執歌 + 開火
禽晚執左成晚歌, 將d舊歌入埋新機度, 原來我一共有16.7G歌... 執到夜晚點幾兩點, 好累呢... 不過人地都仲未返屋企呢~~~~!! 哼哼!!
今日唸住都係o係屋企過. 備下課, 出下卷, 聽下歌咁啦... o係屋企都係最舒服既~
中午唸住煎蘿蔔糕同埋芋頭糕食, 老豆出左去同朋友飲茶, 媽咪就準備出去買薯片~ 咁我就話我煎埋俾媽咪食啦, 點知媽咪話... "你都係等我買完野返o黎先開爐啦... 你十指不沾揚春水, 我都係有d擔心你開爐呀... 你等我返o黎先煎啦..." 唉... 我都已經唔係第一次開爐整野食架啦... 點知亞媽原來仲係咁擔心我開火... 做亞媽真係唔容易... 個女廿幾歲人都要擔心佢開火煮野驚著火... =.="
吉吉 vs 桃花
好努力做呼拉圈呢~ 一路聽歌, 一路備課, 一路copy返舊機d舊歌去新機度, 唸住今晚可以繼續執歌呢~~
今日下午老豆買左吉吉呀~~ 嘻嘻!! 好大個~~ 今年無買桃花lu, 年年老豆都買桃花的~ 收花既時候我年年都會o係桃花旁轉3個圈架... 之後就選兩片我最喜歡既花既花瓣落o黎, 然後放o係枕頭底呢~~ 今年無得咁玩lu~~ 嘻!!
睏睏
禽日睏左15個鐘, 好舒服! 雖然係睏左咁多, 夜晚仍然好早就覺眼睏啦... 可能係之前積落o黎既眼睏啦~ ^_^
原本個心仲好定的, 唸住唔使唸要買咩禮物啦... 點知朋友話自己搵朋友買平d呢... 好彩而家知道咋.. 如果唔係就唸唔切啦... =.="
原本唸住禽日o係屋企做野的, 但係一d都無做到, 淨係坐o係床度睇左本漫畫, 又花左好多時間o係度執電腦入面既songs, 執好晒d format同folder, 都整左成日... 之後仲有我d document果d呀... 有排執呢~~ 唸起都覺得煩呢~
今日睏到11點, 之後o係張床度執電話入面d相, 分返晒folder, 之後又要再重新整過果d來電相片... 都整左成個鐘, 之後就起身同屋企人去飲茶~ 好耐未飲過茶啦... 咁食法真係想減肥都幾難呢... 重左啦... 唔得啦... 嗚嗚...
而家日日都硬係要食d薯片先開心, 因為真係好好食呢~ pizza味~ 正!
P.S. "我來自北京"... 道一號.... 呵呵~~~~~
TAS + 抽獎
今日係雞年最後一日返工啦~ 就快要同雞雞講拜拜~ ^_^
今日好忙, 七堂, 一早講足5堂, 喉嚨痛痛地, 不過都幾開心呢, 禽日上中四cit堂時有人食野, 所以今日上堂時佢地要請全班食糖, 當然一定有我份啦~ 嘻嘻! 佢地成日都引我笑呢~
lunch後兩堂係中七database既tas, 佢地好緊張呢~ 不過佢地話好難, 唔識喎! 唉~ 我唸我放假後會啦啦聲教返之前無教到果part, 應該教得切既~ 不過係有d擔心咁啦~~ 因為可能一教完佢地就要考mock啦.
差唔多成4點先攪掂, 由於學生係返埋今日, 所以放學後教職員有個tea既老師交流會, 係3:00開始, 我去到時都差唔多講完野, 岩岩開始食野~ ^_^ d野麻麻地, 不過我唔係好餓, 所以都只係食左d野, 但係食完後都幾飽呢~~ 嘻! 之後抽獎呢~ 好開心呀! 我幫另一個同事抽埋呢~ 我今年第一次抽中左呀~ 有$50百佳禮卷呢~~ 好野!!! 有得去百佳買野食!~~~ 校長對我地都算真係幾好人呢~ 負責既老師搵校長傾既時候, 話唸住拎$1000買禮物抽獎, 點知校長話咁少, 之後就話我地食幾多, 就抽幾多呢~ 咁負責老師話食左$3500, 所以就買左$3500既百佳禮卷抽呢~~! ^_^
抽完食完, 就執野走人, 同事等埋我車我返屋企呢~ 佢仲約我遲d可能去黃金行街呢~ 不過睇下點先啦~ 睇下有無mood呢!
