甜蜜海南之旅
第一天:16:00約左男朋友一齊搭巴士, 17:00左右就到左香港機場, o係巴士度已經好興奮呢.. 我地搵港龍既櫃位, 條龍好長呢.. 排隊連攪手續差唔多半個鐘, 之後就入閘啦, 點知唔記得左唔可以帶多過100mL既樽裝液體上機, 我果枝防曬同男朋友果枝黑鬼油就咁就掉左落垃圾桶啦.. 嗚嗚..
之後用透明膠袋載住d唔夠100mL既樽裝cream呀, 洗面糕呀果d, 之後就成功入閘啦, 入到閘食burger king下午茶, 我都係第一次食, 味道ok的, 不過我都係覺得貴左d.. 食完之後去便利店買左一份蘋果日報, 就搭7:10既機啦..
上到飛機, 有奇華既合桃餅, 不過我地唔餓, 所以收埋左無食到, 留返宵夜. 到達三亞鳳凰機場, 辦理入境手續時, 有笑料呢.. 哈哈!! 大家都知道要check行李的嘛, 行李就要放落去個輸送帶度check, 而隨身既電話呀果d就會放落個箱度過輸送帶架嘛, 點知有人放完d電話果d入箱之後, 竟然想拎走呢.. 哈哈!!
攪掂晒差唔多9:30點lu. 之後我地就o係機場出面既地方唸住搭的士去酒店. 點知門口果d的士, 都無司機的, 反而o係附近就有好多人o係度兜搭, 最後我地都係唔係坐的士, 而係坐果d人開既車, 40蚊搭去"三亞灣假日酒店"..
到左酒店, 外貌不錯呢.. 做左checkin手續, 就去商務中心度拎地圖, 點知要俾錢買的.. 10蚊.. =.="
之後我地就上房啦.. 哇哇~~ 好靚呀!!! 間房真係好正.. 我最鍾意個浴室, o係個浴缸旁邊有個推門咁既野可以開的.. 完全係開放式房間, 好正!!! 個落地玻璃既露台.. 個view好靚, 係望酒店既泳池同埋園景.. 我地一入到房就係咁影相.. 真係好鍾意呢間房呢..
安頓好之後, 就搭的士出去食宵夜, 去左"友誼街", 不過俾個酒店門口果個o靚仔呃左我地, 我地想去"勝利路", 佢就叫個司機求其車左我地去一個有野食既地方就算.. 條路好黑下, 我地行左一個圈, 最後都決定食街邊既小食燒烤檔, 兩條腸仔, 兩隻雞翼, 一條粟米, 一條魷魚, 真係幾好味呢.. 一共13蚊.. 之後o係"超市"買左兩包薯片一包蝦片一包花生同一樽飲品, 都係14蚊.. 男朋友仲以為係40蚊添.. 哈哈.. 買完之後都差唔多12點啦, 之後就搭返的士返酒店, 30蚊..
夜晚就真係好好咁享受到間房, 沖個好舒服既涼, 又浸左浴, 之後就睏o係床度睇波, 一路睇一路食薯片.. 正!!
第二天:
我地9:00起身, (估唔到真係起到身), 之後就梳洗同埋落餐廳食早餐, d早餐麻麻地. 食完之後我地就搭的士去"天涯海角", 今次的士係"打錶"的.. 我地估應該係夜晚時就會直接講價, 而日頭就會打錶的.. 今次係16蚊.
"天涯海角"係要入場費的, 130蚊, 我地一路行, 其實都無野好買, 只係買左d貝殼匙扣, 一個椰王飲d椰汁, 都幾甜呢.. 行左好耐, 出左好多汗, 影左好多相, 之後就走啦, 我地搭返的士返酒店, 然後就沖一沖涼, 就要趕搭酒店既車去三亞市啦, 原來唸住搭到三亞市再搭的士到我地下一個目的地"大東灣"的, 點知架車既總站就係大東灣, 所以我地o係果附近食左午餐(其實已經係下午茶時間), 叫左一個"海南雞飯"同埋牛肉餅, "海南雞飯"果然唔錯.. ^_^ 之後就行大東灣沙灘啦. 執左d貝殼, 又除左對鞋踏下d沙, 有好多我地既腳印呢.. 嘻嘻.. 見到有d網床, 我地就睏左上去玩啦, 真係好舒服呢.. 不過原來又係要收錢的, 所以我地又落返o黎, 反正都睏左.. 哈哈.. 行左半個沙灘左右, 我地就去超市買左椰子糖, 椰子糕同埋椰香薄餅, 行到熱, 就o係士多買左magnum雪糕食.
之後就等差唔多日落時間就搭的士上"鹿回頭山頂公園", 到左門口, 都無人既.. 又要俾入場費, 60蚊, 之後就行上山睇日落, 真係行到腳都跛跛地.. 好累呢.. 我地又影左d相, 海南島真係好興o係d石度寫幾隻字就當係景點.. 我地都影左一堆.. 個太陽都未落晒, 我地就走啦, 因為人地d旅行團有車落, 我地無呢, 費事個天黑晒行落山啦. 所以我地就問果度d職員有無車落車, 佢就幫我地問左一個"電單車"手, 車我地落山, 呢程.. 都幾驚險的.. 好彩佢唔係開得快, 司機, 我, 男朋友三個人一齊坐o係架電單車度, 佢既平衡都幾勁.. 個司機粗聲粗氣的同我地"傾計".. 由於我驚驚地, 所以我就用三隻手指扶住個司機, 我都幾驚佢污漕的.. 因為, 行行下車, 佢突然咳咳聲, 跟住竟然拎一拎塊面就就咁吐痰, 我幾驚我隻左腳中蕉呀.. 佢仲吐左兩三次呢.. 唉..
