢~ 嘻...
返到學校d學生都問我做咩, 同事又問我:"你今日去飲呀?", "今日有咩喜慶事呀?", "男朋友生日呀?"... =.=" 另一個同事都話"唉, o係3樓教員室既人真係慘, 有一日著好d姐, 就會係咁俾人問..." d學生都問我做咩今日咁正... 同事又話我瘦左好多... 呵呵... 真說話...
放學後罵左一陣人, 都係講道理果d, 之後4:30就走啦... 嘻嘻... 有好幾個學生見到我地呢... =.=" 果條馬會道唔准再行呀!!! 仲有好唔鍾意個紅燈...
我地第一站係去沙田, 泊好車就去旅行社拎資料, 之後去pizza hut high tea... 好耐未試過啦... o係pizza hut分析好d資料, 都幾貴呢... 最平$739, 最貴要成$1200... 太貴啦... 得果兩日... 不過, 食完tea就去旅行社問清楚啦, 點知... 全部都無晒位呢... 嗚... 我地已經叫幾早去book架啦喎... 唉... 無得去... 無得嘆6x8尺既床添... 而家唯有希望另一個choice能夠成行啦... 有dd唔係好安心... ~_~
之後去左打機, 俾人地掟左兩次"彭彭"... 暈晒... 嗚... 突然間又唔想第時屋企有"彭彭"啦... 哈哈... 玩左好耐, 玩到唔記得時間, 就啦啦聲趕去我地既主菜地方啦... 呵呵!!
去到都遲左, 好彩打左電話去delay15分鐘, 入到去... 我硬係覺得就係上次個位呢... 嘻嘻... 影左好多相相, 終於食到久違了既魚生飯啦... 真係好好味呀!!! 其他野都ok... 不過唔記得左o係魚生飯度拮一枝蠟燭添... anyway, 其實最重要係個環境, 好有紀念價值... 嘻嘻!!! 最後亦都有請到d侍應幫我地影左張相呢... 嘻嘻!!!
食完野都夜夜地啦... 行左一陣間, 就去左月亮頸鍊中心度打機... 又抽唔中"彭彭", 不過原來個"龜龜殼"都幾好飛呢... 飛中左人地兩次呀!!! 呵呵!!! 仲次次都拎冠軍添呀... kee kee... 打完之後就返去啦... 都有d唔捨得呀... 返到屋企時, 原本忍得住架... 最後都有少少忍唔住... 好彩有濕濕衫衫抹呀抹姐... 唔覺既... 唔覺既...
今日有人成日嘻嘻呀... 我見你咪咪咀笑... 所以咪無問過你囉... 嘻嘻...
今日成日都陰陰咀笑呢... 嚇親人啦... kee kee...
★☆★☆一周年快樂☆★☆★
★☆★☆★☆★☆★☆★☆★☆★☆★☆★☆★☆★☆★☆★☆★☆★☆
posted by Mandy @ 11:59 PM
0 comments