要執好多野呀, 因為我假期唔返工架啦~ 只係o係屋企做野同埋出街, 仲有就係要去聽三全日既seminar, 仲要o係灣仔呢~ 都仲未識去~ 遲d要睇地圖呢. 執左今日中七考既tas卷, 執左一本中七書, 又執左一本中五cit mc, 就走人lu~
返屋企有重要野做呢~! 呢樣野我差唔多放親長假前一定會做的~~ 就係......
.........
.........
返屋企睏覺..... Zzz....
點算...
今日得一堂, 但係都好忙呢, 因為要攪好多瑣碎事, 其實我好耐之前已經教晒中七既課程了, 但係今日先知, 原來我教漏左一part, 係foxpro既report果part... 我用緊果本書原來係今年中六syllabus果本, 佢無教report的, 但原來今年中七syllabus係有的... 唉~ 即刻有d擔心啦... 仲約左佢地聽日考tas, 唯有啦啦聲改返份卷既內容唔教果d野, 到遲d integration果part有機會先考返啦... 我唸放完年假返o黎仲有兩星期先mock, 應該仲教得切卦~~
今日食完lunch, 好眼睏, 備備下課伏左o係桌上面, 但係仲有10分鐘就要點名啦... 點知, 只係短短既10分鐘, 都足以令我真係睏著左~ Zzz...
由於聽日考tas, 所以我去左computer room準備聽日既material, 搵左10多隻floopy去format, 然後再抄左10隻聽日佢地要用既database file... 再改完份卷, 去影印, 攪左好耐, 6點幾先放工返屋企呢~ 好累~
夜晚陪朋友拎智能身份證, 都影得幾好呢~ 不過就唔係好笑咁, 但係影呢d正經相又無理由嘻嘻笑的... 所以都算影得唔錯架啦~ ^_^ 拎完去red forest食飯, 幾好味呢~ 牛柳 + 羊扒, 薯菜 + 沙律, 正! 影左一大幅相! 呵呵!! 之後就返屋企lu~
由於聽日係last day, 所以今日帶晒d中五cit既report返屋企, 唸住呢個假期同佢地搏鬥~ 因為二月廿幾就要交分啦... 仲有, 中七d tas分呢~~ 都堆積左好耐呢... 睇o黎呢個假期都唔方嘆, 因為要出三大份卷, 一份係中七ca integration tas, 一份係中七ca mock, 一份係中五cit mock... 唉~~ 點算~~ HELP!!
不停傾...
今日係對卷日, 下午我先有堂對卷. 中四cit考得麻麻, 好多都係邊緣合格呢~ 不過都算係咁啦~
夜晚約左一個好好傾既大學同學食飯, 今次係我同佢第一次單獨食飯, 之前見親面都係有其他人在場的, 所以傾唔到d咩計, 今次都幾好呀~ 我地咩都傾, 傾返以前d野都好回味呢~ 原來我同佢女朋友既唸法係咁似的~ 唔知係咪一般女仔都係咁唸既呢?! 去左食觀塘既日本野, 平平地, d餸幾好食呢! 不過個麵就麻麻~ 但係由於傾得開心, 所以時間過得好快~ ^_^ 買左kinder朱古力俾佢呢~ 我記得架, 之前我遲到嘛... 不過有人都唔心足既~~ 哈!! 仲想我買多d~~ 貪心鬼~~
仲有兩日工返... 加油呀~! 聽日有一堂中四, 都唸住會教書, 教multimedia, 不過d野好簡單, 可以吹到一堂的~ 仲有, 後日要同中七既同學做tas呢... 要準備好份卷先~~
剪頭髮 + 勞氣
今日唸住早起身改卷的, 10點醒左, 猶豫緊起唔起身既時候, 收到朋友"好早好早"既電話, 有d意外呢~ 傾左一陣, 最後都係決定繼續睏, 睏到12點多, 終於都俾屋企人叫醒我去飲茶, 我原先唸住今日去剪頭髮的, 不過懶懶地, 唸住可能都唔去, 不過如果係落街飲茶既話, 就順便去剪啦~ 但係唔想去聯和墟咁遠, 更加唔想去返之前同同事去既果間深水土步的, 所以就咁選左o係茶樓對面果間, 點知就剪到我一肚氣呢~