落到去大東灣個"商場"(其實係無野行的), 我地就買左d飲品, 再搭的士去勝利路, 今次真係去到勝利路啦, 因為我地唸住都想試下海南島既出名海鮮, 一路行既時候, 見到有間"肥婆海鮮店", 幾大間, 好似酒樓咁, 都幾多人食的, 咁我地就入左去試啦..
入到去坐低, 我地就一齊出門口叫海鮮, 叫左扇貝, 聖子, 蝦同埋菜心, 都幾好味呢.. 最後我地仲唸緊唔知會唔會有果d"油水"錢, 即係果d煮海鮮既錢, 最後埋單都係138蚊.. 正!
食完海鮮, 行左一陣街, 又睇下d拖鞋, 都係唔岩心水, 之後搭返的士返酒店啦. 今日好早返到酒店, 9:30左右, 所以我地又浸左浴, 又嘆下電視咁, 又睇下波咁, 就好早睏覺啦..
第三天:
今日係最後一日啦, 開始有d唔捨得.. 我地又係一早9:00起身, 落餐廳食早餐, 之後就上返房換泳衣去酒店既泳池浸下, 因為個景咁靚, 唔浸下好似有d晒左, 所以縱使只係浸左半個鐘, 都覺得係好的.. 浸完之後上返房梳洗, 執好晒野, 12:00我地就要checkout啦, 我地將行李寄存o係酒店, 咁我地就唸住o係酒店門口搭巴士去亞龍灣啦, 亞龍灣係最靚既沙灘, 又可以潛水, 又可以玩好多水上活動.. 我地等巴士既途中, d的士就梗係唔會放過我地啦.. 巴士20蚊, 要1小時, 的士50蚊, 半小時左右, 最後我地都係敵不過個的士佬既口水, 就上左佢架的士啦, 沿途佢都有同我地係咁依介紹下, 仲車埋我地去買泳衣, 我地話唔游水, 淨係逛一逛, 我地成程都要應付佢.. 有d又聽唔明佢講乜.. =.=" 我發覺我既普通話聆聽能力真係差過說話能力.. 唉..
去到亞龍灣, 落車就係海底世界, 就係可以玩好多水上活動果度啦.. 我地對於200蚊果個坐船潛落水底睇珊瑚果個都幾感興趣, 不過都係行左沙灘先..
個景都幾靚, 都係藍天同白雲, 水平線, 海水同沙.. 不過d沙就真係好幼呢.. 買左一頂帽子, 因為實在好晒, 禽日o係大東灣已經晒到我紅晒啦.. 我地一路行一路玩沙, 又用木筷子o係沙度寫字.. 嘻嘻.. 不過好快又俾d海水沖走左.. 之後又用腳, 最後都忍唔住要用手堆左一個"城堡"仔.. 有引水道的.. 勁呀!! 不過人地話似一個x喎.. 呢樣x我都有的... =.= 咁都唸得出..
之後去d小食店食左一條魷魚, 一條蝦, 兩條腸仔, 又買多一個匙扣, 就去旁邊既"亞龍灣假日酒店"度食lunch, 都已經係下午茶時間, 我地叫左一個海鮮pizza同海南雞飯.. 兩個都好味呢.. 呢餐就係我地最貴既一餐啦, 164蚊..
坐o係個lobby度, 除左鞋, 放埋隻腳上去張椅度睏, 望住個天空同海, 真係覺得好寫意呢.. 差唔多時間我地就出返去搵亞龍灣既回程巴士, 我地今次唔受果d的士佬既口水啦, 等左一陣就有巴士, 我地上左去, 原來係有個亞嬸o係度收錢同埋問你去邊度, 叫埋你落車的.. 咁我地就o係巴士度放心休息, 又望下風景咁, 雖然架車無冷氣, 但係好大風呢, 都好舒服..
返到酒店, 仲有少少時間剩, 我地就行左去酒店對出既沙灘, 坐左一陣果d曬太陽椅, 果個酒店職員見我地拎住個房間既水樽, 都無問我地呢, 因為正常唔係酒店人應該要收錢的.. 坐左一陣, 之後就去拎返d行李, 就搭的士去機場了..
o係機場.. 少不了梗係有唔捨得.. 三日既旅程, 實得兩日.. 又點會夠皮喎.. 下次一定要去返4日呀.. 嗚嗚..
o係三亞搭返港龍機, 要首先飛返去海口停一停, 做埋個出境手續, 就再上返機食飛機餐, 之後望望下, 仲係好唔捨得.. 嗚嗚.. 10:30先返到香港. 11:00先上巴士返屋企.. 嗚嗚.. 點解時間過得咁快..
返到屋企, 累到七彩, 隻手紅晒, 好唔靚呀!!!! 又那住那住咁痛.. 沖左涼, 執晒袋, 就睏覺啦..
謝謝你, 一手拎兩個行李, 一定好累啦.. *3*
3333333333333333333333333
posted by Mandy @ 10:41 PM
0 comments
