執野
禽晚o係屋企執左電腦桌, 抹左d塵, 掉左d以前既野, 又放好d cd, vcd, dvd咁, 整齊左~ 不過屋企仲有好多野要執, d櫃入面既書同立雜野, 應該都有一堆可以掉的... 不過果d仲未的起心肝執, 一定要o係呢個暑假入面執好晒佢!!
仔細睇左d功課, 又highlight左d keywords, 希望有用啦~ ^_^
今朝原本要同d學生去青衣ive參加比賽, 不過佢地已經好醒目咁自己搵晒巴士去, 又約好晒時間, 所以我當然好放心啦~ 加油呀! 我會精神上支持你地的! 當拎個公開比賽既經驗返o黎都係好的! 11點半叫左朋友起身返學, 之後都睏唔返lu, 一路o係度唸呢樣唸果樣... 朋友聽日去遊船河呢... >.< 要晒黑晒呢... 有wakeboard玩呢, 又有bikini美女睇呢... 嗚嗚... >_<
唔記得講, 今朝磅重... 終於重回之前既磅數啦... 不過我磅果時係有d肚餓既狀態... ^3^
做功課
今日去左陪朋友做功課, 其實都係講解下份功課應該要做d咩, 不過我無做過呢類型既功課, 所以其實唔係好知個要求係點... anyway, 我比較得閒, 唔使返工, 應該可以幫下手既~ ^_^
同左朋友既屋企人一齊食飯, 有成1個月無見呢, 又開始有d怕... 去左出面既酒樓食飯, 樣樣都好好食呢~ 鱔好野味, 隻雞又肥又大隻, 個骨都好好味, d湯都唔錯, 我鍾意飲熱湯呢~...
食完飯就睇左一陣電視, 做15/16呢, 自從亞Lo同曾志偉做左主持之後, 我都未睇過, 今日終於睇左半集, 都ok呢~ 起碼好過森美同小儀做果陣~ 不過... 有人... 一路做野一路睇電視... 唔專心呢~ >.<
之後就返屋企lu. 打左一陣機, 好眼睏啦... 咕咕咕...
好想唔使成日要睇住時間返屋企... *3*
婚紗相
禽日亞哥返屋企食飯, 聽到佢話星期六會同女朋友去深圳影婚紗相, 唔使錢的... 之後就"唉..."咁喎, 老實講, 影婚紗相真係要認定左係人地先好話影, 如果唔係人地認定左係你, 而你唔係認定左佢, 只係唸住唔使錢就去影就無謂... 無謂累左人地... 不過聽到佢話都九成架啦... 咁我都安心d...
打機 + 打機 + 再打機
今日胃口唔好, 中午都係食左細細碗炒飯, 已經唔想食了.. 心情麻麻, 禽晚睏唔著呢..
下午同朋友icq左一陣, 睇左少少亂馬, 就沖涼準備出街. 應承左朋友去接佢放工, 應承左我一定會做的! ^_^ 行出行入睇左dd包包王, 就出門口了.
原本唸住去沙田"百佳"的.. 不過之後轉左去尖沙咀, 原來朋友"有時"都要去尖沙咀加拿芬道出口果間度拎野俾"人"既.. 仲要o係返工時間出街拎野俾果度閘添, 要有特別card先入到架仲要... 真係忙啦!!! =P 激死~~
去左食蕃茄湯茶餐廳, 幾好味呢~ 地方麻麻地, 不過好多蕃茄, 又平平地~ 又可以慳階磚.. ^3^ 之後去左打機, 打左好耐呢.. 比一比打爆機呀!! 料理大師都有進步, 玩完晒架啦, 不過睇唔到最尾果幕咋.. 果d啤牌真係好鬼難玩呢.. 要好熟好快先玩到.. 又要計加數, 激死我啦.. 加數無理由難到我架.. 嗚嗚.. 等我得閒玩下yahoo果個金三角練習下先得.. 仲有, 我地玩左"白寶"同"黑寶", =.=" 好快就輸左.. 仲有泡泡龍.. 嘻嘻, 朋友好咋呢... ^_^
之後去左McCafe食新地, 好耐未食過呢~ 好飽.. 之後仲去左萬寧買野, 用晒d cash dollars啦.. Yeah!
最後去左搭巴士, 下星期開始我要努力做運動... 做gym游水... 今日你摸到果d野, 好快就會慢慢無左架啦... (希望....)
「愛情So Easy So Happy」
前幾日仲好期待既星期六日, 就咁就過左去... ~_~
之前買左d書, 不嬲都有睇開, 不過睇得好慢, 每日可能都係睇幾頁, 甚至唔睇... 睇到一d我覺得幾岩既說話, 我都會寫低落o黎提醒自己...
1. 允許愛侶
看見不完美的你, 允許愛侶看見沒戴面具的真實的你.
2. 在伴侶關係中, 我們以為自己正扮演著善解人意的角色, 做著友愛和高尚的事情時, 殊不知, 有時正是這些決定讓伴侶與我們之間產生了
隔閡和距離.
3.
最全面地表達出真實, 才是伴侶生活的終極目標.
4. 不要畏懼使用
「我們」的手勢和語言.
5. 將伴侶關係放在首位: 同一位相愛的伴侶攜手共創未來, 其組建的主題應是「我們」.我們分享
家人、孩子、朋友、金錢、房子、假期和決定. 通常, 我們有相同的感受, 有時, 甚至有相同的恐懼. 而種種挑戰, 則始終不能脫離「我們」的軌跡. 並且應當牢記: 建立在心靈深處的「我們」才是最強有力的「我們」.
6.
沈默導出了更多
實情, 沈默導出了
不信任, 沈默導出了
漠不關心, 沈默導出了
不尊重, 最為關鍵的, 沈默
延續著疏遠和隔離.
10 vs 0 + 御皇庭
禽晚打winning, 第一次... 10 vs 0呢~~ 哈! 有5球係12碼, 抵死~ 5球都係柏金入的~~ 嘻!! 勁呀!
今朝亞哥打左3,4次電話俾我催我起身去御皇庭整住戶證... 嗚... 岩岩睏著又電話響... 岩岩睏著又電話響... 最後12點3終於起左身去整, 填左張form就攪掂啦... 可以用個人八達通入去... 遲d有心情時可以下午去做gym or游水or sauna呢... ^_^
返到屋企上左一陣網, 之後食左4舊之前去澳門買既紫菜肉鬆鳳皇卷, 就再睏過lu... 睏到5點3醒左... 賴左3個字床就起身lu~~ 因為已經過左鐘食藥, 其實我可以再睏到的, 不過擔心今晚睏唔著, 所以就起身lu... 舒服晒~~
今日都叫有d生產量呢~~