一開始整濕個頭都無野的, 剪既時候都無野的, 因為我只係剪短3寸左右, 之後就做colour treatment, 其實我而家都有d懷疑佢同我做果隻未必係colour treatment, 可能只係普通染髮劑呢.. 我選左深啡色, 佢問我係咪要唔係好覺果隻, 我話係, 我就係想唔係好覺, 之後幫我塗colour treatment果個女人既手勢非常差, 你可以話佢好手快, 但係我就覺得佢非常求其, 仲快到係咁扯我d頭髮, 完全無理過一個顧客既感受. 都算啦, 塗完就俾佢焗我, 焗完之後就去洗頭, 洗頭個亞姐同岩岩塗colour treatment果個係同一個, 手勢差到離晒譜! 狂抓我d頭髮, 仲有, 佢抓緊我個頭既時候, 唔係望住我個頭抓的, 而係一路望住佢個friend o係度打牙交, d水又流晒落我耳仔... 仲有, 我洗咁多次頭, 都係多數塗三次野的, 但係佢只係塗左兩次, conditioner果次仲要係係咁e沖一沖就算, 我覺得佢真係洗得好差!! 之後洗完仲興, 一望個鏡, 完全係金囉... 同我指果隻色完全係兩隻o黎的... 果個人仲要o係度撐, 話係因為個人髮質唔同先會咁... 佢都傻既, 我夠知個人髮質會有影響啦, 但係都無可能由深啡變到金架!! 之後果個女人同即刻行開囉.. 因為我好興呀! 第二個人o黎到即刻話唔使咁勞氣, 大家都唔想的... 佢講呢句既時候我都好興的, 好似講到我勞氣係我唔岩咁!!! 我夠知道大家都唔想啦, 但係佢死撐先衰格呀嘛! 佢明明就係俾左第二隻色我!! 仲要話係因為我髮質唔同!! 真係豈有此理!! 之後第二個肥仔o黎話幫我補救... 我咪話佢囉, 我再染一次, 咁d頭髮咪好傷, 一連染兩次... 之後佢話唔會既, colour treatment o黎架嘛... 我先唔信囉~ 之後佢又幫我塗隻中啡色, 只係塗上去, 無焗到, 因為佢話塗左上去等一陣已經可以蓋左之前既色... 真係激死我啦!! 整完之後係好左好多, 但係條氣唔順囉... $218... 仲要受氣!!~!!!! 以後都唔會再去呢間!!!! 哼!!!!
整頭髮都整左成個下午去, 之後夜晚同屋企人去左百人一朱食飯, 麻麻地... 不過都食得幾飽... 但係都好開心呢~ 食完就即刻返屋企, 因為要改卷呢~~ 開工啦.... 聽日對卷日~ 今晚一定要改晒d卷佢... 唔俾人地話我懶呀!!! 我要努力!!!!
P.S. 今日問左媽咪覺得點, 佢話ok喎!! 但係就無講其他野, 只係話最重要係我覺得點... ^_^ 嘻嘻!! 我呢~~~~ 我覺得~~~~ 嘻嘻!!!! O..........O...........K...........K...........啦~~~~~~~~~呵呵!!!!
升中導航 + 屋企
今日升中導航, 即係北區既中學展覽, 我選左11點半果更, 所以可以遲少少起身, 不過由於禽晚比較早睏, 9點幾就醒左, 10點就起到身lu, 都算幾精神! 起左身就開電腦打日記啦, 因為禽晚無打到果件勞氣事呢.. 之後就差唔多換衫準備出門口啦~ 去到龍琛路體育館, 都ok多人啦, 不過多人左一陣, 就少人啦, 都係lunch更最好, 比較少人, 唔使講咁多野~ 記得上年做下午更, 因為上年仲要返ied, 下午更真係講到好口乾, 連飲水既時間都無~ 要叫朋友起身聽~ 聽到朋友"假裝""好精神"既聲線... 嘻嘻! 一聽就知啦~~ ^_^ 之後2點鐘走人, 就去同朋友食tea啦, 食完tea就去拎之前book左既doraety show飛, 嘻! 有叮噹睇~~
食完野行左一陣, 就返屋企啦.. 哈!! 點稱呼呢?! 呵呵!!!! 攪左一陣電腦~~ 又傾左一陣計, 就去旺角啦~ 買左兩樣朋友好想買既野~ 又食左好想食既野~ 我發覺我仲有好多野想同你一齊做呢! 焗飯, 北海道活壽司, 打邊爐, 大久保, 味千拉麵, 等等等等.....
